Morgunblaðið - 15.03.1985, Side 23

MORGUNBLAÐIÐ, FÖSTUDAGUR15. MARZ 1985
23
dóttir Hildisey og Páll Sigurjóns-
son, Galtalæk, og úr Árnessýslu
Guðmundur Lárusson Stekkum II,
Heimir Ólafsson, Læk og Sigurður
Steinþórsson, Hæli. Félagsstjórn
valdi síðan 3ja manna fram-
kvæmdastjórn úr sínum hópi og
eru í henni Bergur Pálsson,
Hólmahjáleigu, Guðmundur
Lárusson, Stekkum II, sem er
oddviti framkvæmdastjórnar og
Sigurður Steinþórsson, Hæli.
I umræðu um önnur mál tók
meðal annarra Guðmundur Stef-
ánsson, búnaðarhagfræðingur,
starfsmaður Stéttasambandsins
til máls. Lýsti hann ánægju sinni
með fundinn og það að hafa verið
boðið á hann og sagði meðal ann-
ars: „Stéttasambandið hlýtur að
fagna stofnun svona félagsskapar.
Það sem kann að vera gagnrýnis-
vert í starfsemi Stéttasambands-
ins ber að gagnrýna, svo það geti
komið fram hvort gagnrýnin er á
rökum reist eða ekki. Stétta-
sambandið er til fyrir bændurna,
en ekki bændurnir fyrir það og
fagnaði Stéttasambandið ekki
stofnun þessa félagsskapar, er
hætt við að eitthvað mikið væri
að.“
Fjármagn
óhóflega dýrt
Guðmundur sagði slæm kjör
ekki bundin við bændur eingöngu.
Óhóflega dýrt fjármagn væri að
sliga alla í þjóðfélaginu. Hins veg-
ar hefðu kjör bænda farið versn-
andi, öll gögn bentu til þess, skuld-
ir ykjust og auk þess færi skiln-
ingur á kjörum og mikilvægi bú-
skapar og bændastéttarinnar
þverrandi. Hann sagði ekki raun-
hæft að markaðurinn gæti staðið
undir því að greiða sífellt stærri
hluta þess verðs sem bændur
þyrftu fyrir afurðir sínar til að
hafa sæmileg lífskjör. Verðið yrði
of hátt og fólk myndi snúa sér að
öðrum vörum. Hins vegar dygði
verðið sem núna fengist fyrir
landbúnaðarafurðir ekki til
mannsæmandi afkomu, þarna yrði
ríkið að koma til. „Ég fagna því að
bændur skuli nú hafa risið upp til
að þrýsta á um það sem betur má
gera. Það er einungis hægt að
hjálpa þeim sem hjálpa sér sjálf-
ir,“ sagði Guðmundur.
Sigurjón Pálsson, Galtalæk,
sagði landbúnaðarmálin komin í
þrot. Hann sagði það sjálfsagöa
kröfu að allir sem nálægt mjólk-
urframleiðslu kæmu fengju allt
sitt greitt mánaðarlega og að í
baráttu fyrir hagsmunamálum
bænda dygðu engin vettlingatök.
Það væri smán að bændur einir
fengju ekki kaup sitt greitt yfir
sumartímann meðan sumir aðrir
fengju sitt greitt tvöfalt. Hann
sagði að það þyrfti að breyta
mjólkurbúunum, Stéttasambandið
hefði ekki staðið í stykkinu og
fengið það fram sem þeir vildu.
Það hefði síöan fengið bændur til
að sætta sig við ómyndina. Sagði
Sigurjón að bændur yrðu þó að
standa um skipulag samtaka
sinna af fullri festu annað væri
glapræði.
Áburðurinn ódýrari
innfluttur?
Ásmundur Sigmundsson, sagði
það furðulegt að núverandi stjórn-
arflokkar, sem venjulega hefðu
talið sig eiga bændur, hefðu ekk-
ert gert fyrir bændur og hefðu
kjör bænda versnað.
Halldór Óttarsson mótmælti
kjarnfóðurskattinum og háu
áburðarverði og taldi vel athug-
andi fyrir bændastéttina að at-
huga með innflutning á áburði,
hann kynni að vera ódýrari inn-
fluttur.
Erlingur Óskarsson, taldi ekki
gert nóg í því að auglýsa mjólk og
kynna hollustu hennar, óheyri-
legum fjármunum væri varið til
að auglýsa aðrar drykkjarvörur og
sagðist viss um að það mætti auka
sölu mjólkur talsvert með því að
kynna hana og auglýsa.
Páll Axel Halldórsson kvað
tengsl bænda við löggjafarvaldið
hafa veikt samtök bænda sem
hagsmunagæslufélög. Kvað hann
fólgið í kvótakerfinu hróplegt
óréttlæti, þar sem bændum væri
mismunað og væri það ekki til
þess fallið að sameina bændur,
heldur sundra þeim.
Margir fleiri tóku til máls og
varð ekki umræðum lokið fyrr en
á þriðja tímanum.
Þrjár lillögur samþykkti fund-
urinn, um tölvuvæðingu bókhalds
bænda fyrir áramót, fóðurbæt-
isskattur verði endurgreiddur á
óþurrkasvæðunum og áskorun á
lánastofnanir að gera afurðasöl-
unum fært að flýta útborgun af-
urðana til bænda.
Við kynnum
ÍSLENSKU
KARTÖFL
í Grænmetismarkaðinum,
homi Síðumúla ogFellsmúla,
föstudaginn 15. mars.
Við bjóðum mikið úrval af alls kyns grænmeti og
ávöxtum, en íslenska kartaflan verður í aðalhlutverkinu.
Við veitum upplýsingar um matreiðslu og geymslu,
kynnum óvenjulegan 14 daga „kartöflu“ megrunarkúr
og bjóðum girnilega smakkrétti o.fl. o.fl.
kynnum óvenjulegan
14 daga „kartöBu“ megrunarkúr
Grœnmetisverslun
llandbúnaðarinsl
Síðumúla 34 - Sfmi 81600
f