Morgunblaðið - 03.04.1985, Blaðsíða 2
2
MORGUNBLAÐIÐ, MIÐVIKUDAGUR 3. APRÍL 1985
Metannir í innanlandsflugi Flugleiða:
Aukningin nam 23
prósentum fyrstu
þrjá mánuði ársins
— fluttir voru 51.100 farþegar
FYRSTU þrír mánuðir ársins í innanlandsflugi Flugleiða urðu metmánuðir,
því aldrei hafa fleiri farþegar verið fluttir frá upphafi en einmitt nú. Sam-
kvaemt upplýsingum Sigfúsar Erlingssonar, framkvæmdastjóra Markaðs-
sviðs Flugleiða, fluttu Flugleiðir 51.100 farþega innanlands á þessum mánuð-
um, og er hér um 23% aukningu að ræða frá fyrra ári.
Sigfús sagði f samtali við blm.
Mbl. í gær að árið 1978 hefðu
Flugleiðir flutt í innanlandsflug-
inu 49.368 farþega fyrstu þrjá
mánuðina, en það ár hefði þannig
hagað til að páskaumferðin hefði
öll lent í mars, en í ár lenti aðeins
hluti annarrar leiðar i páskaum-
ferð í mars. „Við teljum því að hér
sé um mjög góðan árangur að
ræða,“ sagði Sigfús.
Aðspurður um hverju hann
þakkaði þessa aukningu sagði Sig-
fús: „í fyrsta lagi hefur verið góð
tíð þessa mánuði, og þess vegna
hefur tekist að halda góðri áætl-
un. í öðru lagi höfum við innleitt
ný fargjöld, sem eru bæði
„Hoppgjaldið" sem við innleiddum
í fyrra og Apex-fargjaldið innan-
lands, en þar er veittur 35% af-
sláttur, sé miðinn keyptur með
vissum fyrirvara. í þriðja lagi höf-
um við verið með markvissari
sölu- og markaðsstarfsemi í
tengslum við viku- og helgarpakk-
ana hjá okkur.“
Sigfús sagðist telja að aukning-
in hefði orðið enn meiri, t.d. til
Akureyrar, ef nægt framboð á
hótelrými væri þar til staðar.
Þrátt fyrir þessa aukningu á
innanlandsfluginu sagðist Sigfús
ekki telja að hagnaður yrði af
þeim rekstrarþætti hjá Flugleið-
um, a.m.k. ekki á þessum árstíma.
Öðru máli gegndi um innanlands-
flugið yfir sumartímann, því þá
væri nýting vélanna talsvert betri.
Á þeim árstíma yrði að koma viss
hagnaður.
Starfsmaöur í Kollafjaröarstöðinni meö seiöi sem grunur leikur i aö séu sýkt af nýrnaveiki.
MorgunblaðiA/RAX
Fisksjúkdómanefnd vill
niðurskurð í Kollafirði
FISKSJÚKDÓMANEFND hefur gert tillögur um niöurskurð allra laxaseiöa
í Laxeldisstöð ríkisins í Kollafirði og sótthreinsun stöðvarinnar, vegna nýrna-
veiki sem þar kom upp í vetur. Tillögur nefndarinnar eru nú til athugunar hjá
Jóni Helgasyni, landbúnaöarráðherra, en hann hefur úrskuröarvald um til
hvaöa aðgerða veröur gripiö.
Nýrnaveiki hefur tvisvar áður
komið upp hér á landi og var
niðurskurði beitt i báðum tilvik-
um. Samkvæmt heimildum Mbl.
mun nú koma til greina að fara
aðrar leiðir en algeran niðurskurð,
þrátt fyrir tillögur fisksjúkdóma-
nefndarinnar, þ.e. að sleppa seið-
unum úr stöðinni í hafbeit og
sótthreinsa síðan stöðina. Jón
Helgason, landbúnaðarráðherra,
sagði aðspurður hvort til greina
kæmi að reyna aðrar leiðir en
nefndin leggur til, að hann ætlaði
að ræða þetta mál við þá aðila sem
málið snerti. Þessi ákvörðun varð-
aði til dæmis alla þá sem stunda
fiskeldi í landinu. Bjóst hann við
að taka ákvörðun i málinu sem
fyrst eftir páska.
Árni ísaksson, framkvæmda-
stjóri Kollafjarðarstöðvarinnar,
sagði þegar hann var spurður að
því hvað stjórnendur stöðvarinnar
teldu rétt að gera: „Okkur finnst
ýmislegt koma til greina í þessari
stöðu. Fyrir aðila sem stunda fisk-
eldi eða eru að huga að því, skiptir
það miklu máli hvenær söðlað
verður yfir f aðrar aðferðir en
niðurskurð til að losna við fisk-
sjúkdóma, en það er auðvitað
ákvörðun landbúnaðarráðuneytis-
ins hvort í þessu tilviki verður tek-
ið mið af því sem gert hefur verið
áður, eða hvort farnar verða nýjar
leiðir.
Við teljum að nokkuð megi af
því læra að reyna aðrar leiðir. Ef
allt verður skorið niður vitum við
til dæmis ekki hvernig þessi
sjúkdómur hegðar sér og hvernig
heimtur verða á fiskinum úr haf-
beit. Ég vil þó taka það fram að
við erum sammála þeirri megin-
stefnu fisksjúkdómanefndar að
hreinsa stöðina út, og það munum
við gera þó seiðunum verði ef til
vill sleppt í sjóinn. Þá er ljóst að
varúðarráðstafanir við hrogna-
töku verða stórauknar eftir þessi
sjúkdómstilfelli til að hindra það
að veikin komist aftur inn í stöðv-
arnar," sagði Árni einnig.
ÚTSÝNARBLAÐ, 24 síöur, fylgir
Morgunblaðinu í dag.
BHM-menn á almennum markaði
hafa 14,1 % hærri laun en hjá ríkinu
— styður túlkun ráðuneytisins á könnun Hagstofunnar, segir formaður samninganefndar ríkisins
Þjóöhagsstofnun gerði könnun á
launakjörum háskólamenntaðra
starfsmanna hjá ríkinu og á almenn-
um markaði og kom í Ijós að heild-
arlaunagreiðslur eru 14,1 % hærri á
almcnnum markaði en hjá ríkinu.
Könnunina gerði Þjóðhags-
stofnun að beiðni samanburðar-
nefndar BHM og rikisins og var
miðað við skattagögn fyrir árið
1983. Samkvæmt niðurstöðum
könnunarinnar eru heildarlaun
háskólamenntaðra manna á al-
mennum markaði sem fyrr sagði
14,1 % hærri en opinberra
starfsmanna, en ef allar greiðslur
eru teknar með, s.s. bifreiðakostn-
aður, er munurinn 14,7%.
Ef aðeins er litið til karla eru
þeir með 8,2% hærri laun á al-
mennum markaði, en 7,5% ef allar
greiðslur eru teknar með. Konur
hafa 11,2% hærri laun á almenn-
um markaði, en 11,3% ef allar
greiðslur reiknast með. Konur eru
mun fjölmennari innan opinberra
starfsmanna en á almennum
markaði og breikka þvi bilið milli
hópanna þegar bæði kynin eru tal-
in.
Að sögn Indriða H. Þorláksson-
ar, formanns samninganefndar
ríkisins, styður þessi niðurstaða
túlkun fjármálaráðuneytisins á
launakönnun, sem unnin var af
Hagstofu íslands. Hann sagði
Ég vil þakka áhöfninni
þennan glæsilega árangur
— segir Ólafur Örn Jónsson, skipstjóri á Viðey
„ÞETTA gífurlega verö kom okkur gjörsamlega á óvart Þetta er svo
ótrúlegt, gamla metiö var 726.000 mörk og met hafa aldrei til þessa verið
slegin meö þessum hætti. Maöur haföi kannski hugsað sér aö ná 1,20
mörkura á pundið, en engan veginn 1,60 eins og raunin varö. Þetta er
óvenju hátt meðalverð fyrir svona stóran farm. Eg vil þakka áhöfninni
þennan glæsilega árangur, hann er hennar verk,“ sagði Ólafur Örn
Jónsson, skipstjóri á Viðey RE 6, í samtali viö Morgunblaöiö.
Viðey seldi afla sinn, 338,5
lestir, í Bremerhaven í gær og
fyrradag og fékk rúmlega eina
milljón marka fyrir hann. Þetta
mun vera hæsta heildarverð,
sem nokkurt fiskiskip hefur
fengið fyrir ferskan fisk á helztu
fiskmörkuðum.
Það tók Viðeyna 12 daga að ná
þessum afla og ólafur örn sagði,
að þar sem hann væri með úr-
valsáhöfn á skipinu hefði gengið
svo vel að ganga frá aflanum, að
aðeins 250 kíló hefðu ekki farið í
fyrsta flokk. „Árangurinn þakka
ég helzt, hversu vel var staðið að
þessari sölu og hún ákveðin með
löngum fyrirvara. Mennirnir
undirbjuggu hana vel í túrnum á
undan, skiptu um mikið af net-
um og splæstu víra upp og gengu
þannig frá öllu, að engar tafir
frá veiðum urðu í túrnum. Þetta
er eitt þessara dæma, þegar allt
Ólafur örn Jónsson, skipstjóri á
Viðey.
gengur upp,“ sagði hann.
Ólafur Örn hefur verið skip-
stjóri síðastliðin 6 ár, fyrst með
Snorra Sturluson og síðan Við-
eyna síðustu 14 mánuði. Hann
hefur á þessum tíma mikið til
verið með sömu skipshöfnina og
alltaf siglt nokkra túra árlega
með fisk á Þýzkalandsmarkað-
inn. Það má því segja að hann sé
hagvanur á þessum slóðum.
Hann sagði, að árangurinn væri
þvf að þakka samhentri og góðri
áhöfn og hann vildi gjarnan
biðja fyrir kveðjur til strákanna,
sem hefðu að þessu sinni tekið
siglingarfri. Þeir ættu eins og
aðrir úr áhöfninni sinn þátt í
þessu, þó þeir hefðu ekki komið
með út.
Sjá nánar um sölumet Viö-
eyjar á bls. 4.
svipaðar niðurstöður hafa komið
út úr könnun á lífeyrissjóðs-
greiðslum, þar væri munurinn
hinn sami og á launagreiðslum.
Þórshöfn:
Slasaðist
í bílveltu
Kaurarhorn. 2. nyrfl.
JEPPABIFREIÐ valt í svokölluöum
Sköröum á milli Leirhafnar og Kópa-
skers í gærdag. Þrennt var í bflnum,
tveir karlar og kona, öll frá Þórs-
höfn. Annar slasaöist töluvert og
lagöi þá hinn af staö til næsta bæjar,
sem er Leirhöfn, þar sem hann gat
látiö vita af slysinu.
Læknir var staddur á Raufar-
höfn og lagði strax af stað þegar
beiðnin kom. Taldi hann manninn
það mikið slasaðan að hann þyrfti
að komast f sjúkrahús. Var hann
sendur með flugvél til Akureyrar
en meiðsli hans reyndust minni en
fyrst var áætlað.
Bíllinn er talinn gjörónýtur.
- Helgi
Laust prestakall
ÁSAPRESTAKALL í Skaptár-
tungum hefur verið auglýst laust
til umsóknar og er umsóknarfrest-
ur til 20. apríl nk.
Sr. Sigurður Árni Þórðarson
hefur þjónað prestakallinu en hef-
ur nú sagt því lausu og sótt um
Staðarfellsprestakall í Þingeyj-
arprófastsdæmi.