Morgunblaðið - 24.04.1985, Page 1

64 SIÐUR
STOFNAÐ 1913
92. tbl. 72. árg.
MIÐVIKUDAGUR 24. APRÍL 1985
Prentsmiðja Morgunblaðsins
NATO ekki
með gagntilboð
Braasel, 23. aprfl. AP.
NATO hafnaAi formlega tilboði Sovétríkjanna frá 7. apríl um frestun upp-
setningar meðaldrægra kjarnaflauga f Evrópu, að sögn Richard Burt
aðstoðarutanríkisráðherra Bandaríkjanna í málefnum Evrópu.
Burt sagði að á reglulegum fundi
þeirrar nefndar Atlantshafsbanda-
lagsins sem fjallar sérstaklega um
afvopnunarviðræður Bandaríkja-
manna og Sovétmanna hefði verið
samstaða um að hafna boði Sovét-
manna sem áróðursbragði. Atl-
antshafsbandalagið hefði ekki
áhuga á að standa í áróðursstríði
við Sovétríkin.
Embættismenn NATO segja að
ef vestræn ríki féllust á tilboð
Rússa þá stæðu Rússar uppi með
átta sinnum fleiri sprengjuodda og
það yrði þeim ekkert kappsmál að
semja um fækkun kjarnavopna.
Tilboðið mundi ekki hindra Rússa í
því að setja upp flaugar, sem beint
yrði gegn Asíuríkjum.
Átök blossa
í Afganístan
Delhf. 23. aprfl. AP.
Frelsissveitirnar í Afganistan
gerðu árás á herflutningalestir og
varðstöðvar sovézka innrásarliðsins í
norðurhluta Afganistans undir lok
síðustu viku. Kom til harðra og
mannskæðra átaka, að sögn vest-
rænna sendifulltrúa.
Bardagarnir áttu sér stað í kjöl-
far aðgerða sovézka innrásarliðsins
og stjórnarhersins í borginni
Pagman, sem er á Shomali-svæð-
inu. f aðgerðunum felldi sovézka
innrásarliðið a.m.k. 70 óbreytta
borgara.
f árásunum í síðustu viku skutu
frelsissveitirnar 20 flugskeytum á
flugstöð. Flugvél var grandað og
níu hermenn felldir. Réðust frels-
issveitirnar einnig á herstöð nærri
Barandai og felldu 30 hermenn.
Misstu sveitirnar tvo menn í þeim
bardaga.
Sendifulltrúarnir höfðu spurnir
af árásum á herflutningalestir
nærri Charikar. f einni árásinni
voru 10 hermenn felldir og tveir
vörubílar eyðilagðir. Bílalestin
flutti matvæli til innrásarliðs Sov-
étmanna. Einnig skutu frelsissveit-
irnar niður tvær sovézkar þyrlur 1
árás á aðra flutningalest.
Sendifulltrúarnir skýrðu frá
mjög hörðum loftárásum í
Panjsher-dalnum og er talið að
þær séu undanfari frekari atlögu
þar, á landi og úr lofti.
Hlé á Genfarviðrœðunum
AP/8Ímamynd
Hlé var gert á Genfarviðræðunum um geimvopn og kjarnorkuvopn í gær. Sagði Max Kampelman,
aðalfulltrúi Bandaríkjanna í þessum viðræðum, að þær hefðu verið erfiðar en gagnlegar. Myndin sýnir þá
Victor Karpov (til vinstri á myndinni), aðalfulltrúa Sovétríkjanna í viðræðunum og Max Kampelman (til
hægri á myndinni) kveðjast með handabandi í lok viðræðnanna ígær. Ákveðið hefur verið að taka þessar
viðræður upp að nýju 30. maí nk. Ekki var skýrt efnislega frá gangi viðræðnanna til þessa og var það í
samræmi við samkomulag, sem samningsaðilarnir höfðu áður gert um það atriði.
Miöstjórnarfundur Kommúnistaflokks Sovétríkjanna:
Menn Gorbachevs tekn-
ir inn í stjórnmálaráðið
Flokksþing boðað snemma á næsta ári
Moflkvu, 23. aprfl. AP.
Miðstjórnarfundi Kommúnista-
flokks Sovétríkjanna lauk í dag með
því að fjölgað var í stjórnmálaráði
flokksins (Politburo) og boðað var
til ftokksþings í lok febrúar á næsta
ári. Mikhail S. Gorbachev aðalritari
hélt ræðu á fundinum og réðst
harkalega að Bandaríkjamönnum
Frú Bonner biður
um endurskoðun
Moskvu, 23. aprfl. AP.
YELENA BONNER, sem var dæmd í fimm ára útlegð f fyrrasumar fyrir
að rægja sovézka rfkið, hefur sent forsætisnefnd /Eðsta ráðsins bréf og
farið þess á leit að dómurinn verði endurskoðaður.
Frú Bonner og eiginmaður
og
hennar, Andrei Sakharov, hafa
verið í útlegð í Gorky, sem út-
lendingar fá sjaldan að heim-
sækja. Frú Bonner hefur verið
þar síðan 12. apríl í fyrra, þegar
hún fór frá Moskvu eftir fund
með þremur bandarískum
stjórnarerindrekum.
Seinna var sagt að hún hefði
afhent þeim tvö bréf. Annað
bréfið var frá Sakharov til
Konstantíns Chernenko þáver-
andi forseta með beiðni um að
kona hans fengi að fara úr landi
að leita sér lækninga. Hitt bréfið
var frá henni til sendiherra
Bandaríkjanna með beiðni um
hæli í sendiráðinu meðan Sakh-
arov væri í hungurverkfalli til
að leggja áherzlu á kröfu sína.
Engin opinber tilkynning hef-
ur verið birt um mál frú Bonner,
en heimildarmenn, sem hafa far-
ið til Gorky og rætt við hjónin,
segja að hún hafi verið yfirheyrð
í ágúst.
Sakharov var sendur í útlegð
til Gorky án þess að hann væri
leiddur fyrir rétt í janúar 1980,
þegar hann hafði fordæmt inn-
rás Rússa í Afganistan.
fyrir afstöðu þeirra f Genfarviðræð-
unum og takmörkun vígbúnaðar.
Ákveðið var að á flokksþinginu
verði gengið frá nýrri áætlun um
langtímamarkmið Sovétríkjanna,
sem leysi af hólmi plagg frá 1961,
þar sem Nikita Khrushchevs þá-
verandi flokksleiðtogi lofaði að
„greftra" kapitalismann.
í ræðu sinni fjallaði Gorbachev
mjög um samskipti stórveldanna
og sagði að þeim yrði að koma
í betra horf. Minntist hann ekki
einu orði á leiðtogafund með Ron-
ald Reagan Bandarikjaforseta.
Hann sagði að eftir fyrstu lotu
Genfarviðræðnanna mætti álykta
sem svo að Bandaríkjamenn sækt-
ust ekki eftir samkomulagi við
Sovétmenn.
Fjölgað var um þrjú sæti í
stjórnmálaráði flokksins á mið-
stjórnarfundinum. Yfirmaður
KGB, Viktor Chebrikov, hlaut þar
sæti, en var áður varafulltrúi án
atkvæðisréttar. í hin aðalsætin
voru teknir Nikolai Ryzhkov, 55
ára tæknikrati, og Yegor Ligach-
ev, sem er 64 ára og formaður
skipulagsmáladeildar flokksins.
Ryzhkov og Ligachev voru ekki í
hópi þeirra, sem verið hafa heiztu
kandidatar í aðalsæti, en talið er
að þeir séu dyggir stuðningsmenn
Gorbachevs. Er þetta í fyrsta sinn
frá 1973, er Andrei Gromyko hlaut
aðalsæti í ráðinu, sem teknir eru í
aðalsæti menn utan ráðsins. Auk
þess var Sergei Sokolov, sem tók
við starfi varnarmálaráðherra við
fráfall Dmitri Ustinov í desember,
gerður að varafulltrúa í stjórn-
málaráðinu.
Þá var tilkynnt að Viktor Nik-
onov, sem settur var landbúnað-
arráðherra rússneska lýðveldisins
í janúar 1983 skömmu eftir að
Yuri Andropov varð flokksleið-
togi, hefði verið gerður að ritara
miðstjórnarinnar. Talið er að
hann taki við yfirumsjón landbún-
aðarmála.
Demókratar
falla frá
málamiðlun
Washington, 23. aprfl. AP.
DEMÓKRATAR á Bandaríkjaþingi
hættu tilraunum til aó ná málamiðl-
un um aðstoð við frelsissveitirnarnar
í Nicaragua. Stefnir því í atkvæða-
greiðslu um heimild til Reagans for-
seta um 14 milljóna dollara aðstoð
við sveitirnar.
Umræður hófust í báðum deild-
um þingsins í dag um aðstoð við
frelsissveitimar. Þingmenn
repúblikana lýstu yfir að þeir
myndu standa sameinaðir með
forsetanum. Ágreiningur hefur
verið í báðum flokkum um heim-
ildina. Talið er nær öruggt að til-
laga Reagans verði felld í fulltrúa-
deildinni en hljóti stuðning í öld-
ungadeildinni.