Morgunblaðið - 14.06.1985, Side 5

MORGUNBLAÐIP, FÖSTUDAGUB14. JÚNl 1986
5
F-vísitala
mælir 25 %
verðbólgu
Kaupgjaldsnefnd hefur reiknað
vísitölu framfærslukostnaðar mið-
að við verðlag í júníbyrjun 1985.
Reyndist hún vera 137,36 stig
(febrúar 1984 = 100), eða 1,85%
hærri en í maíbyrjun 1985, segir í
frétt frá Hagstofunni.
Af þessari hækkun vísitölunn-
ar stafa 0,7% af hækkun mat-
vöruverðs (þar af 0,5% vegna
hækkunar á verði landbúnaðar-
afurða), 0,2% vegna hækkunar á
verði tóbaks og áfengis og 0,95%
vegna hækkunar ýmissa annarra
vöru- og þjónustuliða.
Hækkun vísitölunnar um
1,85% frá maí til júní svarar til
um 24,6% árshækkunar. Hækk-
unin undangengna þrjá mánuði
er 5,73% og svarar til 25,0% árs-
hækkunar, en hækkunin undan-
farna tólf mánuði er 29,8%.
Verst að þurfa að
standa aðgerða-
laus og horfa á
skipið brenna
— segir Jón Jónsson, skipstjóri á Sjóla
„Það var verst að þurfa að standa aðgerðariaus, horfa á skipið brenna og
hafa ekkert í höndunum til að ráðast gegn eldinum,“ sagði Jón Jónsson,
skipstjóri á Sjóla HF 18, er Morgunblaðið náði tali af honum eftir heimkonuna
suður í gærdag. Jón hefur verið 1. stýrimaður á skipinu eftir breytingu, sem
nýlega var gerð á togaranum, en hann var skipstjóri í þessari ferð í afleysing-
um.
Morgunblaðið/ RAX
Pétur Pétursson og Ævar Oddur Ævarsson neðan þilja í Sjóla. Stálplötur
skipsins hafa bognað við hitann.
„Við vtssum í fyrstu ekkert um
hvar eldurinn var, en þetta gerðist
allt mjög skyndilega. Við fundum
einhverja brunalykt og héldum í
fyrstu að mótor hefði brunnið yfir.
En þegar við urðum eldsins varir
gripum við til slökkvitækjanna sem
dugðu skammt. Eftir það var ekki
um annað að ræða en að koma
mönnunum út og telja. Eftir að
slökkvitækin voru búin höfðum við
ekkert í höndunum til að ráðast
gegn eldinum, þar sem dælurnar
eru í vélarrúminu þar sem eldurinn
var. Við lokuðum því öllu, fórum út
og reyndum að byrgja fyrir til að
kæfa eldinn og biðum svo eftir
hjálp,“ sagði Jón.
Jón sagði að Esjan hefði komið
að skömmu eftir hádegi og hefðu
þá flestir skipverja farið um borð í
strandferðaskipið, en hann og vél-
stjórarnir urðu eftir og biðu
varðskipsins Ægis, sem var á leið á
slysstað. Fyrsti stýrimaður, Jó-
hann Elíasson, hafði þá fengið
snert af reykeitrun og var fluttur
um borð í Esjuna. Hann hefur nú
náð sér að mestu Ieyti.
„Við vorum of lengi í brúnni og
sjálfur var ég farinn að finna fyrir
vanlíðan þegar við fluttum okkur
aftur á,“ sagði Jón. „Ægir kom svo
að um tvö leytið og þá komu strák-
ar þaðan með slökkvitæki og við
reyndum að ráðast gegn eldinum.
Mér fannst ekki rétt að setja al-
gjörlega óvana menn, eins og
stráka af togara, í það að fara að
slökkva eld og þess vegna voru þeir
látnir fara um borð í Esjuna.
Varðskipsmennirnir gengu hins
vegar í slökkvistarfið og við yfir-
mennirnir sem eftir vorum hjálp-
uðum þeim, en þetta var erfitt við-
ureignar. Þegar við komum inn til
Patreksfjarðar vorum við búnir að
slökkva í yfirbyggingu og á göng-
unum, en þegar við komum inn á
ytri höfnina gaus upp eldur á ný.
Raunar höfðum við heyrt spreng-
ingar af og til allan tímann úti á
sjó og þetta var heldur óskemmti-
leg tilfinning. Ég vil nota tækifær-
ið og koma á framfæri þakklæti til
allra þeirra sem aðstoðuðu okkur í
þessu, bæði varðskipsmanna og
ekki síst skipverja á Esjunni,"
sagði Jón Jónsson, skipstjóri á
Sjóla.
Morgunblaóið/ RAX
Gylfi Geirason, loftskeyUmaður, Friðgeir Olgeirsson, skipherra, og Karl Guðmundsson, stýrimaður, um borð í
varðskipinu Ægi. Að baki er Sjóli, stórt gat ó brúnni og mastrið fallið niður.
Beðizt
afsökunar
MORGUNBLAÐIÐ birti í
fyrradag mynd af hörðum
árekstri milli tveggja fólksbíla,
sem varð í Ártúnsbrekku á
þriðjudag. Mynd af sama slys-
stað var birt á ný í dagbók
Morgunblaðsins í gær. Birting
þeirrar myndar var tilefnis-
laus og hefur valdið sársauka
hjá þeim sem hlut eiga að máli.
Morgunblaðið biðst afsökunar
á þessum mistökum.
Feróaskrifstofan
ÚTSÝN

4
^nn"öeíús W l^gSXSr?£>,~
Ovb\»FeneV\a>
V«>» »»-tí
Í5.0W
Austurstræti 17,
símat 26611 — 23510 1
mmm^mmmmmmmrnm,