Morgunblaðið - 14.06.1985, Blaðsíða 12

12
MORGUNBLAÐIÐ, FÖSTUDAGUR14 JtJNÍ 1986
Bjartsýnn á að heimamenn
tryggi sér hlutabréfin
Viðtal við Kristján Þór Kristjánsson verk-
smiðjustjóra Þörungaverksmiðjunnar
ALLT ER hér í góðum gangi í verk-
smiðjunni, sjö prammar eru úti í efn-
isöflun þótt við séum á þessari
stundu í samkeppni um vinnuaflið við
grásleppuna, þar sem grásleppu-
hrognin eru nú í háu verði og karlarn-
ir vita að grásleppan er hér núna, en
þangið mun halda áfram að bíða á
sínum stað. — Eitthvað á þessa leið
fórust orð Kristjáni Þór Kristjánssyni
verksmiöjustjóra í Þörungaverk-
smiöjunni á Reykhólum er fréttamað-
ur kom þar við í fyrri viku. En verk-
smiðjan og framtíð hennar er nú
mjög í fréttunum vegna heimildar-
laga á þingi til að selja hlutbréf í
henni. En verksmiðjustjórinn kvaöst
telja það mikilvægt fyrir byggðarlagið
í framtíðinni að það tækifæri yrði nýtt
af heimamönnum. Kvaðst í rauninni
bjartsýnn á framtíð verksmiðjunnar.
— Við höfum verið að brölta í að
þróa þetta í 11 ár og það þarf að
gera ákveðnar breytingar, leggja
áherslu á sölustarfsemina, hóf
hann útskýringu sína. — Nú erum
við búnir að ná tökum á þessum
þremur aðalþáttum, í fyrsta lagi
öfluninni, öðru lagi heita vatninu
og í þriðja lagi vinnslunni og þetta
allt orðið í lagi. Öflunin gengur
ágætlega, við lánum prammana og
karlarnir afla svo á eigin spýtur.
Þótt margir öflugustu sláttumenn-
Kristján Þór Kristjánsson
irnir séu í grásleppunni er hægt að
slá þangið fram á haust og ekki
ástæða til að hafa áhyggjur af því.
Vinnslan hefur verið að þróast
smám saman og komin í gott lag,
en framan af var þar ýmiskonar
basl. Nú er útlit fyrir að við getum
selt meira en við áætlum að fram-
leiða í ár. En við erum að gera
breytingar. Ætlum að framleiða
heldur minna, spara með því að
láta vinna á tveimur vöktum í stað
þriggja og þurrka 12 þúsund tonn
af blautu þangi. Hyggjumst selja
minna magn en ná verðinu upp.
Núna er framleiðslan 2000 tonn á
ári í 25 kg pokum og 1000 tonn laus
í skip. Unnið er allan ársins hring
með 26—30 mönnum.
En hvernig hyggjast þeir ná upp
verðinu? Kristján Þór útskýrir
málið: — Þótt allt gangi vel og selj-
ist þá komum við enn út með 20
milljón kr. tap. Við ætlum að ná
verðinu upp með því að vinna þang-
ið betur og komast nær neytandan-
um. Hingað til höfum við verið að
selja mjölið í pokum, sem margir
af okkar kaupendum skipta svo upp
í minni pakkningar. Stærsti neyt-
andi okkar er á alginate og það
mun ekkert breytast. Það er of
stórt fyrir okkur. En alginex, þ.e.
þangseiði, er til dæmis notað til að
úða á plöntur. Og yfirleitt er
þangmjöl notað til áburðar. Þeim
markaði viljum við ná. Við höfum
verið með tilraunaframleiðslu á því
í samvinnu við Hydrol í Reykjavík.
En þetta þarf tíma. Við erum farn-
ir að auglýsa þetta bæði innan-
lands og utan með bæklingum sem
við höfum sent á ýmsa staði. Við
höfum látið gera slíka kynningar-
bæklinga og ef við fáum viðbrögð,
munum við halda áfram að rækta
þetta. Þá er þetta mikið notað sem
snefilefnagjafi fyrir hross. Erlend-
is setja menn þetta sjálfir í fötur,
en þann þátt þurfum við að fá í
okkar hlut. Við vitum að okkar efni
er gott og finnum að þetta fær
hljómgrunn.
Hvaða horfur eru svo á því að
heimamenn kaupi nægilega mikið
af hlutabréfum í verksmiðjunni? —
Á stofnfundinum fengum við loforð
fyrir 5,6 milljónum, en þurfum
eitthvað nálægt 11,5 milljónir. En
þá er þess að gæta að við eigum
eftir að fara um sveitirnar hér í
kring og kynna málið. Ég lít svo á
og segi heimamönnum það að hér
og nú sé tækifærið til að halda
starfseminni heima og hafa áhrif á
hana. Ef menn nýta ékki það tæki-
færi koma bara aðrir aðilar inn í og
þá er hætt við að stutt sé í að þessi
starfsemi sem við vorum að tala
um fari annað, en hér verði frum-
framleiðslunni einni haldið áfram.
Kristján Þór Kristjánsson sagði
að margir starfsmenn verksmiðj-
unnar væru búnir að búa vel um sig
á Reykhólum.
Útboð á hluta
Þingvallavegar:
Lægsta tilboðið
innan við 40%af
kostnaðaráætlun
LÆGSTA tilboð í undirbyggingu, burð-
arlag og byggingu tveggja brúa á Þing-
vallavegi (Móakotsá og Stóralands-
tjörn) í nýlegu útboði vegagerðarinnar
var innan við 40% af kostnaðaráætlun.
Tilboðið var frá Vélgröfunni á Selfossi,
7.579 þús. kr., sem er 39,9% af kostn-
aðaráætlun en hún var 19 milljónir. 8
aðrir verktakar buðu í verkið og voru
þeir allir nema einn undir kostnaðar-
áætlun.
Tilboð í tveimur öðrum útboðum
vegagerðarinnar voru opnuð í þess-
ari viku og voru lægstu tilboð rúm
60% í báðum verkunum. Sjö tilboð
bárust í lagningu Norðurlandsvegar
frá Valadalsá að Arnarstapa og voru
öll undir kostnaðaráætlun. Lægst
var tilboð Fannars Viggóssonar og
Finns Sigurbjörnssonar, 3.840 þús-
und sem er 61,3% af kostnaðaráætl-
un vegagerðarinnar en hún var 6.261
þúsund kr.
Ræktunarsamband A-Barð. átti
lægsta tilboðið í gerð undirbygg-
ingar í Þorskafirði. Verkið var boðið
út með fleiri en einum tilboðsmögu-
leika og var tilboð ræktunarsam-
bandsins í þá tvo áfanga, sem um
var að ræða, 2.780 þúsund kr. og er
það61,9% af kostnaðaráætlun Vega-
gerðar ríkisins.
Frá Norðurá, einn kominn á land á Eyrinni og rennt fyrir annan.
/S
Ganga kom í Þverá
Veiðimenn við Þverá í Borg-
arfirði urðu þess varir í fyrra-
kvöld, að allmikil ganga af laxi
var komin í Kirkjustreng og
höfðu menn nokkru áður orðið
varir við stóra göngu í ármótum
Þverár og Hvitár, en laxinn
stoppaði ekki þar heldur gekk
rakleiðis fram í Þverá. Veiði-
menn náðu 3 löxum í strengnum
á síðasta klukkutímanum, en
samt var laxinn bæði styggur og
tregur að taka, en skilyrðin hafa
verið afleit síðustu daga, glamp-
andi sól og hvassviðri, kalt á
nóttum og lítið vatn í ánni.
Upplýsingar þessar fékk
Morgunblaðið hjá Halldóri
Vilhjálmssyni í veiðihúsinu við
Þverá í gærmorgun. Sagði Hall-
dór 63 laxa komna á land, 15 úr
Kjarrá, eða samtals 78 laxa.
Þetta er yfirleitt meðalstór og
fallegur lax, ívið smærri úr nýj-
ustu göngunni en veiddust í
byrjun, en enginn smálax þó.
Laxinn veiðist bæði á maðk og
fiugu, besta flugan til þessa hef-
ur verið „Þingeyingur” og
„Frances" hefur einnig verið
drjúg eins og hennar var von og
vísa.
Veiðivon í
Þingvallavatni
Eftir því sem Morgublaðið
hefur fregnað gæti það borgað
sig að skreppa til Þingvalla og
renna í vatnið. Ymsir hafa feng-
ið góðar glefsur þar að undan-
förnu, einn sem Morgunblaðið
hafði spurnir af fékk 13 á einni
kvöldstund, annar fékk tæpa 20
á eftirmiðdegi og þannig mætti
áfram telja. Ekki veiða þó allir,
bleikjan er oft dyntótt eins og
dæmin sanna. Flugan gefur að
öllu jöfnu besta aflann.
Þá hefur Morgunblaðið það
fyrir satt að allvel hafi veiðst í
Svínadalsvötnum fyrir norðan
Hvalfjörð á síðustu dögum og
vikum. Góðar glefsur hafa kom-
ið, til skiptis í vötnunum og
sæmilegur fiskur innan um. I
Eyrarvatni ku hafa sést fyrsti
lax sumarsins fyrir nokkrum
dögum. Enn hefur þó ekki veiðst
lax eftir því sem best er vitað, en
þess verður líklega ekki langt að
bíða.
Nú byrja þær
hver af annarri
Á næstu dögum hefst veiði í
flestum þeim ám, sem veiði er
enn ekki hafin í. Á morgun,
laugardag, hefst til dæmis veiði í
Laxá í Leirársveit, Langá,
Vatnsdalsá, Víðidalsá, Hauka-
dalsá og Laxá í Dölum. Á mánu-
daginn 17. júní byrjar veiði í
Miðfjarðará og daginn eftir fara
stangirnar vonandi að svigna í
Grímsá og Flóku. Gljúfurá, Laxá
í Dölum og stóra Laxá og fleiri
opna síðan 20. júní, Álftá á Mýr-
um 21. júní og Leirvogsá 1. júlí.
Morgunblaðið/ól.K.M
Hitalagnir í Garðastræti
Unnið hefur verið að viðgerðum i hitaveiturörum við Garðastræti að
undanförnu og um leið hafa verið lagðar hitalagnir í gangsteftina. Mi
því ætla að næsta vetur minnki líkur i að fólk hrasi þar í hilku.
90 hjúkrunarfræð-
ingar í fullu starfi,
en 165 í hlutastarfi
„ÞAÐ er mikið um það að hjúkrun-
arfræðingar vinni hlutastörf og ég
held að það sé bara sjilfsbjargarvið-
leitni hji fólki að gera þetta,“ sagði
Sigurlín Gunnarsdóttir hjúkrunar-
forstjóri i Borgarspítalanum, er hún
var spurð að því hvort þetta væri
algengL
Sigurlín sagði að með þvi að
vinna aðeins hlutastarf gætu
hjúkrunarfræðingar tekið fieiri
aukavaktir. Þar sem töluvert
hærri laun eru greidd fyrir auka-
vaktir, gefur þetta hjúkrunar-
fræðingunum meiri möguleika á
betri heildartekjum, en ef viðkom-
andi væri í fullu starfi.
„Það er mjög erfitt að reka
sjúkrahús með þessum hætti.
Upplýsingamiðlun verður erfiðari,
vinnuskipulag raskast og auka
þarf eftirlit. Mannaskipti verða
örari og öll þjónusta verður
ómarkviss," sagði Sigurlín.
Á Borgarspítalanum eru 200
stöður hjúkrunarfræðinga. Aðeins
90 eru í fullu starfi, en 165 eru í
hlutastarfi. Stöður sjúkraliða eru
196. 68 sjúkraliðar eru í fullu
starfi, en 143 í hlutastarfi.
„Ég tel að þetta breytist ef laun-
in hækka. Hærri Iaun eru hvati
sem verður til þess að hjúkrunar-
fræðingar sækjast frekar eftir að
vinna fullt starf, eða alla vega að
auka vinnuna.
Það fer enginn í hjúkrun til að
verða ríkur,“ sagði Sigurlín „og
það eru ekki alltaf launin sem eru
hvetjandi í starfi. En svo er örugg-
lega í þessu tilfelli".
Matthías Bjarnason heilbrigð-
isráðherra sagði í samtali að hann
væri óánægður með það misræmi
sem væri milli launa hjá fólki sem
vinnur í hlutastarfi og því sem
vinnur fullt starf. Hann sagði að
bæta þyrfti verulega laun þeirra
sem vildu ráða sig í fullt starf.
Laun leiðsögumanna
hækka um 24—28 %
HÆKKUN launa leiðsögumanna
samkvæmt samningi, sem gerður
var fyrir síðustu helgi og samþykkt-
ur eftir miklar umræður sl. sunnu-
dag, er á bilinu 24,3 %til 27,8%. Byrj-
unarlaun leiðsögumanna hækka úr
15.689 krónum í 19.500 krónur og
hæstu laun hækka úr 17.664 krónum
í 22.574 krónur, skv. upplýsingum
Félags leiðsögumanna. Samningur-
inn gildir til áramóta.
Þá koma til sérstakar greiðslur
til þeirra leiðsögumanna, sem tala
fleiri erlend tungumál en eitt, 5%
launaauki fyrir hvert mál í ferð-
um, þar sem slíkrar tungumála-
kunnáttu er þörf. Einnig eru í
samningnum ný ákvæði um að
námskeið, sem leiðsögumenn
sækja, verði metin til starfsaldurs
eftir ákveðnu punktakerfi og loks
koma til sérstakar greiðslur, 105
krónur á dag, fyrir undirbúning
ferða og bóka- og fatakaup.
„Samningurinn var samþykktur
þrátt fyrir mikla og almenna
óánægju með hann,“ sagði tals-
maður Félags leiðsögumanna.
„Við lítum á þetta sem áfanga og
munum halda kjarabaráttu okkar
áfram, meðal annars með því að
láta meta starf leiðsögumanna í
samanburði við aðrar starfsgrein-
ar.“