Morgunblaðið - 12.09.1985, Page 35

35
MORGUNBLAÐIÐ, FIMMTUDAGUR12. SEPTEMBER 1985
Finnur sagði að laxaseiðin yrðu
höfð í sjókvíunum í vetur auk þess
sem keypt yrðu 10 þúsund regn-
bogasilungsseiði sem alin yrðu í
þriðju kvínni. Hann sagði að vetur-
inn yrði prófsteinn á það hvort
heils árs eldi í sjó gengi en vitað
væri um ýmis ljón í veginum.
Hann kvaðst til dæmis hræddur
við ýmsa umhverfisþætti, svo sem
ísrek, ísingu, en einnig væri alltaf
hætta á undirkælingu, það er að
hitastigið fari niður fyrir frost-
mark. Finnur sagði að Hvalfjörður
hefði verið valinn til sjókvíaeldis
vegna þess að hann væri tiltölu-
lega skjólgóður og aðdjúpur og svo
væri hann einnig í nágrenni við
hlýjasjóinn.
Finnur sagði að ef þetta eldis-
form gengi ekki hefðu þeir það í
bakhendinni að fara með fiskinn
í tjarnir uppi á landi en það væri
háð því að heitt vatn næðist á
svæðinu, en fyrirhugað væri að
bora tilraunaholu til að kanna
það. Ef heitt vatn næðist sköpuð-
ust jafnframt möguleikar á eigin
seiðaframleiðslu í framtíðinni.
Finnur sagði að eldið sjálft hefði
gengið vel í sumar, það er að segja
á þeim seiðum sem lifðu af áföllin
í upphafi. Þyngdaraukning hefði
verið að meðaltali 2% á dag í besta
hópnum, sem væri með því besta
sem gerðist hér á landi. í lökustu
hópunum hefði þyngdaraukningin
verið 1% á dag.
Bjóst Finnur við að eldið yrði
aukið til muna næsta vor ef vel
gengi í vetur, taldi hann ekki ólík-
legt að settar yrðu út 5 kvíar í
viðbót með 50 þúsund seiðum.
Síðan væri hægt að auka eldið enn
meira á næstu árum því þarna
kæmust fyrir margfalt fleiri kvíar.
Næsta haust er fyrirhugað að
slátra laxinum sem nú er i kvíun-
um og bjóst Finnur við að laxarnir
yrðu þá orðnir 2-2'/4 kg eða tals-
vert á annan tug tonna af slátur-
fiski.
Járnblendifélagið:
Afgangsorka nýtt
til fiskeldis
íslenska járnblendifélagið hefur
verið með tilraunir með seiðaeldi
á Grundartanga frá því í byrjun
desember sl. Þá fengu þeir 8 þús-
und seiði úr Kollafirði. Fjórðungur
þeirra drapst fljótlega fyrir slysni
en eldi á þeim 6 þúsund seiðum
sem lifðu af í upphafi hefur gengið
vel. Til seiðaframleiðslunnar er
notað ferskt kælivatn frá kælivift-
um sem kemur út sem næst kjör-
hita fyrir eldið.
„Frumtilraunin gengur út á það
að athuga hvort eldi á fiski hér í
nábýli við verksmiðjuna, með þeim
hávaða og ryki sem því er samfara,
gengur. Til samanburðar er fiskur
alinn hér spölkorn frá. Niðurstað-
an varð sú að þetta gengur, um-
hverfið virðist engin áhrif hafa á
fiskinn," sagði Jón Sigurðsson
framkvæmdastjóri íslenska járn-
blendifélagsins. Sagði Jón fyrir-
hugað að gera áætlun um nýtingu
alls vatnsins sem rennur í gegn
um kælibúnaðinn til seiðafram-
leiðslu og yrði áætlunin lögð fyrir
stjórn fyrirtækisins. Bjóst hann
við að vatnið dygði til framleiðslu
á 100-150 þúsund gönguseiðum á
ári og að framleiðslukostnaður
yrði tiltölulega lítill.
I nóvember verða seiðin sett í
eldisker með söltum sjó niður við
höfnina á Grundartanga. Jón sagði
að með áframhaldandi eldi væri
verið að gera tilraunir með tvo
hluti í senn. Athugað yrði hvort
seiðin sem alin voru upp í nábýli
við verksmiðjuna hefðu orðið fyrir
varanlegum skemmdum vegna
mengunar sem fram kynnu að
koma seinna. Þá sagði hann að við
eldið yrði notað eldisker úr for-
steyptum einingum úr trefja-
steypu sem verið er að þróa á
vegum Sérsteypunnar sf., sem er
fyrirtæki í eigu Járnblendifélags-
ins og Sementsverksmiðjunnar.
Auk þessa sagði hann að fyrir-
hugað væri að gera ljóslotutilraun-
ir, þar sem lýsing í kerjunum yrði
eftir ákveðnu kerfi, til að reyna
að stytta tímann í seiðaframleiðsl-
unni.
Jón sagði að allar þessar fiskeld-
istilraunir gengju út á það að
reyna að nýta þann mikla varma
sem færi ónýttur frá verksmiðj-
unni. Hann sagði að ekki væri
áhugi hjá verksmiðjunni sjálfri að
vera með matfiskeldi, áhugi væri
fyrir að fela öðrum aðilum að sjá
um það. Verksmiðjan gæti hins
vegar selt þessum aðilum orku, til
dæmis sem heitan sjó. Sagði hann
möguleika matfiskeldis ekki full-
kannaða en sagði að orkan gæfi
möguleika til framleiðslu hundr-
uöa tonna af laxi.
Laxalón: Hugmyndir um
framleiðslu á 250
tonnum af regnboga-
silungi í Hvammsvík
Fiskeldisstöðin Laxalón við
*
Bergmann með il en þrír starfsmenn á Grundartanga veiða ála í gildrur í
Eiðsvatni, skammt frá verksmiðjnnni og geyma í kassa við verksmiðjuna.
Álinn borða þeir sjálfir og hafa líka seh til reykingar.
Starfsmenn Laxalóns hafa seiði úr sjókvfum sínum í Hvammsvík, en rayndin
var tekin í vor, þegar norskt seiðaflutningaskip náði í hluta seiðanna sem
Laxalón seldi til Noregs í fyrra.
Reykjavík á jörðina Hvammsvík í
Hvalfirði. Þar eru þeir með 5 þús-
und regnbogasilungsseiði í tveim-
ur sjókvíum í sumar. Voru silung-
arnir um 1 kg í vor og verða orðnir
um 2 kg í haust þegar þeim verður
slátrað þannig að uppskeran verð-
ur um 10 tonn af matfiski.
ólafur Skúlason framkvæmda-
stjóri Laxalóns sagði að upphaf-
legar áætlanir um Hvammsvíkina
miðuðust við að nýta framleiðslu-
getuna á Fiskalóni í ölfusi þar sem
regnbogasilungseldi Laxalóns er
og framleiða þar 50 tonn af regn-
bogasilungi og setja síðan í sjó-
kvíar í Hvammsvík í byrjun maí.
Þar yrði silungurinn alinn yfir
sumarið og slátrað þegar hann
næði lágmarksstærð að hausti og
fram eftir vetri. Til þessarar fram-
leiðslu þarf um 20 flotgirðingar
af þeirri stærð sem venjulegust er
nú. í framtíðinni yrði síðan jafn-
framt farið út í heilsárseldi á laxi
í Hvammsvík.
ólafur sagði að ekki hefði enn
verið hægt að hrinda þessum
áformum í framkvæmd vegna þess
að nauðsynlegt fjármagn hefði
ekki fengist þrátt fyrir að mikið
hefði verið reynt til þess og því
hefði orðið að selja regnbogasil-
ungseiðin úr landi á síðasta ári.
Bjóst hann við að næsta vor yrði
líka að selja seiðin til Noregs, útlit-
ið væri þannig nú. Sagði hann að
pantanirnar streymdu inn og væru
nú þegar komnar fyrirspurnir og
pantanir á rúmlega milljón regn-
boga- og laxaseiðum. Sumar stöðv-
arnar væru líka að falast eftir
langtímasamningum, sem væri
nýtt í þessum viðskiptum. „Það er
gott að vita af þessum útflutnings-
möguleikum, en við höfum þó allt-
af viljað ala fiskinn sjálfir í slátur-
stærð. Það höfum við ekki getað
fjármagnað og því kom þessi út-
flutningur í fyrra eins og himna-
sending fyrir okkur," sagði Ólafur.
ólafur er trúaður á möguleikana
í Hvalfirði. Hann nefnir nálægðina
við Reykjavíkursvæðið og fleiri
kosti eldis þar. Þá eru taldar
miklar líkur á því að heitt vatn
sé í landi Hvammsvíkur og það
opnar möguleika til strandkvíaeld-
is í framtíðinni.
BYKO og Nesskip
í fiskeldi
Byggingavöruverslun Kópavogs
og Nesskip, eða stjórnendur fyrir-
tækjanna, eru með hugmyndir um
sjókvíaeldi fyrir landi Hvamms í
Hvalfirði. Hafa þeir staðið í samn-
ingum við eigendur Hvamms um
eldi í víkinni norðan á nesinu sem
skilur að Hvammsvík og Hvamm.
Var fyrirhugað að vera með flot-
kvíar þar í vetur til reynslu en af
því varð ekki og er því fyrirhugað
að byrja á næsta ári í smáum stíl.
HBj.
æskmm
Enskuskóli æskunnar er fyrir
böm á aldrinum 8—12 ára og
veröur í vetur starfræktur á vegum
Málaskólans Mímis í félagsmið-
stöðinni Prótthelmam við Sævið-
arsund og menningarmiðstöðinni
Gcróobcrgi í Breiðholti. Nám-
skeiðið sem við kynnum hér
stendur yftr frá 16. scptember tll
6. desember, i samtals 12 vikur og
hægt er að velja á milli Ijögurra
þyngdarstiga.
Ef þið viljiö bstta árangorinn i
skólanum eða skilja texta Dnran
Dnran og Madonna er enska lykil-
orðið. Lærið ensku á nýjan og
skemmtiiegan hátt með enskum
kennara í Enskuskóla æskunnar.
Enska |T| mánud,
Enska [2l mánud,
Enska
Enska
mánud
mánud
-miðvikud. 16-17
-miðvikud. 17-18
-miðvikud. 18-19
,-miðvikud. 19-20
í Þróttheimum MALASKOLINN
og Gerðubergi
Upplýslngar og innrltun
I síma 10004/21655
AnAiiausvrtn 1 =>