Morgunblaðið - 12.09.1985, Page 55

MORGUNBLAÐIÐ, FIMMTUDAGUR 12. SEPTEMBER 1985
55
Dansgólfið á Borginni ku vera með allra minnsta móti og dansgestir eins og sfld í tunnu á dansgólfinu. Þessi mynd er
reyndar ekki tekin á Borginni en engu að síður virðist all mannmargt á dansgólfinu.
Ólafur Laufdal, hafðu
dansgólfið stórt á Borginni
Unnandi gömlu dansanna skrifar:
Nú hafa verið gerðar breytingar
á Hótel Borg. Sumar eru góðar og
smekklegar, en það sem mér og
öðrum líkar ekki er hvað dansgólf-
ið hefur verið minnkað mikið.
Eins og allir vita þarf gott pláss
til að dansa gömlu dansana og
mátti því gólfið ekki minna vera.
Nú hefur hins vegar verið teppa-
lagt meðfram öllu öðru megin,
langt inn á gólf, hinu megin hefur
hins vegar hljómsveitinni verið
komið fyrir og því er plássið ekki
mikið sem eftir er til að dansa á.
Þegar heim er komið af dansleik
er maður blár og bólginn, með
rifna sokka. Má þakka fyrir að
enginn rotist þarna. Slík eru
þrengslin.
Það lítur út fyrir að ætlunin sé
að fólk bara tvístígi þarna eða
hoppi upp og niður, nú eða haldi
sig bara á barnum því það er þar
sem gróðinn er mestur.
Ég vona að nú þegar ólafur
Laufdal er tekinn við að hann
fjarlægi þetta teppi af gólfinu og
leyfi parketinu að njóta sín. Mér
er sagt að teppið hafi verið lagt
ofan á það. Sem sagt: Ekkert teppi
í danssalnum framar og allir unn-
endur gömlu dansanna verða
ánægðari.
Flytjum „Dægurflug-
ur“ aftar í
Ein áhyggjufull skrifar:
Mig langar að koma því á fram-
færi við stjórnendur rásar 2 að
reyna að setja þátt Leopolds
Sveinssonar, Dægurflugur, aftar í
dagskrána. Þátturinn er núna
milli klukkan tvö og þrjú á
fimmtudögum en þá eru svo marg-
dagskrána
ir unglingar í skólanum. Viljum
við að þátturinn verði færður til
klukkan 5 og standi þá til 6, því þá
missum við ekki af þessum góða
þætti.
Vona ég að stjórnendur rásar 2
aðhafist eitthvað í þessu máli.
Þessir hringdu . .
Fleiri tónlistar-
þætti fyrir krakka
Tvær úr Hveragerði hringdu og
höfðu eftirfarandi að segja:
Við erum alveg sammála Ó.A.
sem tjáði sig í Velvakanda um
daginn. Það er nauðsynlegt að
fleira verði reynt að gera fyrir
krakka á aldrinum 11 til 16 ára á
þessu ári æskunnar.
Á ftalíu og í Bandaríkjunum
eru tónlistarþættir fyrir ungt
fólk á hverjum einasta degi en
hér er einungis Skonrokk aðra
hverja viku og þegar það er er
það alveg drepleiðinlegt og ekki
horfandi á það.
Hörmulegt að sjá
leik Þróttar og
Þórs fara fram
á ónýtum velli
Knattspyrnuáhugamaður
hringdi og hafði eftirfarandi að
segja:
. Ég horfði á leikinn Þróttur —
Þór í sjónvarpinu og varð alveg
yfir mig hneykslaður á því að
svona mikilvægur leikur skyldi
leikinn á Valbjarnarvelli sem
bæði er þröngur og mjög illa far-
inn.
Það var alveg synd að sjá hinn
völlinn standa fagurgrænan og
ónotaðan fyrir handan. Val-
bjarnarvöllur var þannig að það
var hreinlega ekki hægt að bjóða
upp á knattspyrnu á vellinum.
Gott erindi
hjá Bryndísi
Helga hringdi og hafði eftir-
farandi að segja:
Ég hringdi nú aðallega vegna
erindisins sem hún Bryndís
flutti í útvarpið á mánudags-
kvöldið. Mér fannst það alveg
sérstaklega gott.
Þá langar mig einnig að nefna
Helgu finnst allt í lagi að hlusta á
þætti Jóns Ólafssonar og pínulítið
bull.
það að mér finnst allt í lagi þó
hann Jón Ólafsson bulli svolítið i
útvarpinu. Ég er nú kannski ekki
neitt bráðung en mér finnst ekk-
ert við það að athuga. Mér finnst
alveg óþarfi að fólk sé að kvarta
undan þessu. Það er allt í lagi að
hlusta á pínulítið bull.
Rútuleysi í
Villta
tryllta Villa
Óánægðir foreldrar hringdu og
höfðu eftirfarandi að segja:
Undanfarna daga hef ég reynt
að ná í eigendur Villta tryllta
Villa til að koma á framfæri
kvörtun vegna framkomu þeirra
við unglinga sem sækja þennan
vafalaust ágæta stað. Þar sem
erfiðlega gengur að hafa upp á
eigendum staðarins og þeir ekki
skráðir í símaskrána, tók ég það
til bragðs að koma kvörtuninni á
framfæri í gegnum Velvakanda.
Hvernig stendur á því að að-
gangseyrir er 300 krónur með
rútuferðum en síðan er engin
rúta og því neyðast unglingarnir
til að taka sér leigubíl eða koma
sér heim á einhvern annan hátt.
Samkvæmt upplýsingum sem
ég fékk á lögreglustöðinni leita
margir unglingar til hennar í því
skyni að fá liðsinni við að kom-
ast heim til sín vegna svikinna
loforða eigenda staðarins.
Læt ég þetta nægja að sinni,
en ef einhver þessara huldu-
manna vill svara þessari grein í
gegnum Velvakanda væri það vel
þegið.
LYFTARAR
Eigum til afgreiör.lu nú þegar mikiö úrval notaöra rafmagns- og diesel-
lyftara, ennfremur snúninga- og hliöarfærslur.
Tökum Lyftara upp í uppgeröan, leigjum lyftara, flytjum lyftara.
Varahluta- og viögeröaþjónusta.
Líttu inn — viö gerum þér tilboð.
Tökum lyftara í umboössölu.
LYFTARASALAN HF.
Vitastíg 3, símar 26455 og 12452.
m^^^^^mm^^^m—mmmmmm^^
★ ★ ★ ★ ★
Microline 182/192/193
Ný kynslóð
tölvuprentara!
Kostimir eru ótvíræðir:
• Þriðjungi minni og helmingi léttari en áður.
• Miklu hljóölátari en áður.
• Fullkomlega aðhæfðir IBM PC og sambæri-
legum tölvum.
• Tfengjast öllum tölvum.
• Prenta 160 stafi á sekúndu, skáletur og
gæðaletur.
• Notandi getur sjálfur hannað eigin leturgerðir.
• Fullkomin varahluta- og viðhaldsþjónusta.
• Til á lager.
Nýjungarnar koma alltaf fyrst frá MICROLINE.
Það er því engin furða að
MICROLINE eru mest
seldu tölvuprentarar á íslandi.
ÍmikficdI
Skeifunni 11 Sími 685610