Morgunblaðið - 13.11.1985, Blaðsíða 2

2
MORGUNBLAÐIÐ.MIÐVIKUDAGUR 13. NÓVEMBER1985
Nemendur í Menntaskólanum í Reykjavík fást við verkefni í Stærðfræðikeppninni í gærmorgun.
Góð þátttaka í stærðfræðikeppni framhaldsskólanema
MIKIL ÞÁTTTAKA var í stærð-
fræðikeppni framhaldsskólanema
sem fór fram í framhaldsskólum um
allt land í gærmorgun, en um fjögur-
hundruð nemendur höfðu skráð sig
til keppninnar í um 20 framhalds-
skólum. Það eru Félag raungreina-
kennara í framhaldsskólum og ís-
lenska stærðfræðifélagið sem að
keppninni standa en keppnin er
kostuð af IBM á íslandi.
í stærðfræðikeppninni er keppt
á tveimur stigum, lægra stigi fyrir
fyrstu tvö námsárin í framhalds-
skólum, en efra stigi fyrir þá sem
lengra eru komnir. „Við munum
veita viðurkenningar fyrir bestu
úrlausnir á lægra stiginu, því þeim
hluta keppninar er lokið,“ sagði
Benedikt Jóhannesson stærðfræð-
ingur í samtali við Morgunblaðið.
„Þeim sem ná bestum árangri á
efra stiginu verður hins vegar
boðið að taka þátt í úrslitakeppni
sem fara mun fram í Reykjavík í
mars. Þá verða veitt peningaverð-
laun fyrir bestu úrlausnir og efstu
menn hafa möguleika á að verða
fulltrúar Islands á Ólympíukeppni
í stærðfræði sem haldin verður í
Varsjá í Póllandi í sumar, en ís-
lenskir framhaldsskólanemar
tóku þátt í ólympíukeppninni í
fyrsta sinn á síðasta ári.
Þess má geta að menntamála-
ráðuneytið hefur verið okkur mjög
hlynnt við framkvæmd þessarar
keppni og ætlar að greiða kosnað
við þjálfun nemenda fyrir úrslita-
keppnina. Þá sýndi fyrrverandi
menntamálaráðherra, Ragnhildur
Helgadóttir, þessu máli áhuga og
gaf m.a. leyfi til þess að keppnin
færi fram á skólatíma, og hefur
það eflaust ýtt undir þessa miklu
þátttöku núna,“ sagði Benedikt.
BB framboö í Reykjanes- og Reykjavíkurkjördæmi:
ZU
„Er ekki til um-
ræðu í okkar hópi
— segir Jóhann Einvarðsson, sem skipaði
efsta sæti Framsóknarflokksins í Reykja-
neskjördæmi í síðustu alþingiskosningum
„í FYRSTA LAGI, þá kemur mér
það mjög spánskt fyrir sjónir að
Sunnlendingar skuli hefja umræður
um það hvernig við á Reykjanesi og
í Reykjavík ættum að haga fram-
boðsmálum í næstu alþingiskosning-
um,“ sagði Jóhann Einvarðsson fyrr-
verandi alþingismaður Framsóknar-
flokksins í Reykjaneskjördæmi, er
blm. Morgunblaðsins spurði hann
álits á umræðum á kjördæmisþingi
Framsóknarflokksins á Suðurlandi
um hugsanlegt BB framboð Fram-
sóknarflokksins í næstu alþingis-
kosningum.
Jóhann sagði jafnframt að engar
viðræður hefðu farið fram á milli
kjördæmanna um þetta mál. „Slík-
ur möguleiki er því ekki til um-
ræðu í okkar hópi, þó svo að ein-
hverjir einstaklingar hafi hreyft
þessu máli,“ sagði Jóhann. Hann
sagði að á kjördæmisþingi Fram-
sóknarflokksins á Reykjanesi á sl.
ári hefðu þessi mál verið mikið
rædd, og það verið kannað hvernig
hægt væri að haga þessu máli. „A
þingi okkar nú í október,“ sagði
Jóhann, „gerðum við hins vegar
samþykkt þar sem við segjum að
við viljum hafa kosningaréttinn
því sem næst jafnan. Þetta verði að
laga annað hvort með fjölgun
þingmanna hjá okkur eða með
tryggðum uppbótarþingmönnum.
Við bendum á að það geti ekki
talist eðlilegt að við framsóknar-
menn í Reykjavík og á Reykjanesi
erum með einn þriðja af framsókn-
arfylginu í landinu, en aðeins einn
af fjórtán þingmönnum flokksins."
Jóhann benti á að það væri ekki
hægt að fara af stað með BB lista
fyrir Framsóknarflokkinn, nema
boðinn væri fram B listi og það
væri erfitt að sjá einhverja trygg-
ingu fyrir því að BB listi næði til
sín öllu atkvæðamagninu frá B
listum, þannig að mikil hætta
gæti verið á enn verri útkomu, ef
ráðist yrði í slíkt framboð.
Miklar byggingaframkvæmdir hjá Flugleiðum í Keflavík á næstunni:
Fjárskaöar
í Meðallandi
Byggja eldhús og geymslu
fyrir yfir 100 milljónir kr.
MIKLAR byggingaframkvæmdir á Keflavíkurflugvelli standa nú fyrir dyrum
hjá Flugleiðum, verði teikningar fyrirtækisins að byggingu samþykktar hjá
bygginganefnd flugstöðvarinnar. Sigurður Helgason, forstjóri Flugleiða sagði
í samtali við blaðamann Morgunblaðsins í gær að fyrirhugað væri að byggja
á næstu tveimur árum hús, sem myndi rúma flugeldhús, fraktgeymslu,
tækjaverkstæði og varahlutalager fyrir ákveðna varahluti í flugvélar. Sagði
hann að áætlaður kostnaður við þessa byggingu væri yflr 100 milljónir króna.
Sigurður sagði að í ljós hefði
komið að ekki væri aðstaða í flug-
stöðvarbyggingunni til þess að
taka við allri þeirri starfsemi sem
tengist rekstri Flugleiða í Keflavík
og þvi hefði fyrirtækið orðið að
ráðast í undirbúning þessara
framkvæmda.
Sigurður sagði að verktakar sem
vildu bjóða í ýmsa verkhluta væru
þegar farnir að hafa samband og
sagðist hann eiga von á að fyrstu
áfangar, eins og jarðvegsvinna og
fleira yrðu boðnir út á næstu vik-
um. Stefnt væri að því að þessar
byggingar yrðu tilbúnar vorið
1987, það er að segja, ef engin
seinkun yrði á framkvæmdum við
flugstöðvarbyggi nguna.
Leifur Magnússon, fram-
kvæmdastjóri flugrekstrarsviðs
Flugleiða hefur umsjón með undir-
búningi þessa verks. Hann sagði í
samtali við blaðamann Morgun-
blaðsins að byggingin yrði væntan-
lega vestan við flugstöðvarbygg-
inguna. Um tíma hefði staðið til
að flugeldhúsið yrði í flugstöðvar-
byggingunni, en síðar hefði komið
á daginn að þar væri ekki nægilegt
pláss. Hann sagði að flugeldhúsið
væri hannað í samvinnu við SAS
Service-Partner, dótturfyrirtæki
SAS, sem hann sagði hafa mikla
reynslu í hönnun flugeldhúsa. Að
öðru leyti hefði byggingin verið
hönnuð af Ingimar Hauk Ingi-
marssyni hjá Klöpp. Leifur sagði
að byggingin yrði 3.800 fermetrar
að flatarmáli og 19.800 rúmmetrar.
Leifur sagði að Flugleiðir hefðu
sótt um lóð til utanríkisráðuneyt-
isins. Hjá ráðuneytinu stæðu mál-
in þannig að verið væri að ganga
frá skipulagi að svæðinu og búist
væri við að skipulagsuppdráttur
yrði tilbúinn síðar í þessum mán-
uði. Eftir það væri svara að vænta
frá ráðuneytinu.
Hnausum, Meöallandi 12. nóvember.
LAUGARDAGINN 2. þessa mánaðar
gerði hér byl að austri. Þá urðu
fjárskaðar hér á Grund og Melhól.
A Melhól drápust 7 ær, sem hafði
hrakið í læk og 3 vantar sem gæti
hafa hrakið í Kúðafljót. Á Grund
fannst ein ær dauð í læk en 27
vantar. Sáust merki um að fé hafði
hrakið í Kúðafljót og þar sem þær
voru á því svæði má fullvíst telja að
þær hafi farið þá leið.
Á Grund urðu ábúendaskipti í
vor, en þá tók nýtt fólk þar við og
er nógu erfitt að byrja búskap þótt
ekki fylgi svona óhöpp. Þess má
geta að fé var ekki komið á gjöf,
og það tók nokkurn tíma að átta
sig á hversu mikill skaðinn hafði
orðið. Kúðafljót er með mestu ám
á landinu og þegar allt er upp-
bólgið af krapa og ís fer lítið fyrir
hverjum rolluskrokknum. í þess-
um byl urðu einnig fjárskaðar í
Mýrdal. Síðar gerði mikinn byl á
þrijudagskvöldið og stóð hann
fram á miðvikudag. Vilhjálmur
Rannsóknaráð ríkisins:
50 milljónir króna til
32 rannsóknaverkefna
Verkefni á sviði líftækni hlaut 15 milljónir
en alls voru umsækjendur 122 talsins
FIMMTÍU milljónum króna var veitt á vegum Rannsóknarráðs ríkisins
f gær til 32 aðila sem um styrkina sóttu til rannsókna og þróunarstarf-
semi, en féð er hluti þess fjármagns sem ríkisstjórnin ákvað að verja á
þessu ári til nýsköpunar í atvinnulífi. Alls bárust 122 umsóknir og var
heildarupphæð umsókna 205 milljónir króna, en áætlað er að heildar-
kostnaður rannsóknarverkefna, sem mörg standa í 2-3 ár, verði um 680
milljónir króna á núverandi verðlagi.
Umsóknir frá fyrirtækjum voru
47 talsins, 26 frá einstaklingum
og 16 frá einstökum opinberum
stofnunum. I 33 umsóknum var
um að ræða samstarfsverkefni
stofnana, fyrirtækja og einstakl-
inga.
Til að meta umsóknir þessar
skipaði Rannsóknarráð ríkisins
sérstaka matsnefnd sem skipuð
var þeim Sigmundi Guðbjarnasyni
háskólarektor, sem jafnframt var
formaður nefndarinnar, Jóni Sig-
urðssyni forstjóra íslenska járn-
blendifélagsins og Þráni Þorvalds-
syni framkvæmdastjóra Otflutn-
ingsmiðstöðvar iðnaðarins. Þá var
einnig leitað umsagna fjölda sér-
fræðinga varðandi verkefnaval.
93% styrkjanna fara til verk-
efna á þeim forgangssviðum sem
tiltekin eru í reglum menntamála-
ráðuneytisins, þar af fer um þriðj-
ungur til eins verkefnis á sviði
líftækni, sem unnið er í samvinnu
fjögurra stofnana: Iðntæknistofn-
unar, Líffræðistofnunar HÍ,
Raunvísindastofnunar HÍ og
Rannsóknarstofnunar fiskiðnað-
arins. Rannsaka á ensímvinnslu
úr islenskum hráefnum. Um 20%
fjármagnsins fer til tíu verkefna
á sviði fiskeldis og rúmlega 17%
til níu verkefna á sviði upplýsinga-
tækni. Önnur verkefni sem hlutu
styrk eru m.a. á sviði matvæla-
tækni, orkunýtingar og bygginga-
tækni.
í þrettán verkefnum með 63%
styrkupphæðar eru opinberar
stofnanir umsækjendur, en í nítj-
án verkefnum með um 37% fjárins
eru fyrirtæki og einstaklingar
umsækjendur að hluta eða öllu
leyti.
Auk hinna 32 verkefna sem
hljóta styrk voru 21 umsókn að
upphæð 55.6 milljónir króna sem
einnig voru metnar styrkhæfar,
en urðu að víkja í forgangsröðun,
að sögn Vilhjálms Lúðvíkssonar,
forstjóra Rannsóknarstofnunar
ríkisins. „Þurfti því að hafna all-
mörgum góðum umsóknum og
raunar að skera niður styrkveit-
ingu til nokkurra dýrurstu verk-
efnanna sem hlutu styrk í von um
að það skaði ekki framkvæmd
viðkomandi verkefna og að hægt
verði að styðja þau verkefni
áfram.“
Vilhjálmur sagði að í fjárlaga-
frumvarpinu fyrir næsta ár væri
gert ráð fyrir sömu upphæð I
„rannsóknasjóð" eða 50 milljónum
króna. „Verulegur hluti þess fjár-
magns verður þó bundinn í áfram-
haldandi stuðningi við verkefni,
Mon?unblaöiö/Bjarni
Frá blaðamannafundi er haldinn var í tilefni styrkveitinganna. Frá vinstri
eru: Jón Sigurðsson forstjóri íslenska Járnblendifélagsins, Vilhjálmur
Lúðvíksson framkvæmdastjóri Rannsóknaráðs ríkisins, Sigmundur
Guðbjarnason háskólalektor og Þráinn Þorvaldsson framkvæmdastjóri
Útflutningsmiðstöðvar iðnaðarins.
sem nú hefur verið samþykkt að
styrkja. Af fjölda og gæðum
umsókna, sem fram komu við
þessa fyrstu úthlutun, má ráða að
æskilegt væri að nokkru meira fé
yrði til ráðstöfunar á næsta ári
en gert er ráð fyrir. Ég hef hins-
vegar ekki enn séð fjárlagafrum-
varpið og veit ekki hvort ráðherra
hefur aukið fjárframlag til sjóðs-
ins.“
Sigmundur Guðbjarnason sagði
að slík styrkveiting væri uppörvun
fyrir þá sem unnið hafa lengi að
tilteknum verkefnum á vegum
Háskóla Islands, en hluti fjárins
rennur til rannsókna á vegum
hans. „Flest eru þau verkefni þó
samstarfsverkefni. Verið er fyrst
og fremst að tengja rannsóknar-
stofnanir saman nýta þann mann-
afla og þekkingu sem fyrir er í
landinu."
Jón Sigurðsson sagði að nauð-
synlegt væri fyrir íslendinga að
standa sjálfir að og styrkja slíkar
rannsóknir þó svo að svipaðar
rannsóknir hefðu verið fram-
kvæmdar í öðrum löndum og
miklum fjármunum I þær eytt.
„Við verðum að geta tileinkað
okkur þá þekkingu sem aðrar þjóð-
ir hafa, svo að við getum sjálfir
heimfært þeirra rannsóknir upp á
okkar séríslensku aðstæður.“