Morgunblaðið - 13.11.1985, Blaðsíða 27

MORGUNBLAÐIÐ, MIÐVIKUDAGUR13. NÓVEMBER1985
27
Dótturdóttir Gorbachevs
Oksana, fimm ára gömul dótturdóttir Mikhail Gorbachevs, leiðtoga sovézka kommúnistaflokksins, sést hér
fylgjast með hersýningu Rauða hersins í Moskvu á afmælisdegi byltingarinnar í síðustu viku. Með henni eru
móðir hennar, Irina, og faðir.
Frakkland:
Afrískur seiðkarl svíkur
fé af lögreglumönnum
Nke. 12. nóvember. AP.
AFRISKUR seiðkarl prettaði í síð-
ustu viku 60 þúsund franka (um 312
þúsund íslenskar krónur) út úr
tveimur lögreglumönnum í borginni
Nice í Frakklandi. Seiðkarlinn
kvaðst geta breytt fimmtíu sentíma
mynt í fimmhundruð franka seðla
með því að sjóða myntirnar í hnaus-
þykkum, göróttum miði. En lögreglu-
mennirnir fengu að kenna á því að
ekki er allt gull sem glóir og sátu
eftir með fulla ráptuðru af rifnum
dagblöðum.
I dagblaðinu Nice Matin var
greint frá því um helgina að annar
lögregluþjónanna, Alain Foussard,
hefði heimsótt mann, sem kallaði
sig „seiðkarlinn mikla og sjáand-
ann Seydou Diaby", til að leita
ráða við vandamálum sínum.
Meðan þeir ræddu málin, Seydou
Diaby og Alain Foussard, bað
fyrrnefndur lögreglumanninn um
að láta hálfan franka detta í pott
fylltan sjóðandi undraeðju. Seið-
karlinn breiddi yfir pottinn og
kyrjaði kynlegar þulur áður hann
svipti hulunni af á nýjaleik og viti
menn: fimmhundruð franka seðill
flaut á yfirborði glussans.
Skömmu síðar sótti Foussard
seiðkarlinn aftur heim og var nú
í fylgd með einum starfsbróður
sínum. Diaby endurtók leikinn
nokkrum sinnum og undruðust
lögreglumennirnir stórum.
• Tvímenningarnir fóru þá á stúf-
ana, söfnuðu saman sparifé sínu
og tóku lán, og þremur dögum
síðar heimsóttu þeir seiðkarlinn í
þriðja sinn með 60 þúsund franka
meðferðis. Seiðkarlinn Diaby kom
peningunum fyrir í ferðatösku,
hafði yfir þrotlausar þulur og lét
þá hafa töskuna með þeim orðum
að þeir mættu opna hana að þrem-
ur dögum liðnum, en opnuðu þeir
töskuna fyrr mundi galdurinn
engin áhrif hafa.
Lögreglumennirnir gerðu eins
og fyrir þá var lagt, en þegar þeir
loksins opnuðu töskuna fundu þeir
aðeins rifin og tætt dagblöð. Þegar
lýst var eftir seiðkarlinum var
hann á bak og burt og hefur enn
hvorki fundist af honum tangur
né tetur.
Efna til
mótmælasetu
Seoul, Suöur-Kóreu, 11. nóvember. AP.
UM 120 forystumenn andófsmanna
í Suður-Kóreu hófu í dag mótmæla-
setu í framhaldi af fundi, sem hald-
inn var til að mótmæla meintum
pyntingum við yfirheyrslur hjá lög-
reglunni.
Meðal þátttakenda eru Kim
Dae-Jung og Kim Young-Sam,
þekktustu andstæðingar Suður-
Kóreu-stjórnar, formenn nýstofn-
aðra mannréttindasamtaka, sem
hafa á stefnuskrá sinni að auka
veg lýðræðis i landinu.
Fyrrnefnd samtök urðu hvati að
stofnun Nýja kóreska lýðræðis-
flokksins, sem varð næststærsti
stjórnmálaflokkurinn á þinginu
eftir kosningarnar í febrúar, og
hefur flokkurinn verið mjög her-
skár í stjórnarandstöðu síðan.
Stjórnvöld hafa enga tilraun
gert til að reka andófsmennina á
brott og látið nægja að hafa eftir-
lit með húsinu.
Ortega vísar á
bug friðaráætlun
Managua, Nicaragua, 12. nóvember. AP.
í gær hafnaði Daniel Ortega, forseti
Nicaragua, áætlun þeirri, sem
Contadora-ríkin lögðu fram í síðasta
mánuði um frið í Mið-Ameríku.
Ortega sagði á fundi með erlend-
um sendifulltrúum og embættis-
mönnum úr hópi sandinista, að
stjórn hans gæti ekki gengist undir
takmarkanir um vopnabúnað og
fjölda hermanna, á meðan lands-
menn ættu yfir höfði sér innrás,
sem Bandaríkjamenn styddu með
ráðum og dáð.
„Það er fráleitt að fara fram á,
að ríki afsali sér sjálfræði sínu og
grundvallar réttindum, auk þess
sem slík krafa brýtur í bága við
stofnskrá Sameinuðu þjóðanna og
Samtaka Ameríkuríkja," sagði
hann.
í áætluninni er m.a. gert ráð
fyrir stöðvun vígbúnaðar, banni
við íhlutun í málefni annarra ríkja
og að allur erlendur her verði á
brott úr þessum heimshluta. Þá
er þar einnig ákvæði um frjálsar
kosningar og frjálsa fjölmiðlun.
Ortega krafðist þess m.a., að
sáttagjörð fæli í sér loforð Banda-
ríkjanna um að hlutast ekki til um
málefni Nicaragua.
HAMRABORG 3, SÍMI. 42011, KÓPAVOGI
GERVASONI
baölínan
ný sending
HITASTILLT
BAÐBLÖNDUNARTÆKI
Það er auðvelt að láta hita-
stillt Danfoss baðblöndurv-
artæki leysagamla tækið
af hólmi. Spurðu pípulagn-
ingarmanninn, hann
þekkir Danfoss.
= HÉÐINN =
SEUAVEGI 2,SlMI 24260
Bjóðum nánast allar
stærðir rafmótora frá
EOF í Danmörku.
EOF rafmótorar eru í
háum gæðaflokki og á
hagkvæmu verði.
Ræðið við okkur um
rafmótora.
= HEÐINN =
SELJAVEGI 2, SÍMI 24260
V^terkurog k-/ hagkvæmur auglýsingamiðill!
JttargttttMðbifc