Morgunblaðið - 13.11.1985, Blaðsíða 5

Rannsóknastofnun fiskiðnaðarins:
MORGUNBLADID, MIÐVIKUDAGUR13. NÓVEMBER1985
5

Verði rekin sem
sjálfseignarstofnun
— sagði Alda Möller á Fiskiþingi
ALDA Möller, deildarverkfræðingur Rannsóknastofnunar fískiðnaðarins,
lýsti á Fiskiþingi í gær, hugmyndum um að gera stofnunina að sjálfseignar-
stofnun, en hún heyrir nú ríkisvaldinu til. Stofnunin yrði þá undir stjórn
fískvinnslu, útgerðar og sjávarútvegsráðuneytisins. Á fjárlögum er kostnaður
stofnunarinnar áætlaður um 25 millónir króna og áætlaðar tekjur vegna
rannsóknaverkefna um 10 milljónir króna.
Alda Möller sagði í erindi, sem
hún flutti um stofnunina, að á
síðasta ári hefðu rannsóknartekj-
ur stofnunarinnar verið 35,1% af
heildargjöldum. Auðsætt væri að
aukning á fjármagni til fiskiðnað-
arrannsókna kæmi tæpast frá
ríkisvaldinu. Hún yrði að koma
frá iðnaðinum, þar sem nánast
sjálfvirkt niðurskurðarkerfi fjár-
veitingavaldsins sæi til þess. Þótt
fiskiðnaðurinn hefði sætt sig við
það smám saman að greiða fyrir
rannsóknir, væri meirhluti rann-
sóknanna seldur undir kostnaðar-
verði eða með öðrum orðum niður-
greiddur af ríkinu. Á þetta mætti
líta frá tveimur sjónarhornum. í
fyrsta lagi, að ríkisvaldið væri að
aðstoða iðnaðinn með fjárframlög-
um og flestir væru sammála um
að ekki veitti af. Á hinn bóginn
mætti líta svo á, að ríkisvaldið
væri með þessu að skapa stofnun-
inni vissa einokun, sem meðal
annars tefði fyrir því, að fyrirtæk-
in eða samtök þeirra kæmu sér upp
eigin aðstöðu.
Eins og málum væri háttað í
dag, væri starfsemi Rannsókna-
stofnunar fiskiðnaðarins blanda
af ríkisreknum rannsóknum og
rekstri, sem byggði á útseldri þjón-
ustu samkvæmt fyrirfram ákveðn-
um samningum. f stað beinna fjár-
framlaga ríkisins til stofnunarinn-
ar væri það farsælla, að það styrkti
einstök rannsóknaverkefni, sem
sérstaklega væri sótt um fé til. Til
dæmis mætti hugsa sér að stofnað-
ur yrði Rannsóknasjóður fiskiðn-
aðarins, sem yrði í vörslu sjávarút-
vegsráðuneytisins og umsóknir úr
honum yrðu afgreiddar til eins árs
í senn. Einnig mætti hugsa sér,
að í stað sérstaks rannsóknasjóðs
með föstum framlögum yrði ein-
faldlega sótt um fjármagn til skil-
greindra verkefna beint til sjávar-
útvegsins. Með þessu fyrirkomu-
lagi yrði iðnaðurinn hvattur til að
leggja fé í rannsóknir, verkefni
yrðu vandlega skilgreind og árang-
ur af hverju verkefni veginn og
metinn í verklok.
„Áðurnefndar breytingar á fjár-
mögnum fiskiðnaðarrannsókna
hér á landi þýða breytt rekstrar-
fyrirkomulag fyrir stofnunina.
Eðlilegast er að hún verði rekin
sem sjálfseignarstofnun, það er
sem sjálfstætt fyrirtæki undir
stjórn aðila fiskvinnslu, útgerðar
og sjávarútvegsráðuneytisins.
Þannig myndi fiskiðnaðurinn
sjálfur hafa bein áhrif á þróun
rannsóknamála í greininni. Núver-
andi lög um stofnunina þarf þá
að fella úr gildi, en í stað þeirra
að setja almenn lög um fiskiðnað-
arrannsóknir hér á landi. Eðlileg-
ast væri að ríkisvaldið fæli hinni
nýju stofnun það takmarkaða eft-
irlitshlutverk, sem hún nú hefur
með höndum," sagði Alda Möller.
„Vinn ekki
undir stjórn
FFSÍ“
— segir forstjóri Land-
helgisgæslunnar
„ÉG geri ekki ráð fyrir að þetta
breyti neinu, þar sem ég vinn ekki
undir stjórn Farmanna- og físki-
mannasambandsins heldur dóms-
málaráðuneytisins", sagði Gunnar
Bergsteinsson forstjóri Landhelgis-
gæslunnar þegar leitað var álits hans
á samþykkt þings FFSÍ þar sem lýst
er vantrausti á hann.
Gunnar sagði að þessi samþykkt
hefði ekki áhrif á stöðu hans, það
yrði ekki nema yfirboðarar hans
teldu ástæðu til að finna að störf-
um hans.
36 þúsund tonn af
síld komin á land
Góö veiði hjá þeim bátum sem enn eru að
MJÖG góð síldveiði er hjá þeim
bátum sem enn eru á sfldveiðum,
en margir eru búnir með kvóta sína
og fækkar bátum á miðunum með
hverjum degi. Þó eru undantekning-
ar frá þessu því einstaka bátar eru
að byrja á sfldinni um þessar mund-
ir. Sfldin fæst nú aðallega á fjörðun-
um eystra. Lang mest af sfldinni fer
nú til frystingar, en sumar stöðvarn-
ar sunnanlands eru þó enn að salta
til að fylla kvóta sína.
Um helgina voru komin á land
36.431 tonn af síld í 629 löndunum
frá upphafi vertíðar. Hefur síldin
borist til 27 hafna. í síðustu viku
komu 7.624 tonn á land. í síðustu
viku var mestu landað í Grindavík
og er Grindavík þar með orðin
hæsta löndunarhöfnin í stað Eski-
fjarðar. I nót hafa veiðst 35.232
tonn en 1.199 tonn í reknet. Megnið
af síidinni hefur farið til söltunar,
en 4.195 tonn verið fryst.
Hér á eftir fer listi yfir verstöðv-
arnar og síldarlöndun frá upphafi
vertíðar í tonnum talið. Ikindun í
síðustu viku er innan sviga.:
Vopnafjörður 1.147 tonn (54),
Borgarfjörður eystri 56 (0), Seyðis-
fjörður 2.160 (86), Norðfjörður
2.106 (295), Eskifjörður 4.695 (652),
Reyðarfjörður 2.486 (45), Fá-
skrúðsfjörður 2.440 (196), Stöðvar-
fjörður 1.137 (115), Breiðdalsvík
1.229 (60), Djúpivogur 2.540 (117),
Hornafjörður 2.716 (715), Vest-
mannaeyjar 2.541 (1.542), Þorláks-
höfn 2.902 (1.281), Grindavík 5.429
(1.726), Sandgerði 420 (80), Kefla-
vík 805 (142), Hafnarfjörður 157
(0), Akranes 815 (208) og aðrar
hafnir 650 (308).
Forstöðumaður Kvik-
myndasafns og Kvik-
myndasjóðs Islands:
Fjórir
sækja um
FJÓRIR umsækjendur hafa sótt
um stöðu forstöðumanns Kvik-
myndasafns íslands og Kvikmynda-
sjóðs fslands, en embættið verður
veitt frá og með næstu áramótum.
Umsóknarfrestur rann út 1. nóvem-
ber sl. og mun stjórn Kvikmynda-
sjóðs skila tillögum sínum til
menntamálaráðuneytisins varðandi
starfsveitinguna.
Umsækjendur eru: Guðbjörg
Gústafsdóttir, BA í ensku og
frönsku frá Háskóla íslands,
Guðbrandur Gíslason, MA í ensku,
þýsku og norrænu frá Köln, Gunn-
ar H. Arnason, sýningarmaður í
Laugarásbíói og Elínborg Stefáns-
dóttir, bókmenntafræðingur.
15.og 16. nóv.
Komaþeiraftu
k stdrkostleg
ein vinspelasta
msveit 7
ratugarins
Vegna fjölda áskorana hefur nú tekist
aö fá hina frábæru Searchers til aö
koma aftur til íslands og skemmta í
Broadway 15. og 16. nóvember. Síö-
ast þegar Searchers komu fram í
Broadway var fullt hús og fólk
skemmti sér konunglega. Því miöur
komust þá færri aö en vildu en úr því
er nú bætt og hvetjum viö því gesti
okkar til aö tryggja sér nú miöa tíman-
lega.
Matseöill
Koníakslöguð humarsúpa
Fylltur grísahryggur
m/vínmarineruðum ávöxtum
ís m/perum og rjóma
Hljómsveitin Tibra
leikur fyrir dansi
bæði kvöldin.
Pantið borö sem
fyrst í síma 77500