Morgunblaðið - 13.11.1985, Blaðsíða 50

50
MORGUNBLAÐIÐ, MIÐVIKUDAGUR13. NÓVEMBER1985
„Vaeri \>ér sama þo þú blésirekki þessum
si^arettureyk yfir miy Qlla. "
áster...
... þaö sem þér
finnst.
TM Rec. U.S. Pat. Off,—all rights reserved
»1965 Los Angeles Times Syndicate
Ég skal sjá um að hann
verði ekki svona brosleitur
þegar hann kemur í skói-
ann!
Mér þótti þetta ömurlegt!
HÖGNI HREKKVÍSI
0KyTiNM QE'R-Dl pA£>/ "
Sjálfstæðiskonur bjóði
fram sérstakan lista
„Velvakandi.
Er ekki tími til kominn að við
sjálfstæðiskonur bjóðum fram sér-
stakan lista í Alþingiskosningum?
Konur úr öðrum flokkum eru farn-
ar að setja fram kröfur konum til
handa innan flokkanna. Stærsta
stjórnmálaflokki landsins finnst
nóg að hafa aðeins tvær konur á
Alþingi. Alþýðuflokkurinn, sem er
fámennur, hefur eina konu á Al-
þingi.
Þriðja konan sem fór á þing fyrir
Sjálfstæðisflokkinn var varamað-
ur í Vestfjarðakjördæmi. Hún
hefur setið þar með sóma en er
látinn víkja fyrir ungum manni.
Kvennalistinn fékk glæsilegan
byr sem kunnugt er. Því skyldum
við, sjálfstæðiskonur, sem erum
helmingur fjölmennasta flokks
landsins, ekki geta sigrað? Ég hef
þá trú að ef við hefðum fleiri sjálf-
stæðiskonur á Alþingi hefði hlutur
lítilmagnans ekki verið fyrir borð
borinn eins og nú virðist vera.
Sjálfstæðiskona.“
Kvennafrídagurinn 1985
Gunnar Guðmundsson frá Hofi
hefur sent Morgunblaðinu eftir-
farandi vísur í tilefni af kvennafrí-
deginum 1985:
Konur í bólið með körlum ei fóru
og kaldur matur á borðunum var.
Bleyjur á krökkunum blautar þá voru,
bölvaður skíturinn hrúgast upp þar.
Ó, hvað við karlarnir áttum þá bágt
því allar konurnar hlógu svo dátt.
Kvennafrídagur er kominn og búinn,
karlarnir mega því líta upp brátt.
Ansi var margur þá aumur og lúinn
þó af rekað væri lítið og smátt,
en betri daga brátt munum fá
ef bætum við ráð okkar konunum hjá.
Víkverji skrifar
Forvitnilegt ér að sjá, hve
misjafnlega handlagnir veður-
fræðingar sjónvarpsins eru við
gerð veðurkorta, sem jafnan birt-
ast í lok fréttatíma. Sumir veður-
fræðingarnir gera afbragðsgóð
kort, sem eru í senn skýr og auðles-
in venjulegu fólki. Önnur eru klúð-
ursleg og óskýr og dregin upp með
svo klaufskri hendi, að ekki getur
viðkomandi hafa fengið háar ein-
kunnir í teikningu í barnaskóla. I
fjölmiðli sem sjónvarpinu birtast
stundum myndskýringar, sem
notaðar eru með fréttum og frétta-
skýringaþáttum. Þær eru allar
kunnáttusamlega gerðar. Væri
ekki ráð að sjónvarpið léti sömu
listamenn teikna veðurkortin, svo
að þar verði ávallt sömu gæði án
tillits til þess hver verðurfræðing-
urinn er eða hve góður teiknari
hann er?
XXX
Yngsta fólkið í iandinu, barna-
skólanemar, safnaði um sið-
ustu helgi um 10 milljónum króna
til styrktar öldruðum í landinu.
Börnin fóru á heimilin og seldu
hvíta penna á 100 krónur. Viðbrögð
almennings við þessu framtaki
unga fólksins, sem þjóðkirkjan átti
frumkvæði að, voru góð og íslend-
ingum til sóma.
Islendingar hafa jafnan brugð-
ist vel við, þegar hjálparstofnanir
hafa leitað til almennings um
stuðning í líknarmálum. Því til
sönnunar mætti nefna ótal dæmi.
Um þessar mundir, sem þetta
söfnunarátak á sér stað, má minna
á niðurstöður spár, sem birt var
fyrir nokkru um fjölda aldraðra
miðað við heildarmannfjöldaspár.
Þar er heldur dapurleg framsýn,
sem við þjóðinni blasir. Þegar þeir,
sem nú eru miðaldra, verða komnir
á gamals aldur, verða þeir mun
fjölmennari í hlutfalli við heildar-
mannfjöldann en nú er. Þetta
stafar m.a. af því að nútíma getn-
aðarvarnir hafa haft það í för með
sér að yngri árgangar íslendinga
eru mun fámennari en hinir eldri.
Það er því fyrirsjáanlegt að eftir
nokkra áratugi verða öldrunar-
málin enn þyngri baggi á skatt-
borgurum þessa lands en þau eru
í dag. Það er því ekki allt fengið
með getnaðarvörnum nútímans og
þau félagslegu vandamál, sem
þeim er ætlað að leysa, eiga eftir
að skapa félagsleg vandamál eftir
nokkra áratugi, sem ef til vill verða
enn erfiðari viðfangs.
XXX
átturinn, sem sjónvarpið sýndi
á mánudagskvöldið um
ástandið á Norður-írlandi, var
mjög upplýsandi um aðstæður,
sem fólkið þar í landi býr við.
Hatrið virðist rista svo djúpt í
þjóðarsálina að þetta deilumál
virðist í senn ólevsanlegt og óskilj-
anlegt fólki, sem ekki hefur þurft
að búa við slíkar ógnir.
Þeir, sem leiddir voru fram fyrir
kvikmyndavélar BBC, gáfu sigallir
út fyrir að vera kristnir, en hatrið
var svo ofsafengið að tillaga
fréttamannsins, sem stakk upp á
því í þáttarlok, að menn settust
að samningaborði og leystu málin,
var lýst móðgun við fólk, sem hafði
misst sína nánustu í blóðugum
átökum borgarastyrjaldarinnar í
landinu. Mótmælendurnir setjast
ekki til borðs með morðingjum,
eins og foringi mótmælendanna
komst að orði og IRA-maðurinn,
sem kvaðst vilja leysa deilurnar
friðsamlega, ef þess væri nokkur
kostur, taldi það útilokað, skellti
raunar allri skuldinni á Breta, sem
hvorki virðast geta farið né verið
með her í landinu.
Þátturinn var frá upphafi til
enda sorgarsaga Norður-írlands,
saga sem enn er að gerast og
enginn sér því miður fyrir endann
á. '
XXX
Framsóknarflokkurinn hefur
jafnan staðið sem einn maður
gegn öllum breytingum á kjör-
dæmaskipuninni. Lítið atkvæða-
fylgi flokksins á Stór-Reykjavík-
ursvæðinu hefur haft það í för með
sér að hann hefur viljað viðhalda
úreltri kjördæmaskipan, þar sem
vægi atkvæða er mun minna á
suðvesturhorni landsins en annars
staðar.
Það er því einkar athyglisvert,
er fréttir berast af kjördæmisþingi
Framsóknar á Suðurlandi, að full-
trúar af höfuðborgarsvæðinu viðra
sérframboð þar undir stöfunum
BB. Telja framsóknarmenn í
Reykjavík og á Reykjanesi þau
8.700 atkvæði sem þeir hafa í kjör-
dæmunum tveimur harla áhrifa-
lítil, þar sem þessir kjósendur eigi
aðeins einn fulltrúa á Alþingi með
atkvæðum, sem myndu duga fyrir
3 til 4 þingmenn, ef atkvæðin væru
í öðrum kjördæmum.
Athyglisvert er jafnframt, að
ekki er talað í þessari andrá um
að réttur kjósenda á suðvestur-
horninu sé fyrir borð borinn á
Alþingi, heldur aðeins réttur
þeirra framsóknarmanna, sem
kosið hafa B-listann. Með sérfram-
boði nýtist atkvæðafylgið sem sagt
betur í þéttbýlinu en án þess.