Morgunblaðið - 29.12.1985, Síða 53

MORGUNBLAÐIÐ, SUNNUDAGUR 29. DESEMBER1985
53
Um heimana þrjá í fornum fræðum
„Við jarðarmcnn erum á útjaðri líflieims og vitheims — okkur skortir nán-
ara samhand við hina eðstu veru“.
Vita skyldum við, að ekki er
hægt að lifa án guós, hinnar æðstu
veru.
En vitum við, að guð getur ekki
lifað án okkar, sköpunar sinnar?
Þetta kann að þykja undarleg full-
yrðing. En reyna mun ég að leiða
nokkur rök að þessari ályktun.
Guð er frumorsök alls sem er.
Allt hefur hann skapað og þróað
til þess, sem nú ríkir um alheim.
Tilgangurinn með lífinu er alfull-
kominn heimur. Guð er því í stöð-
ugu sambandi við allt sitt sköpun-
arverk. Ef eitthvað fer úrskeiðis
þá dregur úr mætti guðs. Hann
getur þá ekki komið sér við, svo
sem vera þyrfti. Hann hefur þá
að nokkru misst samband við
sköpun sína.
Því fleiri og verri sem vítin
verða, því meir dregur úr lífafli
hinnar æðstu veru.
Við jarðarmenn erum á útjaðri
lífheims og vitheims. Okkur skort-
ir nánara samband við hina æðstu
veru, svo snúið verði á rétta braut.
Guð þarf að komast í nánara
samband við okkur jarðarbúa til
að ná fullu lífsafli. Með vonsku
okkar og vanvisku drögum við úr
þeim krafti og þeirri líforku, sem
hann annars ræður yfir. Þetta sýn-
ir, að guð getur ekki verið án
stuðnings okkar. í fornum fræð-
um, íslenskum, segir nokkuð af
þessu ástandi, sem ríkjandi er í
alheimi.
Þar er talað um Útgarð, Miðgarð
og Ásgarð. Útgarður var heimur
jötna og hverskonar illþýðis. Ás-
garður var heimur hinna sælu
guða. En þeir áttu mjög í vök að
verjast fyrir ásókn jötna. Miðgarð-
ur var þarna mitt á milli, það var
mannheimur, og á honum valt,
hvort guðunum tækist að halda
velli. Og vegna þess, að fylgi Mið-
garðsins brast, urðu guðirnir að
lokum yfirbugaðir af jötnum, ill-
þýðinu. Þá urðu hin ógurlegu
Ragnarök, sem af segir í hinum
fornu bókum, Snorra-Eddu og
Eddukvæðum. Þarna segir frá líf-
inu á einhverjum stjörnum al-
heimsins, og vafalaust stuðst þar
við vitranir og sýnir ófreskra
manna.
Útgarður, heimur jötna, eru víti
annarra stjarna í sumum stöðum
alheims, þar sem verst er stefnt.
Þar eru hin verstu illmenni, djöfl-
ar, sem vinna markvisst gegn
áhrifum hinnar æðstu veru, hinna
alsamstilltu máttugu guða, sem
byggja þann hluta alheims, sem
Ásgarður var kallaður til forna.
Miðgarður eru hnettir, á milli Út-
garðs og Ásgarðs þar sem mann-
kyn frumlífsins á heima. Svo virð-
ist, sem mannkyn okkar jarðar
færist nú meir og meir til vítisátt-
ar, enda þaðan beitt sterkum
áhrifum á jarðarbúa.
Lífstefnuáhrifum er beint hing-
að af mannkynjum á framfaraleið.
Áriðandi er, að þau áhrif fari nú
að ná yfirtökunum, svo snúið verði
við, af þeirri óheillabraut, sem leitt
gæti til Ragnaraka, hliðstæðra
þeim, sem af er nokkuð sagt í
Eddum.
En til þess, að snúið verði við á
þessari háskabraut verða jarðar-
búar að átta sig á stöðu sinni og
styðja hina guðlegu viðleitni sér
til bjargar.
Á því ríður nú framtíð okkar
jarðarbúa, að við hættum að styðja
Útgarðinn, vítisverurnar í heil-
heimum annarra hnatta, en snúum
okkur af alefli að því að hagnýta
okkur samböndin við Ásgarð, þ.e.
hina lengra komnu, guðlegu íbúa
annarra lífstjarna, sem nú beina
svo mjög til okkar lífsorku sinni,
okkur til bjargar. Hér ræðir um
■tilraun guðs, hinnar æðstu veru,
að bjarga heiminum.
í þessu efni ættu íslendingar,
fyrstir þjóða, að geta áttað sig, og
orðið forystuþjóð um stuðning við
hina sönnu lífstefnu.
Ingvar Agnarsson
Skrifíð eða hringið
til Velvakanda
Velvakandi hvetur lesendur til að skrifa þættinum um hvaðeina,
sem hugur þeirra stendur til — eða hringja milli kl. 10 og 11.30,
mánudaga til föstudaga, ef þeir koma því ekki við að skrifa. Meðal
efnis, sem vel er þegið, eru ábendingar og orðaskipti, fyrirspurnir
og frásagnir, auk pistla og stuttra greina. Bréf þurfa ekki að vera
vélrituð, en nöfn, nafnnúmer og heimilisföng verða að fylgja öllu
efni til þáttarins, þó að höfundar óski nafnleyndar.
Sérstaklega þykir ástæða til að beina því til lesenda blaðsins
utan höfuðborgarsvæðisins, að þeir láti sinn hlut ekki eftir liggja
hér í dálkunum.
Jólafrímerki — til hvers?
Jólafrímerkin sem fjallað er um í bréfinu.
Enginn, sem sér jólafrímerkin í
ár, tengir þau jólahátíðinni. Úr því
að ástæða var talin til að gefa út
jólafrímerki, hefði mátt ætla að
þau ættu að nota til að minna fólk
á jólin. En hér virðast önnur sjón-
armið hafa ráðið ferðinni.
í tilkynningu um útgáfu jóla-
merkjanna frá Póst- og símamála-
stofnuninni segir: „Tákn mynd-
anna er veturinn — tími jólanna."
Blaðafulltrúi stofnunarinnar, Jó-
hann Hjálmarsson, segir í viðtali
við Mbl. 13.11. sl.: „Stofnunin vill
með þessu leggja áherslu á að frí-
merkjaútgáfan geti stuðlað að
kynningu íslenskrar listar erlend-
is.“ Jón Aðalsteinn Jónsson skrifar
um jólamerkin í Mbl. 6.12. sl.:
„Hversu margir eru þeir ekki, sem
telja jólasnjóinn sjálfsagðan og
rauð jól heldur tilkomulítil?"
Stundum er sagt, að jólin séu
hátíð ljóssins. Fáheyrt er hins
vegar að jólin séu hátíð snjósins.
Ef markmiðið er að kynna list
erlendis, þarf að finna þeirri kynn-
ingu annan vettvang en frímerkja-
útgáfu. Fólk á ekki að þurfa leiðar-
vísi til að skoða frímerki.
í útgáfunefnd frímerkja eru Jón
Skúlason, Rafn Júlíusson og Jó-
hann Hjálmarsson, af hálfu póst-
manna, og Hálfdán Helgason og
Jón Aðalsteinn Jónsson af hálfu
f rímerkj asaf nara.
Ég legg til að nefndin ráði sér
„sérfræðing" til að rifja upp hvers
vegna við hin höldum jólin.
Bolli Davíðsson.
IÍRVALS NAUTAKJÖT
Nautasnitchel 54*5 kr. kg. Nautalundir 687 kr.kg.
Nautagullasch 525 kr.kg. Nauta-T-bone steik 348 kr.kg.
Nauta-roast-beef 475 kr.kg. Nautapottsteik 480 kr.kg.
Nautafilet 647 kr.k, Nautainnanlæri 599 kr. kg.
Nýhreinsuð lambasvið aðeins ^ O llOkr kg. Lambaframpartur úrb. 290 kr.kg.
Svinahamborgarhryggur aðeins 50Q k , Londonlamb aðeins 394 kr. kg.
Lambalæri útb. fyllt með ávöxtum 0% æm y 040 kr.kg. Úrbeinað hangikjötslæri 448 kr.kg.
Úrbeinaður hangikjöts- frampartur^J wOOkr. kg. Villigæsir 27 kr. kg.
Kalkúnar kr. ka. 416 o946Ó Kjúklingar 1 ^5 kr. kg.
Aliendur og pekingendur 1 7 9 kr. kg. Coca Cola 1,5 litraraðeins 65 kr

Ath ■I Allt svínakjöt á 15%
afslætti (nýslátraö).
Óskum öllum gleðilegs nýs árs
og þökkum ánægjuleg viðskipti
árinu sem er að líða.
KJÖTMIÐSTÖPIN Laugalaek l.s. 686511
'91' *V . T