Morgunblaðið - 27.02.1986, Blaðsíða 29

MORGUNBLAÐIÐ, FIMMTUDAGUR 27. FEBRÚAR 1986
29
Corazon Aquino:
„Snúum okkur
að framtíðinni“
CORAZON Aquino, forseti Fiiippseyja, skipaði í dag jafnt harða
andstæðinga Marcosar, fyrrum forseta, sem fyrrverandi stuðnings-
menn hans í sijórn sína. Hún gerði Salvador Laurel varaforseta
bæði að forsætis- og utanríkisráðherra, en Juan Ponce Enrile, varnar-
málaráðherra Marcosar, mun gegna því embætti áfram í hinni nýju
stjórn. Þá hækkaði hún Fidel V. Ramos hershöfðingja í tign og
gerði hann að yfirmanni alls herafla landsins.
„Stríðinu er lokið. Nú verðum við
að hefjast handa og vinna það upp,
sem glatazt hefur," sagði Laurel
við fróttamenn í dag. Hann kvaðst
vona, að baráttan gegn kommúnist-
um á Filippseyjum yrði auðveldari
eftirleiðis. „Ég er þeirrar skoðunar,
að þegar traust, lýðræðisleg stjóm
er komin á, þá muni 90% af herliði
þeirra leggja niður vopn.“
Aquino átti í dag fund með Cesar
Virata, sem var forsætisráðherra
Marcosar, og 10 öðrum ráðherrum
úr fyrrverandi stjóm. Tók hún á
móti þeim þar sem aðalstöðvar
hennar í kosningabaráttunni höfðu
verið og heilsaði þeim með handa-
bandi. „Reynum að gleyma því, sem
liðið er, en snúum okkur að framtíð-
inni,“ sagði hún og kvaðst óska
eftir samvinnu þeirra.
Ferdinand Marcos, fyrrum for-
seti, var í dag fluttur ásamt fjöl-
skyldu sinni og um 90 manna fylgd-
arliði flugleiðis frá eynni Guam til
Hawai. Talsmaður bandaríska
vamarmálaráðuneytisins sagði í
dag, að sennilega ætti Marcos eftir
að dveljast þar í þó nokkum tíma.
Vitað er, að George Ariyoshi, rík-
issyóri á Hawai, er mikill vinur
Marcosar, en auk þess á forsetinn
fyrrverandi þar ýmsa áhrifamikla
vini, sem eiga ættir sínar að rekja
til Filippseyja.
Corazon Aqino útilokaði það ekki
í dag, að Marcos fengi einhvem tím-
ann að snúa aftur heim til Filipps-
eyja. „Ég sagðist geta verið stór-
huga, ef ég sigraði í kosningabar-
áttunni," sagði hún, er hún var
spurð um hvort hún ætlaði að fá
Marcosi hegnt fyrir morðið á manni
hennar. „Ég ætla að gefa gott
fordæmi, svo að þjóðin geti gleymt
sárindum sínum og við hafízt handa
um að reisa hana úr rústum."
Það hefur ekki komið á óvart,
að Aquino hyggst ekki skipa neinn
mann í ráðherraembætti það, sem
Imelda, eiginkona Marcosar,
gegndi, en hún fór með skipulags-
og húsnæðismál í fyrrverandi
stjóm. Aquino hét því í kosninga-
baráttu sinni að afnema þetta ráð-
herraembætti, sem var afar kostn-
aðarsamt og teygði anga sína um
allt þjóðlífíð. Hafði það lengi verið
gagnrýnt fyrir að vera gagnslaust
spillingarhreiður.
Corazon Aquino, hinn nýi forseti Filippseyja, og Salvador Laurel varaforseti sjást hér í léttu skapi við
upphaf fréttamannafundarins í gær, þar sem Corazon gerði grein fyrir ýmsu varðandi myndun stjórnar
sinnar. Laurel verður bæði forsætis- og utanríkisráðherra hinnar nýju stjórnar.
Valdatöku Corazon
fagnað víða um heim
New York og víðar, 26. febrúar. AP.
ÞJÓÐARLEIÐTOGAR víða um heim annars staðar en í kommúnista-
ríkjunum hafa í dag árnað Corazon Aquino heilla og borið á hana
margvíslegt lof. Er henni einkum hrósað fyrir að hafa átt þátt í að
valdaskiptin á Filippseyjum fóru fram með friðsamlegum hætti þrátt
fyrir allt.
Brian Mulroney, forsætisráð-
herra Kanada, sagði í skeyti sínu,
að Corazon ætti lof skilið fyrir
„hugrekki, einurð og fyrir að víkja
ekki frá grundvallaratriðum iýð-
ræðisins" í baráttunni við Marcos
og Bob Hawke, forsætisráðherra
Ástralíu, segir í sínum heillaóskum,
að staðfesta hennar og milljóna
annarra Filippseyinga hafi orðið tij
þess, að réttlátur sigur vannst. í
yfirlýsingu frá George Shuitz, utan-
ríkisráðherra Bandaríkjanna, segir,
að Reagan, forseti, sé ánægður með
friðsamleg stjórnarskipti á Filipps-
eyjum og að Corazon hafí átt manna
mestan þátt í þeim.
Fjöldamargir aðrir þjóðarleið-
togar hafa sent Corazon sams
konar heillaóskir en athygli vekur,
að kommúnistaríkin eru ekki í þeim
hópi. Sovéska fréttastofan Tass og
aðrar fréttastofur í Austur-Evrópu
skýrðu aðeins frá því athugasemda-
laust, að Marcos hefði flúið land.
Eins og kunnugt er voru Sovétmenn
þeir einu, sem urðu til að óska
Marcosi til hamingju með opinber
úrslit í forsetakosningunum.
Volvo hættir
við að kaupa
hlut í Fermenta
Gautaborgf, 26. febrúar. AP.
VOLVO-fyrirtækið tilkynnti i
morgun að það hefði rift sam-
komulagi við sænska kaupsýslu-
manninn Refaat El-Sayed um
hlutabréfakaup í líftæknifyrir-
tækinu Fermenta. Með samn-
ingnum hefði Fermenta orðið
allsráðandi fyrirtæki í sænskum
lífefnaiðnaði.
Samningur Volvo og Fermenta,
sem gerði ráð fyrir að Volvo eignað-
ist 20% hlutabréfa í Fermenta, var
metinn á fjóra milljarða sænskra
króna, eða jafnvirði 23ja milljarða
íslenzkra króna. Per Gyllenhamm-
ar, forstjóri Volvo, tilkynnti að
samningurinn hefði verið rofínn og
ekkert yrði af hlutabréfakaupunum.
Hann sagði að Volvo hygðist engu
að síður láta til sín taka á sviði líf-
tækniiðnaðar í framtíðinni.
Ástæður munu þær að El-Sayed
viðurkenndi nýverið að hafa logið
til um menntun sína. Hann kvaðst
hafa doktorsgráðu í örveirufræði,
en það reyndist uppspuni. Þegar
játning hans lá fyrir hríðlækkuðu
hlutabréf í Fermenta í verði og
orðrómur komst á kreik um að
Volvo mundi draga sig út úr fyrir-
huguðu samstarfi við fyrirtækið.
Refaat El-Sayed var í ársbyijun
lq'örinn „Svii arsins 1985“ og blaða-
menn, sem að staðaldri rita um
efnahags- og atvinnumál, lýstu
honum sem snillingi."
Sjá ennfremur grein um
málið á bls. 10B.
Corona Mega er fjöl-
notendakerfi sem getur
notað venjulegan PC
samræmdan hugbúnað.
Mega er fyrir stærri
skrifstofur og fyrirtæki
sem vilja PC hugbúnað, en
afkastameiri vélbúnað.
Allir notendur hafa eigin
örgjörva sem er 40%
hraðvirkari en IBM-XT,
512k minni fyrir stærstu
forrit og 14" tæran skjá
með teiknihæfileika.
Corona Mega PC sann-
kallaður risapési.
MICROT©L¥AlM
Síðumúla 8 - Símar 83040 og 83319
Þú svalar lestrarþörf dagsins
’ A
ÁÆTLANA-
GEl RÐA R-
KE 'RFl Ð
MULTIPLAN
Multiplan er áætlanagerðarkerfi (töflureiknir), sem
öll fyrirtæki geta notfært sér við útreikninga. Við
áætlanagerð getur Multiplan sýnt ótal valkosti,
eftirlíkingar og gert tölulega úrvinnslu.
Markmið námskeiðsins er að veita þeim, er starfa
við áætlanagerð og flókna útreikninga, innsýn í
hvernig nýta megi Multiplan-áætlanagerðarkerfið í
starfi.
Efni: Uppbygging Multiplan-(tölvureikna) • Helstu
skipanir • Uppbygging líkana • Meðferð búnaðar.
Þátttakendur: Námskeiðið er ætlað starfsmönnum
fyrirtækja sem nota eða ætla að nota Multiplan
(töflureikna).
Tími og staður:
3.-5. mars kl. 13.30-17.30
Ánanaustum 15
Leidbeinandi:
Páll Gestsson,
starfsmadur Skrifstofuvéla hf.
Asciórnunarfélaa islands
Ánanaustum 15 Sími: 6210 66