Morgunblaðið - 27.02.1986, Blaðsíða 34
34
MORGUNBLAÐIÐ, FIMMTUDAGUR 27. FEBRtJAR 1986
Bréf aðila vinnumarkaðar-
ins til ríkisstjómarinnar
Afnám verðjöfn.gj. afrafm. 440 millj. kr.
Niðurfelling launaskatta 330 millj. kr.
FULLTRÚAR Alþýðusambands
íslands, Vinnuveitendasam-
bands íslands og Vinnumála-
sambands samvinnufélaganna
afhentu Steingrimi Hermanns-
syni og Þorsteini Pálssyni svo-
hljóðandi bréf á fundi í stjórn-
arráðinu í gærkvöldi:
í framhaldi af bréfí samnings-
aðila til ríkisstjómarinnar 31.
janúar og svari hennar frá 11.
febrúar sl. hefur verið unnið að
gerð nýs kjarasamnings sem
byggir á föstu gengi krónunnar
og afgerandi hjöðnun verðbólgu.
Arangur í þessum efnum er háður
því að stjómvöld beiti sér nú þegar
fyrir þeim aðgerðum, sem nefndar
voru í ofangreindu bréfí ríkis-
stjómarinnar, auk frekari aðgerða
tii niðurfærslu verðlags, aðhalds
í verðlagsmálum og eflingar
samkeppnisstöðu útflutnings- og
samkeppnisiðnaðar. Samningsað-
ilar beina því til ríkisstjómarinnar
að hún tryggi framgang eftirfar-
andi atriða, enda er það forsenda
þess kjarasamnings sem nú er í
burðarliðnum.
Aðgerðir þessar feiast einkum
i:
— Lækkun á tekjuskatti.
— Lækkun á útsvari.
— Lækkunvaxta.
— Lækkun á verði opinberrar
þjónustu.
— Lækkun á bensínverði.
— Lækkun á búvöruverði.
— Afnámi verðjöfnunargjalds af
rafmagni.
— Lækkun á tollum af grænmeti.
— Lækkun á tollum af fólksbif-
reiðum.
— Lækkun tolla af hjólbörðum.
— Lækkun á tollum af heimilis-
tækjum.
— Niðurfellingu launaskatts til
eflingar samkeppnisstöðu.
— Stóraukinni upplýsingastarf-
semi um verðmyndun og verð-
lag.
Eftirfarandi listi sýnir nánari
útfærslu á einstökum atriðum:
1. Lækkun tekjuskatts.
Ríkisstjómin beiti sér fyrir
lækkun tekjuskatts um allt að
150 milljónum króna á þessu
ári til samræmis við breyttar
verðlagshorfur frá því sem
flárlög gerðu ráð fyrir. Bent
er á hækkun persónuafsláttar
sem æskilega leið til þess að
ná þessu markmiði. Fyrirfram-
greiðsla tekjuskatts lækki til
samræmis við þetta.
2. Lækkun útsvars.
Ríkisstjómin beiti sér fyrir
því að sveitarfélög lækki út-
svar í ljósi lægri verðbólgu en
forsendur fjárhagsáætlana
þeirra byggðu á. Fyrirfram-
greiðsla útsvars lækki að sama
skapi. Hér er um að ræða sem
næst 300 millj. kr.
3. Lækkunvaxta.
Ríkisstjómin beiti sér fyrir
því að vaxtaákvarðanir styðji
og fylgi verðlagshjöðnun.
Vextir lækki strax 1. mars og
síðan mánaðarlega í samræmi
við lækkun verðbólgu.
4. Lækkun á verði opinberrar
þjónustu (0,5% vísitöluáhrif).
Ríkisstjómin beiti sér fyrir
lækkun á verði opinberrar
þjónustu eins og fram kemur
í bréfi til aðila vinnumarkaðar-
ins dags 11. febrúar 1986 en
þar er m.a. gert ráð fyrir.
10% lækkun rafmagnsverðs.
7% lækkun á töxtum Hita-
veitu Reykjavíkur.
5% lækkun á afnotagjöldum
ríkisútvarpsins.
5% lækkun á dagvistargjöld-
um.
Auk þess er þess vænst að
önnur fyrirtæki ríkis og sveit-
arfélaga fylgi sömu stefnu.
Nú þegar verði gengið eftir
skýmm svörum frá öllum
sveitarfélögum og orkufyrir-
tæjum um fyrirætlanir þeirra
í ljósi nýrra verðlagsforsendna.
Bein áhrif þessarra lækkana
eru metin á 0,5% í vísitölu
framfærslukostnaðar en með
óbeinum áhrifum, af því að
opinber fyrirtæki falla frá
hækkunum síðar á árinu eru
áhrifín í heild metin á 0,7%.
Miðað er við að lækkun þjón-
ustu komi fram eigi síðar en
1. mars 1986 og að auki falli
opinber fyrirtæki frá áformuð-
um hækkunum síðar á árinu.
5. Lækkun á verði á bensíni og
olíum (0,7% vísitöluáhrif).
Lækkun á verði á bensíni og
olíum á heimsmarkaði skili sér
í verðlagningu á þessum vörum
hérlendis. Miðað er við að
bensín lækki um 4% í mars-
byijun og aftur í aprílbyrjun
þannig að lækkun alls verði
a.m.k. 10%, sem lækkar fram-
færsluvísitöluna beint um
0,5%. Auk þess er gert ráð
fyrir því að óbein áhrif af
þessari lækkun og almennri
lækkun á vörum vegna olíu-
verðslækkunar verði 0,25% til
viðbótar.
6. Lækkun á verði búvöru (0,5%
vísitöluáhrif).
Ríkisstjómin beiti sér fyrir
því, að búvöruverð hækki ekki
1. mars og búvöruverðshækk-
un síðar á árinu verði innan
marka umsaminna launa-
hækkana 1. júní, 1. september
og 1. desember.
Bent er á þá leið að hluti út-
flutningsuppbóta á búvöru
verði notaður til þess að fjár-
magna sérstaka verðlækkun á
kindakjöti nú á útmánuðum.
Jafnframt verði gert ráð fyrir
sérstakri verðlækkun á kinda-
kjöti næsta haust.
7. Afnám verðjöfnunargjalds af
rafmagni (0,25% vísitöluáhrif).
Ríkisstjórnin beiti sér fyrir
afnámi verðjöfnunargjalds af
rafmagni, þannig að verðjöfn-
un verði fjármögnuð af al-
mennum tekjum ríkissjóðs.
Þessari aðgerð er ætlað að
lækka orkuverð nérlendis til
almennra nota til samræmis
við lækkandi orkuverð erlend-
is. Áhrifín af þessari aðgerð
sem gengið er út frá að komi
til framkvæmda 1. mars eru
metin á 0,25% í vísitölu fram-
færslukostnaðar. Ásamt áður-
greindri lækkun gjaldskrár
rafveitna felur þetta í sér 20%
lækkun á rafmagnsverði.
8. Lækkun á tollum á grænmeti
(0,15% vísitöluáhrif).
Ríkisstjómin ábyrgist lækkun
á tollum á innfluttu nýju græn-
meti (á þeim tímum sem slíkur
innflutningur er á annað borð
heimilaður), þannig að ýmsar
tegundir innflutts nýs græn-
metis lækki í verði um
25—30%. Slík lækkun vegur
um 0,15% í vísitölu fram-
færslukostnaðar.
9. Lækkun á tollum af fólksbif-
reiðum (1,5% vísitöluáhrif).
Ríkisstjómin standi fyrir lækk-
un á tollum eða öðmm aðflutn-
ingsgjöldum af bifreiðum sem
tryggi að bifreiðir með 2000
rúmsentim. slagrými eða minni
lækki í verði um a.m.k. 30%.
Stærri bifreiðir lækki hlutfalls-
lega minna og stærstu bifreiðir
ekki neitt. Slík lækkun vegur
1,5% í vísitölu framfærslu-
kostnaðar.
10. Lækkun á tollum af hjól-
börðum (0,15% vísitöluáhrif).
Tollar af hjólbörðum fyrir
fólksbifreiðir verði lækkaðir úr
40% í 10%. Áætluð vísitölu-
áhrif em um 0,15%.
11. Lækkun á tollum af heimilis-
tækjum (0,35% vísitöluáhrif).
Ríkisstjómin beiti sér fyrir
eftirfarandi lækkun á tolíum
af ýmsum heimilistækjum:
Tollar á sjónvarpstækjum,
myndbandstækjum, útvarps-
tækjum og hljómtækjasam-
stæðum lækki úr 75% í 40%.
Tollar á ýmsum heimilistækj-
um sem nú bera yfir 40%
toll Iækki í 40%.
Tollar á ýmsum tækjum sem
nú bera 40% toll lækki í 15%.
Almenn verðlækkun á þessum
vömtegundum vegna þessara
tollalækkana er nálægt 20%
sem vegur um 0,35% í vísitölu.
12. Niðurfelling launaskatts til
eflingar samkeppnisstöðu.
Ríkisstjómin gangist fyrir þvi
að frá 1. mars verði launa-
skattur felldur niður af físk-
vinnslu, útflutnings- og sam-
keppnisiðnaði til þess að gera
þeim auðveldara að bera
launakostnaðarhækkanir
samningsins.
13. Verðgæsla og verðkann-
anir.
Ríkisstjómin feli Verðlags-
stofnun að stórauka verðgæslu
og verðkannanir til þess að
sem best megi fylgjast með
þróun verðlags á sem flestum
sviðum. Markmiðið með slíku
er að auka upplýsingar um
verðlagsmál, veita aðhald að
verðákvörðunum og efla verð-
skyn almennings.
Verðlagsstofnun hafí náið
samráð við aðila vinnumarkað-
arins um framkvæmd málsins,
sbr. yfirlýsingar aðila um
aðhald í verðlagsmálum.
Aætlaður kostnaður
vegna aðgerða
Eftirfarandi tafla sýnir áætlaðan kostnað
ríkissjóðs vegna aðgerðanna til lækkunar
verðlags:
Aðgerð: Kostnaður:
Lækkun á grænmetistollum 50 millj. kr.
Lækkun tolla af hjólbörðum 60 millj. kr.
Lækkun á bifreiðatollum 400 millj. kr.
Lækkun á tollum á heimilist. 180 millj. kr.
Samtals kostn. á heilu ári 1.460 millj. kr.
Áætlaður kostn. á árinu 1986 1.250 millj.
kr.
Heildarkostnaður við lækkun
búvöruverðs fer eftir því með
hvaða hætti framkvæmdin verður
og er því ekki áætlaður hér.
Gengið er út frá því að málið í
heild verði leyst án þess að halla-
rekstur ríkissjóðs aukist af þeim
völdum, þó án þess að skattar á
launatekjur eða atvinnurekstur
verði hækkaðir.
Fjármögnun aögeröa
Ofangreindar aðgerðir fela í sér
1.250 millj. kr. kostnað fyrir ríkis-
sjóð á árinu 1986, auk þess kostn-
aðar sem lækkun búvöru hefði í
för með sér. Miklu máli skiptir
að þessi kostnaður valdi ekki halla
á ríkissjóði og að hann verði fjár-
magnaður með innlendu fé. Að
öðrum kosti væri hætta á aukinni
þenslu, sem gæti sett verðlags-
markmið kjarasamninga úr skorð-
um.
Samningsaðilar hyggjast beina
þvi til lífeyrissjóðanna að þeir
auki kaup sín á ríkisskuldabréf-
um, þannig að lífeyrissjóðimir
kaupi a.m.k. fyrir 2.655 milljónir
króna á þessu ári af ríkissjóði,
byggingarsjóðunum, Fram-
kvæmdasjóði og Stofnlánadeild-
inni. (Sjá sérstakt samkomulag.)
Þessi auknu kaup lífeyrissjóðanna
á skuldabréfum gefa ríkissjóði
svigrúm til þess að mæta a.m.k.
625 milljónum króna af áður-
nefndum kostnaði vegna aðgerða
á þessu ári.
Að öðru leyti verður að afla
flár með lækkun útgjalda og/eða
innlendri fjármögnun án þess þó
að það hafí áhrif á kaupmátt
launa, velferðarþjónustu almenn-
ings eða stöðu útflutnings- og
samkeppnisgreina.
Kaup lífeyrissjóða á
ríkisskuldabréfum
Samningsaðilar munu beita sér
fyrir því að þeir lífeyrissjóðir sem
starfa á samningssviði þeirra taki
að sínu leyti fullan þátt í auknum
kaupum lífeyrissjóða á ríkis-
skuldabréfum á árinu 1986, alls
að Qárhæð 925 milljónir króna
umfram það sem gert er ráð fyrir
í lánsfjáráætlun.
Miðað er við að lífeyrissjóðir
landsmanna geri bindandi samn-
ing um þessi kaup fyrir 15. mars
nk. og að lánskjör verði hin sömu
og verið hafa á ríkisskuldabréfum
að undanförnu.
Af hálfu lífeyrissjóðanna eru
þessi auknu kaup skilyrt því að
300 milljónir króna renni beint til
lausnar á bráðavanda húsbyggj-
enda, til viðbótar þeim 200 millj-
ónum króna sem þegar hefur verið
ákveðið að veija í þessu skyni.
Fulltrúar vinnumarkaðarins á fundi með forsætis- og fjármálaráðherra í gærkvöldi, talið frá
vinstri: Þorsteinn Ólafsson, Ólafur B. Ólafsson, Víglundur Þorsteinsson, Gunnar J. Friðriksson,
Þorsteinn Pálsson, Steingrímur Hermannsson, Ásmundur Stefánsson, Björn Þórhallsson, Ágúst
Geirsson og Karl Steinar Guðnason. Morgunbiaðið/Ámi Sæberg
Ferðaskrif-
stofa ríkisins
rekur Hótel
Valhöll
UNDANFARNAR vikur hafa
staðið yfir samningaviðræður
milli aðstandenda Hótels Val-
hallar hf., Þingvöllum, og Ferða-
skrifstofu rikisins um leigu þess
síðarnef nda á veitingaaðstöðu og
gistirými Hótels Valhallar sum-
urin 1986 og 1987.
Samningar hafa nú tekist og mun
því Ferðaskrifstofa ríkisins hafa
með veitinga- og hótelrekstur að
gera á Þingvöllum næstu tvö sum-
(Fréttatílkynniiig.)
Hveragerði
Sjálfstæðis-
menn halda próf-
kjör á laugardag
Hveragferði 25. mars.
PRÓFKJÖR Sjálfstæðisflokksins
í Hveragerði, vegna sveitar-
stjórnarkosninganna í vor, verð-
ur haldið þ. 1. mars næstkom-
andi. Fer það fram á Austurmörk
2 (uppi) milli kl. 10 og 21. Sá
háttur verður hafður á við próf-
kjörið að atkvæðisrétt eiga allir
stuðningsmenn Sjálfstæðis-
flokksins, sem eiga munu kosn-
ingarétt í Hveragerði við hrepps-
nefndarkosningamar 1986 svo
og þeir félagar í Sjálfstæðis-
félaginu Ingólfi, sem náð hafa
16 ára aldri á prófkjörsdaginn.
Kosning fer þannig fram að núm-
era skal í sæti 1 til 5, hvorki fleiri
né færri.
Kosning 4 efstu manna er bind-
andi hafí þeir hlotið atkvæði að
minnsta kosti helming gildra kjör-
seðla, í það sæti sem þeir voru
kosnir til.
Hér fara á eftir nöfn þeirra sem
taka þátt í prófkjörinu:
Alda Andrésdóttir bankafulltrúi,
Bjöm Pálsson verkstjóri, Bjöm
Sigurðsson garðyrkjubóndi, Erla
Alexandersdóttir sölumaður, Gunn-
ar Davíðsson kaupmaður, Gunnar
Kri^tófersson pípulagningameist-
ari,. Hafsteinn Kristinsson fram-
kvæmdastjóri, Hans S. Gústafsson
garðyrkjubóndi, Helgi Þorsteinsson
múrarameistari, Marteinn Jóhann-
esson byggingameistari, Ólafur
Óskarsson byggingameistari, Pam-
ela Morrison húsmóðir, Páll Guð-
jónsson nemi og Ævar M. Axelsson
jámsmíðameistari.
Sjálfstæðisflokkurinn á 4 fulltrúa
í núverandi hreppsnefnd, tveir
þeirra fulltrúa gefa ekki kost á sér
í væntanlegu prófkjöri. Hrepps-
nefnd Hveragerðishrepps skipa 7
menn. Sigrún.
Fokker Land-
helgisgæsl-
unnar í skoðun
FOKKERVÉL Landhelgisgæsl-
unnar hefur verið sett í svokall-
aða D-skoðun, þar sem vélin
verður öll yfirfarin. Skoðunin
fer fram hjá Flugleiðum og tekur
um 7 vikur.
Hjá Landhelgisgæslunni fengust
þær upplýsingar að á meðan yrði
leitað til Flugmálastjórnar með
leiguflugvél. Jafnframt er í ráði að
brúa bilið með aukinni notkun á
þyrlu Landhelgisgæslunnar, þar til
D-skoðun verður lokið á Fokkervél-
ínm.