Morgunblaðið - 04.05.1986, Blaðsíða 31

Morgunblaðið - 04.05.1986, Blaðsíða 31
MORGUNBLAÐIÐ, SUNNUDAGUR 4. MAÍ 1986 31 ¦ ¦¦K^íJÍi^-'- '¦' TM 4*1 v ¦¦¦¦¦& VS^r«&>«A MiAUíii''""" -^áÍÉSs .:;¦¦¦¦'¦'¦-w'"'ia IH HhhW' ^Sæt '%^ F ¦ ^P^"' jjí: ¦ ' w Sr 'TgKH ¦ ¦¦¦ ¦.. -¦¦¦"" -.-, 1 BIbm h |'l CííáH&^HHl ¦" Tt.'S HP9 Bandaríkjamenn virðast mjög á einu máli um réttmæti loftárás- arinnar á Líbýu. Þessi íbúi í Los Angeles sendir Kaddafi kveðju á skyrtubol sínum. Þessa vilja Arabar hefna í ár, látið barn borið út úr rústum í Trípólí. Vesturlandabúar óttast að hefndarað- ;gerðirnar bitni fyrst og fremst á Evrópu. Öll öryggisgæsla hefur verið stórlega efld í Evrópu, eins og til dæmis á Heathrow-flug- velli við London, þar sem þessi mynd var tekin af hermanni í skriðdreka. U'l' Sölustjóri stórrar ferðaskrifstofu í New York, Kawana Travel, sagði afpöntunum í Evrópuferðir rigna inn. „Mesta hræðslan virðist vera : við að ferðast með frægum, banda- ¦ rískum flugfélögum, eins og Pan American, Trans World Airlines og Northwest Orient," sagði hún. „Það var heldur tregt strax í ársbyrjun en eftir sprenginguna í TWA- þotunni og árásina á Líbýu dró i verulega úr bókunum. Fólk vill einfaldlega ekki taka áhættuna á að fljúga til Evrópu." Afpantað við hverja árás Fleiri nefndu að TWA færi illa út úr sumrinu: „Það fer hryllingur um suma þegar þeir heyra minnst á félagið," sagði einn ferðaskrifstofu- maður. Og á skrifstofu TWA í New York leynir sér ekki Iengur að við- skiptin ganga ekki að óskum — þar fengust þær upplýsingar einar að afstaða félagsins til samdráttar í Atlantshafsfluginu hefði svo oft komið fram að stjórn félagsins hefði ákveðið að svara fjölmiðlum ekkert frekar. Flugfélögin eru almennt afar treg til að nefna hlutfallstölur um eigin samdrátt. „Við áætlum að farþegafjöldinn til Frakklands frá Bandaríkjunum í ár verði 15-20% minni en hann var í fyrra," sagði talsmaður Air France, sem flýgur 30-40 sinnum á viku frá fimm stöðum í Bandaríkjunum til Frakk- lands. Fyrir utan Concorde, sem fer daglega milli New York og Parísar, notar Air France eingöngu Boeing 747-þotur, sem taka 450 farþega. Hjá félaginu gæti því fækkunin numið 2.500-3.000 farþegum viku- lega og munar um minna. „Við teljum engan vafa leika á að þessi fækkun stafar af hryðjuverkunum í Evrópu," sagði talsmaður Air France. „Við hvert nýtt atvik fáum við, og raunar öll önnur flugfélög, afpantanir eða þá að nýjar bókanir berast ekki eins hratt og eðlilegt er." iJi Talsmaður People's Express, sem flýgur daglega til London og Bruss- ;ol, tók mjög í sama streng. „Á 'þessum tíma í fyrra vorum við búnir að selja hvert einasta sæti fram í ¦september," sagði hann. „Við höf- um ekki nákvæmar upplýsingar um hversu miklu færri sæti við seljum núna en það vantar talsvert upp á að við fljúgum með fullar vélar. Það er undantekning núna ef það er fullt hjá okkur — í fyrra vorum við Stöðugt í vandræðum með sæti." 'Talsmaðurinn, sem kallaði sig að- 'eins Steve í takt við skemmtilega ftóspurslausan stíl People's Express, kvaðst ekki hafa trú á að nokkru !|hærra fargjald í ár en í fyrra (229 idollarar nú, 199 í fyrra) fyrir flug yfir Atlantshaf skipti máli í þessu sambandi og heldur ekki fall dollar- ans. „Það er greinilegt að fólk fer minna og ástæðan er einfaldlega sú, að það er hrætt við að verða sprengt ítætlur," sagðí hann. „Komið heim" til Grikklands Grikkland má einnig þola þungar búsifjar vegna árása arabískra skæruliða enda hafa morðsveitir oftar en einu sinni farið um flug- velli þar í landi með sprengjur og vopn á sendiferðum sínum. Gríska ferðamálaráðið vestra hefur hafíð mikla auglýsingaherferð til að reyna að bjarga því sem bjargað verður — og varið til þess sem svarar um 120 milljónum íslenskra Ógnvaldurinn — skæruliði í Mið- Austurlöndum. króna. Frægir amerískir leikarar og skemmtikraftar koma fram í sjónvarpsauglýsingum ráðsins og hvetja fólk til að „koma heim". Ráðið hefur jafnframt lagt áherslu á staðreyndir málsins: af 27 milljón- um Bandaríkjamanna, sem fóru til útlanda á síðasta ári, létu 54 lífið í árásum hryðjuverkamanna. Tals- maður auglýsingafyrirtækis í Chicago, sem Grikkir hafa ráðið til að stjórna auglýsingaherferðinni, hefur einnig lagt fram tölur um að aðeins fimm prósent af 3.012 skráð- um hermdarverkaárásum á síðasta ári hafl átt sér stað í Mið-Austur- og Miðjarðarhafslöndum en 64% í Mið-Ameríku. Heima er best Þetta skiptir ekki alla Banda- ríkjamenn máli, eins og fram kom þegar tímaritið Newsweek spurði í skoðanakönnun vestra: Ef þú hefðir tækifæri til að ferðast til útlanda í sumar myndir þú fara eða hafna ferðinni vegna ógnunarinnar af hryðjuverkastarfsemi? 79% kváðust myndu hafna ferðinni. Fyrir mánuði — fyrir loftárásina á Líbýu — kváð- ust 61% myndu hafna slíkri ferð. En jafnvel þótt allt að tvær millj- ónir Bandaríkjarhanna hætti við Evrópuferðir í sumar fara þeir í sumarfrí. Og allt bendir til að þeir ferðist í meira mæli heima fyrir. Á ársfundi samtaka bandarískra bif- reiðaeigenda (American Automo- bile Association), sem haldinn var í New York í síðustu viku, kom fram að ferðaskrifstofur samtakanna (sem eru samtals 800) sjá fram á mikla gósentíð. Talsmaður AAA sagði fréttamönnum eftir ársfund- inn að Evrópuferðir á vegum ferða- skrifstofa samtakanna á fyrsta árs- fjórðungi þessa árs væru 75% færri en á fyrsta ársfjórðungi 1985. Jafn- framt væri ljóst að ferðum til Bandarískur f erðamaður í Reykjavík: Mun færri koma til Evrópu i sumar en undanfarin ár af ótta við að komast ekki lifandi heim. Hawaii myndi fjölga um að minnsta kosti helming á þessu ári ogfar- pantanir til eyja í Karíbahafi, Ástr- alíu og Nýja Sjálands virtust ætla að aukast um 75%. Það er einnig til marks um aukin ferðalög Bandaríkjamanna heima- fyrir, að sögn Jays Hartmann, að járnbrautafélagið Amtrak hefur þegar selt í allar ferðir sumarsins. „Það er útlit fyrir að gestum í þjóð- garðana hér heima muni fjölga verulega — þeir í Great Smokey Mountains National Park reikna til dæmis með að gestum fjölgi um að minnsta kosti milljón, úr níu í tíu milljónir — og þegar er búið að fjölga mjög ferðum til Hawaii og Alaska," sagði hann. Fréttamaður sjónvarpsfyrirtækisins Cable News Network, sem sendir út fréttir allan sólarhringinn, talaði í fyrri viku um útlit fyrir „einstaklega sólríkan sumarleyfistíma fyrir vesturfylkin". Straumur til Kanada Stærst vesturfylkjanna er Kali- fornía og þar hugsa yfirvöld sér gott til glóðarinnar. Þegar eru gestir í Disneylandi nálægt Los Angeles orðnir miklu fleiri en þeir hafa nokkru sinni verið á þessum árstíma. En af „útlöndum" Banda- ríkjamanna er það líklega Kanada, sem mest hagnast á hryðjuverka- ótta nágranna sinna. Yfírvöld í Vancouver — þar sem haldin verður heimssýning í sumar, Expo '86 — eru þegar farin að hrósa sigri og telja að gestir á sýningunni verði margfalt fleiri en áður hafði verið reiknað með. Fréttir frá öðrum borgum Kan- ada eru af sama toga: ferðaskrif- stofumenn í Quebec og Montreal sögðu frá því í sjónvarps- og blaða- viðtölum að aldrei fyrr hefðu þeir orðið varir við jafn mikinn áhuga voldugu nágrannanna í suðri. „Margir hringja hingað og segja sem svo: fyrst ekki er óhætt að f ara til Parísar þá sækjum við okkur franska stemmningu til Quebec," sagði starfsmaður á stórri ferða- skrifstofu þar og bætti við, að fyrir- tæki sitt fengi þúsundir fyrirspurna daglega frá Bandaríkjamönnum, sem ekki þori til Evrópu. „Auðvitaðreynaþeir . . ." Ótta við hryðjuverk heima fyrir (og vestra tala menn nær eingöngu um hryðjuverk á vegum Kaddafys Líbýuleiðtoga) gætir ekki svo orð sé á gerandi. Þó er greinilegt, að varúðarráðstafanir eru ekki allar í besta lagi, ef marka má athugun, sem blaðamenn frá New York Post gerðu í síðustu viku. Þeir fóru um alla ganga og mörg „afgirt öryggissvæði" bæði á Kennedy- og La Guardia-flugvöllum og voru aldrei truflaðir. Undir fyrirsðgninni „Flugvellir New York eru land tækifæranna fyrir hryðjuverka- menn" sögðu þeir frá ferðum sínum um vellina og kæruleysis'.egu eftir- liti — eða öllu heldur eftirlitsleysi. Þeir sögðust meðal annars hafa gengið óhindraðir inn á „afgirt" svæði ísraelska flugfélagsins El Al, sem frægt er fyrir stífustu öryggis- ráðstafanir sem þekkjast hjá nokkru flugfélagi, og vafrað þar um í góða stund. Daginn eftir hafði blaðið eftir stjórnmála- og embætt- ismönnum borgarinnar að eftirlit yrði stórlega hert í framhaldi af „uppljóstrunum blaðsins". Trúlega er álit leigubflstjórans, sem ók blm. Morgunblaðsins frá Kennedy-flugvelli á dögunum, dæmigert fyrir afstöðu Bandaríkja- manna til ástandsins heima fyrir. „Auðvitað eiga þeir eftir að reyna eitthvað hér," sagði hann. „En ég hef enga trú á að það takist." Og farþegar sem koma inn í flugstöðvarbygginguna á Keflavík- urflugvelli reka augun í að vopnaði vörðurinn í farþegasalnum er ekki lengur með hríðskotabyssu. - ÓV.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.