Morgunblaðið - 10.06.1986, Blaðsíða 51

MORGUNBLAÐIÐ, ÞRIÐJUDAGUR10. JÚNÍ1986
51
um ásamt algerlega sjálfstæðum
skoðunarhætti urðu að vörðum fyrir
mig sjálfa ef ég af öðru tilefni leit-
aði á sömu slóðir. Hann hafði verið
á Ólympíuleikunum í Berlín 1936.
Og hann hafði farið í ferðalög með
fjölskylduna út og suður um Evrópu
löngu áður en ferðaskrifstofur
höfðu náð að virkja útþrá landans
og ævintýrahneigð.
Og þó var afi veraldlegur maður:
búhyggindi honum í blóð borin þótt
honum hafi verið annað hugstæðara
í bernsku en ílendast í heimabyggð
sinni og hann látið skríða til skarar
eins og honum að öllum jafnaði var
skapfelldast. Þá þegar var fólk tekið
að streyma til borgarinnar, betri tíð
í vændum en menn trúðu áratugina
síðustu fyrir aldamótin og Ameríku-
ferðir orðnar sttjálli en verið hafði
um langt skeið. Kannski aldamót
innblási mönnum alltaf bjartsýni en
áratugirnir síðustu fyrir þau svart-
sýni; hvað sem um það yrði sagt
fleira var veraldarmennska afa af
öðru tagi en flestra sem nú hæfir
kenniheitið; ekki meiri en svo að
virðing hans og annarra fyrir hinum
ókunnari leiðum beið ekkert afhroð
þrátt fýrir hana.
Að endingu vil ég fyrir mína
hönd og annarra vandamanna
þakka starfsfólki frá heimilisþjón-
ustu borgarinnar og öldrunardeild-
arinnar, Hátúni 10B, fyrir það góða
atlæti sem það sýndi afa.
Eg kveð afa minn með ljóði
Einars Benediktssonar, Dánarstefi.
Vor ævi stuttrar stundar
er stefnd til drottins fundar,
að heyra lífs og liðins dóm.
En mannsins sonar mildi
skal máttug standa i gildi.
Hún boðast oss í engils róm.
Svo helgist hjartans varðar.
Ei hrynur tár til jarðar
í trú, að ekki talið sé.
í aldastormsins straumi
og stundarbamsins draumi
oss veita himnar vemd og hlé.
María Anna Þorsteinsdóttir
Langri ævi vinar míns, Kristins
Einarssonar, er lokið. Hann andað-
ist 31. maí sl. á 90. aldursári eftir
langa og erfíða sjúkdómslegu.
Kristinn Einarsson fæddist 6.
desember 1896 á Grímslæk í Ölfusi.
Foreldrar hans voru Einar Eyjólfs-
son, bóndi þar, og kona hans,
Guðrún Jónsdóttir. Var Kristinn í
foreldrahúsum þar til hann settist
í Verslunarskóla íslands og lauk
þaðan prófi 1916. Vann um tíma
við verslunarstörf í Reykjavík, en
árið 1919 stofnaði hann heildversl-
unina K. Einarsson og Björnsson
með Hjalta Björnssyni, bekkjar-
bróður sínum úr Verslunarskólan-
um og ráku þeir hana til ársins
1923. Stofnaði Kristinn þá bús-
áhalda- og leikfangaverslun með
sama nafni, er hann opnaði 1. maí
1923 og rak hana áratugum saman
í Bankastræti 11, en flutti síðar í
verslunarhús sitt á Laugavegi 25.
Árið 1940 keypti Kristinn verslun-
ina Dyngju og rak hana einnig á
Laugavegi 25, en hætti rekstri
hennar er hann hóf byggingafram-
kvæmdir á lóðinni, þar sem nú er
risið stórhýsi.
Kristinn var virkur þátttakandi í
félögum kaupsýslumanna og Versl-
unarráði íslands og heiðursfélagi í
Kaupmannasamtökum íslands.
Hann var virtur kaupmaður og
farsæll í störfum sínum, áreiðanleg-
ur í viðskiptum og heiðarlegur.
Glaður var hann og reifur við hvern
sem var. Hann gerði sér far um að
flytja inn vandaðar vörur og hafði
næman skilning á hvað hentaði
heimilunum best. Kristinn var
prýðilega vel gefinn maður. Hann
las mikið og var fróður og stálminn-
ugur. Hann var mikill náttúruunn-
andi, fuglavinur og útivistarmaður,
stundaði fjallgöngur og þekkti
Hellisheiðina eins og fingurna á sér.
Kristinn kvæntist 1927 danskri
konu, Ellu Marie Einarsson (fædd
Proustgaard). Var það mikið gæfu-
spor því þau voru mjög samhent
og bjó hún honum og bömum þeirr
hlýtt og glaðvært heimili, enda er
hún mikil húsmóðir. Þau eignuðust
fjögur böm: Sóley, verslunarm.
Rudólf, heildsala, Sonju, húsfrú og
Guðberg, útvarpsvirkja. Barna-
börnin eru orðin ellefu og barna-
bamabörn sjö.
Kristinn var röskur maður og
úrræðagóður. Eitt dæmi um það
er þegar hann hafði augastað á
fallegu landi í Norðlingaholti við
Elliðavatn og vildi reisa sér sumar-
bústað þar. Þetta var árið 1941 eða
’42. Erfitt var um aðdrætti á bygg-
ingarefni í bústaðinn, því enginn
akvegur var þangað. Kristinn gerði
sér lítið fyrir flutti efnið að ánni
Bugðu nálægt Baldurshaga og
fleytti síðan timbri og því sem flotið
gat eftir ánni og hirti síðan er góss-
ið kom móts við byggingarlóðina.
Akveg gerði hann sjálfur síðar með
því að slétta úr mónum út á næsta
veg, um 1 km leið. Síðan ræktuðu
þau hjónin fagran trjá- og blóma-
garð við sumarbústað sinn.
Við Kristinn vomm nágrannar í
áratugi í sumarbústöðum okkar í
Norðlingaholti. Var mikill sam-
gangur milli heimilanna. Börnin
okkar léku sér saman í æsku og
vom þau ávallt velkomin til Kristins
og Ellu. Þau hjón vom góðir ná-
grannar og var gott og uppörvandi
að heimsækja þau á þeirra gestrisna
og glaðværa heimili. Eg og fjöl-
skylda mín viljum þakka hin góðu
kynni og vottum Ellu og fjölskyldu
innilega samúð.
Björn Ófeigsson
og gerði það að verkum, að öllum
leið vel í návist hennar.
Móðir mín, sem dvelur á Hrafn-
istu í Hafnarfirði, sendir ykkur,
ástvinum hennar, innilegar samúð-
arkveðjur og þakkar sinni kæm
mágkonu fyrir langa og góða sam-
leið.
Ég bið algóðan guð að styrkja
ykkur frændsystkinin í raun ykkar.
Siggu, frænku minni, óska ég bless-
unar Guðs á æðra tilvemstigi.
Guðfinna Snæbjörnsdóttir
I dag verður hún amma Sigga
jörðuð í Fossvogskirkjugarði við
hliðina á eiginmanni sínum, Jens
Hallgrímssyni, sem lést 1979. Þá
var hann nýfluttur til hennar á
Hrafnistu, þar sem hún var á
sjúkradeild sl. 9 ár.
Amma hét fullu nafni Sigríður
Ólafsdóttir. Hún var dóttir Ólafs
Bjamasonar útvegsbónda frá
Gestshúsum og fyrri konu hans,
Guðfinnu Jónsdóttur frá Deild á
Álftanesi.
Þau afi og amma gengu í hjóna-
band þann 6. júní 1924. Eignuðust
þau fjögur börn. Þau em: Ólafur
yfírlæknir í Blóðbankanum, Ketill
söngvari, Guðbjöm skipstjóri, sem
lést 1981, og loks dóttirin Guðfinna.
Það var ömmu mjög erfitt að
sjá á eftir Bubba sínum sem féll
frá á besta aldri. Með þeim var alla
tíð mjög kært, hann var litli strák-
urinn hennar.
Dóttirin Guðfinna átti eftir að
reynast þeim svo vel að það verður
sjálfsagt seint metið til fulls. Hún
hjúkraði ömmu og hjálpaði síðustu
árin sem hún var heima. Amma var
þá fyrir löngu orðin fótlama og
hefði mömmu Guðfinnu ekki notið
við og afi ekki verið svo natinn við
Leiðrétting
f hjónaminningu um þau Mundínu
Freydísi Þorláksdóttur og Sigur-
bjöm Finn Bjömsson hér í Morgun-
blaðinu á laugardaginn var, stendur
að af 134 afkomendum þeirra séu
118 á lífi. Þessi tala er hreinlega
prentvilla. Greinin er undirrituð af
Helgu Stínu og Sissi. Þau em
bamaböm þeirra hjóna en ekki böm
eins og stendur undir greininni.
Þetta leiðréttist og er beðið velvirð-
ingar á mistökunum.
hana og góður kokkur að auki þá
hefði hún ekki getað verið svo lengi
heima. Á mamma Guðfinna miklar
þakkir skildar fyrir alla þá aðstoð.
Þessi börn sem öll reyndust þeim
svo vel í alla staði skiluðu þeim síð-
an 17. barnabörnum og langömmu-
bömin hennar ömmu em þegar
orðin 16.
Amma og afi bjuggu fyrstu bú-
skaparárin sín á Njálsgötunni. Á
árinu 1930 fluttu þau í nýtt hús
sem þau byggðu í Skeijafirðingum
og nefndu Vog. Vom þau æ síðan
kennd við Vog og bjuggu þar alla
tíð síðan.
Við systurnar ólumst upp á hlað-
inu hjá þeim og vom því samskiptin
bæði mikil og margvísleg. Auk þess
hóf sú sem þetta ritar búskap í
húsinu hjá afa og ömmu og bjó þar
um fjögurra ára skeið ásamt eigin-
manni og syni.
Væri sjálfsagt hægt að skrifa
heila bók um allar þær endurminn-
ingar sem við eigum öll frá þessum
tíma. Við systumar megum teljast
heppnar að hafa fengið að kynnast
lífi þeirrar kynslóðar sem þau vom
fulltrúar fyrir. Kynslóðabil var ekki
til í Bauganesinu á þessum ámm
og alltaf var hægt að leita til þeirra
með hin margvíslegustu vandamál
unglingsáranna.
Maður sér það kannski best í dag
hvað þetta var allt sérstakt á sinn
hátt. Það breyttist nánast ekkert í
Vogi í gegnum tiðina, hvorki innan-
stokks né mannlífið þrátt fyrir örar
breytingar allt í kring. í Vogi ríkti
raunar alltaf baðstofustemmningin.
Þar kom t.d. aldrei sjónvarp eða
önnur nýtísku þægindi af þeirri
gerðinni. Þau höfðu kynnst krepp-
unni og þekktu hana af eigin raun.
Þó svo að hagurinn hafi vænkast
með ámnum var ekki eytt í hluti
sem ekki vom nauðsynlegir.
Amma var afskaplega góð kona,
hafði létta lund og var trúuð. Hún
var mikil hannyrðakona. Það lýsir
svolítið ákveðni hennar og sjálf-
stæði að hún saumaði út það sem
maður sá kannski hvergi annars
staðar nema á Þjóðminjasafninu.
Ég minnist þess að amma fór hér
áður fyrr margar ferðir upp á Þjóð-
minjasafn til að taka þar upp
mynstur af gömlu teppi sem hún
síðan saumaði.
Hún ferðaðist talsvert á sínum
yngri ámm og þá gjaman ein. Fór
hún þá út um land ein síns liðs og
átti það til að gista jafnvel í hey-
hlöðum.
Hún gekk í Kvennaskólann og
auk þess sótti hún námskeið hjá
klæðskera.
Hún kunni því ýmislegt fyrir sér.
Bæði gátu þau sungið, amma og
afi, og tóku þau oft lagið saman.
Gerði það þeim ömggleg lífið létt-
ara oft á tíðum hvað þau vom kát
oglífsglöð.
Amma fékkst við ýmislegt á
langri ævi en lengst af var hún í
fiskvinnu.
Að lokum vil ég þakka henni
fyrir allt, allar skemmtilegu sam-
vemstundirnar og kandísmolana
sem hún klauf sjálf.
Það er engin hætta á að henni
leiðist hinum megin, hann bíður þar
ömgglega eftir rakkossinum frá
henni.
Megi hún hvíla í friði enda langur
starfsdagur að baki.
Sigríður Hjaltadóttir
Birting afmæl-
is- ogminning-
argreina
Morgmiblaðið tekur af-
mælis- og minningargreinar
til birtingar endurgjaldslaust.
Tekið er við greinum á rit-
stjórn blaðsins á 2. hæð í
Aðalstræti 6, Reykjavík og á
skrifstofu blaðsins í Hafnar-
stræti 85, Akureyri.
Athygli skal á því vakin, að
greinar verða að berast með
góðum fyrirvara. Þannig verður
grein, sem birtast á í miðviku-
dagsblaði að berast síðdegis á
mánudegi og hliðstætt er með
greinar aðra daga.
í minningargreinum skal hinn
látni ekki ávarpaður. Ekki em
tekin til birtingar fmmort ljóð
um hinn látna. Leyfílegt er að
birta Ijóð eftir þekkt skáld, 1—3
erindi og skal þá höfundar getið.
Sama gildir ef sálmur er birtur.
Meginregla er sú, að minningar-
greinar birtist undir fullu nafni
höfundar.
Þettfl
kosttt
góð
og hentug
barnahúsgögn
TZTZ
fi Yfirhilla

Skrifborð m/hillu; 53 Skrifbórð m/hillu: 55
Svefnbekkir m/dýnum, og 3 púðum og hillum
Kommóður:
8skúffur 4.210,-
6 skúffur 3.480.-
4skúffur2.750.-
Öll húsgögnin eru spónlögð með eikarfólíu
sem er mjög slitsterk og auðvelt að þrífa. Svo
koma þau einnig hvít.
30% útborgun og afgangurinn á 6 mánuðum. 5% stað-
greiðsluafsláttur og svo eru kreditkortin að sjálfsögðu
tekin sem staðgreiðsla og útborgun á samningi.
Jh húsgagnahöllin
BIESg353 BILDSHÖFÐA 20-112 REYKJAVÍK - 91 -681199 og 681410