Morgunblaðið - 10.06.1986, Blaðsíða 42
42
MORGUNBLAÐIÐ, ÞRIÐJUDAGUR10. JÚNt 1986
Bæklingur um
hávaða á
vinnustöðum
Nýlega gaf Vinnueftirlit ríkisins
út bækling um hávaða á vinnustöð-
um og vamir gegn honum. í bækl-
ingnum kemur meðal annars fram
að um 30% starfsmanna í iðnaði
eru að jafnaði í hávaða yfír hættu-
mörkum. Ennfremur benda rann-
sóknir hjá Heymar- og talmeina-
stöðinni til þess að um 20% þeirra
sem heyra illa hafí heymardeyfu
af völdum hávaða.
Fræðslurit þetta hefur þegar
verið sent um 800 fyrirtækjum en
hægt er að verða sér úti um það
hjá Vinnueftirliti ríkisins og um-
dæmiseftirlitsmönnum þess.
. MALUM
IFALLEGUM
LITUM
-fegrum húsin
Nú er rétíi tíminn. Eigum alls konar málningu.
Utanhússsem innan.
Einungis vönduð vara, góð vörumerki.
Ráðgjöf - reynsla - vöruval
Síðumúla 15, sími 84533
Nokkur glott og
einstaka hlátur
Kvikmyndir
Arnaldur Indriðason
Bílaklandur (Car Troubles).
Sýnd í Háskólabió.
Stjörnugjöf: ★ '/2
Bresk.
Framleiðendur: Howard Malint
og Gregory J. De Santis.
Handrit: James Whaley og A.J.
Tipping.
Leikstjóri: David Green.
Helstu hlutverk: Julie Walters
og Ian Charleson.
Við höfum ekki fengið að sjá
margar breskar gamanmyndir hér
í bíóhúsunum upp á síðkastið enda
bretar kannski ekki sérlega upp-
teknir af gamanmyndum síðustu
árin. Meira að segja Monty Phyt-
hon-gæjamir hafa snúið sér að
alvarlegri efnum í orvelskri fram-
tíðarsýn (Brazil). En Bretar gera
nú alltaf eina og eina gamanmynd
á milli stórmyndanna sinna og nú
er komin ein í Háskólabíó.
Gamanið í henni felst ekki í
sprenghlægilegum samtölum eða
hasar heldur miklu frekar í leikur-
unum tveimur, sem fara með
aðalhlutverkin, þeim Julie Walters
og Ian Charleson.
Bílaklandur (Car Troubles)
heitir myndin og er um tvö hjón
sem kaupa sér eldrauðan jagúar
og einn daginn stelst eiginkonan
út á bflnum, lendir í mjög óheppi-
legu ástarævintýri undir stýri sem
endar með algerri eyðileggingu
bflsins og eiginmaðurinn, hafandi
gert sér þetta ljóst, brennir hús
þeirra hjóna til grunna í trylltri
Julie Walters
bræði og á endanum standa
hjónakomin uppi allslaus en
hamingjusöm þó. Köttur úti í
mýri, setti upp á sig stýri, úti er
ævintýri.
Sagan er snubbótt og eiginlega
hundómerkileg og gæti auðveld-
lega rúmast í einum Dave Allen-
brandara og því verður að líta á
það sem nokkurt afrek að tekist
hafí að gera heila bíómynd um
efnið. Fyrir bragðið verður mynd-
in langdregin og ófyndin á stórum
köflum en tekst þegar best lætur
að framkalla glott og einstaka
hlátur. Svo mjög er lopinn teygður
að ástarævintýrið í rauða jagúam-
um verður eitt og sér að meginefni
myndarinnar og það er ekki sér-
lega fyndið.
Það er eins og framleiðendur
myndarinnar hafí gert sér það
ljóst að handritið var ekki upp á
marga físka og ráðið í aðalhlut-
verkin tvo af fremstu leikurum
Bretlands og yngri kynslóðinni til
að bjarga því sem bjargað yrði.
Og það tekst. Julie Walters (Edu-
cating Rita) og sérstaklega Ian
Charleson (Chariots of Fire) eru
óborganleg í hlutverkum sínum
og myndin er þess virði að sjá
hana bara vegna þeirra. Walters
er, eins og við þekkjum, fædd til
að leika í gamanmyndum, en
Charleson sýnir hér á sér nýja og
bráðskemmtilega hlið. Hann hefur
hingað til leikið alvarlega þenkj-
andi unga menn en hér sleppir
hann gersamlega af sér beislinu
og verður í rauninni óþekkjanleg-
ur í hlutverki hins kokkálaða
eiginmanns. En myndin sjálf hefði
mátt vera betri.
Mixrr 3*
Hrafnhildur Björnsdóttir og Sigrún Magnúsdóttir, einn eiganda Góðgætis.
Góðgæti
OPNUÐ hefur verið í Austur-
stræti 8 í Reykjavík verslunin
Góðgæti.
A boðstólum í versluninni eru
hátt í 200 tegundir af hnetum
í Austurstræti
og sælgæti, í þremur verðflokk-
um.
Eigendur verslunarinnar eru
Sigrún Magnúsdóttir, Kristinn
Ingi Siguijónsson, Bjarni Olafs-
son og Alda Magnúsdóttir.
Meðfylgjandi mynd er af Hrafn-
hildi Björnsdóttur og Sigrúnu
Magnúsdóttur, ein af eigendum
Góðgætis.
NÝTT SÍMANÚMER FRÁ S. JÚNÍ
69 55 OO
HF
Laugavegi 170-172 Simi 695500