Morgunblaðið - 07.08.1986, Síða 33

AKUREYRI
MORGUNBLAÐIÐ, FIMMTUDAGUR 7. ÁGÚST 1986
33
180 þátttakendur í
norrænni ráðstefnu
um sjávarútvegsmái
Morgunblaðið/Hjörtur Gíslason
Sigþór ÞH 100 frá Húsavík við viðlegukant framan við Slippstöðina þar sem hann er í yfirbyggingu.
Næg* verkefni framund-
an hjá Slippstöðinni
NÆG verkefni eru tim þessar
mundir hjá Slippstöðinni á Akur-
eyri. Verið er að vinna við 9 skip
og eitt er væntanlegt frá Kanada
í september.
Nú er verið að vinna við endan-
legan frágang á tveimur rækjuskip-
um, sem hafa verið í byggingu um
nokkrun tíma. Þau á að afhenda
fyrir áramót, en kaupendur eru
Oddeyri hf. á Akureyri og Særún
á Blönduósi. Unnið er að endur-
bótum íbúða og rafkerfís auk fleiri
þátta á Ioðnuskipinu Heimaey VE
og verið að sandblása loðnuskipið
Gígju RE. Sigþór ÞH frá Húsavík
er kominn í yfirbyggingu, Sval-
bakur EA í sandblástur og frekara
viðhald og Frosti ÞH frá Grenivík
kemur um helgina í vélarskipti. Þá
er verið að mála Núp EA og Am-
þór EA.
Sigurður Ringsted, yfírverkfræð-
ingur í Slippstöðinni, sagði í samtali
við Morgunblaðið, að eins og fyrr-
greind upptalning bæri með sér,
væri nóg að gera um þessar mund-
ir og fram undir áramót.
DAGANA 18. til 20. ágúst næst-
komandi verður haldin á Akur-
eyri norræn ráðstefna um
sjávarútvegsniál. Bcinir þátttak-
endur verða um 180 talsins, en
með mökum þeirra og fleiri fylgi-
fiskum verða um 300 manns á
Akureyri þessa dagana í tengslum
við ráðstefnuna. Af þessum sök-
um er nánast allt gistirými í
bænum upptekið þennan tíma.
Hér er um að ræða 20. norrænu
fiskimálaráðstefnuna, en hún er hald-
in annað hvert ár með þátttöku allra
Noðurlandaþjóðanna. Síðast var ráð-
stefnan haldin í Álasundi í Noregi,
en hún hefur þrisvar áður verið hald-
in á íslandi, síðast árið 1976. Ráð-
stefnan verður sett á Hótel KEA
klukkan 9 á mánudagsmorgun 18.
ágúst og verða fundarhöld þar þann
dag og á miðvikudagsmorgun. Seinni
hluta miðvikudagsins verður fundað
í Alþýðuhúsinu. I tengslum við ráð-
stefnuna verður á mánudag iýrsti
formlegi fundur sjávarútvegsráð-
herra Norðurlandanna. Á þriðjudag
munu ráðstefnugestir lieimsækja
Mývatnssveit og á miðvikudag fara
þeir í heimsókn til Útgerðarfélags
Akureyringa. Fyrir maka ráðstefnu-
gesta er fyrirhugað kaffisamsæti á
Hrafnagili og heimsókn í- sútunar-
verksmiðjur Iðunnar.
Fyrsti dagur ráðstefnunnar verður
helgaður fiskeldi. Um það mun full-
trúi frá hverju landi fyrir sig flytja
erindi og að þeim Ioknum verða al-
mennar umræður. Þá mun Olafúr
Karvel Pálsson, fiskifræðingur, fjalla
um fískirannsóknir hér við land í
samvinnu við útgerðir og skipstjóra
Japönsku togaranna“. Á þriðjudag
verður eins og áður sagði, farið í
Mývatnssveit, en á miðvikudag flytur
Gunnvör Hoydal frá Færeyjum erindi
um menntun í sjávarútvegi á Norður-
löndunum, Svíinn Lennart Hannerz
flytur erindi um mengun sjávar og
áhrif hennar á fiskveiðar og Daninn
Svend Aage Hansen fjallar um sjálf-
virkni í flakasnyrtingu. Ráðstefnunni
lýkur með umræðum um beztu mögu-
iega þróun á fiskmörkuðum, en þeim
stjómar Björn Dagbjartsson, alþing-
ismaður.
Krakkamót
KEA á
laugardag
Akureyri.
KRAKKAMÓT KEA í fótbolta verð-
;ir íialdið næstkomandi laugardag,
9. ágúst á íþróttavelli KA á Akur-
eyri. Mótið hefst klukkan 10 og því
lýkur síðdegis sama dag. fr
Keppendur eru úr yngstu flokkum
félaga sem starfa á félagssvæði Kaup-
félags Eyfírðinga. Þau félög sem
áhuga hafa á þátttöku eru loeðin að
liringja í Gunnar Kárason í vinnusíma
21866 eða heimasíma 22052.
Þetta er annað firið í i-öð sem slíkt
mót er haldið. f fyrra var það haldið
á íþróttavelli Þórs í Glerárhverfí og
komu þá á annað hundrað böm á
mótið. KEA býður keppendum upp á
pylsur og ávaxtasafa á tneðan á mót-
inu stendur, en stjómendur yngri
flokka KA sjá um framkvæmd á sjálfu
mótinu.
Bílvelta í Hörgárdal
BÍLL ineð tveimur mönnum valt
við Rauðalæk í Hörgárdal
síðdegis á þriðjudag. Meiðsli
voru minniháttar.
Það var um klukkan 18.30 sem
óhappið varð og telur ökumaður
skýringu þess þá, að hann hafí dott-
að við stýrið. Bfllinn er talinn ónýtur
enda lagðist hann saman með þeim
afleiðingum ;ið ökumaður festist
inni í honum og varð að skera bflinn
sundur til að losa ínanninn.
„Myndi drukkna teldi
maður sig sérfræðing
á öllum sviðum“
- segir Sigfús Jónsson nýr bæjarstjóri á Akureyri
Akureyri.
SIGFÚS Jónsson tók formiega
við embætti bæjarstjóra á Ak-
ureyri síðastliðinn þriðjudag.
Helgi Bergs hafði þá gegnt því
embætti í tæp 10 ár. Sigfús er
35 ára gamall og hefur undan-
farin tvö ár verið sveitarsljóri
á Skagaströnd.
Hann er fæddur Akureyringur
en flutti 5 ára gamall til höfuð-
borgarinnar með foreldrum sínum
og lauk þar tveggja ára háskóla-
námi. Leiðin lá síðan til Bretlands
þar sem hann dvaldi í fimm ár,
tók MA-próf í landafræði frá há-
skóla í Durham og flutti sig þá
til Newcastle og lauk doktors-
gráðu í faginu í ársbytjun 1981.
Eftir námið fékk Sigfús styrk frá
Kanadíska vísindasjóðnum og
dvaldi ásamt konu sinni, Krist-
björgu Antonsdóttur, á
Nýfundnalandi í ár, þar sem hann
vann að rannsóknum í sjávarút-
vegi og skrifaði jafnframt bók um
íslenskan sjávarútveg og greinar
í blöð og tímarit.
Blaðamaður brá sér í heimsókn
til nýja bæjarstjórans á skrifstofu
hans og var hann þá önnum kaf-
inn við að koma sér inn í bæjar-
málin. „Ég var að ganga frá
mínum málum á Skagaströnd
frani á síðasta dag, en hef þó
setið einn bæjarstjórnarfund á
Akureyri og er þessa dagana að
kynna mér starfsemi bæjarins,"
sagði Sigfús.
„Sjávarútvegsmál, atvinnumál
og skipulagsmál eru þau mál sem
ég tel mig þekkja vel til. Hins
vegar veit ég ekkert um listir og
menningarmál, enda myndi mað-
ur bara drukkna ef maður teldi
sig sérfræðing á öllum sviðum.
Sjávarútvegurinn er þó hálfgert
hugarfóstur hjá mér, en það þýðir
ekkert að ætla sér að koma sér
inn í þau mál með því að liggja
upp í blokk í Breiðholti. Þess
vegna fór ég ef til vill til Skaga-
strandar til að læra og það fór
svo að mér líkaði mjög vel. Ég
hefði orðið þar áfram hefði ég
ekki verið beðinn um að koma til
Akureyrar. Bæjarstjórastaðan hér
var aldrei auglýst, heldur var
hringt í mig skömmu eftir kosn-
ingar og mér boðin staðan."
Meirihluti bæjarstjómar Akur-
eyrar samanstendur af Sjálfstæð-
isflokki, sem hefur fjóra fulltrúa,
og Alþýðuflokki, sem hefur þrjá
fulltrúa. „Alþýðuflokkurinn til-
nefndi mig en Sjálfstæðisflokkur-
inn fékk að ráða forseta
bæjarstjórnar, sem nú er Gunnar
Ragnars. Ég tel mig ekki pólitísk-
an, þó ég hafi gegnt trúnaðar-
störfum fyrir Alþýðuflokkinn.
Bæjarstjóri er fyrst og fremst
embættismaður og á alls ekki að
blanda sér í stjómmál á meðan
hann gegnir embætti. Flokkarnir
hér á Akureyri lögðu allir mikla
áherslu á uppbyggingu atvinnulífs
á staðnum og ég held að ég hafi
verið ráðinn með tilliti til þess.
Á Akureyri þarf að rífa upp
atvinnulífið og hef ég ýmsar hug-
myndir á pijónunum. Brýnast er
að efla viðskipti og þjónustu.
Akureyri er mistöð Norðurlands
og hún á að geta staðið undir því
nafni. Hér er til dæmis allt lokað
á laugardögum, þegar fólk í ná-
grannasveitunum þarf hvað mest
á þjónustu að halda. Þetta tíðkast
ekki í öðmm löndum. Eins þarf
að vinna markvisst að því að fá
hingað útibú frá ríkisstofnunun-
um, sem allar em staðsettar í
Reykjavík, og setja hér upp eina
stjómsýslumiðstöð. Hins vegar er
slæm reynsla frá Norðurlöndun-
um af því að flytja ríkisstofnanir
á milli staða."
Sigfúsi fannst jákvætt að boðið
skyldi upp á háskólanám á Akur-
eyri, en þó sagðist hann myndu
fara aðrar leiðir ef hann réði. „Ég
mundi vilja hafa hér lítinn há-
skóla, þar sem einungis yrðu
kennd fög, sem ekki væri boðið
upp á í Reykjavík, til dæmis sjáv-
arútvegsfræði og fjölmiðlafræði.
Ég álít að gott sé fyrir hvem
mann að fara að heiman þegar
Morgunbladið/Jóhanna Ingvarsdóttir
Sigfús Jónsson í bæjarstjóra-
stólnum á Akureyri, annan
vinnudaginn.
komið er að háskólanámi, svo
þjóðfélagið sitji ekki eingöngu
uppi með þröngsýna háskóla-
menntaða menn. Það væri til
dæmis alls ekki úr vegi að
Reykvíkingar sæktu háskóla-
menntun sína til Akureyrar til að
víkka sjóndeildarhringinn og læra
að gagnrýna eigið umhverfí í stað-
inn fyrir að fara í Melaskóla,
Hagaskóla, MR og HÍ og enda
síðan á Elliheimilinu Grund. Nám
felst venjulega ekki eingöngu í
skólabókum. Ég myndi líka vilja
blanda saman viðskipta- og
tungumálanámi og koma á sam-
vinnu við erlenda háskóla, þannig
að hægt yrði að senda nemendur
um tíma frá Háskóla Akureyrar
á aðra skóla til að læra tungumál-
in almennilega. Til dæmis gætu
nemendur bytjað á fyrstu tveimur
árunum í viðskiptanámi hér á
landi, valið sér síðan tvö tungu-
mál og varið næsta ári í tungu-
málanám erlendis, hálft ár i hvoru
landi, komið síðan heim og lokið
þriðja árinu í viðskiptafræðinni.
Slíkt fólk myndi nýtast vel í al-
menn og alþjóðleg viðskipti.“
Nýi bæjarstjórinn sagðist nú
búa á gistiheimili á Akureyri og
myndi gera svo fram í september
en þá fengi hann húsnæði það sem
hann ætlaði að ieigja. Eiginkona
hans og þriggja ;ira dóttir búa
hins vegar á Skagaströnd ennþá
og Sigfús einnig um lielgar.
„Það er auðvitað mikill inunur
á embætti sveitarstjóra á Skaga-
strönd og embætti bæjarstjóra á
Akureyri. Á Skagaströnd þurfti
ég ekki að spyija neinn um hversu
sver vatnsveiturörin ættu að vera,
ég ákvað það sjálfur. Hins vegar
er allt í ráðum og nefndum og
sérfræðingaálit þarf á öllu því sem
gera á á Akureyri. Kerfið er því
nokkuð þyngra í vöfum hér. Starf-
semi bæjarfélagsins á Akureyri
þarf náttúrlega að spanna yfir
alla þætti mannlífsins, alveg eins
og í Reykjavík, þótt í smærri stíl
sé.“
Sigfús sagði að nýverið hefði
öllu stjórnkerfí bæjarins verið
breytt þannig að ýmsar nefndir
hefðu verið lagðar niður og aðrar
sameinaðar og starfsandi allur
væri mjög jákvæður. „Ég geri
ekki ráð fyrir neinum fleiri breyt-
ingum að svo stöddu, en hins
vegar hefur aldrei verið nein logn-
molla í kringum mig og geri ég
ekki ráð fyrir að staðna.
Húsnæðisvandamál bæjarskrif-
stofanna eru mikil og eru hinar
ýmsu deildir dreifðar um bæinn,
í leiguhúsnæði hér og þar. Auðvit-
að þyrfti að byggja nýtt húsnæði,
en til þess eru örugglega ekki til
peningar. Mér skilst að lausafjár-
staða bæjarins sé erfíð, en bærinn
á miklar eignir og að því leyti
standa fjármálin á traustum
grunni,“ sagði Sigfús Jónsson.