Morgunblaðið - 07.08.1986, Qupperneq 52

MORGUNBLAÐIÐ, FIMMTUDAGUR 7. AGÚST 1986
52
Þýska knattspyrnan
hefst annað kvöld
ANNAÐ kvöld hefst Bundesligan
í knattspyrnu í Vestur-Þýska-
landi. Þjóðverjar Irta björtum
augum til keppnistímabilsins,
einkum vegna góðs árangurs
landsliðsins í HM, en einnig
vegna þess að liðin í Bundeslig-
unni virðast vera jafnari en oft
áður.
• Lárus Guðmundsson verður
fjarri góðu gamni í upphafi keppn-
istimabilsins vegna meiðsla, en
ætlar að ná stöðu sinni í liðinu.
„íslendingaliðin11, Stuttgart og
Bayer Uerdingen, leika bæði ann-
að kvöld. Ásgeir Sigurvinsson og
félagar leika á útivelli gegn SV
Waldhof Mannheim og lið Atla
Eðvaldssonar og Lárusar Guð-
mundssonar leikur einnig á
útivelli, gegn FC Hamburg.
Blaðamaður Morgunblelðsins
ræddi við íslensku leikmennina,
sem leika f Bundesligunni, í gær
og einnig var haft samband við
Bjarna Felixson, íþróttafrétta-
manna hjá Sjónvarpinu, en
ráðgert er að sýna sex leiki frá
Bundesligunni í beinni útsend-
ingu.
Hábölvað að
vera meiddur
í byrjuninni
— segir Lárus Guðmundsson
LÁRUS Guðmundsson stóð sig
vel með Uerdingen í fyrra og var
ákveðinn í að byrja næsta tfma-
bil á fullum krafti. Hann varð hins
vegar fyrir því óláni að meiðast
á æfingu og verður frá keppni
næstu tvo mánuði.
„Ég var sparkaður niður á æf-
ingu og reyndist liðband á innan-
verðu læri slitið. Ég var skorinn
upp 17. júlí og verð 6 vikur í gifsi.
Engu að síður fer ég daglega til
úthaldsþjálfara, en það er hábölv-
að að vera meiddur, því ég hafði
hugsað mértil hreyfings eftir þetta
tímabil. Líklega get ég ekki byrjað
að keppa fyrr en um miðjan októ-
ber og ef liðinu gengur vel, verður
erfitt að vinna sér öruggt sæti á
ný,“ sagði Lárus.
Að sögn Lárusar eru 17 til 18
leikmenn hjá Uerdingen sem
keppa um 11 stöður og þar af eru
4 til 5 mjög góðir framherjar, þann-
ig að samkeppnin er hörð.
„Ég álít liðin hér í Þýskalandi
jafnari en undanfarin ár. Bayern
er reyndar mjög líklegt til að vera
í toppbaráttunni, eins og undan-
farin ár, en mörg önnur lið, t.d.
Bremen, Stuttgart, Uerdingen,
Köln og Leverkusen koma til með
að veita þeim mikla keppni.
Það er miklu meiri breydd hér í
Þýskalandi en í Belgíu þar sem ég
lék áður, og flest liðanna í fyrstu
deild þar ættu ekki mikla mögu-
leika hér. Það má því ekki mikið
útaf bregða hjá manni til að maður
lendi undir í samkeppninni. En ég
er búinn að vera í atvinnumennsk-
unni í 5 ár, þó ég sé ekki nema
24 ára og ætti því að eiga nokkur
góð ár eftir í þessu ennþá. Ég
verð búinn að vera hjá Uerdingen
í 3 ár eftir þetta tímabil, og þá
getur vel verið að rétt verði að
fara eitthvert annað. Það kemur í
Ijós," sagði Lárus.
• Asgeir Sigurvinsson verður leikstjórnandi hjá Stuttgart í vetur sem
undanfarin ár og auk þess hefur hann tekið við fyrirliðastöðunni.
Mikilvægt að
byrja vel
Ég nýtist
Betur á
miðjunni
— segir Atli Eðvaldsson
— segir Asgeir Sigurvinsson
„Undirbúningstímabilið hjá
okkur hefur verið óvenjulega
langt eða 9 vikur og því hefur
biðin verið löng eftir alvöru leik,“
sagði Atli Eðvaldsson.
„Við byrjuðum að æfa 2. júní
og síðan hefur þetta verið stans-
laust púl, en nú hefst baráttan loks
fyrir alvöru. Ég er í góðri æfingu
og kem til með að leika á miðj-
unni. Fyrstu árin var ég framherji,
en tengiliðastaðan á betur við mig
og ég nýtist betur á miðjunni.
Það er mikill hugur í öllum hérna
og við stefnum á að vinna okkur
þátttökurétt í Evrópukeppni næsta
ár. Það skiptir öllu að byrja vel og
ef við stöndum okkur eins vel í
fyrstu leikjunum og í þeim síðustu
í vor, verðum við í baráttu um efstu
sætin," sagði Atli.
Atli býr í Dusseldorf, en það
tekur hann aðeins tæplega hálf-
^+íma að aka á æfingar. „Eg kann
vel við mig hjá Uerdingen, þetta
er gott félag, þeir eru nýbúnir að
byggja upp völlinn, og ef vel geng-
ur í vetur, get ég vel hugsað mér
að vera hér áfram, en samningur
minn rennur út næsta vor.
Varðandi fyrsta leikinn, verður
hann erfiður, en við eigum að
vinna. Það er alltaf erfitt að byrja
í fyrsta leik gegn nýliðum og auk
þess er uppselt á leikinn, þannig
að ekkert verður gefið eftir. En
• Atli Eðvaldsson kann vel við
sig hjá Uerdingen og líkar betur
að leika sem miðvaliarleikmaður
en framherji.
leikurinn leggst vel í mig og ég
hlakka mikið til að byrja," sagði
Atli Eðvaldsson.
„MÉR líst vel á komandi keppnis-
tímabil og er bjartsýnn á gott
gengi okkar í vetur. Öll umfjöllun
um knattspyrnuna hefur verið
mjög jákvæð síðustu vikur og ef
Bundesligan fer vel af stað og
leikirnir verða skemmtifegir er
von á að þetta jákvæða viðhorf
haldist," sagði Ásgeir Sigurvins-
son.
„Liðin í Bundesligunni eru jafn-
ari núna, og þó margir spái Bayern
Munchen sigri, er ekki tímabært
að vera með neina spádóma, en
ég hef ekki trú að þeir endurtaki
sama leikinn og í fyrra og vinni
tvöfalt.
Við komum vel undirbúnir til
mótsins, höfum ekki tapað neinum
æfingaleik og unnum m.a. Aber-
deen í Skotlandi um síðustu helgi
2:0. Við erum með nýjan þjálfara
og marga nýja leikmenn, þannig
að þeirra vegna er sérstaklega
mikilvægt að byrja vel. Okkar fyrsti
leikur verður sannkallaður ná-
grannaslagur og verður líklega
uppselt á leikinn. Mannheim leikur
yfirleitt vel á heimavelli, en við
leggjum áherslu á að ná af þeim
stigi eða stigum," sagði Ásgeir
Sigurvinsson.
Golfmót
í dag verður haldin hjá GR ein-
herjakeppnin en það er keppni
þeirra sem farið hafa holu í einu
höggi. Mót þetta er á vegum GR.
A morgun, föstudag, verður öld-
ungameistaramót íslands haldið á
Strandarvelli á Rangárvöllum.
Ræst verður út frá klukkan 10 og
hægt er að fá upplýsingar um rás-
tíma í síma 99-8208.
Gunnar í
4.-5. sæti
ÞAU mistök urðu í frásögn okkar
af Landsmótinu í golfi í gær að
sagt var að Sigurður Pétursson
og Gylfi Garðarsson úr GV hefðu
orðið i 4.-5. sæti. Þetta er ekki
rétt því það var hinn 16 ára Gunn-
ar Sigurðsson úr GR sem varð
jafn Sigurði í þessum sætum en
Gylfi var næstur á eftir með einu
höggi meira.
Gunnar Sigurðsson er aðeins
16 ára og hefur leikið mjög vel í
sumar. Hann lék næst síðasta
hringinn í Landsmótinu á pari og
síðasta daginn á 77 höggum. Bráð-
efnilegur piltur þar á ferð.
Reynum að sýna
sex leiki beint
— segir Bjarni Felixson
„Við erum að vinna að
því þessa dagana að fá að
sýna sex leiki í röð í beinni
útsendingu frá Bundeslig-
unni i vetur og hugmyndin
er að byrja 1. nóvember,"
sagði Bjarni Felixson.
Bjarni sagði að unnið væri að
málinu i samvinnu við Norðurlönd-
in og ef samningar nást um að
senda leikina um gervihnött, yrði
kostnaðurinn ekki svo mikill. Leik-
irnir hafa ekki endanlega verið
valdir, en gera má ráð fyrir að
fyrsti leikurinn verði viðureign Bor-
ussia Mönchengladbach og Stutt-
gart, síðan Stuttgart og Werder
Bremen og þá Uerdingen og Bay-
ern Múnchen.
„Ef að líkum lætur verða 4 af
þessum 6 leikjum með „íslend-
ingaliðunum“ Stuttgart og Uerd-
ingen og megum við vel við una.
Að loknum þessum leikjum frá
Þýskalandi er ráðgert að sýna
beint frá ensku deildinni og verður
það einnig í samvinnu við Norður-
löndin. En þetta skýrist allt á
næstu vikum," sagði Bjarni Felix-
son.