Morgunblaðið - 16.12.1986, Síða 42

42
MORGUNBLAÐIÐ, ÞRIÐJUDAGUR 16. DESEMBER 1986
Morgunblaðið/Ámi Sæberg
Jólasveinar, einn ojj átta, komnir af fjöllum, með lítinn sveinka með sér. Það væri gaman að vita hvað
hann væri gamall, því þessir stóru eru 300-400 ára gamlir. Sá stutti er þó eins hvítur fyrir hærum og þeir.
Jólatré og jólasveinar
JÓLATRÉÐ á Austurvelli er orð-
ið einn af föstu punktunum í
tilverunni hjá Reykvíkingum.
Þegar Ijós þess hafa verið tendr-
uð geta borgarbúar verið vissir
um að jólin séu í alvöru að koma.
Það er vinabær Reykjavíkur,
Osló, sem gefur jólatréð hverju
sinni. Þegar svo jólasveinamir
koma úr óbyggðum, er kominn tími
til að kveikja á trénu. S.l. sunnudag
fór þessi árvissa athöfn fram og
allta ríkir jafnmikill áhugi fyrir
henni. Skiptir þá engu máli hvort
við höfum snjó, slabb og slyddu,
eða sól og blíðu, sem er nú kannski
sjaldgæfara.
Athöfnin hófst kl. 15.30 með því
að Lúðrasveit Reykjavíkur lék jóla-
lög. Eftir það afhenti Niels L. Dahl,
sendiherra Noregs á íslandi,
Reykjavíkurbúum tréð. Það var
Davíð Oddsson, borgarstjóri sem
veitt trénu viðtöku fyrir hönd borg-
arbúa. Athöfninni lauk með því að
Dómkórinn söng jólasálma.
Eftir þessa hátíðlegu athöfn,
færðist líf í tuskumar, því jóla-
sveinaskari var mættur til leiks.
Mannfjöldinn var slíkur að margur
lítill anginn hefur þurft að sætta
sig við að heyra bara í þeim bræð-
rum. Eftir mynunum að dæma hafa
þeir ekki valdið vonbrigðum. Eftir-
væntingin og kætin leynir sér ekki
hjá bömunum og foreldramir fylgj-
ast spenntir með viðbrögðum
þeirra.
Börnin horfa á jólasveinana og foreldrarnir á börnin. Eftirvænting-
in leynir sér ekki.
Davíð Oddsson flytur ávarp við móttöku jólatrésins.
Heillandi náttkjóll
úr silkisatíni.
Sannkallaður
draumakjóll.
Gullfallegur
silkisloppur
í sama lit
og kjóllinn.
Pósthússtræti 13, sími 22477,
í hjarta Reykjavíkur á homi Pósthússtrætis og Kirkjustrætis.
Áfangar — ferðahand-
bók hestamanna
ÚT ER komin bókin Áfangar,
ferðahandbók hestamanna,
sem er safnrit leiðarlýsinga
með sérteiknuðum kortum.
Ferðanefnd Landssambands
hestamannafélaga hefur und-
anfarin ár unnið að efnissöfn-
un í bókina, og eru leiðarlýs-
ingar í henni yfir 60 að tölu.
Ferðanefndin var kosin til
þessa verks á ársfundi Lands-
sambandsins árið 1981, og er
Hjalti Pálsson framkvæmda-
stjóri formaður hennar, en
aðrir nefndarmenn þeir Ólafur
Þ. Þórðarson alþingismaður,
Stefán Pálsson bankastjóri,
Sveinbjörn Dagfinnsson ráðu-
neytisstjóri og Valdimar
Jóhannesson framkvæmda-
stjóri.
í bókinni er lýst reiðgötum frá
Þjórsá að Hvítá í Borgarfirði og
ýmsum leiðum á hálendinu. Má þar
nefna, að Guðmundur Pétursson
hæstaréttarlögmaður skrifar um
Sfldarmannagötu; Pétur J. Jó-
hannsson frá Skógarkoti ritar um
leiðina yfír Hrafnabjargaháls,
Leggjarbrjótsleið og fleiri leiðir frá
Þingvöllum; birt er leiðarlýsing Páls
A. Pálssonar yfirdýralæknis um
Gagnheiði og nokkrir þættir um
reiðgötur í Mosfellssveit; Sigurgeir
Sigmundsson kaupmaður á Flúðum
rekur helstu leiðir um Hruna-
mannahrepp; Ámi heitinn Þórðar-
son skólastjóri, sem átti ríkan þátt
í gerð bókarinnar, ritar um Hellis-
skarðsleið og hringleið frá Þingvöll-
um að Gatfelli; Arnór Karlsson í
ÁFANGAR
íERDAHÁNDÖOk
Amarholti rekur leiðir inn á hálend-
ið, í Kerlingarfyöll, Hvítámes og á
Hveravelli; Þorsteinn Guðmundsson
á Skálpastöðum segir frá ýmsum
reiðgötum um Mannamótsflöt; þá
rekur Hjalti Pálsson framkvæmda-
stjóri leiðina frá Stóru-Drageyri um
Mannamótsflöt að Faxaborg; Jón
Leví Tryggvason hefur skráð ýmsar
leiðarlýsingar í Kjós og á Kjalar-
nesi; Jón og Sveinn Eiríkssjmir í
Steinsholti segja frá Sprengisands-
leið inn Gnúpveijaafrétt í Amarfell;
Þorsteinn Þorsteinsson lífefnafræð-
ingur lýsir Uxahryggjaleið, Okvegi
og Kaldadalsleið; Ottar Kjartansson
og Þorkell Jóhannesson, sem kunn-
ir eru af mörgum leiðarlýsingum,
rita um leiðir í Gjáarrétt, um Elliða-
vatnsheiði og Hólma, Elliðavatns-
hringinn og leiðina í Mygludali;
Flosi Ólafsson leikari lýsir Kóngs-
vegi; Einar Bimir heildsali segir frá
reiðleiðum í Mosfellssveit; Haraldur
Sveinsson framkvæmdastjóri lýsir
leiðum í Marardal og Jórukleif.
Einnig eru í bókinni stuttar leiðar-
lýsingar eftir Sigurð Hannesson á
Villingavatni, Magnús Hákonarson
á Selfossi, Magnús Grímsson kenn-
ara, Jón M. Guðmundsson á
Reykjum,_ Gunnlaug Skúlason dýra-
lækni, Aslaugu Harðardóttur í
Haga í Grímsnesi og Bjöm Jónsson
á Akranesi. Alls em höfundar 25
talsins. Ólafur Valsson kortagerð-
armaður hefur teiknað yfirlitskort
í litum, þar sem reiðleiðimar em
merktar og fylgt ömefnum höfund-
anna. Flestar leiðimar em einnig
mjög hentugar fyrir göngumenn,
enda hafa þær verið famar jafnt
af fótgangandi mönnum og reið-
mönnum í tímans rás.
í formála bókarinnar segir Hjalti
Pálsson meðal annars: „Þær leiðir,
sem hér em skráðar, em allar gaml-
ar, eða svo til allar. Forfeður okkar
hafa verið furðu fundvísir á góðar
leiðir þar sem haglendi og vatn var
nærtækt; sýnir það að þeir þekktu
landið vel. Nú em sumar þessar
gömlu götur með öllu týndar; aðrar
hafa staðist tímans tönn, þó að lítt
hafi verið hirt um að merkja þær
eða varðveita."
Bókin er 320 bls. að lengd og
prentuð í Prentsmiðju Áma
Valdemarssonar. Sigurður Ragn-
arsson og Hákon Hákonarson gáfu
bókina út. Áframhaldandi útgáfa
er fyrirhuguð.
ijniúiiimnLiniiMBB
Eftir það verða
g/n 77i ■ tri' imti i"iM nn f
greidslukortareikning
SÍMINNER
691140-
691141
MS4
jH0ti0titihiQhih