Morgunblaðið - 24.01.1987, Page 58

58
MORGUNBLAÐIÐ, LAUGARDAGUR 24. JANÚAR 1987
Ást er...
O <&>
... að hugga hann
þegar hann fær
skattseðilinn.
TM Reg U S. PaL Otl.-all rights reserved
e 1986 Los Angeles Times Syndicate
Pabbi, hefur þetta áhrif á
vasapening-ana mína?
Með
morgunkaffinu
Svo er hér tilkynning frá
okkur hér á Ljósvakastöð-
inni um að allur sendibún-
aðurinn hvarf með öllum
tilheyrandi leiðslum og
hljóðnemum í nótt. Þeir
sem kynnu . . .
HÖGNI HREKKVISI

%
,'y/lis /VlliiolJ.Vl TÖKIM 'A 'A3IANÞINJ
3 VlAAA JA VIAN . "
Um bókina Ljóra sálu minnar
Sigurjón vill gera athugasemdir við nokkrar staðhæfingar í bókinni
Ljóri sálar minnar, en hún geymir kafla úr ritsmíðum meistara
Þórbergs.
Nýlega er komin út bókin Ljóri
sálar minnar. Þar er um að ræða
kafla úr ritsmíðum Þórbergs Þórð-
arsonar, á árunum 1909—1917.
Helgi M. Sigurðsson bjó til prentun-
ar.
Skemmst er frá því að segja, að
útgáfu bókar þessarar er í ýmsu
áfátt, og verða hér nefnd nokkur
dæmi.
1) I formála bókarinnar segir,
að Þórbergur Þórðarson hafi aldrei
setzt á skólabekk fyrr en 21 árs. í
Ofvitanum segir Þórbergur, að
hann hafi setið fjóra mánuði og
þrjár vikur í kvöldskóla Asgríms
Magnússonar, áður en hann hóf
nám í Kennaraskólanum.
2) í formála segir, að Kennara-
skóiinn hafi verið við Barónsstíg.
Þetta er rangt. Skólinn var við
Laufásveg, og stendur húsið enn.
3) I áðurnefndum formála er
Jakob Kristinsson kallaður náms-
stjóri. Jakob var fræðslumálastjóri
um skeið, en ekki námsstjóri.
4) Á bls. 41 er sýslumaðurinn í
Strandasýslu nefndur Júlíus Hall-
dórsson. Hann hét Halldór Kr.
Júlíusson. Hið rétta nafn, Halldór,
kemur og fram á bls. 116.
5) í frásögn af kjósendafundi er
nefndur Magnús Blöndal, bls. 46.
Þar mun átt við Magnús Th.S.
Blöndahl (sbr. Ofvitann).
6) Rætt er um tjón af jarðskjálft-
um í Rangárvallasýslu á bls.
100—101. Nefndur er þar bærinn
Hjálmholt. Þar mun átt við bæinn
Bjálmholt. Rangt er farið með fleira
í þessum kafla. T.d. er þar nefndur
bærinn Vellir; ætti að vera Völlur.
Þar segir og, að fallið hafi 30 (?)
hús í Selsundi, sem vitanlega er
fjarstaeða.
7) Á bls. 118 er rætt um Sigfús
bónda á Króksbæ í Miðfirði. Sá bær
Skrif ið eða hringið til
Velvakanda
Velvakandi hvetur lesendur til
að skrifa þættinum um hvaðeina,
sem hugur þeirra stendur til —
eða hringja milli kl. 17 og 18,
mánudaga ti) föstudaga, ef þeir
koma því ekki við að skrifa. Með-
al efnis, sem vel er þegið, eru
ábendingar og orðaskiptingar,
fyrirspurnir og frásagnir, auk
pistla og stuttra greina. Bréf
þurfa ekki að vera vélrituð, en
nöfn, nafnnúmer og heimilisföng
verða að fylgja öllu efni til þáttar-
ins, þó að höfundur óski nafn-
leyndar.
Sérstaklega þykir ástæða til að
beina þvi til lesenda blaðsins utan
höfuðborgarsvæðisins, að þeir láti
sinn hlut ekki eftir liggja hér í
dálkunum.
heitir raunar Króksstaðir, og átt
mun við Sigfús Guðmundsson Berg-
mann. Hann var faðir skáldsins
Jóns S. Bergmanns, sem einkum
var kunnur fyrir hinar snjöllu
lausavísur sínar (sbr. Ferskeytlur
og farmannsljóð). Ein kunnasta vísa
Jóns er þessi:
Auður, dramb og falleg fot
fyrst af öllu þérist,
og menn sem hafa mör og kjöt
meira en almennt gerist.
8) í skýringum er Fjarðarhorn
sagt vera næsti bær við Bæ í Hrúta-
firði, bls. 120. Þetta er fjarri lagi,
eins og kunnugir vita.
9) A bls. 158 er Guðbrandur
Magnússon sagður bókbindari.
Hann var prentari.
10) Oddur, herbergisfélagi Þór-
bergs í Bergshúsi, er sagður
Jónsson á bls. 193. Oddur var Ólafs-
son (sb_r. Ofvitann).
11) Á bls. 209 er getið Sigurðar
frá Helluvaði. Sá Sigurður var Jóns-
son (föðurnafns er ekki getið í skrá
um mannanöfn) og var löngum
kenndur við Arnarvatn.
Fleiri dæmi um ónákvæmi og
skekkjur mætti nefna.
Á bls. 155 er minnzt á Fr. Hjör-
leifsson. Trúað gæti ég að þar
muni vera um að ræða Tr(yggva)
Hjörleifsson (Kvaran), hálfbróður
Einars H. Kvaran, en óvíst er þetta.
Virðingarfyllst, með þökk fyrir
birtingu,
Sigurjón Jónsson,
Asparfelli 10 R.
Víkverji skrifar
Flugstöðin nýja á Keflavíkur-
flugvelli er mikið mannvirki og
raunar ævintýri að skoða þessar
framkvæmdir. Það verður skemmti-
legt fyrir okkur Islendinga að þurfa
ekki lengur að aka um erlenda her-
stöð í landi okkar í hvert sinn, sem
við förum til útlanda eða komum
heim þaðan. Nú er verið að leggja
veg að flugstöðinni og er sú fram-
kvæmd langt komin. Þótt vega-
lengdin að nýju flugstöðinni sé
nokkru lengri frá Reykjavík í kíló-
metrum talið en að þeirri gömlu er
búizt við að það muni ekki miklu í
tíma að fara þangað vegna þess,
að alltaf eru einhverjar tafír við
hliðið á flugvellinum.
Þótt flugstöðin sé ekki komin í
endanlega mynd innandyra geta
menn þó gert sér góðar hugmyndir
um það nú þegar hvernig þar verð-
ur umhorfs. Stóri salurinn, þar sem
farþegar munu bíða brottfarar
verður glæsilegur og er raunar
óhætt að fullyrða, að fáar flug-
stöðvar í nálægum löndum verða
jafn þægilegar fyrir farþega og hin
nýja flugstöð okkar, þótt þær séu
margfallt stærri.
XXX
Flugstöðin er töluvert flókin
bygging í framkvæmd og er
áreiðanlega eitthvert flóknasta
mannvirki, sem hér hefur risið, jafn-
vel að virkjanahúsum meðtöldum.
íslendingar hafa unnið við þessa
byggingu að langmestu leyti og
hafa þeir, sem þar hafa verið að
verki áreiðanlega öðlast mikilsverða
reynslu í svo viðamiklum fram-
kvæmdum.
Nú er ljóst, að þær tímasetning-
ar, sem voru ákveðnar fyrir 3-4
árum munu standast og er það út
af fyrir sig vel af sér vikið og
óvenjulegt hér. Þá skiptir ekki síður
máli, að allt bendir til að kostnað-
aráætlanir standist mjög vel og
bendir það ótvírætt til þess að vel
hafi verið haldið á málum.
xxx
Augljóst er, að eftir að flugstöð-
in hefur verið opnuð, verður
þar um viðamikinn rekstur að ræða.
Mörg hundruð manns munu vinna
í þessu húsi dag hvern. Tilvist þess
á áreiðanlega eftir að hafa jákvæð
og lífleg áhrif á viðskipta- og at-
vinnulíf á Suðurnesjum.