Morgunblaðið - 24.01.1987, Síða 61

MORGUNBLAÐIÐ, LAUGARDAGUR 24. JANÚAR 1987
61
Skfði:
HM í alpa-
greinum sett
á morgun
- Daníel á meðal keppenda
Heimsmeistaramótið í alpa-
greinum sktðaíþrótta verður sett
við hátíðlega athöfn í Crans-
Montana í Sviss á morgun. Allt
er til reiðu og snjóalög þar eins
og best verður á kosið. Danfel
Hilmarsson frá Dalvík er eini
íslenski keppandinn á mótinu.
Heimamenn búast við góðum
árangri sinna manna á mótinu eins
og lið þeirra hefur sýnt í heims-
bikarkeppninni í vetur. Svisslend-
ingar hafa sigrað í 25 heimsbikar-
mótum af 41 í karla og
kvennaflokki. Keppendur verða frá
34 þjóðum og eru þeir nú að
*streyma til Crans-Montana.
Mikið undirbúningsstarf hefur
farið fram vegna keppninnar og
hefur svo til ný brunbraut verið
lögð og segja forráðamenn móts-
ins að hún sé ein sú erfiðasta.
Hingað til hefur Hahnenkamm-
brunbrautin í Kitzbuehel verið talin
sú erfiðasta en sagt er að þessi
slái hana út.
Setningarathöfnin fer fram á
morgun í Crans-Montana sem í
1500 metra haeð yfir sjávarmáli.
Keppnin hefst síðan á þriðjudaginn
og verður þá keppt í svigi sem er
liður í alpaþríkeppni. Mótinu lýkur
síðan 8. febrúar.
Daníel Hilmarsson keppir í svigi
4. febrúar og stórsvigi 8. febrúar.
Knattspyrna:
Dregið í Evrópu-
keppninni í dag
DREGIÐ verður í 8-liða úrslitum
Evrópukeppninnar í knattspyrnu
í Köln í dag. Uli Höness, fram-
kvæmdastjóri Bayern Miinchen,
sagðist óttast mest að fá Dynamo
Kiev eða Real Madrid í næstu
umferð í Evrópukeppni meistara-
liða.
„Ég vona að við drögumst ekki
á móti Dynamo Kiev í 8-liða úrslit-
um. Þeir eru það sterkir að við
vildum helst ekki mæta þeim fyrr
en í úrslitaleik keppninnar. Lið
Real Madrid er líka mjög sterkt en
við eigum meiri möguleika að slá
þá út sérstaklega ef við fengjum
fyrri leikinn gegn þeim á útivelli,"
sagði Uli Höness.
Liðin sem eftir eru í Evrópu-
keppninni eru þessi:
Evrópukeppni meistaraliða:
Real Madrid (Spáni), Porto (Portúgal),
Rauða Stjarnan (Júgóslavíu), Bayern
Munchen (V-Þýskalandi), Anderlecht
(Belgiu), Dynamo Kiev (Sovétríkjunum),
Bröndby (Danmörku) og Besiktas (Tyrk-
landi).
Evrópukeppni bikarhafa:
Lokomotiv (A-Þýskalandi), Real Zaragoza
(Spáni), Vitosha Sofia (Búlgaríu), Torpedo
(Sovétríkjunum), Sion (Sviss), Bordeaux
(Frakklandi), Malmö (Svíþjóð) og Ajax
(Hollandi).
UEFA-keppnin:
Dundee United (Skotlandi), Gautaborg
(Svíþjóð), Vitoria Guimaraes (Portúgal),
Inter Milan (Ítalíu), Swarovski Tyrol (Aust-
urríki), Barcelona (Spáni), Torinó (italíu)
og Boruissia M.GIadbach (V-Þýskalandi).
Nykanen fær
annað tækifæri
HEIMSMEISTARINN í skíða-
stökki, Matti Nykanen frá Finn-
landi, var í gær áminntur af
finnska skíðasamandinu vegna
hegðunnar sinnar á móti í Inns-
bruck fyrr í þessum mánuði.
Stjórn finnska skíðasambands-
ins aðvaraði hann og sagði að
þetta yrði í síðast sinn sem það
yrði gert. Hann fengi nú tækifæri
á að sanna getu sína í finnska
meistaramótinu í næstu viku og
ná sæti sínu aftur í liöinu fyrir HM.
Nykanen, sem hefur unnið
bæði heims- og Olympíusigur í
skíðastökki, er besti skíöastökk-
vari Finna og mega þeir varla við
því að missa hann úr liöi sínu ætli
þeir sér að eiga möguleika á verð-
launasæti á heimsmeistaramótinu
sem fram fer í Oberstdorf í næsta
mánuði.
Nykanen er 23 ára og kom í gær
til Finnlands úr brúökaupsferð frá
Sri Lanka með konu sinnTinu, sem
er aðeins 19 ára.
Þróttur
AÐALFUNDUR knattspyrnu-
félagsins Þróttar verður í Þrótt-
heimum mánudaginn 26. janúar
og hefst kl. 20.
Símamynd/Reuter
• Gúnther Bosch fókk Iftin frið fyrir blaðamönnum er hann yfir-
gaf Ástralíu í gær. Hann vildi lítið láta hafa eftir sér um ákvörðun
sína að hætta sem þjálfari Beckers.
Bosch hættir
sem þjálfari
Boris Becker
GUNTER Bosch, þjálfari tennis-
stjörnunnar vestur-þýsku Boris
Becker, sagði f viðtali við þýska
dagblaðið Bild að hann væri
hættur sem þjálfari Beckers.
Bild segir að Bosch hafi verið
mjög argur yfir framferði Beckers
er hann tapaði fyrir Wally Masur
í Opna ástralska meistarmótinu
á þriðjudaginn. „Boris var bæði
mér og íþróttinni til skammar
með framferði sínu eftir tapleik-
inn,“ sagði Gunter Bosch í
samtali við Bild.
Becker var sektaður um 2000
dollara vegna þessa óláta og
minnti framkoma hans helst á
John McEnroe þegar hann lét
sem verst. Hann þoldi ekki að
tapa fyrir áður óþekktum tennis-
leikara, Masyr, sem er númer 71
á lista yfir bestu tennisleikara
heims. Wimbledonmeistarinn sló
fyrst nokkra bolta upp í áhorf-
endastúku og barði síðan spaða
sínum margsinnis í völlinn með
þeim afleiðinum að hann brotn-
aði.
Skíði:
Guðrún í
19. sæti
GUÐRÚN H. Kristjánsdóttir
skíðakona frá Akureyri varð í 19.
sæti í svig á alþjóðlegumóti á
ítalfu í gær.
Guðrún varð 19. sæti af 70
keppendum og fékk tímann
1.40,88 mín. Sigurvegari var sviss-
nesk stúlka, Heydi Andremotton,
sem fékk tímann 1.33,50 mín.
Guðrún keppti einnig í svigi á sama
stað á fimmtudaginn og hafnaðr -
þá í 20. sæti, var um 10 sekúndum
á eftir sigurvegaranum, Paoletta
Magoni frá Ítalíu.
Daníel Hilmarsson frá Dalvík
keppti í svigi um síðustu helgi og
hafnaði í 22. sæti. Hann fékk
tímann 1.46,74 mín. Sigurvegari
var Okabe frá Japan á 1.39,98
mín. Austurríkismaðurinn, Franz
Gruber, varð þriðji.
Daníel keppir í svigi í heims-
bikarnum í Kitzbuhel á morgun.
Síðan tekur hann þátt í tveimur
svigmótum á Ítalíu í næstu viku.
Hann verður síðan meðal kepp-
enda á HM í Crans-Montana og
keppir þar í svigi og stórsvigi.
Knattspyrna:
Brasilíu-
menn til
Evrópu
LANDSLIÐ Brasilíu í knattspyrnu
mun leika fjóra æfingaleiki í
Evrópu í sumar við Engiendinga,
íra, Skota og Finna.
Brasilíumenn áætla að leika
fyrst gegn Englendingum á Wem-
bely 19. maí, síðan gegn írum í
Dublin 23. maí. Leikið verður gegn
Skotum í Glasgow 26. maí og loks
gegn Finnum 28 maí í Helsingi.
Knattspyrna:
Guðmundur
tilVals
GUÐMUNDUR Baldursson,
markvörður úr Fram, hefur
gengið til liðs við Val. Hann
er gamalreyndur landsliðs-
markvörður en hefur ekki
fengið tækifæri með Fram
sfustu tvö árin.
Guðmundur að baki 8 lands-
leiki og var einn besti mark-
vörður íslands fyrir nokkrum
árum. Hann gekk frá félaga-
skiptum yfir í Val í gær og mun
keppa við þá Stefán Arnarsson
og Guðmund Hreiðarsson um
markmannstöðuna í sumar.
Knattspyrna:
Þróttur fær
liðsstyrk

ÞRÓTTUR Reykjavík sem leikur í
2. deild íslandsmótsins i knatt-
spyrnu hefur fegnið liðsstyrk.
Fimm leikmenn hafa gengið til
liðs við félagið á síðustu dögu.
Þessir leikmenn eru Geir Ingi
Geirsson, Val Reyðarfirði, Theódór
Jóhannsson, sem lék í Færeyjum
í fyrra, Valgeir Matthíasson, Hvöt,
Sverrir Jónsson, Þór og Haraldur
Leifsson, sem lék í fyrra með
dönsku iiði en áður með ÍBÍ.
Allar líkur eru á því að Haukur
Magnússon, einn besti leikmaður
ÍBÍ í fyrra, gangi aftur til lið við
Þrótt. Jóhann Hreiðarsson hefur
einnig í hyggju að taka fram skóna
að nýju eftir meiðsli og leika með
liðinu í sumar. Áður hafði Kristján
Svavarsson, Austra Eskifirði,
gengið í Þrótt.
Leiðbeinendanámskeið
5.-8. febrúar nk. efnir íþróttasamband fatl-
aðra til A-stigs leiðbeinendanámskeiðs í
vetraríþróttum. Bæði námskeiðin verða hald-
in í Reykjavík.
Tilkynna þarf þátttöku á námskeiðið fyrir mið-
vikudaginn 28. jan. nk. Allar nánari upplýsing-
ar er unnt að fá á skrifstofu íþróttasambands
fatlaðra, íþróttamiðstöðinni Laugardal, í síma
91-83388.