Morgunblaðið - 30.01.1987, Blaðsíða 48

V^terkurog
hagkvæmur
auglýsingamiðill!
©
BRunnBúí
t -Af öfiYGGISAST/tÐUM
Nýjungar
í 70 árh^
FÖSTUDAGUR 30. JANÚAR 1987
VERÐ í LAUSASÖLU 50 KR.
Sáttatillaga felld
af báðum aðilum
XJNDIRMENN í Sjómannafélagi
Reykjavíkur og kaupskipaút-
gerðin felldu í gærkvöldi með
yfirgnæfandi meirihluta í at-
kvæðagreiðslu miðlunartillögu,
sem ríkissáttasemjari lagði fram
í gær tíl lausnar á kjaradeilu
aðila. Miðlunartillagan var kynnt
á félagsfundi í SFR og greiddu
107 atkvæði gegn henni, en 9
voru meðmæltir. 116 greiddu
atkvæði af 165, sem höfðu at-
kvæðisrétt. Kaupskipaútgerðin
feUdi og tiUöguna einróma.
í miðlunartillögunni fólst að laun
hækkuðu strax um 7,5%, en skyldu
_bó aldrei vera lægri en 26.500 krón-
-^ir á mánuði og laun viðvaninga 92%
af grunnlaunum. Þessi laun taka
sömu áfangahækkunum og samdist
um í milli ASÍ og VSÍ í desember.
Álag á yfirvinnu verður 73,3% á
dagvinnulaun í stað 60% áður og
gert er ráð fyrir að gengið verði til
samstarfs um breytingar á vinnu-
ramma.
„Þessi niðurstaða staðfestir það
bil sem er á milli aðila og hefúr
reynst meira og minna óbrúanlegt,"
sagði Guðlaugur Þorvaldsson, ríkis-
Sittasemjari. Hann vildi ekki tjá sig
um hvað nú tæki við.
Þórarinn V. Þórarinsson, fram-
kvæmdastjóri VSÍ, sagði að miðlun-
artillagan hefði verið virðingarverð
tilraun hjá ríkissáttasemjara til að
finna lausn í deilunni. Hins vegar
gengi tillagan of langt í grunn-
launabreytingum miðað við það sem
samist hefði um í kjarasamningum
við önnur aðildarfélög ASÍ og sér
virtist að eina lausnin væri að ganga
til samninga um breytingar á vinnu-
rammanum, sem gætu fært
farmönnum umtalsverðar kaup-
hækkanir, jafnframt því sem af því
yrði hagræðing fyrir skipafélögin.
„Það er sama staðan og var fyr-
ir þessa miðlunartillögu og það mun
færast meiri harka í deiluna," sagði
Birgir Björgvinsson, sem sæti á í
stjóm SFR. Hann sagði að enginn
bilbugur væri á farmönnum og þeir
gætu þess vegna haldið áfram til
haustsins. Það virtist ekki vera neitt
mál fyrir kaupskipaútgerðina að
binda skipin við bryggju, þó það
kostaði hana 7 milljónir á dag, að
því er sagt væri.
V araflugvöllur á Sauðárkróki:
Morgunblaðið/Einar Falur
Ar kanínunnar
HÁTT á annað hundrað manns
söfnuðust saman í Rauða kross-
hótelinu við Rauðarárstíg f
gærkvöldi til þess að fagna
nýju ári samkvæmt kinversku
timatali og gengur það undir
heitinu „Ár kanínunnar“.
Víetnamamir, sem fluttust
hingað til lands árið 1979, stóðu
fyrir hátíðarhöldunum í tilefni
nýársdagsins. Þann dag ber ár
hvert upp á 29. janúar og er hann
þá haldinn hátíðlegur. Þijátíu til
flömtíu Víetnamar búa hér á landi
nú. Hátíðarborðið var hlaðið
margvíslegum austurlenskum
réttum, eins og sjá má á myndinni.
Hugrnynd um forhönn-
un á 5 öðrum flugvöllum
Rætt um fjármögnun frá mannvirkjasjóði Atlantshafsbandalagsins
VIÐRÆÐUM fulltrúa samgöngu-
ráðuneytis, vamarmálaskrif-
stofu utanríkisráðuneytis og
fulltrúa frá Atlantshafsbanda-
laginu um gerð varaflugvallar
fyrir Keflavikurflugvöll á Sauð-
árkróki lauk i fyrradag. Sam-
kvæmt heimildum Morgunblaðs-
ins lagði Pétur Einarsson
flugmálastjóri til að gerð yrði
forkönnun og hagkvæmnisat-
hugun á fimm öðrum flugvöllum
Símamynd/Morgunblaðið/Bjami
Sjallinn var þétt setinn i gærkvöldi eins og sjá má á myndinni hér
að ofan, en til hliðar er Sverrir Hermannsson, menntamálaráðherra,
í ræðustól.
áður en ákvörðun verður tekin
um hvar varaflugvöllur verður
staðsettur. Munu fulltrúar NATO
hafa greint frá því að ef islensk
flugmálayfirvöld teldu slíka
könnun nauðsynlega, þá teldu
þeir allar líkur á þvi að mann-
virkjasjóður Atiantshafsbanda-
lagsins væri reiðubúinn að
fjármagna slíka könnun, og töldu
þeir að kostnaður við hana gæti
verið í kringum 14 milljónir
króna, eða um 350 þúsund banda-
rikjadalir.
Eins og kunnugt er gerði flug-
málanefnd tillögu um það er
frumvarpsdrög að flugmálaáætlun
voru kynnt í desembermánuði
síðastliðnum, að Sauðárkróksflug-
völlur yrði ákveðinn sem varaflug-
völlur fyrir Keflavíkurflugvöll.
Flugmálastjóri mun telja nauðsyn-
legt að gerð sé heildarúttekt á þessu
máli, og til þess að slíkt sé mögu-
legt, verði að fá til erlent ijármagn.
Ef ríkisstjómin fellst á þessa til-
högun, væri hægt að heíjast handa
við þessa tæknilegu könnun á fímm
flugvöllum þegar eftir helgi. Flug-
vellimir eru á Akureyri, Húsavík,
Egilsstöðum, Blönduósi og Höfn í
Homafirði.
Matthías Bjamason mun hafa
skýrt frá þessum hugmyndum á
þingflokksfundi Sjálfstæðisflokks-
ins í fyrradag, en undirtektir verið
misjaftiar. Heimildir Morgunblaðs-
ins herma að Eyjólfur Konráð
Jónsson formaður utanríkismála-
nefndar Alþingis hafi tekið þessum
hugmyndum fálega og sagt að það
kæmi ekki til greina að nota fjár-
magn erlends hemaðarbandalags
til slíkra hluta. Þeir sem eru tals-
menn þess, að þessi leið verði farin
benda hins vegar á að engar skuld-
bindingar fylgi því af íslands hálfu,
þó að þessi könnun verði fram-
kvæmd. Það sé síðari tíma pólitísk
ákvörðun hvort íslenska ríkisstjóm-
in eigi að leggja það til að byggður
verði varaflugvöllur á þeim stað
sem kemur best út úr könnuninni,
flugtæknilega séð.
Símamynd/Gudmiindur Svansson
Húsfyllir var á fundi
menntamálaráðherra
NORÐLENDINGAR fylltu Sjall-
ann á Akureyri í gærkvöldi
þegar Sverrir Hermannsson,
menntamálaráðherra, hélt þar
ópinn fund vegna fræðslustjóra-
málsins. Fundargestir voru
farnir að bíða fyrir utan húsið
rúmum klukkutima áður en
fundurinn átti að hefjast og hátt
í tugur manna hafði skráð sig á
mælendaskrá um miðjan dag í
gær.
Sverrir Hermannsson hélt yfir
kiukkutíma langa framsöguræðu
þar sem hann dró fram ástæður
sínar fyrir brottvikningu Sturlu
Kristjánssonar úr embætti fræðslu-
stjóra Norðurlandsumdæmis eystra
í sögulegu Ijósi þess „agaleysis og
virðingarleysis" embættismanna-
valdsins, sem vaðið hefði uppi í
áratugi, eins og Sverrir orðaði það.
Sverrir lauk máli sínu með því að
lýsa yfir vilja sínum til að leita sann-
gjamra sátta í málinu og upplýsti
að hann hefði beint þeim tilmæíum
til Qármálaráðherra að gengið yrði
til samninga við lögfræðing Sturlu
um sanngjamar bætur vegna brott-
vikningarinnar, en bréf þess éfnis
barst til fjármálaráðherra frá lög-
manninum í gær.
Sverrir Pálsson, skólastjóri á
Akureyri, talaði á eftir ráðherra og
var þungorður í hans garð. Sagði
hann meðal annars að allir skóla-
menn í Norðurlandsumdæmi eystra
bæm nú þunga ábyrgð eftir að einn
af þeim var sviptur atvinnunni fyrir
að tala máli þeirra, að þeirra beiðni.
Sverrir sagðist kalla Jjað „ógnar-
stjóm menntamála á Islandi þegar
haft er í hótunum við menn fyrir
að vera á annarri skoðun en
menntamálaráðherra og dirfast að
halda þeirri skoðun fram. Engum
skal þó takast að hræða okkur til
þagnar," sagði Sverrir Pálsson
síðan undir miklu lófataki fundar-
gesta.
Heilbrigðir
koma 1 mót-
efnamælingu
en smitaðir
silja heima
ALLS hafa 1.500 manns verið
mótefnamældir hérlendis
vegna alnæmis og hafa 30
þeirra mælst jákvæðir. Fjórir
Islendingar eru nú með al-
næmi á lokastigi og tíu með
forstigseinkenni. Sextán eru
smitaðir af alnæmisveirunni,
en eru ekki með einkenni.
Af þessum tölum má því ætla
að 300 til 400 manns séu smit-
aðir — einstaklingar, sem ekki
hefur tekist að ná til, að sögn
Kristjáns Erlendssonar, ónæm-
isfræðings. „Við höfum aðeins
áhuga á að ná til þessa hóps.
Flestir þeir sem koma í mælingu
eru fullftískir, en vilja samt fá
staðfestingu á því að þeir séu
ekki smitaðir. Smitaðir sitja
hinsvegar heima og láta ekki sjá
sig,“ sagði Kristján.
Sjá nánar um fræðsluher-
ferð landlæknisembættis-
ins á bls. 7.