Morgunblaðið - 02.07.1987, Qupperneq 3

MORGUNBLAÐIÐ, FIMMTUDAGUR 2. JÚLÍ 1987
3
Grindavík:
Humar
fyrir 100
milljónir
Grindavík.
Humarvertíðin í
Grindavík hefur sjaldan
gengið eins vel og á þessu
sumri og hefur 125 tonnum
af slitnum humri að verð-
mæti 100 milljónir króna
verið landað það sem af er
vertíð.
Þrjú frystihús vinna humar-
inn og skapar hann mikla
sumarvinnu hjá skólakrökkum.
Lætur nærri að um 150 manns,
krakkar, unglingar og fullorðn-
ir, vinni við humarvinnsluna
fyrir utan sjómennina.
12 bátar landa humar til
vinnslu í Grindavík á þessari
vertíð og eru nokkrir í síðasta
túr ef afli helst svipaður en
hinir langt komnir. Gæftir hafa
verið einstaklega góðar frá
byijun humarvertíðar og aldrei
verið bræla sem hamlað hefur
veiðum svo vertíðinni verður
sennilega lokið þrem vikum
fyrr en venjulega.
— Kr.Ben.
í Arnarví k vinna
unglingar og fullorðnir í
sátt og samlyndi við
flokkun humars.
Sakadómur:
Hafskip
aftur á
dagskrá
KRAFA fjögurra forsvarsmanna
Hafskips hf. um að máli ákæru-
valdsins gegn þeim verði vísað
frá dómi verður tekin fyrir í
Sakadómi Reykjavíkur á næst-
unni.
Þegar málið gegn mönnunum
§órum var tekið fyrir í sakadómi
hinn 5. rhaí sl. lögðu veijendur
þeirra fram kröfu um að málinu
yrði vísað frá dómi vegna þess að
ríkissaksóknari hefði átt að víkja
sæti. Áður en frávísunarkrafan var
tekin fyrir kröfðust veijendur þess
að ríkissaksóknari og Albert Guð-
mundsson yrðu kallaðir fyrir sem
vitni og að Þorsteini Pálssyni yrði
gert að veita upplýsingar um lán-
veitingar til ríkissaksóknara.
Sakadómur hafnaði þessu hinn 14.
maí og þann 4. júní staðfesti Hæsti-
réttur þann úrskurð.
Haraldur Henrysson, sakadóm-
ari, sem fer með málið, snéri aftur
til starfa í gær eftir sumarfrí. Hann
sagði í samtali við blaðið að hann
þyrfti að hafa samband við málsað-
ila til að kanna hvort allir væru
tilbúnir í slaginn, eins og hann orð-
aði það. „Ég geri ráð fyrir að taka
frávísunarkröfuna fyrir svo fljótt
sem auðið er, en hvenær það verður
skýrist líklega síðar í þessari viku,“
sagði Haraldur.
Flugvélin
fannst ekki
á slysstað
Slökkviliðið í Reykjavík var
kallað út á þriðjudagsmorgun,
þar sem óttast var að lítil flugvél
hefði brotlent i Fossvogsdal.
Þegar slökkviliðið kom á slysstað
fannst engin flugvélin, enda var
hún þá að lenda á Reykjavíkur-
flugvelli.
Skömmu eftir kl. 9.30 á þriðju-
dagsmorgun barst slökkviliðinu
beiðni um aðstoð vegna flugvélar
sem hvarf af ratsjá í flugtumi.
Talið var að flugvélin hefði lent í
Fossvogsdal. Ekki fylgdi sögunni
hvort um farþegarflugvél væri að
ræða, en strax voru sendir á vett-
vang tveir slökkvibflar og allir
tiltækir sjúkrabílar. Þegar slökkvi-
liðið var komið í Fossvoginn barst
tilkynning frá flugstjóm um að vél-
in hefði komið fram.
Skýringin á þessu mun vera sú,
að lítil flugvél var í sjónflugi yfir
Reykjavík og hvarf skamma stund
af ratsjá. Þar sem starfsmenn í
flugtumi vildu hafa vaðið fyrir neð-
an sig var slökkviliðið látið vita, en
vélin lenti heilu og höldnu á
Reykjavíkurflugvelli skömmu síðar.
Borgarráð:
Samningur vegna
framkvæmda
við Nesjavelli
VERKSAMNINGUR við Ræktun-
arsamband Flóa og Skeiða,
varðandi 2. og 3. áfanga vega-
gerðar og undirstaðna vegna
hitaveituæða milli Nesjavalla og
Reykjavíkur, var samþykktur í
borgarráði á þriðjudag.
Ræktunarsambandið var með
lægsta tilboðið í verkið en það hljóð-
aði upp á 121 milljón, sem er 75,2%
af kostnaðaráætlun.