Morgunblaðið - 03.07.1987, Síða 55

MORGUNBLAÐIÐ, FÖSTUDAGUR 3. JÚLÍ 1987
55
Auðveldur sigur á
bronsliðinu frá HM
Einar varði 20 skot og ísland varð í þriðja sæti
Frá Steinþóri Guðbjartssyni, blaðamanni Mc
ÍSLENSKA landsliðiö í handknatt-
leik er frábœrt, Bogdan er ein-
stakur. Liðið sigraði heimsmeist-
ara Júgóslavfu og bronslið
Austur-Þýskalands frá HM og
auk þess Noreg, tapaði ósann-
gjarnt fyrir Sovétmönnum og
hafnaði í þriðja sœti á mótinu
sem lauk í Bitola í gœrkvöldi.
Árangur, sem allir geta verið
stoltir af.
í gærkvöldi lék liðið við Austur-
Þýskaland um þriðja sætið og
mátti bronsliðið frá HM í Sviss
iinblaðtlns, I Júgóslaviu.
þakka fyrir að tapa ekki með meiri
mun. Okkar strákar komu til leiks
ákveðnir í að sigra, baráttan var
fyrir hendi, vörnin eins og hún á
að vera og Einar Þorvarðarson
hreint frábær í markinu. Sóknar-
leikurinn var köflóttur og var það
reyndar einkennandi fyrir marga
leiki á mótinu. Liðið náði mjög
góðum kafla, datt niður, en náði
sér aftur á strik, þegar mest lá við.
Strákarnir byrjuðu með látum
og eftir fimm mín. var staðan orð-
in 5:0. Um miðjan fyrri hálfleik
gekk ekkert upp í sókninni og Þjóð-
verjarnir söxuðu á forskotið, en
okkar menn réttu úr kútnum fyrir
leikhlé.
Seinni hálfleikur byrjaði frekar
illa hjá íslandi, strákarnir skoruðu
ekki mark í tíu mínútur og Þýskir
náðu að jafna leikinn. En þá hristi
íslenska liðið af sér slenið, spurn-
ing var aðeins hve stór sigurinn
yrði, það náði mest sex marka for-
ystu, en slakaði á undir lokin og
sigraði örugglega með þriggja
marka mun.
Einar Þorvarðarson lék í mark-
inu allan tímann nema hvað
Brynjar Kvaran reyndi að verja víta-
skot, þegar leiktíminn var búinn.
Einar stóð sig frábærlega, varði
20 skot, þar af mörg úr opnum
færum og eitt vítakast. „Þetta gekk
mun betur en gegn Spánverjunum.
Stemmningin var í lagi, við vorum
ákveðnir og ætluðum að sigra. Ég
er að sjálfsögðu ánægður með
minn hlut, en liðsheildin er sterk
og vörnin var góð,“ sagði Einar í
samtali við Morgunblaðið eftir leik-
inn.
Bogdan skipti ört inn á og kon^
breidd íslenska liðsins Þjóðverjun-
um í opna skjöldu. Kristján lék loks
af eðlilegri getu, Þorgils Óttar
sýndi að hann er einn af bestu línu ■
mönnum heims, Alfreð var sterkur
og Sigurður Sveinsson skoraði
helming marka sinna með hægri!
Strákarnir ætluðu að standa sig,
þeir brugðust engum og tilviljun
ein réð því að liðið hafnaði ekki
ofar.

Heppnissigur
Sovémanna
SOVÉTMENN voru heppnir
gegn Spánverjum, fengu gef-
ins víti á síðustu sekúndu
leiksins, jöfnuðu og sigruðu
þar með í Júgóslavíumótinu.
Spánverjarnir voru mun
betri, spiluðu hraðan og
skemmtilegan handbolta sem
kom Sovétmönnum spánskt
fyrir sjónir! Staðan í hálfleik var
13:10 fyrir Sovétmenn en
Spánverjar fóru á kostum í byrj-
un seinni hálfleiks, skoruðu sjö
mörk í röð og staðan breyttist
í 17:13 þeim í vil.
Sovétmenn náðu að jafna
22:22, þegar þrjár mínútur voru
eftir, en Serrano kom Spáni
aftur yfir. Fögnuður áhorfenda
var mikill og þeir púuðu á Sov-
átmenn, sem reyndu hvað þeir
gátu til að jafna. Þjálfari Spánar
var manna æstastur og fékk
að sjá rauða spjaldið, en tíminn
leið og sigur Spánar virtist í
höfn. Tvær sekúndur eftir og
Sarovarov fór inn úr horninu
en Zuniga varði. Öllum til mikill-
arfurðu dæmdu Júgóslavnesku
dómararnir vítakast og Valusk-
as jafnaði leikinn.
Sovétmenn töpuöu ekki leik
á mótinu, en gerðu jafntefli við
Júgóslava og Spánverja. Liðiö
er mjög gott, eins og reyndar
öll landsliðin í keppninni fyrir
utan það norska.
Spánverjarnir leika ekki
ósvipað og Júgóslavar, en eru
mun ákveðnari og eiga örugg-
lega eftir að standa sig vel í
Seoul, en liðið hafnaöi í öðru
sæti á þessu móti.
Símamyndir frá Prilep iJúgóslsavíu/Júlíus Sigurjónsson
• Einar Þorvardarson var frábœr í markinu í gœrkvöldi og varði 20 skot. Á myndinni reynir Dirk Schnell að skora úr opnu fœri af línunni en
Einar er réttur maður á réttum stað. Á innfelldu myndinni er íslenska landsliðið, sem stóð sig frábærlega á mótinu í Júgóslavíu, sem lauk í Bitola
í gærkvöldi. Hér fagna leikmenn þjálfarar og formaður HSÍ náðum áfanga, en fjarverandi eru Þorbjörn Jensson, sem komst ekki í markið á
settum tíma, og Davfð Sigurðsson, stjórnarmaður HSÍ, sem var í Prilep á sama tíma að taka leik Júgóslavíu og unglingaliðs Júgóslavíu upp
á myndband.
„Anægður og líður mjög vel
„ÉG ER mjög ánægður með þenn-
an sigur og lokastöðu okkar í
mótinu, mér líður mjög vel,“
sagði Bogdan landsliðsþjálfari
eftir leikinn í gærkvöldi.
„Við vissum að við vorum að
taka þátt í sterkasta móti ársins
og þess vegna hefði fimmta sæti
ekki verið svo slæmt í raun. En
strákarnir sýndu hvers þeir eru
megnugir, yngri leikmennirnir,
Karl, Júlíus, Jakob og Geir, stóðu
sig mjög vel, Einar var stórkostleg-
ur í markinu í þessum úrslitaleik
um þriðja sætið og Kristján var
Kristján! Með öðrum oröum, frá-
bær liðsheild og góð barátta.
Það er segin saga í svona stór-
mótum að öll lið eiga einn slæman
dag og þess vegna geta í raun
allir sigrað alla. Við duttum niður
á móti Spáni og Sovétmenn sömu-
leiðis, en hinu má ekki gleyma að
Páll og Atli léku ekki með gegn
Sovétmönnum vegna meiðsla og
slíkt getur skipt máli varðandi end-
anlega röð,“ sagði Bogdan.
Þorgils Óttar
„VIÐ höfum sýnt aö viö getum
náö árangri. Flestir leikmennirnir
hafa spilað saman í 4-5 ár, liðiö
er mjög samstillt og hópurinn
samstæður og árangurinn á
þessu móti er f einu oröi sagt
frábær,“ sagöi Þorgils Óttar Mat-
hiesen, fyrirliði landsliðsins, í
gærkvöldi.
„Þetta var mjög sterkt mót,
fimm ólympíulið, og leikirnir
skemmtilegir. Okkar lokatakmark
er að sjálfsögðu góð staða á sjálf-
um ólympíuleikunum, en til að svo
megi verða, verðum við að æfa
stíft og ná toppi á réttum tíma.
Júgóslavíumótið var liður í undir-
búningnum, við æfðum vel í júní
og æfingarnar hafa skilað sér. “
Jón Hjaltalín
„ÉG ER mjög hreykinn. Strákarnir
hafa staðið sig frábærlega vel,“
sagöi Jón Hjaltalfn formaður HSÍ.
„Við áttum þriðja sætið á mót-
inu fyllilega skilið því við töpuðum
mjög ósanngjarnt gegn Sovét-
mönnum.
Það er Ijóst að æfingarnar í
sumar hafa skilað þeim árangri
sem til var ætlast og jafnvel meira
en það, og Bogdan hefur enn einu
sinni sýnt og sannað, að hann
kemur liðinu í rétt form á réttum
tíma.“
Isl.-A-Þýskal.
27 : 24
5:0, 5:3, 6:3, 6:5, 7:5, 7:6, 10:6, 10:9,
11:9, 11:10, 13:10, 13:11,14:11, 14:14,
15:14, 15:15, 17:15, 17:16, 19:16,
19:17, 21:17, 21:18, 22:18, 22:19,
24:20, 26:20, 26:22, 27:22, 27:24.
Mörk íslancU: Kristján Arason 7/1,
Alfreð Gíslason 5/3, Þorgils Óttar Mat-
hiesen 4, Július Jónasson 2, Jakob
Sigurðsson 2, Sigurður Gunnarsson 2,
Sigurður Sveinsson 2, Páll Ólafsson 1,
Kar! Þráinsson 1, Guðmundur Guðmunds-
son 1.
Mörk A-Þýskalands: Pletz 6/2, Winsel-
mann 5, Schnell 3, Strauch 3, Wigrin
2/1, Hauck 1, Pysall 1, Fuhrig 1, Kreuz
1 og Rothenburger 1.
I kvöld
TVEIR leikir veröa í 1. deildinni f
knattspyrnu f kvöld. Á Akureyri
mætast KA og Þór og f Garðinum
Vföir og ÍA. Báðir leikirnir hefjast
kl. 20.00.