Morgunblaðið - 16.07.1987, Blaðsíða 46

46
MORGUNBLAÐIÐ, FIMMTUDAGUR 16. JÚLÍ 1987
ffmmnn
Ég er að niðurlotum kom-
inn. Búinn að fara 2530
sinnum kringum hnöttinn
í dag ...
630 POLLUX
Er hann herbergisfélagi
þinn þessi?
HÖGNI HREKKVlSI
Andeyjarbrú
Bréf frá Norður—Noregi
Kæri Velvakandi
Komdu nú blessaður. Mér datt í
hug að senda þér bréf og þakka
ykkur hjá Morgunblaðinu fyrir allar
þessar fínu greinar um Laugaveg-
inn sem hafa komið í Lesbókinni.
Þetta hafa verið alveg sérlega
skemmtilegir þættir og fróðlegir að
sama skapi. Sérstakir eru þeir einn-
ig vegna þess að ég er fæddur og
uppalinn á þessum slóðum og þekki
Laugaveginn eins og mína eigin
buxnavasa. Þegar ég las þessa
þætti þá rifjuðust upp fyrir mér
allar þær sögur sem gamia fólkið
heima gat sagt af þessum köllum.
Ég vona að þessir þættir komi í
bókarformi. Þá væri ég fyrsti mað-
urinn til að fá mér eintak.
Að vísu hef ég tekið þessi blöð
og geymt en það er ekki svo gott
að halda þessu saman, það tekur
allt of mikið pláss. En ef þetta væri
í bókarformi þá tæki það sig vel út
í bókahillunum. Þetta var ekki bara
vel skrifað og fróðlegt heldur voru
með því stórkostlega fínar myndir.
Ég sit nú héma uppi í Norður—
Noregi og stari löngunarfullum
augum út í rigninguna í von um
að það létti til og sólin láti sjá sig
aftur. Við byijuðum vorið vel og
höfðum afar fínt veður hér þá en
nú hefur verið lengri tími með brælu
og enga huggun frá veðurfræðing-
unum nema síður sé. Hann segir
nefnilega að það verði ekkert sum-
arveður í ár hér nyrðra en sunnan-
lands muni verða fínt veður. Að
vísu var bara gott að þeir fengu
betra veður þar því að þeir vom á
tímabili að drukkna í rigningu og
kombændur mjög eyðilagðir. Það
getur nefnilega aldrei verið sama
veðrið í Noregi öllum. Annaðhvort
er sólin fyrir sunnan eða norðan
og þá er rigning hjá hinum.
Það hefur verið mjög lítið um
íslenskar kvikmyndir hér í sjón-
varpinu. Ég hafði nú skrifað til
norska ríkisútvarpsins og kvartað
undan þessu og bað þá að sýna sjón-
varpsmynd sem tekin var og sýnd
á Islandi fyrir nokkmm ámm og
var kjörin besti sjónvarpsþáttur
þess árs. Ég á við myndina Undir
sama þaki. Ég fékk það svar að
það væri ekki á þeirra valdi að velja
myndir. Það væm íslendingar sem
sendu þeim efni sjálfir. Ef þetta
kemur á prent vil ég spyrja íslenska
sjónvarpið hvort það væri ekki
möguleiki að fá að sjá þetta í Nor-
egi?
Já, nú er loksins búið að mynda
stjóm á íslandi. En mikið var þetta
erfíð fæðing. Loforðin em góð en
ansi er ég hræddur um að þetta
verði erfiður búskapur. Það gekk
til að mynda erfíðlega að koma sér
saman um ráðherraembættin. En
nóg um það.
Það væri kannski ekki úr vegi
að minnast á stað þann sem ég er
búsettur á og hef verið búsettur á
síðastliðin 12 ár. Þetta er eyja í
Vesterálen eyjaklasanum í Norland
fylki í Norður—Noregi. Hér búa um
8000 manns dreifðir um alla eyjuna
í smáþorp. Þorpið sem ég bý í heit-
ir Duerberg og þar búa um 500
manns sem lifa af landbúnaðar-
störfum og fiskveiðum. Landslagið
er frekar flatt, mikið um mýrar en
hefur upp á að bjóða margt, til
dæmis útilegu og fískveiðar, bæði
í ám og vötnum sem eru mýmörg
hér á eyjunni. Annars er margt
annað sem vert er að skoða sem
of langt yrði að telja upp hér. Ég
er eini Islendingurinn hér á eynni
svo að það er ekki oft sem maður
hefur tækifæri til að nota móður-
málið. Það er mjög lítið um það að
Islendingar heimsæki eyjuna en þó
hefur það komið fyrir en þá bara
um stundarsakir. Ég er sá eini sem
hef ílengst hér enda er kona mín
héðan.
Ég sendi þér með mynd af An-
deyjarbrú sem tengir eyjuna við
fasta landið.
Þá læt ég þetta nægja.
Sveinn Bergsson
Víkverji skrifar
Víkverji var nýlega stadddur í
flugstöðinni nýju á Keflavíkur-
flugvelli þeirra erinda að taka á
móti farþega, sem koma átti með
Flugleiðaþotu frá London. Kom-
utími þotunnar var klukkan 00,10,
en endanlegur tími, sem gefinn var
upp í síma Flugleiða var 00,12.
Þegar Víkveiji kom í Flugstöðina
stóð á skjá að þotan myndi lenda
00,10. Tveggja mínútna seinkun
hafi sem sagt ekki verið færð inn
á tilkynningaskjáinn um lendingar
og flugtök. Leið nú og beið og fjöldi
fólks stóð þarna og góndi í gengum
glervegginn, inn í salinn, þar sem
farangur farþega er afhentur áður
en tollskoðun færi fram. í rúma
klukkustund gerðist ekki neitt og
var klukkan orðin 01,40, þegar
fyrstu farþegar birtust við færi-
böndin. Þegar það gerðist, stóð enn
á skjánum, að þotan myndi lenda
klukkan 00,10. Það var ekki einu
sinni tilkynnt að hún væri lent, eða
að um seinkun væri að ræða. Þegar
svo Víkveiji fór af staðnum, klukk-
an að verða 02 um nóttina stóð enn
að þotan ætti að lenda klukkan
00,10. í raun mun þotan hafa lent
30 mínútum á eftir áætlun.
Það er kannski til of mikils
mælzt að ætlast til þess að starfs-
fólk Flugleiða eða flugstöðvarinnar
tilkynni aðstandendum farþega fyr-
irtækisins hvað líður lendingum og
flugtökum flugvéla fyrirtækisins.
Þeir, sem taka á móti farþegum sjá
ekki úr mótttökusalnum út á flug-
brautina og þeir sjá heldur ekki inn
í komufríhöfnina eins og í gömlu
flugstöðinni. Þar var og ávallt til-
kynnt í hátalarakerfi um lendingu
og brottfarir flugvélanna. í nýju
flugstöðinni gerðist ekkert slíkt
þessa nótt og er þetta til vanza
fyrir Flugleiðir.
í frétt í einu dagblaðanna í vik-
unni er skýrt frá því, að brátt verði
veitingaaðstaða tilbúin fyrir fólk,
sem er að. taka á móti farþegum.
Frá henni ku eiga að sjást út á flug-
brautina, svo að væntanlega á fólk
í framtíðinni að geta fylgzt með
lendingum og flugtökum á flugvell-
inum. Engu að síður er það nauð-
synleg tillitssemi við fólk, að
tilkynnt sé í hátalarakerfi flug-
stöðvarinnar, hvað sé að gerast í
flugumferðarmálum um Keflavík-
urflugvöll.
XXX
Ekki alls fyrir löngu minntist
Víkveiji á þann leiða sið fólks
að láta þvott hanga úti á svölum
allan liðlangan daginn, þrátt fyrir
að bannað sé í lögreglusamþykkt
Reykjavíkur eftir klukkan 11 á dag-
inn. Nýlega var Víkveiji staddur á
Akureyri, en þar ku ekkert slíkt
ákvæði vera í lögreglusamþykkt.
Kom þá í ljós, að málið er hálfu
alvarlegra þar nyrðra. Þar er í raun
leitun að svölum, þar sem ekki
hangir þvottur á snúrum og datt
Víkveija einna helzt í hug að bæj-
arbúar spöruðu sér gardínukaup
með þessum hætti. Alla vega virð-
ist sem tvöföld not fáist út úr lökum
og nærbuxum þeirra Akureyringa.
Þetta óprýðir Akureyri mikið, sem
annars er að mati Víkveija með
skemmtilegri og fallegri bæjum á
íslandi. Einnig hlýtur þetta að
byrgja mönnum sýn úr íbúðunum,
sem er alveg óþarfi, því að Eyja-
íjörðurinn er með fallegri sveitum
landsins, ekki sízt þegar sól skín í
heiði og góðviðri er.