Morgunblaðið - 18.11.1987, Page 39

Lítið af
feitu kjöti
á markað
Bændurnir vildu
það til eigin
neyslu
HJÁ sláturhúsi Kaupfélags
Eyfirðinga á Akureyri var alls
47.267 gripum slátrað í nýlið-
inni sláturtíð. Af því fór tæpt
1% í svokallaðan OO-flokk
sem þýðir 25% verðskerðingu
og í O-flokk fóru 5,6% sem
þýðir 11% skerðingu. I fyrra
var sláturfé alls 46.054 hjá
KEA á Akureyri og á Sval-
barðseyri.
Gunnar Hallsson hjá KEA sagði
að nú hefði öll slátrun, sem farið
hafði fram á Svalbarðseyri í fyrra,
færst til Akureyrar. Hjá útibúi
KEA á Dalvík var sláturfé alls
9.000 talsins og mun sláturtíð
hafa staðið yfír á Dalvík í aðeins
þrjár vikur.
Gunnar sagði að bændur hefðu
tekið með sér í flestum tilvikum
heim það kjöt sem fallið hafði í
feitari flokkinn, svokallaðan 00-
flokk, þar sem verðskerðingin er
þetta mikil, eða 25%. Því hefði
aðeins tæpt 1% af því kjöti verið
lagt inn.
Morgunblaðið/Páll Pálsson
Nýr Sléttbakur á siglingu í Eyjafirði
SLÉTTBAKUR EA 304 fór í sína fyrstu veiðiferð á sunnudag-
inn. Skipið mun hafa stefnt að Grímsey en sökum ógæfta þar
mun það hafa fært sig austar á miðunum. Er togarinn fór í
tveggja daga prufusiglingu fyrir skömmu komu í Ijós nokkrir
annmarkar á vinnslusal sem lagfærðir voru í Slippstöðinni og
ætti því allt að vera í lagi um borð í þessari fyrstu veiðiferð
þessa fljótandi frystihúss. Áhöfn skipsins telur 26 menn. Skip-
stjóri er Kristján Halldórsson. Búast má við að hver veiðiferð
taki um mánaðartíma. Mynd þessi var tekin er gestum var boðið
í skemmtisiglingu um Eyjafjörð er Slippstöðin afhenti skipið eig-
endum sínum Utgerðarfélagi Akureyringa eftir nær árs endur-
byggingu.
J
Slippstöðin smíðar tvo 200
tonna togara eftir áramót
í Slippstöðinni á Akureyri. Morgunblaðið/USV
SLIPPSTÖÐIN á Akureyri mun
hefja smiði tveggja rúmlega 200
tonna togara upp úr áramótun-
um. Undirbúningur hófst sl. vor
og nú nýverið hefur Byggða-
stofnun samþykkt _ lánsloforð
vegna nýsmíðinnar. Ýmsir aðilar
munu hafa sýnt áhuga á kaupum
á skipunum, aðilar að norðan,
vestan og austan, en engir kaup-
samningar hafa enn sem komið
er verið undirritaðir.
Gunnar Ragnars forstjóri sagði
í samtali við Morgunblaðið að Slipp-
stöðin hefði lengst af einbeitt sér
að nýsmíði og alveg þar til í mars
á þessu ári þegar seinna raðsmíða-
skipið, Nökkvi, var afhent Blöndu-
ósingum. „Slippstöðin er stórt
fyrirtæki með um 250 starfsmenn
og til þess að halda þeim í vinnu
þurfum við á nýsmíði að halda með
þeim viðgerðar- og viðhaldsverk-
efnum sem upp koma öðru hveiju.“
Togaramir verða 36 metra lang-
ir og 8,60 á breidd. Gunnar sagði
að búast mætti við eins árs bygg-
ingartíma. Tekið verður erlent lán,
sem nemur 80% byggingarkostnað-
arins sem greitt yrði upp þegar
skipin yrðu seld. Þá fengju væntan-
legir kaupendur 65% kostnaðar-
verðsins frá Fiskveiðasjóði sem er
lánshlutfall sjóðsins til innlendrar
smíði og 15% hjá Byggðasjóði, sem
samþykkt var í stjórn Byggðasjóðs
fyrir skömmu.
Gunnar sagði að Slippstöðin hefði
haft næg verkefni á sinni könnu
þrátt fyrir tíðar ferðir skipa í við-
gerðir erlendis. „Það getur vel verið
að við höfum misst skip út úr landi
í viðgerðir, en við höfum líka feng-
ið erlend skip hingað. Kjölfestan í
rekstri okkar vom til dæmis breyt-
ingar á kanadískum skipum á
árunum 1985, 1986 og fyrri hluta
þessa árs. Því er ekki að neita að
Slippstöðin býr við sömu aðstæður
og ýmis annar atvinnurekstur hér
á landi. Við höfum búið við óbreytt
gengi í ijögur ár, en erum með
helmingi meiri verðbólgu en þau
lönd sem við erum að keppa við.
Ljóst er að samkeppnisstaða okkar
er miklu lakari núna en til dæmis
á árunum 1983 og 1984. Það eru
ýmsir sem kvarta meira en við
vegna hinnar svokölluðu fastgeng-
isstefnu á sama tíma og mikil
þensla rikir hér innanlands. Þó ég
sé mótfallinn gengisfellingu hlýtur
að koma að því nema við höldum ,
ró okkar áfram og reynum að haga
okkar málum á skynsaman hátt.
Hitt er þó ljóst að það hefur sigið
á verri veg hjá okkur vegna kostn-
aðarhækkana hér innanlands og
verðbólgu, sem er miklu meiri en í
nágrannalöndunum. Víða erlendis
er þessi iðnaður á fallanda fæti.
Verið er að undirbjóða verk og svo
grípa ríkisstjórnir inn í með styrkj-
um og niðurgreiðslum," sagði
Gunnar.
Hann sagði að mannekla væri
svo til engin hjá Slippstöðinni. Hins-
vegar væri hægt að bæta við
nokkrum járniðnaðarmönnum og
of lítil endurnýjun væri á stálsmið-
um og vélvirkjum. Gunnar sagði
að unnið hefði verið að því að ráða
pólska járnsmiði til starfa sl. vor,
en vegna seinagangs í „kerfinu"
var hætt við það. „Þetta tók allt
óhemju tíma og við vissum ekkert
hvað framtíðin bæri í skauti sér
hvað varðar verkefni. En, það eru
einmitt nýsmíðarnar sem setja
þessa kjölfestu sem að öðru leyti
gerir okkur ókleift að gera ýinsar
skynsamar ráðstafanir,“ sagði
Gunnar.
Þessa dagana standa yfir hjá
Slippstöðinni breytingar á Hvanney
frá Hornafirði. Verið er að lengja
skipið, byggja yfir og hækka stýris-
húsið. Þá er verið að gera viðamikl
ar endurbætur á Bjarnarey frí
Vestmannaeyjum, unnið er við ac
endurskipuleggja vinnudekkið í
Drangcy og Dagstjarna Útgerðar
félags Akureyringa er í klössun.
Færavindur frá DNG til Nýfundnalands
KRISTJÁN Jóhannesson fram-
kvæmdastjóri DNG á Akureyri
og Reynir Eiríksson markaðs-
stjóri eru á leið til Nýfundna-
lands til að setja upp sjálfvirkar
færavindur um borð í þarlenskt
skólaskip. Kostnaðarverð vind-
anna tveggja nemur 260.000
krónum. Jafnframt uppsetn-
ingu vindanna ætla þeir Kristj-
án og Reynir að kynna sér
sjávarútveg á Nýfundnalandi
og kynna þá um leið fram-
leiðslu fyrirtækisins með tilliti
til frekari viðskipta.
Reynir sagði í samtali við Morg-
unblaðið að skipið væri í eigu
skóla á háskólastigi sem útskrif-
aði um 200 fískimenn á ári auk
verkfræðinga. Fulltrúi frá skólan-
um hafði komið á sjávarútvegs-
sýninguna, sem haldin var í
Laugardalshöll í haust og sýndi
þá strax mikinn áhuga á að fá
færavindurnar um borð í skipið.
Reynir sagði að markaðurinn
væri mjög stór á Nýfundnalandi
en svo virtist sem búnaður ski-
panna væri ekki eins góður og
gerðist hérlendis. Að minnsta
kosti væri svo farið um færavind-
ur.