Morgunblaðið - 18.11.1987, Blaðsíða 47
MORGUNBLAÐIÐ, MIÐVIKUDAGUR 18. NÓVEMBER 1987
47
Var 40 ár í
lofti og flaug
tæpa 5000 tíma
Giftusamleg björgun tveggja
manna þegar eldur kom upp í
flugvélinni TP-AIE og vélin
brotlenti á Selfossvelli á föstu-
daginn hefur vakið mikla
athygli. Flugmaðurinn Þór
Mýrdal og farþegi hans Guðjón
Benediktsson gengu óstuddir
frá brennandi flakinu og að-
eins með smá skrámur. Ungur
maður, Logi Benediktsson,
bróðir Guðjóns, náði að filma
atburðinn á myndband. Hér á
síðunni til hliðar eru átta
myndir sem teknar eru af
myndbandinu og sýna atburð-
inn. Flugvélin átti 40 ára
afmæli nú í október en ljóst er
að hún fer ekki aftur í loftið
Flugvél sú sem brann við flug-
völlinn á Selfossi var smíðuð árið
1947 af North American Aviation
flugvélasmiðjunum í Los Angeles
í Californíu í Bandaríkjunum,
þeim sömu og framleiddu P-51
Mustang orustuflugvélamar og
B-25 Mitchell sprengjuflugvél-
arnar á árum síðari heimsstyijald-
ar. Hún var af gerðinni North
American NA-145 Navion, knúin
205 ha Continental hreyfli og tók
fjóra menn í sæti.
Flugvélin sem síðar varð TF-
AIE fór reynsluflug sitt 1. apríl
árið 1947 og var þá skrásett
NC4027K, en á þeim tímum voru
bandarískar flugvélar einkenndar
með stöfunum „NC“. Hún var
afhent fyrsta eiganda í nóvember
það sama ár. A næstu árum var
flugvélin í eigu ýmissa aðila í
Bandaríkjunum uns hún var seld
Flugmálstjórn íslands síðsumars
árið 1953 og var heildarflugtími
vélarinnar þá 1.459 klukkustund-
ir og 45 mínútur. Til Islands kom
flugvélin 1. september 1953 um
borð í m/s Tröllafossi Eimskipafé-
lags íslands.
Við komuna til íslands fékk
flugvélin einkennisstafina TF-
FSB og var hún með skráningar-
númer 75. Fyrsta flug TF-FSB
var farið 22. október 1953 og var
flugmaður í þeirri ferð Sigurður
Jónsson („Siggi flug“), fram-
kvæmdastjóri loftferðaeftirlits
Flugmálastjómar. Á næstu árum
var flugvélin TF-FSB notuð við
margvísleg verkefni á vegum
Flugmálastjórar. Hún var fyrsta
flugvélin sem stofnunin hafði til
flugprófanna á flugleiðsögutækj-
um á jörðu niðri og var m.a. notuð
til að sannprófa radartæki í
Reykjavík og á Egilsstöðum. Auk
þessara verkefna var flugvélin
notuð við að flytja starfsmenn
Flugmálastjómar milli staða inn-
anlands. Hún kom víða við og
sést m.a. af leiðarbókum vélarinn-
ar að hún var í Keflavík 4.
september árið 1957 þegar fyrsta
rússneska TU-104 þotan hafði
hér viðkomu á leið sinni frá
Moskvu til New York en þessi vél
mun hafa verið fyrsta farþega-
þota til að lenda á íslandi.
í desember árið 1963 var TF-
FSB seld flugskólanum Flugsýn
í Reykjavík og fékk vélin þá ein-
kennisstafina TF-AIE. Á vegum
Flugsýnar var þessi flugvél fyrst
og fremst notuð til leiguflugs en
var einnig við flugkennslu. Þann
19. desember 1964 varð TF-AIE
fyrir óhappi er flugvélin maga-
lenti á Keflavíkurflugvelli, en
skemmdist ekki meira en svo að
hún var orðin flughæf að nýju í
febrúarbyijun 1965. Eftir því sem
næst verður komist flaug TF-AIE
ekki frá því í maí 1969 fram til
október 1973. Síðla árs 1974 var
flugvélin seld nokkmm einkaflug-
mönnum og var hún í eigu ýmissa
áhugaflugmanna þar til hún varð
eldinum að bráð á Selfossi sl.
föstudag. Heildarflugtími flugvél-
arinnar TF-AIE þegar óhappið
varð var samtals um 4.746
klukkustundir þar af flaug hún
um 3.287 flugtíma á þeim 34
árum er hún var í notkun hérlend-
is. Þessi flugvél var ætíð „happa-
fley“ og finnst mörgum eftirsjá
að henni.
Myndir Logi Benediktsson
TF-AIE var talin hafa góða flugeiginleika.
Aðalfundur æðarræktenda:
Bæta þarf eftirlit
með loðdýrabúum
AfoALFUNDUR Æðaræktarfé-
lags Islands, sem haldinn var sl.
laugardag, samþykkti m.a. tillög-
ur um að bæta þurfi eftirlit með
loðdýrabúum og að komið verði
í veg fyrir að örnum fjölgi meira
en orðið er á Breiðafjarðarsvæð-
inu og að reynt verði að flytja
þá til annarra svæða.
„Æðarræktarbændur vilja _ þó
ekki útrýma erninum," sagði Árni
Snæbjörnsson, æðarræktarráðu-
nautur Búnaðarfélags íslands,
„enda væru þeir þá löngu búnir að
því. Síðastliðið sumar var mjög
hagstætt fyrir æðarræktarbændur
vegna góðs tíðarfars og varpið gekk
mjög vel. Nú er verðið á æðardúnin-
um um 17 þúsund krónur fyrir
kílóið af fullhreinsuðum æðardúni
og Japanir kaupa mun meiri æðard-
ún af okkur en þeir gerðu áður. í
stjóm Æðarræktarfélagsins voru
kosin þau Sigurlaug Bjarnadóttir
frá Vigur, formaður, séra Þorleifur
Kristmundsson á Kolfreyjustað og
Hermann Guðmundsson í Stykkis-
hólmi, en varamenn þeir Agnar
Jónsson í Reykjavík og Árni G.
Pétursson á Vatnsenda,“ sagði
Ámi.
Málarar - málarar
Sérstakur kynningaraf sláttur til málara út
nóvember á BETT, MILLTEX og VITRETEX
Kynnið ykkur kjörin.
Málningarverksmiðja Slippfélagsins,
Dugguvogi 4, Reykjavík, sími 91-84255.
eru komin á alla
útsölustaði
Verð 150.-
Öll Lionsdagatöl eru merkt og þeim
fylgir jólasveinslímmiði og
tannkremstúpa.
Allur hagnaður rennur óskiptur til
ýmissa líknarmála.