Morgunblaðið - 20.02.1988, Blaðsíða 48

48
MORGUNBLAÐIÐ, LAUGARDAGUR 20. FEBRÚAR 1988
BREYTINGAR Á
UMFERÐARLÖGUM
TALSVERÐAR breytingar
verða á umferðarlögum 1. mars
næstkomandi. Vegna þessara
breytinga starfrækir lögreglan
sérstakan upplýsingasíma fram
að mánaðamótum, 623635, alla
virka daga milli kl. 14 og 16.
Morgunblaðið mun á næstunni,
í samvinnu við lögregluna, birta
svör við spurningum vegna
þessara breytinga.
- Ég er með gamlan bíl,
árg. 1966. Það eru engar fest-
ingar í bílnum fyrir öryggis-
belti. Verður mér gert skylt að
setja í hann öryggisbelti sam-
kvæmt nýjum umferðarlögun-
um?
Svar í gömlu umferðarlögun-
um segir m.a. í 5. gr.: „í fólks-
bifreiðum, sem flytja mega 8 far-
þega eða færri, og vörubifreiðum,
sem skráðar eru fyrir 1000 kg
farm (sendibifreiðum) og skráðar
eru í fyrsta sinn eftir 1. janúar
1969, skulu vera öryggisbelti fyr-
ir ökumann og farþega í fram-
sæti. Ákvæði þetta gildir frá sama
tíma um allar kennslubifreiðir og
bifreiðir, sem leigðar eru án öku-
manns."
í nýju Iögunum segir í 1. mgr.
71. gr.: „Hver sá, sem situr í fram-
sæti bifreiðar, sem búin er örygg-
isbelti, skal nota það.“ Síðan eru
taldar upp undanþágureglur.
Svo er að sjá að tilgangi ákvæð-
anna í gömlu lögunum hafi verið
náð og ekki reynist því nauðsyn-
legt að viðhalda því í nýju lögun-
um. Allar bifreiðir, sem um er
getið f gömlu lögunum, ættu að
vera búnar öryggisbeltum og er
gengið út frá því sem vísu að svo
sé. Einungis er gert ráð fyrir að
notuð séu öryggisbelti þar sem
þau eru fyrir hendi. Spyrjandi
ætti því ekki frekar en fyrr að
þurfa að útbúa bifreið sína, árg.
’66, öryggisbeltum. Þó er honum
að sjálfsögðu ekki bannað það.
í 60. gr. nýrra umferðarlaga,
1. mgr., segir m.a.: „Dómsmála-
ráðherra setur reglur um gerð
ökutækja og búnað þeirra og ör-
yggis- og vemdunarbúnað fyrir
ökumann og farþega."
Akstur við biðstöð
strætisvagna
— Hefur eitthvað breyst í
nýju lögunum varðandi akstur
við biðstöð strætisvagna?
Svan Ákvæði gömlu og nýju
laganna eru hliðstæð eða eins og
segir í 18. gr. nýju laganna: „Öku-
maður, sem í þéttbyli nálgast bið-
stöð þar sem hópbifreið [innskot:
Hópbifreið = bifreið, sem ætluð
er til flutnings fleiri en átta far-
þega, einnig þótt bifreiðin sé jafn-
framt ætluð til annarra nota (t.d.
rútur og strætisvagnar)] hefur
numið staðar, skal, ef ökumaður
hennar hefur gefið merki um að
hann ætli að aka af stað, draga
úr hraða og, ef nauðsyn ber til,
nema staðar þannig að hópbifreið-
in geti ekið frá biðstöðinni.
Ökumaður ■ hópbifreiðarinnar
skal eftir sem áður hafa sérstaka
aðgát til að draga úr hættu. ,
Ókumaður, sem nálgast merkta
skólabifreið, sem numið hefur
staðar til að hleypa farþegum inn
eða út, skal hafa sérstaka aðgát.
Sama á við þegar skólabifreið er
ekið frá slikum stað.“
Á að flauta?
— Ég var að heyra að maður
ætti alltaf að flauta þegar ekið
væri fram úr öðru ökutæki. Er
þetta satt?
Svar: í 31. gr. nýju laganna
segir að „hljóðmerki í tengslum
við framúrakstur má einungis
nota utan þéttbýlis. Hljóðmerki
má eigi nota lengur en nauðsyn
ber til. Þegar myrkur er skal öku-
maður vélknúins ökutækis gefa
ljósmerki í stað hljóðmerkis, nema
um yfirvofandi hættu sé að ræða“.
Hér er um heimiid þess, sem
ekur framúr, að ræða, en ekki
skyldu og þá „einungis utan þétt-
býlis".
Hjálparljós
— Eru einhver ákvæði um
þokuljós og önnur hjálparljós í
nýju umferðarlögunum?
Svar:' í 32. gr. nýju umferðar-
laganna segir m.a.: „Þokuljós má
einungis nota í þoku eða þéttri
úrkomu og geta þá komið í stað
lágs ljósgeisla. Hjálparljós má eigi
nota til annars en þau eru ætluð."
Eitthvað hefur verið um það
að ökumenn bifreiða, sem búnar
eru þokuljósum, notuðu þau til
aksturs þar sem fyrrgreind skil-
yrði eru ekki til staðar og er slíkt
óheimilt samkvæmt lögunum.
Nánar er kveðið á um hjálparljós
í reglugerð. Ökumenn ökutælqa
með slíkan útbúnað ættu að gera
sér ljóslega grein fyrir notkun
þeirra í einstökum tilfellum fyrir
sig.
Ölvun við akstur
— Eru einhveijar breytingar
í nýju lögunum varðandi ölvun
við akstur?
Svar Ákvæði 24. og 25. grein-
ar gömlu laganna varðandi ölvun
við akstur standa óhögguð. í nýju
lögunum, 45. gr., er kveðið nánar
um ölvunarþáttinn, en þar segir
m.a.: „Nú hefur ökumaður neytt
áfengis við akstur eða fyrir hann
þannig að vínandamagn í blóði
hækkar eftir að akstri lauk og
skal þá litið svo á sem hið aukna
vínandamagn hafí verið í blóði
hans við aksturinn.
Það leysir ökumann ekki undan
sök, þótt hann ætli vínandamagn
minna en um ræðir í 2. og 3.
mgr. (ákvæði laganna varðandi
vínandamagn í blóði).
Enginn má hjóla eða reyna að
hjóla eða stjóma eða reyna að
stjóma hesti, ef hann er undir svo
miklum áhrifum áfengis eða ann-
arra örvandi eða deyfandi efna,
að hann geti eigi stjómað hjólinu
eða hestinum örugglega."
í 46. grein nýju laganna er fjall-
að um ákvæði er lúta að skyldum
veitingamanna, þjóna og bensín-
afgreiðslumanna ef þeir hafa
ástæðu til að ætla að stjómandi
ökutækis sé undir áhrifum áfeng-
is, en fjallað var um þau ákvæði
hér í Morgunblaðinu þann 19.
þ.m.
I 47. gr. nýju laganna er fjallað
um öndunarsýni, blóðsýni og fl.
Þar segin „Lögreglumaður getur
tekið öndunarsýni af ökumanni
vélknúins ökutækis ef:
a) ástæða er til að ætla, að hann
hafi brotið gegn ákvæðum 45.
gr. (neyslu áfengis við akstur
vélknúins ökutækis, hjóls eða
hests),
b) ástæða er til að ætla, að hann
hafi brotið gegn öðrum ákvæð-
um þessara laga, enda hafí
dómsmálaráðherra ákveðið að
öndunarsýni megi taka í þeim
tilvikum,
c) hann hefur átt hlut að um-
ferðarslysi eða óhappi, hvort
sem hann á sök á eða ekki, eða
d) hann hefur verið stöðvaður við
almennt umferðareftirlit þar
sem fyrir fram hefur verið
ákveðið af lögreglustjóra, að
öndunarsýni skuli tekin.
Lögreglumaður getur fært öku-
mann til blóð- og þvagrannsókn-
ar, ef ástæða er til að ætla, að
hann hafi brotið gegn ákvæðum
2. mgr. 44. gr. eða 45. gr. (varð-
andi neyslu áfengis eða annarra
örvandi eða deyfandi ljfya) eða
hann neitar að láta öndunarsýni
í té eða getur það ekki. Ef gmnur
e.r um önnur brot en akstur undir
áhrifum áfengis getur lögreglu-
maður auk þess fært ökumann til
læknisrannsóknar. Sama á við,
þegar grunur er um akstur undir
áhrifum áfengis og sérstakar
ástæður mæla með þvf. Ökumanni
er skylt að hlíta þeirri meðferð,
sem læknir telur nauðsynlega
vegna rannsóknar samkvæmt
þessari málsgrein.
Dómsmálaráðherra setur nán-
ari reglur um töku sýna og rann-
sókn samkvæmt 1. og 2. mgr.
greinarinnar."
Erlend ökuskírteini
— Nú er ég íslenskur ríkis-
borgari, en fékk ökuréttindi í
Noregi. Má ég nota norska öku-
skírteinið hér á landi eða þarf
ég að útvega mér íslenskt?
Svar. í 54. gr. nýju umferðar-
laganna segir um erlend ökuskír-
teini: „Dómsmálaráðherra setur '
reglur um með hvaða skilyrðum
þeir, sem dveljast hér á landi og
hafa eigi íslenskt ökuskírteini,
mega stjóma vélknúnum öku-
tækjum hér. Hann getur og sett
reglur um með hvaða skilyrðum
þeir, sem hafa erlend ökuskír-
teini, geta fengið íslenskt ökuskír-
teini.
Dómsmálaráðherra getur
ákveðið, að ökuskírteini útgefín í
Danmörku, Finnlandi, Noregi og
Svíþjóð gildi hér á landi, einnig
eftir að skírteinishafí hefur sest
hér að.“
Stefnuljósanotkun
— Eru einhveijar breytingar
i nýju lögunum varðandi
stefnuljósanotkun?
Svar. í gömlu lögunum var
kveðið á um að skylt væri að
gefa merki um breytta aksturs-
stefnu, þegar þörf væri á, til leið-
beiningar fyrir aðra umferð. í
nýju lögunum er [þegar þörf er
á] tekið út og hljóðar því 3. mgr.
31. gr. svona: „Ökumaður, sem
ætlar að aka frá brún vegar,
beygja, snúa eða skipta um ak-
rein, skal gefa merki öðrum til
leiðbeiningar. Sama á við um
akstur til hliðar á vegi, nema um
óverulega breytingu á aksturs-
stefnu sé að ræða. Merkið skal
gefa með stefnuljósi, þegar öku-
tækið skal búið slíku ljósi, en
•annarra með þvf að rétta út hönd.“
Rétt er að vekja athygli öku-
manna á notkun stefnuljósa, því
þau eru fyrst og fremst til leið-
beiningar öðrum nálægum veg-
farendum varðandi breytta akst-
ursstefnú ökutækisins. Margur
ökumaðurinn veit sjálfur hvert
hann ætlar og stefnumerkjagjöfin
er því ekki hugsuð til þess að
minna hann á ætlun sína, heldur
handa öðrum, sem þurfa á þess-
ari merkjagjöf hans að halda.
Rétt notkun stefnumerkja kemur
í veg fyrir óþægindi vegfarenda
og minnkar líkumar á umferðaró-
höppum.
Morgunblaðið/Sverrir
Eigendur og starfsmenn hinnar nýju verslunar í Armúlanum.
Egill Arnason hf.
opnar nýja verslun
EGILL Áraason hf. Parketval
opnaði nýja verslun í Armúla 8
í Reykjavík, laugardaginn 13.
febrúar sl. Eigendur era hjónin
Dóra Sigurðardóttir og Birgir
Þórarinsson, sem jafnframt er
forstjóri. Að jafnaði starfa sjö
manns hjá fyrirtækinu.
Egill Ámason hf. Parketval er
rótgróið fyrirtæki, sem ungt fólk
hefur fært í nýjan búning. Auk
þess að bjóða upp á parket frá fram-
leiðendum í Evrópu verður einnig
boðið upp á steinflísar, aukið úrval
stakra teppa og ýmislegt fleira.
Vinningshafar frá vinstri: Vigdís Finnsdóttir, Steingrímur Lilli-
endahl, Helga Vala Gunnarsdóttir, Björg M. Þórsdóttir og Sigriður
Einarsdóttir.
Verðlaunahafar í
afmælisgetr aun
Á LIÐNU ári átti Sláturfélag
Suðurlands 80 ára afmæli. 12.
janúar siðastliðinn sýndi Stöð 2
heimildarmynd um starfsemi
Sláturfélagsins, sem gerð var af
auglýsingastofunni Góðu fólki i
tilefni afmælisins.
í tengslum við sýningu myndar-
innar var efnt til getraunar. Áhorf-
endum var gefinn kostur á að vinna
sér inn 10.000 kr. vöruúttekt í
SS-búðunum ef þeir svömðu nokkr-
um spumingum um atriði sem fram
komu í myndinni og tengdust SS.
Mikil þátttaka var og bámst á ann-
að þúsund svör. Dregin vom nöfn
fimm áhorfenda úr réttum svömm.
Þau heppnu vom: Vigdís Finns-
dóttir, Reykjavík, Steingrímur Lilli-
endahl, Keflavík, Helga Vala Gunn-
arsdóttir, Hafnarfirði, Björg M.
Þórsdóttir, Reykjavík, og Sigríður
Einarsdóttir, Reykjavík.
(Fréttatílkynnmg)
Kynningarfundur mál-
freyja í Stykkishólmi
Málfreyjudeildin Embla i
Stykkishólmi heldur kynningar-
fund miðvikudaginn 24. febrúar.
Nokkur sæti eru laus í deildinni
og því kjörið tækifæri að taka
þátt í málfreyjustarfinu, segir í
frétt frá sögu-, frétta- og kynn-
ingarnefnd málfreyjudeildarinn-
ar Emblu.
Embla hefur nú starfað í hálft
sjötta ár. Síðastliðið haust tóku
Emblur þátt í mælsku- og rökræðu-
keppni þriðja ráðs og kepptu á
móti málfreyjudeildinni Melkorku
úr Reykjavík. Var sú keppni haldin
í Gerðubergi í nóvember síðastliðn-
um. Þar fóm Emblur með sigur af
hólmi og keppa því áfram, næst 12.
mars við málfreyjudeildina Ösp á
Akranesi.
Ennfremur segir í fréttinni að
starf í málfreyjudeild krefjist nokk-
urs af félögum sínum, enda beri
að líta á vemna í samtökunum sem
hvert annað nám og þá uppskeri
hver svo sem hann sái. Á síðasta
deildarfundi 10. febrúar var til
dæmis ræðukeppni innan deildar-
innar, sem gefur síðan vinningshafa
rétt á að keppa áfram innan sam-
takanna.
Forseti deildarinnar er Kristín
Ámadóttir, hjúkmnarfræðingur.
Hjartans þakkir til allra þeirra mörgu, sem
glöddu mig á 70 ára afmœli minu 30. janúar
meÖ heimsóknum, gjöfum og heillaskeytum.
LiftÖ heil.
ÓlöfHelgadóttir,
Lyngbrekku.