Morgunblaðið - 06.04.1988, Síða 45

MORGUNBLAÐIÐ, MIÐVIKUDAGUR 6. APRÍL 1988
Hjörtu
á teini
Torben Jensen og Kirsten Lehfeldt í Brennandi hjörtum; frábær
leikur.
Arnaldur Indriðason
Brennandi hjörtu („Flamberede
hjerter"). Sýnd í Regnboganum.
Dönsk. Leikstjórn og handrit:
Helle Ryslinge. Framleiðandi:
Per Holst. Kvikmyndataka: Dirk
Bruel. Tóniist: Peer Raben.
Helstu hlutverk: Kirsten Leh-
feldt, Peter Hesse Overgaard,
Sören Östergaard og Anders
Hove.
Danski leikstjórinn Helle Rysl-
inge sagði í samtali við Morgvn-
blaðið fyrir páska að hennar fyrsta
og eina bíómynd til þessa, Brenn-
andi hjörtu, sem sýnd er í Regn-
boganum, sé ekki dæmigerð fýrir
danska kvikmyndagerð af því hún
er mannleg, fjallar um raunverulegt
fólk og sýnir lífið . .. „svolítið fynd-
ið og svolítið ýkt“.
Skrítið. Það er einmitt vegna
þessara atriða sem Brennandi
hjörtu fellur í flokk dæmigerðra
danskra mynda er hingað hafa bor-
ist undanfarið, a.m.k. eins og þeirra
sem Bille August gerir svo einstak-
ar og „Midt om natten“ sem Kim
Larsen gerði óborganlega og Morð
í myrkri, sem líka er sýnd í Regn-
boganum. Það eru sannarlega
mannlegar myndir um raunverulegt
fólk, rétt eins og Brennandi hjörtu,
svolítið ýktar en með ljúfum húmor.
Mynd Helle segir frá Henríettu
(Kirsten Lehfeldt) og karlmönnun-
um í lífí hennar en mesta furðan
við Brennandi hjörtu er að hún skuli
vera fyrsta mynd leikstjórans svo
prýðisgóð og þroskuð tök sem hún
hefur á kvikmyndamiðlinum og
möguleikum hans til að sýna fjöl-
breytt mannlífið, feilnótur þess og
fögnuði. Það er ekta, jarðbundið
og sjarmerandi hér og þótt myndin
sé stundum reikul í frásögn þá eru
engir stælar, sætt lið og sjöundihim-
inn á þessari filmu heldur gefur hún
frekar skítuga mynd af lífinu í
Kaupmannahöfn, mynd sem finnst
ekki í ferðabæklingum a.m.k.
Helle hefur forvitnilegt og
skemmtilegt innsæi í persónur og
umhverfi og hún lætur varla mynd-
ramma frá sér án þess að skreyta
hann kynlegum kvistum; Henríetta
labbar yfir götu og í bakgrunni er
kerling að rétta karlskarfi kjúkling
innum glugga; bróðir Henríettu á
mjög vandræðalegt stefnumót á
veitingastað og í bakgrunni reynir
slökkviliðið að bjarga gamalli konu
sem hefur læst sig inni á salemi;
þegar Henríetta kveður eitt sinn
hommann sambýlismann sinn er
hann í baði með kærastanum sínum
sem les upphátt úr David Copper-
field.
Mennimir í lífi Henríettu, sem
er hjúkrunarkona, em nokkrir en
vægi þeirra er mismikið. Þrír em
einskonar kærastar; einn hittir hún
helst aldrei, annar er læknir sem
hún bindur miklar vonir við að geti
veitt sér þann stöðugleika sem hún
þráir og sá þriðji er gamall kærasti
sem er aftur að koma inní líf henn-
ar og kemur með hinn ómissandi
og mikið notaða einmanalega blús
inní myndina. Aðrir karlmenn
tengdir henni em samleigjandinn
hennar, fullkomlega óframfærinn
bróðir sem leitar að kvenfólki í
gegnum einkamálaauglýsingar og
gamall deyjandi maður á sjúkrahús-
inu sem hún vinnur á, sem vekur
hana til vitundar um hvers virði lífið
er.
Læknirinn er sá sem fer verst
með Henríettu að því leyti að hann
lítur fyrst og fremst á hana sem
konu til að sofa hjá og fer með
hana sem slíka. Hún er hans sak-
lausa stúlka úr sveit til að klípa í
rassinn á göngum sjúkrahússins.
Og það er læknirinn sem fær verstu
útreiðina í bestu atriðum myndar-
innar þegar Henríetta klæðir sig
eins og skrítna vinnukonu frá alda-
mótunum og þjónar lækninum og
útlendum kollega hans til borðs.
Það em dásamlegar senur.
Brennandi hjörtu er góð tilbreyt-
ing í einhæft bíólífið hér. Stundum
fær maður á tilfinninguna að eitt-
hvað af samtölunum séu spunnin á
staðnum og leikurinn, sérstaklega
Kirstenar Lehfeldt í hlutverki Hen-
ríettu, er frábær.
fHeeH-FF207a
LJOSRITUNAR-
VÉLSEM
VINNUR EINS
06 HUGUR
MANNS
iiogica
acohf
SKiPHOLT117
105 REYKJAVlK
SÍMI: 91 -2 7333
HITACHI HUÓMTÆKJASETT
með geislaspilara
og fjarstýringu
Verð með geislaspilara:
kr. 63.100
kr. 59.945
stgr.
Verð án geislaspilara:
kr. 44.000,-
kr. 41.800,-
Meiriháttar tæki á ótrúlegu verði.
Góð afborgunarkjör.
Þjónusta um allt land
Kahrs
Kahrs
Kahrs
Kahrs
Kahrs
Nú fæst
gædaparket um
allt land
Ármúla 8 - Reykjavík - Sími 91-82111.
Reykjavík
Egill Árnason hf.
Akranes
Málningarþjónustan
Ólafsvík
Litabúðin
Bolungarvík
Jón Fr. Einarsson
ísafjörður
Pensillinn
Hvammstangi
Kaupf. V-Húnvetninga
Blönduós
Kaupf. Húnvetninga
Sauðárkrókur
Kaupf. Skagfirðinga
Ólafsfjörður
Valberg
tQ\ árna/on
-JPARKETVAL
Akureyri
Teppaland
Húsavík
Borg, trésmiðja
Þórshöfn
Kaupf. Langnesinga
Neskaupstaður
Ársæll Guðjónsson
Vestmannaeyjar
Brimnes
Hvolsvöllur
Kaupf. Rangæinga
Keflavík
Dropinn
Kahrs