Morgunblaðið - 06.04.1988, Side 66

MORGUNBLAÐIÐ, MIÐVIKUDAGUR 6. APRÍL 1988
«6
fclk í
fréttum
SÖGUR
MUNCHAUSEN
Lifandi
fyrirmynd...
Breski leikarinn Jack Purvis
stendur fyrir aftan skop-
brúðu af sjálfum sér í kvikmynda-
veri í Róm fyrir skömmu. Þar
fara fram tökur á kvikmyndinni
„Ævintýri Munchhausens baróns"
og fer Purvis með hlutverk
Gustavusar nokkurs. Leikstjóri
myndarinnar er Terry Giiliam, en
tökum verður fram haldið í Lund-
únum.
Sögurnar af Munchausen barón
eru heimsþekktar ýkjusögur er
fyrst komu út á engilsaxnesku
árið 1785. Þær eru kenndar við
Karl Friðrik Hjerónýmus, fríherra
af Munchausen, sem uppi var á
árunum 1720 til 1797. Sumar
sagnanna eru þó taldar mun eldri
og sóttar til ýmissa þjóðlanda.
Morgunblaðið/Kr.Ben.
UÓSMYNDUN
Beðið eftir réttu
augnabliki
Grindavík
Oft getur tekið langan tíma og
mikla þolinmæði að ná góðri
mynd. Fyrir þá sem leggja fyrir sig
ljósmyndun er því nauðsyn að gera
sér grein fyrir að það þarf að hafa
nægan tíma og góðan útbúnað til
að árangur náist.
Snorri Snorrason fyrrum flug-
maður er einn þeirra sem ferðast
um og tekur atvinnulífsmyndir og
landslagsmyndir og er löngu orðinn
landskunnur fyrir fallegar litmyndir
bæði í Morgunblaðinu og á alma-
nökum og víðar.
Einn sá staður sem Snorri leggur
oft leið sína á til að ná sérstæðum
myndum er innsiglingin til
Grindavíkur, en þar dugar ekkert
annað en þolinmæði og góður út-
búnaður.
Fréttaritari blaðsins rakst á
Snorra þar í nepjunni eitt sinn, þar
sem hann beið með Hasselblad
myndavél og 500 millimetra linsu
til að ná bátunum fremst í innsigl-
ingunni.
Kr.Ben.
Skoller lítur íbygginn yfir salinn.
Morgunblaðið/Þorkell
ÍSLENSKA ÓPERAN
Anægjuleg' kvöldstund
með Skoller og Mathilde
Danski grínistinn Eddie Skoll-
er og kýrin Mathilde áttu
hug og hjörtu áhorfenda í íslensku
óperunni þann 28. mars síðastlið-
inn á skemmtun sem Lionsklúb-
burin Njörður stóð fyrir. Var
skemmtunin ein af þremur sem
Skoller hélt fyrir fullu húsi og
mátti glöggt heyra á undirtektun-
um að áhorfendur kunnu vel að
meta það sem hann hafði fram
að færa enda hafði hann greini-
lega lagt sig fram um að kynna
sér það sem helst er áberandi í
íslensku þjóðlífí.
Skoller hóf skemmtun sína með
því að bjóða áhorfendum gott
kvöld á íslensku við góðar undir-
tektir. Var svo farið um það sem
hann hafði fram að færa þetta
kvöld, að íslenskutilraunir hans
og úttekt á íslensku þjóðlífi vöktu
mesta lukku. Þá rúmlega tvo tíma
sem skemmtunin stóð yfír, þrum-
aði Skoller yfír áhorfendum á
ensku, dönsku sem hann talaði
gjama með „sænskum" hreim til
að auðvelda fyrir-áhorfendum, og
svo íslensku. Oðrum þjóðtungum
brá einnig fyrir, þó í mun minni
mæli.
A efnisskránni voru skrum-
skælingar á þekktum sönglögum.
Er þar skemmst að minnast „katt-
ardúettsins" en við flutning hans
brá Skoller sér í allra kvikinda
líki og kýrin Mathilde baulaði
með. Einnig fengu verk Jaques
Brel „If You Go Away“ og „Amst-
erdarn" og sögur H.C. Andersen,
„sem var annar frægur Dani“, að
kenna á kímnigáfu Skollers.
„Út um græna
grundu,“ söng
SkoIIer fyrir
áhorfendur í
íslensku óper-
unni.
Skoller reytti af sér brandara
úr ýmsum áttum, sem sumir voru
skot yfír markið. Þá söng hann
stutt lög, til dæmis óborganlegan
söng um Ljóta andarungann og
liðsforingjann Sambra sem klifrar
upp metorðastigann.
Ekki lét Skoller sig muna um
að verðlauna skemmtilega áhorf-
endur með því að gefa þeim jarð-
arber en gerði einum þeirra ljótan
grikk með því að kalla hann upp
á svið í síma sem þar hafði verið
komið fyrir og tilkynnti honum
að hann væri orðinn faðir, að
tvíburum, og að móðirin væri ekki
kona hans.
í tilefni Islandsdvalar sinnar
dró Skoller þjóðareinkenni lan-
dans saman í setninguna „ís fyrir
alla, mamma borga“. A eftir
fylgdi úttekt hans á íslenskri
popptónlist en sönginn um „Arna
sem segir dojojojojong“ taldi hann
lýsa best þvi sem hann hefði heyrt
á meðan dvöl hans hér stóð.
Skoller er nokkuð snjall gítar-
leikari, hélt blaðamaður. Það kom
honum því í opna skjöldu að þekkt
gítarrómansa skyldi leikin af
bandi og einnig lag Skollers um
strákinn sem langaði til að læra
á gítar. Því skutu efasemdir um
að allt annað væri flutt á staðn-
um, upp kollinum.
Undir lok kvöldstundarinnar
sýndi Skoller og sannaði að hann
er stórgóð eftirherma er hann
söng hið góðkunna lag Pauls
Anka, „Diane“ í gervi Bob Dyl-
ans, Rod Stewarts og Leonards
Cohen. Ekki var síðri útgáfa
Skollers á lagi Dylans „Blowing
in the Wind“ sem hann söng upp
á „Presleysku"
Að lokinni góðri frammistöðu
var Skoller klappaður þrisvar upp
og linntu áhorfendur ekki látum
fyrr en hann hafði sungið „What
Did You Leam In School Today",
sem hefur tekið smávægilegum
breytingum frá því lagið var
þrykkt á plast. Hefur Skoller
bætt tveimur þýskum, einu norsku
og einu íslensku versi við sönginn
um það sem böm frá ýmsum lönd-
um læra í skólanum. Ekki þótti
blaðamanni þau verri en hin sem
fyrir voru...Dýrt kveðin og sungin
við raust með viðeigandi hreim.