Morgunblaðið - 04.06.1988, Side 19

MORGUNBLAÐIÐ, LAUGARDAGUR 4. JÚNÍ 1988
19
þeir geti ekki eytt og spennt sem
fyrr. Konungurinn segir að óhugs-
andi sé að líða að hinn almenni
borgari beri mestan skaða af því
að olíuævintýrið, í þeirri mynd sem
allur þorri manna kynntist því, er
á enda. Nú er stjóminni mest í mun
að fá fólk til samvinnu um að laga
sig að breyttum aðstæðum. Það er
sennilegt að það geti tekist, svo
framarlega sem alþýða manni sér
að stjóminni og konungsættinni er
alvara og stillir eigin eyðslu í hóf.
Enn sem komið er hafa verð-
hækkanir ekki verið umtalsverðar.
Fall dollars, sem gjaldmiðill Sauda
er vemlega háður, hefði undir flest-
um kringumstæðum orðið til að
hækka vömverð, þar sem þrír fjórðu
hlutar innflutnings koma frá iönd-
um utan dollarasvæðisins. En hin
raunvemlegu átök em á hinu fé-
lagslega og pólitíska plani.„Við höf-
um byggt upp landið okkar, nú er
að hyggja að samfélaginu," sagði
saudiskur maður sem er nýlega
kominn heim eftir langa vem í
Bandaríkjunum.„Við verðum að
læra að meta það sem við höfum
og melta almennilega árangur olíu-
tryllingsins. “Þó em ýmsir kvíðnir
og efast um, að fólk sætti sig við
breytinguna.„Það er erfitt fyrir
ungan mann að horfast í augu við
að hann verður að lifa fábrotnara
iífi en eldri bróðir hans eða faðir,"
sagði saudiskur embættismaður.
I fyrsta skipti er einnig nokkmm
vandkvæðum bundið fyrir unga
menn að fá vinnu. Nú er hálf þriðja
milljón við háskólanám og það ligg-
ur ekki ljóst fyrir hvemig þeim
muni ganga að fá störf sem sam-
ræmast menntun þeirra. Árið 1986
réði ríkið helming þeirra 14 þúsund
háskólanema sem prófí luku. í ár
verður ekki ijölgað. í störfum hjá
ríkinu.
Saudiskur blaðamaður sagði
greinarhöfundi, að upp frá þessu
myndu _ allar breytingar gerast
hægt. Áður en langt um líði verði
Saudi að sætta sig við að taka að
sér vinnu, sem hann hefði fyrir fá-
einum ámm talið langt fyrir neðan
sína virðingu. Þá ber þess að geta,
að um 600 þúsund útlendingar,
einkum frá Austurlöndum fjær,
verða sendir úr iandi og skal því
lokið fyrir 1990. Saudar em að
mörgu leyti vingjamlegir við gesti
sína, en engu að síður líta þeir á
útlendinga sem hvimleiða nauðsjm.
Þeir segja að útlendingar geti ekki
skilið eðli og upplag Sauda og sam-
skipti Sauda og útlendinga geti oft
leitt til erfíðleika og ókyrrðar.
Það er heldur engum vafa undir-
orpið að Saudar eiga sjálfír nokkum
þátt í þeirri ímynd sem er af þeim
út á við. Hvort sem er meðal Araba
eða annars staðar. Menn segja að
olíuauðurinn hafí stigið þeim svo
til höfuðs, að þeir verði lengi að
ná áttum aftur. Þeir em sagðir
hrokafullir og ýmsir liggja þeim á
hálsi fyrir hræsni, ekki sízt í trúmál-
um. Ákveðin tvöfeldni sem gengur
eins og rauður þráður gegnum
þessa samfélagsdeiglu sem Saudi
Arabia er, hvað varðar trúna, af-
stöðu til kvenna eða áfengis, er
ekki bara tilbúningur fjenda þeirra.
Sú staðreynd blívur, að telq'ur
þeirra hafa skroppið saman em
þeir fjarri að vera á nástrái og þeir
geta í krafti fjármuna sinna haft
mikil áhrif innan Arabalanda. Þó
tókst Saudum ekki að koma í veg
fyrir, að flest Arabaríkin tækju á
ný upp stjómmálasamband við
Egypta, eftir leiðtogafundinn í
Amman í nóvember.
Sannleikurinn er sá, að áhrif
Sauda á vettvangi utanríkismála
hafa dvínað eftir að lækkaði í gull-
kistunum. Sú ákvörðun þeirra að
slíta stjómmálasambandi við írani
nýlega, er ekki líkleg til að hafa
nein umtalsverð áhrif. En vart verð-
ur áherslubreytinga i utanríkis-
stefnu þeirra víðar, eins og að taka
senn upp stjómmálasamband við
Sovétríkin og vingast við Kína og
láta Taiwan samtímis lönd og leið.
Það hefði verið óhugsandi fyrir fá-
einum ámm, að hið strangtrúaðan
saudiska samfélag- að minnsta
kosti út á við — fengist til að hafa
samskipti við guðlaus kommúnista-
ríki.
Saudar hafa um árabil átt mjög
náið samstarf við Bandaríkjamenn
og munu ugglaust vilja halda því
áfram. En það vakti sannarlega
ekki óskiptan fögnuð í Washington,
þegar Saudar ákváðu eldflauga-
kaup af Kinveijum. Jafnvel þótt
eldflaugunum hafí verið komið fyrir
á þann hátt að þeim er beint að
íran en ekki ísrael, eins og margir
Bandaríkjamenn sögðust hafa
ástæðu til að óttast.
Áður var sagt að Saudi-Arabía
væri þjóðfélag í deiglu. Það er ekki
ofmælt, þar sem hvergi nokkurs
staðar hefur bedúínahefðin átt
sterkari rætur í tilfínningalegu og
vitsmunalegu tilliti. Að því verður
vikið í seinni grein Shehadeh.
Snarað og sneitt:
Jóhanna Kristjónsdóttir
Ljósmyndir: Hussein Shehadeh
Vilhjálmur Einarsson, skólameistari, ásamt nýstúdentum.
Menntaskólinn á Egilsstöðum:
43 stúdentar brautskráðir
Egilsstöðum.
MENNTASKÓLINN á Egilsstöð-
um brautskráði stúdenta f 13. sinn
um hvítasunnuna. Að þessu sinni
voru þeir 43 talsins, 27 stúlkur og
16 piltar, og eru þá orðnir 291 frá
því skólinn fyrst brautskráði stúd-
enta. Að sögn Vilhjálms Einars-
sonar, skólameistara, er þorri
nemenda skólans af Austurlandi
en 7 af nýstúdentunum eru utan
fjórðungsins.
Við Menntaskólann á Egilsstöðum
eru starfræktar 8 námsbrautir og
eru 11 nýstúdentar af uppeldisbraut,
8 af félagsfræðibraut, 8 af viðskipta-
braut, 4 af heilsugæsiubraut, 4 af
náttúrufræðibraut, 4 af eðlisfræði-
braut, 3 af málabraut og 2 af íþrótta-
braut. Undanfarin ár hefur þróunin
orðið sú að fækkað hefur á mála-
braut en fjölgað á viðskiptabraut og
íþróttabraut.
Nú í haust er fyrirhugað að efla
málabrautina með þvf að bjóða upp
á ferðamálalínu. Með slíku námi er
ætlunin að búa nemendur undir und-
ir störf að ferðamálum og þjónustu
við ferðamenn, en spáð er mikilli
Qölgun atvinnutækifæra á því sviði
næstu árin.
Með nýju kennsluhúsnæði, sem
nú er í byggingu og tekið verður f
notkun í haust, mun öll kennsluað-
staða við skólann batna verulega.
Fram til þessa hefur öll kennsla far-
ið fram í bráðbirgðahúsnæði í heima-
vist skóians.
— Björn
Yfírlitssýning á verkum Sigurjóns
Bjömssonar í Bókasafni Kópavogs
I TILEFNI áttatfu ára afmælis
síns, þann 9. júní næstkomandi,
heldur Siguijón Björnsson yfir-
litssýningu á nokkrum málverka
sinna, unnum á liðnum áratug-
um.
Sýningin stendur yfir i Bóka-
safni Kópavogs, Fannborg 3—5,
dagana 4.—16. júnf á opnun-
artíma safnsins, mánudaga til
föstudaga kl. 9—19.
Siguijón Bjömsson er fæddur að
Hryggjum í Mýrdal 9. júní 1908.
Siguijón fór til náms við Samvinnu-
skólann 1931 og lauk þaðan burt-
fararprófí 1934.
1940 hóf hann störf við pósthús-
ið í Reykjavík og vann þar til ársins
1960. Það ár var hann skipaður
stöðvarstjóri við Póst- og símstöð-
ina í Kópavogi. Siguijón lét af störf-
um vegna aidurs árið 1973.
Siguijón hafði alltaf áhuga á
teikningu og málaralist. Á árunum
1940—1950 kynntist hann og starf-
aði með nokkrum áhugasömum
frístundamálurum. Má þar nefna
Kristján Sigurðsson, póstmann,
Sigurð Benediktsson, póstmann,
Axel Helgason o.fl. Siguijón sótti
kvöldskóla frístundamálara, sem
starfræktur var á þessum tíma, og
hafði af náminu bæði gagn og gam-
an, enda margir ágætir listamenn
sem leiðbeindu þar. Má þar t.d.
nefna Þorvald Skúlason.
Siguijón fékkst við myndlist í
fristundum til ársins 1956, en hætti
þessari iðju þá að mestu vegna
starfsanna. Eftir að Siguijón komst
á eftirlaun fór hann aftur að fást
við að mála í frístundunum.
Siguijón hefur einnig lagt stund
á frímerkjasöfnun og þá sérstak-
lega safnað jólamerkjum. Þess má
geta, að jólamerki Rotary-klúbbs
Kópavogs 1987 var gert eftir mál-
verki Siguijóns. (Fréttatilkynnmjf)
JP_______Míele
SÝNING í DAG
KL. 10-16
á eldhúsinnréttingum frá JP
og eldhústækjum frá Mieie
í húsnæði JPinnréttinga
SKEIFUNNI 7.
JPinnréttingar