Morgunblaðið - 27.08.1988, Blaðsíða 42

42
MORGUNBLAÐIÐ, LAUGARDAGUR 27. ÁGÚST 1988
Minning:
Hildegard Guðleifs
son, Langsstöðum
Fædd 2. júlí 1927
Dáin 18. ágúst 1988
Við minnumst elsku ömmu okkar
með þökk og virðingu.
Kallið er komið,
komin er nú stundin,
vinaskilnaðar viðkvæm stund.
Vinimir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof yrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í fríði,
friður Guðs þig blessi,
hafðu þökk fyrir alit og allt
Gekkst þú með Guði
Guð þér nú fylgi,
hans dýrðarhnoss þú hljóta skalt.
(V. Briem.)
Bamabörn
Kallið er komið,
komin er nú stundin,
vinaskilnaða viðkvæm stund,-
Vinimir kveðja
vininn sinn látna,
er sefur hér hinn síðsta blund.
(Vald. Briem)
Enginn ræður sínum næsturstað
voru orð sem komu fyrst upp í
huga mínum þegar ég frétti að
Hildur vinkona mín hefði verið flutt
þungt haldin í Landspítalann. Hún,
ásamt manni sínum, Guðmundi, og
vinahjónum þeirra, Blómkvist og
Gerðu, höfðu skömmu áður lagt af
stað í ferðalag norður í land, þegar
kallið kom. Er Hildur veiktist
skyndilega og andaðist fímmtu-
dagskvöldið 18. þ.m. Hún lagði af
stað í sína hinstu för.
Engum er ljóst, hvaðan lagt var af stað
né hver lestinni miklu ræður.
Við sláumst í förina fyrir það,
jafnt fúsir sem nauðugir bræður.
Og hægt hún fer, en hún færist um set,
þessi fylgd yfir veginn auðan.
Kynslóð af kynslóð og fet fyrir fet,
og ferðinni er heitið í dauðann.
(Tómas Guðm.)
Hildur eins og við hér á íslandi
kölluðum hana var fædd í Trave-
munde í Þýskalandi, og var af stórri
ætt sem bar nafnið Wemer en svo
undarlega vill til að nú ber enginn
það nafn af hennar ætt. Átti stríðið
stóran þátt í því. Hildur missti
móður sína þegar hún var 6 ára
gömul, og grópaðist svo hljómurinn
úr kirkjuklukkunum í litlu bams-
sálina að hún gat helst aldrei hugs-
að sér að vera við jarðarfarir. Hild-
ur átti eina systur, sem var henni
mjög kær. Kom hún tvisvar í heim-
sókn til íslands. En hún andaðist
langt fyrir aldur fram.
Hildur kom 21 árs hingað til ís-
lands með togaranum Fylki. Réðst
hún sem ráðskona að Langsstöðum
í Hraungerðishreppi í Flóa til bónd-
ans þar, Guðmundar Guðleifssonar.
Felldu þau hugi saman og giftu sig
fyrstu jólin sem hún var á íslandi.
Þau hjón eignuðust 3 böm og 8
bamaböm, þau heita: Sigurður,
hann var giftur Önnu Kristínu
Kjartansdóttur, dætur þeirra heita
íris Erla og Magný Rós; Ingibjörg
Helena, gift Guðmundi Ólafssyni,
böm þeirra eru Sigrún Hildur, Ast-
rós, Guðleifur og Elínborg sem skírð
var sunnudaginn 14. ágúst, var litla
stúlkan mikill augasteinn ömmu
sinnar, eins og reyndar öll hennar
ömmuböm; Sonja var í sambúð með
Magnúsi Gissurarsyni, þeirra böm
heita Guðmundur Þór og Steinunn
Þóra.
Hildur talaði oft um það hve lán-
söm hún væri að eiga yndislegan
mann og góð böm sem voni alltaf
í kringum hana alla tíð. Ég sem
þessar línur skrifa kynntist Hildi
fljótlega eftir að hún kom til lands-
ins því Ilse í Oddgeirshólum og
Hildur vom æskuvinkonur frá
Þýskalandi, og svo skemmtilega
vildi til að örlögin leiddi þær saman
á ný í sömu sveit á íslandi, án þess
að þær vissu hvor af annarri. Árin
liðu og vináttan efldist. Við þrjár
vinkonumar höfum átt margar
ógleymanlegar stundir saman. Allt-
af var gott að koma að Langsstöð-
um, þar ríkti mikil gestrisni og
hlýja.
Böm Hildar og Sigrún dóttir mín
bundust snemma tryggðarböndum.
Þær vom margar helgamar og ófá
fríin sem Sigrún dvaldi á Langs-
stöðum, og var henni ætíð tekið sem
væri hún ein úr fjölskyldunni.
Fyrir nokkmm ámm fluttu Hild-
ur og Guðmundur frá Langsstöðum
að Lyngheiði 15 á Selfossi. Áttu
þau einnig þar yndislegt heimili,
þar sem Hildur ræktaði blómagarð-
inn sinn af mikilli alúð. Hildur hafði
yndi af ferðalögum og þrátt fyrir
vanheilsu síðasta árið átti hún því
láni að fagna að fara í Iangþráða
ferð til Þýskalands og Finnlands í
sumar. Kom hún sem nýútspmngin
rós til baka og full af lífsþrótti. í
þessari ferð heimsótti hún hjónin
Harry og Ingeborg sem biðja fyrir
samúðarkveðjur, og um leið vilja
þau þakka Hildi fyrir alla tryggð
t
Móðir okkar og tengdamóðir,
WERA SIEMSEN,
Laugateig 3,
lést á hjúkrunardeild Hrafnistu, Reykjavík, að kvöldi 25. ágúst.
Gústav Magnús Slemsen, Dagbjört Á. Siemsen,
Hilda Lis Siemsen, Sigurbergur Árnason.
t
Eiginmaður minn og faöir okkar,
KRISTJÁN KRISTJÁNSSON
sklpstjóri,
Hrafnistu, Hafnarfirði,
áður Fálkagötu 23,
lést í St. Jósefsspítala 25. ágúst 1988.
Jaröarförin auglýst síðar.
Margrát Ingvarsdóttir,
Kristján Kristjánsson, Vilborg I. Kristjánsdóttir,
Ingvar Kristjánsson, Gíslína S. Kristjánsdóttlr,
Unnur Þ. Kristjánsdóttir.
t
Eiginkona mín, móðir okkar, tengdamóðir, dóttir og amma,
ERLA D. MAGNÚSDÓTTIR,
Hraunbraut 22,
Kópavogi,
andaöist í Landspítalanum 25. ágúst.
Jarðarförin auglýst síðar.
Einar Guðmundsson,
Jón Gunnarsson, Halla Ragnarsdóttir,
Unnur H. Gunnarsdóttir,
Margrát Einarsdóttir,
Magnús K. Jónsson, Unnur Lárusdóttir
og barnabörn.
t
Eiginmaður minn, faöir, tengdafaðir og afi, '
SVEINBJÖRN EGILSON,
Barðavogi 34,
verður jarðsunginn frá Langholtskirkju mánudaginn 29. ágúst kl.
15.00.
Blóm vinsamlegast afþökkuð, en þeim sem vildu minnast hins
látna, er bent á Styrktarfélag lamaðra og fatlaðra.
Elin L. Egilson, HolgerTorp,
Sveinbjörn Á. Egilson,
Þorvaldur S. Egilson, Fríða A. Sæmundsdóttir,
Guðrfður Egilson,
Þorsteinn Egilson, Eygló Ótafsdóttir
og barnabörn.
t
Eiginmaður minn,
GUÐJÓN HALLSSON,
Lækjarvegi 2,
Þórshöfn,
verður jarösunginn frá Fossvogskapellu mánudaginn 29. ágúst
kl. 15.00. Fyrir hönd aöstandenda,
Etfsabet Þorsteinsdóttir.
t
Þökkum innilega auðsýnda samúð, vináttu og hlýhug við andlát
og útför eiginmanns mins,
SVERRIS EINARS EGILSSONAR,
Grettisgötu 78.
Fyrir hönd annarra aöstandenda,
Hjördfs Þ. Guðjónsdóttir.
t
Hjartkær móðir okkar, tengdamóðir, amma og langamma,
HÓLMFRÍÐUR BJÖRNSDÓTTIR
frá Nesi f Loðmundarfirði,
lést í Sunnuhlíð, hjúkrunarheimili aldraðra í Kópavogi, 24. þessa
mánaðar, tæpra 104 ára.
Börn, tengdabörn,
barnabörn og barnabarnabörn.
t
Innilegar þakkir til allra þeirra, sem sýndu okkur samúð og vinar-
hug við fráfall og útför
MAGNÚSAR ÁSGEIRSSONAR,
Vesturgötu 26b,
Hafnarflrðl.
Margrót Hframsdóttir,
börn, barnabörn og tengdabörn.
við landa þeirra sem hafa verið á
ferð hér á landi á undanfomum
árum. Þegar komið er að kveðju-
stund um sinn þá er mér efst í
huga þakklæti fyrir góða vináttu
og tryggð alla tíð við mig og fjöl-
skyldu mína. Við biðjum Guð að
styrkja Guðmund, böm, bamaböm,
aðra ættingja og vini. Og óskum
við þeim velfamaðar um ókomin ár.
Nú legg ég augun aftur,
6, Guð þinn náðarkraftur
mín veri vöm í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinb. E.)
Veri elsku Hildur mín kært kvödd
og Guði á hendur falin. Hafí hún
hjartans þökk fyrir allt og allt.
Vinarkveðja,
Jónina Björnsdóttir
frá Oddgeirshólum
Dýpsta sælan og sorgin þunga
svífa hljóðlaust yfir storð.
Þeirra máli ei talar tunga
tárin eru beggja orð.
Svo örstutt er bilið milli blíðu og éls,
og brugðist getur Iánið frá morgni til kvelds.
Þessar ljóðlínur Matthíasar Joch-
umssonar, komu okkur í huga þeg-
ar við fréttum lát Hilde. Hún kom
hingað til landsins sem vinnukona
frá Þýskalandi í ágúst 1949, kom
þá að Langstöðum, og þar settist
hún að til frambúðar, kvæntist
Guðmundi Guðleifssyni bónda þar.
Þau eignuðust þijú böm, Sigurð,
Ingibjörgu og Sonju, sem öll búa á
Selfossi.
Hilde gekk vel að aðlagast
íslenskum staðháttum, og hún eign-
aðist fljótt góða vini hér. Hún var
ákveðin og réttsýn kona, og það
var mjög gott að umgangast hana.
Við sem þessar línur fæmm á blað,
vorum í sveit hjá þeim hjónum á
Langstöðum í nokkur sumur, svo
var með mörg önnur ungmennin
sem þangað komu að sumrin urðu
fleiri en eitt og ber það merki um
góða aðhlynningu. Árið 1975 fluttu
Hilde og Guðmundur á Selfoss og
festu heimili á Lyngheiði 15. Hún
var svo lánsöm að komast til Þýska-
lands í sumar og gat heimsótt sína
heimabyggð, Travemiinde. Þar hélt
hún upp á sinn síðasta afmælisdag
ásamt vinum sínum.
Að leiðarlokum þökkum við Hilde
samfylgdina í meira en 30 ár, og
biðjum algóðan Guð að gefa henni
eilífan frið og blessun á vegferð
hennar. Guðmundur minn, þér og
fjölskyldu þinni sendum við okkar
einlægustu samúðarkveðjur og biðj-
um algóðan Guð um styrk ykkur
til handa.
Silla, Gugga og Óli
Leiðrétting
í minningargrein um Helga
Tryggvason yfírkennara í blaðinu í
gær eftir GHK urðu prentvillur, í
einni og sömu málsgreininni. Hún
á að hljóða þannig: Hann var
reynsluríkur djúphugsuður þegar
ég kynntist honum og skyggndist
með alvörugleði í trúmálahugsanir
og vettvang dagsins til að greina
hvemig hugur gæti stutt hönd ...
o.s.frv.
Kransar, krossar
og kistuskreytingar.
Sendum um allt land.
GLÆSIBLÓMIÐ
GLÆSIBÆ,
Álfhcimum 74. sími 84200