Morgunblaðið - 13.10.1988, Blaðsíða 7

MORGUNBLAÐIÐ, FIMMTUDAGUR 13. OKTÓBER 1988
7
Hvert sem við förum
Úrval úr ljóðum Henriks Nordbrandt
BOKAUTGAFAN Urta hefur
sent frá sér úrval úr ljóðum
danska ljóðskáldsins Henriks
Nordbrandt í íslenskri þýðingu
Hjartar Pálssonar skálds, og rit-
ar hann einnig inngang.
Bókin er 63 bls. að stærð og
geymir 42 ljóð sem sýna þróun
ljóðagerðar skáldsins. Skáldskapur
Nordbrandts er klassískur og nú-
tímalegur í senn: Klassískur í
mjúkri hrynjandi sinni og hrein-
skornum einfaldleik, notkun sígilds
skáldskaparmáls og minna — nú-
tímalegur í nýrri og frumlegri
skynjun, snöggum og óvæntum
hugmyndatengslum og mynd- og
málnotkun þar sem rakvélarblað,
eldspýta og kúlupenni geta komið
skáldinu í jafn góðar þarfír og
kunnuglegri ljóðræn tákn. í fyrra
sendi Urta frá sér bókina Ferð yfir
þögul vötn, sem var hliðstætt úrval
Henrik Nordbrandt
úr ljóðum finnsk-sænska skáldsins
Bo Carpelan í þýðingu Njarðar P.
Njarðvík, og er ætlunin að halda
áfram að kynna norræna ljóðlist
með þessum hætti.
Samdráttur í bílainnflutningi:
Nýskránimnim feekkar
Samdráttur í skráningu bif-
reiða í september var um 40%
miðað við september á síðasta
ári. Nýskráðir bílar í september
voru 973 á móti 1580 í september
1987. Fyrstu níu mánuði ársins
hafa verið nýskráðir um 5000
færri bílar en á sama tíma í fyrra.
„Þetta er alveg í samræmi við
væntingar umboðanna" segir Jónas
Þór Steinarsson, framkvæmdastjóri
Bílgreinasambandsins. Hann sagði
árið 1987 hafa verið algjört metár í
bílainnflutningi og væri mjög óraun-
hæft að miða við skráningartölur
þess árs. Einkum hefði september
verið mikill sölumánuður. Jónas taldi
bifreiðaumboðin ekki hafa reiknað
með meiri sölu í ár, enda væru inn-
fluttir bílar nú orðnir fleiri en á sama
tíma árið 1986. „Miðað við efnahags-
ástandið í landinu getur þetta ekki
talist slæmt, en hvort allir eru án-
ægðir skal ég ekkert um segja" sagði
Jónas Þór Steinarsson.
Nýskráningar á árinu eru 12.823
en voru 17.742 á sama tíma í fyrra.
Alls voru 140.053 bifreiðar á skrá
hinn 30. september sl. Sagði Jónas
að miðað við þá tölu væri eðlilegt
að flytja inn um 1.100 bíla á mánuði
árið um kring og það væri aðeins í
september sem innflutningurinn
hefði verið minni. í ágúst voru
nýskráðir 1154 bílar. Jónas kvað
sölu bifreiða í ár yfir meðallagi, ef
tekið væri meðaltal síðustu fimm ára
og ástæðulaust að örvænta, enda
hefði þróunin verið í fullu samræmi
við þær spár sem gerðar hefðu verið
í upphafi árs.
Miðdalskirkja end-
urvíff ð á sunnudas:
Selfossi. 7 '—7
MIÐDALSKIRKJA í Laugardal í
Árnesprófastdæmi verður end-
urvigð við hátíðarmessu næstkom-
andi sunnudag klukkan 14. Kirkj-
an var reist 1869 og er nú endur-
by&Rð í upprunalegri mynd.
Kirkju er fyrst getið í Miðdal á
dögum Páls biskups Jónssonar um
1200 og J>ar var fyrsta presta-
stefna á Islandi í lútherskum sið
28. júní 1542.
Við athöfnina á sunnudaginn mun
séra Ólafur Skúlason vígslubiskup
endurvígja kirkjuna, séra Tómas
Guðmundsson prófastur predikar og
Rúnar Þór Egilsson þjónar fyrir alt-
ari. Söngkór Miðdalskirkju syngur
undir stjórn Glúms Gylfasonar við
undirleik Andrésar Pálssonar organ-
ista.
Hörður Agústsson listmálari hefur
haft umsjón með endurbyggingu
kirkjunnar fyrir hönd húsfriðunar-
nefndar en kirkjan er eign Miðdals-
sóknar. Yfirsmiður var Tómas
Tryggvason byggingameistari á
Laugarvatni, Herbert Gránz málara-
meistari Selfossi málaði kirkjuna og
rafvirkjun var í höndum Árvirkjans
hf. á Selfossi.
Kirkjugarðurinn hefur verið slétt-
aður og stækkaður eftir forsögn
Aðalsteins Steindórssonar umsjónar-
manns kirkjugarða. Um þá fram-
kvæmd sá einnig Tómas Tryggvason
byggingameistari. Frá 1790 er vitað
um að rúmlega 400 manns hafa ver-
ið greftraðir í Miðdal.
- Sig. Jóns.
SUNNUDAGSKVOLD
var rétt!!.\
Svavar Gests sló í gegn
síðasta sunnudagskvöld.
örvæntið ekki, hann stígur
fram á sviðið á ný næsta
sunnudag. +
Frábærir skemmtikraftar koma
í heimsókn. Spumingaleikir,
verðlaun, glens og grín.
^ Hljómsveit ^
örvars Kristjánssonar
leikur fyrir dansi. ^
Frítt inn fyrir matargesti. %■
Borðapantanir í síma
687111.
Húsið opnað kl. 19.00.
Glæsileg tvíréttuð máltíð
kr. 1.600,-
Aðgangseyrir kr. 700,-
HOm, jj'tAND
Húsiðopnað kl. 19
I
Áskriftarsíminn er 83033
VIÐ T0KUM EKKIÞATTIVERÐSTOÐVUN!!!
VIÐ LÆKKUM VERÐIÐ
Meiriháttar verðlækkun á skóm.
Útsölumarkaðurinn, Laugavegi 91
(kjallara Domus).
Opið daglega kl. 13-18.
Laugardaga kl. 10-14.