Morgunblaðið - 13.10.1988, Blaðsíða 17

MORGUNBLAÐIÐ, FIMMTUDAGUR 13. OKTÓBER 1988
17
Ferðaráðstefiia í Viðey:
Reykjavík sem fimdar-
staður framtíðarinnar
FERÐAMÁLANEFND Reykjavíkur gekkst fyrir ráðstefhu í Við-
ey í gær, og bar hún yfírskriftina „Reykjavík - fúndarstaður
framtíðar II“, en það er í annað skipti sem ráðstefna af þessu
tagi er haldin. Megintilgangurinn með ráðstefhunni var að ræða
lengingu ferðamannatímans og framtíðarþátttöku Reykjavíkur
í alþjóðlegu ráðsteftiu- og fundahaldi. Fluttu nokkrir fhlltrúar
úr ferðaþjónustu erindi á ráðstefimnni, sem snerta aðbúnað og
uppbyggingu ferðaiðnaðarins, auk þess sem efiit var til panelum-
ræðna um Reykjavík sem ráðstefiiuborg. TU ráðstefimnnar var
boðið ýmsum aðilum sem hagsmuna eiga að gæta í ferðaþjón-
ustu, en einn tilgangur hennar var að efla tengsl þeirra sem
með einum eða öðrum hætti tengjast ferðamálum. Fundarsfjóri
á ráðstefiiunni var Magnús L. Sveinsson, forseti borgarstjómar.
Erindi á ráðstefnunni fluttu
Júlíus Hafstein, formaður Ferða-
málanefndar Reykjavíkur, Pétur
J. Eiríksson, framkvæmdastjóri
markaðssviðs Flugleiða, Áslaug
Alfreðsdóttir, framkvæmdastjóri
Upplýsingamiðstöðvar ferðamála,
Helgi Jóhannsson, forstjóri Sam-
vinnuferða Landsýnar og Þórir
Stephensen, staðarhaldari í Viðey,
sem greindi frá Viðey sem ráð-
stefnustað og kynnti ráðstefnu-
gestum aðstöðu þar.
í erindi Júlíusar Hafstein kom
meðal annars fram, að það væri
stefna og ætlun Reykjavíkurborg-
ar að standa með íslenskri ferða-
þjónustu við að byggja upp þann
þátt ferðaþjónustunnar, sem mið-
aði að því að auka hlutverk
Reykjavíkur sem ráðstefnu- og
fundarborgar, en undanfarið hefði
verið unnið markvisst að skipu-
lagningu þessa verkefnis. Skil-
greind og ákvein hefðu verið þrjú
svæði, sem mikil áhersla verði lögð
á við upphafskynningu. í fyrsta
lagi væri um að ræða þann hluta
austurstrandar Bandaríkjanna þar
sem fjöldi, bandarískra stórfyrir-
tækja væri, sem hefði mikil Evr-
ópu- og alþjóðleg viðskipti. í öðru
lagi væri um að ræða Stór-Lond-
onarsvæðið, þar sem mikill fy'öldi
fyrirtækja væri sem þyrftu að
halda alls kyns fundi, ráðstefnur
og blaðamannauppákomur af
ýmsu tagi. I þriðja lagi væri svo
um að ræða Norðvesturhluta
Þýskalands, auk Hollands og
Belgíu, en þar væri að finna mörg
stærstu fyrirtæki Evrópu, auk
aðalútibúa flestra stærstu fyrir-
tækja Japans, fjölda bandarískra
og fjölþjóðlegra fyrirtælqa. Norð-
urlöndin væru vísvitandi skilin fyr-
ir utan, þar sem þegar hefði náðst
mikill árangur á því svæði meðal
annars vegna norræns samstarfs
og skipulagðs uppbyggingastarfs
Flugleiða. Nú væri verið að und-
irbúa hverriig hafa iriá samband á
skipulegan hátt við um 1500 -
2000 fyrirtæki á þessum þrem
svæðum.
Júlíus sagði að verið væri að
undirbúa sérstakan ráð-
stefnubækling Reykjavíkurborgar,
sem væntanlega yrði tilbúinn í
upphafi næsta árs, og auk þess
væri verið að leggja drög að því
að gera myndband um fundaborg-
ina Reykjavík, en hvoru tveggja
yrði ætlað til dreifíngar erlendis.
Á ráðstefnuna í Viðey mættu
sex erlendir blaðamenn, sem skrifa
um ferða- og ráðstefnumál í
þekktum evrópskum og banda-
rískum dagblöðum og tímaritum.
Verið var að kynna blaðamönnun-
um, sem voru hér í þriggja daga
boði á vegum Reykjavíkurborgar,
möguleika borgarinnar til ráð-
stefnu- ogfundahalds. Voru blaða-
mennimir sérstaklega valdir með
það fyrir augum að unnt væri að
ná til þeirra aðila sem taka ákvarð-
anir um fundi og ráðstefnur í stór-
fyrirtækjum víða um heim, en
þeir eru allir frá þeim þrem svæð-
um sem lögð hefur verið áhersla
á varðandi kynningu á Reykjavík
sem rðstefnustað.
Ólympíumótið í brids:
Island í 5. sæti
eftir 10 umferðir
Prá Guðmnndi Eiríkssyni fréttarítara Morgunblaðsins á Ólympíumótinu i Feneyjum.
ISLENSKA landsliðið var komið
I 5. sæti í sínum ríðli á Ólympíu-
mótinu í bríds, eftir 10 umferðir
af 27. Liðið hafði þá unnið 7
leiki, þar af fjóra síðustu leikina,
tapað tveimur og setið einu sinni
yfir. Islenska kvennaliðið var
einnig að sækja í sig veðríð og
vann stóran sigur yfir San
Maríno í 10. umferðinni.
ísland var í 13. sæti eftir^fyrstu
tvo keppnisdagana, en í morgunleik
þriðja dagsins, í 7. umferð, vann
liðið Marokko 18-12. Jón Baldurs-
son, Valur Sigurðsson, Guðlaugur
R. Jóhannsson og Öm Amþórsson
spiluðu leikinn og vonuðust raunar
eftir stærri sigri en Jón og Valur
fóru í þunna slemmu sem tapaðist,
og Öm varð að fínna drottningu
aðra á eftir KG til að vinna 3 grönd
á hættunni.
í 8. umferð spilaði ísland við
Líbanon. Karl Sigurhjartarson,
Sævar Þorbjömsson, Jón og Valur
fóra á kostum og unnu leikinn 25-5.
Jón og Valur tóku snaggaralega
slemmu í leiknum á þessi spil:
Norður
♦ 64
♦ G5
♦ G84
♦ 876432
Vestur Austur
♦ 109853 ...... ♦ DG2
▼ 1032 ▼ 9864
♦ 653 ♦ 107
♦ G5 ♦ÁKD10
Suður
♦ ÁK7
▼ ÁKD7
♦ ÁKD92
♦ 9
íslendingamir spiluðu 6 tígla sem
voru auðunnir, en andstæðingamir
spiluðu aðeins tígulbút.
Andstæðingamir í 9. umferð voru
Pakistanir sem eru nú aðeins með
eitt par úr sveitinni sem hefur oftar
en einu sinni verið nálægt því að vinna
heimsmeistaratitil. íslandsvinurinn
Zia Mahmood mun eiga í útistöðum
við bridssambandið í heimalandi sínu
og er því ekki í liðinu. ísland vann
Pakistan 16-14 og þegar liðið fór í
háttinn hafði það hækkað upp í 7.
sæti.
Fyrsti leikurinn í gær var gegn
Hollensku Antillaeyjum. Þessir eyja-
skeggjar eru ekki mjög hátt skrifaðir
í bridsíþróttinni en þeir eru samt þeim
eiginleikum gæddir að vinna alltaf
Bandaríkjamenn á Ólympíumótum.
Guðlaugur, Öm, Jón og Valur spiluðu
leikinn og hafa sennilega ekki verið
mjög ánægðir með aðeins 16-14 sig-
ur, en við það færðist Island samt
upp um 2 sæti í riðlinum.
Island græddi 12 stig þegar Öm
og Guðlaugur renndu sér í 6 lauf á
þessi spil í AV:
Norður
♦ 832
▼ 963
♦ Á9863
♦ G8
Vestur Austur
♦ KD ....... ♦ Á9754
▼ Á854 llllll »6102
♦ K ♦ 10
♦ ÁK10542 +D963
Suður
♦ G106
▼ KD7
♦ DG542
♦ 7
Slemman vannst en andstæðing-
amir spiluðu aðeins 4 spaða.
Eftir 10 umferðir voru írar efstir
í B-riðli, með 201 stig, Ítalía var með
199 stig, Danmörk 188, Kína 178,
ísland 169, Frakkland 168, Bretland
166, Ungveijaland 177 og Portúgal
162. í A-riðli voru Grikkir efstir með
213 stig, Venezuela var með 202 stig,
Austurríki 199, Pólland 189 og
Bandaríkin 189.
Kvennaliðinu hefur gengið misvel.
Það spilaði við Bretland í 7. umferð-
inni og tapaði 22-8 og í 8. umferðinni
tapaði það 14-16 fyrir Indlandi. f 9.
umferðinni lauk íslenska liðið viður-
eigninni við gamla breska heimsveldið
með því að spila við Ástralíu og tapa
11-19. í 10. umferð spilaði liðið síðan
við San Maríno og vann 22-8.
Aðstæður eru þokkalegar á móts-
stað en báðir spilasalimir í Casino
Lido, þar sem mótið fer fram, eru
lokaðir áhorfendum. Daglega eru
sýndir sex leikir á sýningartöflunni
og þar er jafnan fíöldi áhorfenda að
fylgjast með. Þekktir spilarar láta þar
ljós sitt skína, og má þar nefna Edg-
ar Kaplan, Omar Sharif, Giorgio
Belladonna og Billy Eisenberg.
Gauragangurinn og hávaðinn í and-
dyri Casiono Lido, þegar 700 spilarar
bera saman bækur sínar eftir leiki,
minnir helst á stóra jámbrautarstöð
á háannatíma, svo spilafélagamir
heyra vart hver í öðrum.
íslensku liðin em í góðu formi og
aðbúnaður þeirra er þokkalegur þótt
hótelin, sem spilaramir búa á, mættu
vera nær spilastaðnum, því menn
þurfa að fara nokkrar ferðir á milli
daglega. Sigmundur Stefánsson far-
arsljóri er búinn að fá sér leigt hjól
sem hefði getað haft slæmar afleið-
ingar fyrir kvennaliðið. Þegar spilar-
amir voru komir heim á hótelið eftir
9. umferðina um miðnættið, kom Jak-
ob R. Möller fyrirliði kvennaliðsins til
Sigmundar og bað hann að lána sér
reiðhjólið góða milli húsa og fékk það
fúslega. Nokkmm mínútum síðar
stökk Sigmundur upp úr sæti sínu
og hrópaði: Ég gleymdi að segja hon-
um að það eru engar fótbremsur á
hjólinu! Jakob skilaði sér þó heim,
heill á húfí.
Afinæliskveðja:
Hans Þóroddsson
í dag á kær vinur Hans Þórodds-
son 75 ára afmæli. Hann fæddist
í Reykjavík 13. október 1913. For-
eldrar hans vora Þóroddur Ás-
mundsson og Sigríður Sigurðar-
dóttir. Ekki er mér nægilega kunn-
ugt um æviferil Hansa til að rekja
hann hér, en kynni okkar hófust
er ég byijaði að vinna á Morgun-
blaðinu 1976. Þá hafði hann unnið
þar um árabil og þar áður í ísafold-
arprentsmiðju í fjölda ára.
Hansi var hrókur alls fagnaðar
og var hvers manns hugljúfí er
honum kynntust og söknuðum við
hans þegar hann lét af störfum er
hann náði sjötugsaldri. En þrátt
fyrir það kom hann á staðinn og
fylgdist með okkur og spilaði við
strákana, og var það hans líf og
yndi. Fyrir íjóram árum rúmlega
varð Hansi fyrir þeirri erfiðu
reynslu að á hann var ráðist á heim-
ili hans og hann náði sér aldrei eft-
ir það. Lengi lá hann á spítala og
fluttist síðan á vistheimilið Kumb-
aravog á Stokkseyri og er þar vel
um hann hugsað.
Ég tel það gæfu að hafa fengið
að kynnast Hansa og kalla hann
vin minn. Hann var heimagangur á
heimili mínu allt frá því kynni hóf-
ust og þar til hann lenti í slysinu
og hefur ætíð verið fram úr hófí
góður við mig og mín böm. Fyrir
það vil ég þakka þér á þessari
stundu, Hansi minn, og líka fyrir
það að margt mátti læra af þér.
Ég veit að ég mæli fyrir munn
starfsfólksins á Morgunblaðinu sem
vann með þér er ég sendi þér hug-
heilar afmælisóskir og óska þér
velfamaðar. Einnig vil ég senda þér
kveðju frá Sverri vini þínum, sem
um þessar mundir er að þvælast á
tindum Himalaya.
Gústa
MAS JÁRNRENNIBEKKIR
r
FRÆSIVELAR
BORVÉLAR
Nánari upplýsingar hjá sölumönnum.
Málmiðjan hf., Ármúla 19,
108 Reykjavík, sími 680640,