Morgunblaðið - 03.11.1988, Blaðsíða 35

35
■1 fl39M3VÖM -f. flUOAaUTMMW .UWAJfl HUUHOM
MORGUNBLAÐIÐ, FIMMTUDAGUR 3. NÓVEMBER 1988
Engir plútón-
flutningar
á næstu árum
- segir utanríkis-
ráðherra
í fyrirspurnatíma í samein-
uðu Alþingi i síðustu viku
spurði Hjörleifur Guttormsson
(Abl/Al) hvað islensk stjórnvöld
hefðu aðhafst vegna ráðgerðra
loftflutninga með geislavirkt
plútón frá Evrópu yfir N-Atl-
antshaf. Jón Baldvin Hannib-
alsson utanríkisráðherra svar-
aði þvi til, að stjórnvöld fylgd-
ust með málinu, en engir slikir
flutningar væru áformaðir á
næstu árum.
Utanríkisráðherra sagði, að
íslensk stjómvöld hefðu fylgst
með málinu frá því í febrúar og
sjónarmið þeirra hefðu verið
kynnt á alþjóðavettvangi. Til
dæmis hefði Þorsteinn Pálsson
fyrrum forsætisráðherra lýst
áhyggjum íslendinga í viðræðum
við bandarísk stjórnvöld í ágúst.
Utanríkisráðherra sagði enn-
fremur, að samkvæmt orðsend-
ingu frá Japönum, sem eru við-
takendur plútónsins, myndu flutn-
ingamir ekki hefjast fyrr en eftir
nokkur ár og þá yrði fyllsta örygg-
is gætt.
Hrafnkell A. Jónsson.
Hraliikell A.
Jónssontekur
sætí á þingi
Hrafnkell A. Jónsson tók í
gær sæti á Alþingi í forföllum
Kristins Péturssonar. Hann
hefur ekki áður setið á þingi.
Hrafnkell er fyrsti varamaður
Sjálfstæðisflokksins í Austur-
landskjördæmi. Hann er formaður
verkalýðsfélagsins Árvakurs á
Eskifírði.
Frumvarp til laga:
Útflutning-
ur verði ftjáls
Þrír þingmenn Borgara-
flokksins, þeir Hreggviður
Jónsson, Ingi Björn Albertsson
og Óli Þ. Guðbjartsson, hafa
lagt fram frumvarp til Iaga um
breytingu á lögum um útflutn-
ingsleyfi. Breytingin felur með-
al annars í sér, að ekki verði
skylt að sækja um leyfi fyrír
útflutningi.
í greinargerð með fmmvarpinu
er.sagt, að það sé flutt til að draga
úr miðstýringu rfkisins. Frjáls út-
flutningur sé forsenda efnahags-
framfara og tímaskekkja sé að
binda hann leyfisveitingum frá
utanríkisráðuneytinu.
Umræður um námslán í neðri deild:
Uthlutimarreglum lána-
sjóðsins verður breytt
- segir Svavar Gestsson, menntamálaráðherra
Finnur Ingólfsson (F/Rvk) mælti í gær fyrir frumvarpi til laga
um breytingu á lögum um námslán og námsstyrki. Sagði hann
tilgang frumvarpsins vera að koma í veg fyrir að menntamálaráð-
herra geti fyrirvaralaust skert framfærslu námsmanna án sam-
ráðs við þá, en það hefðu menntamálaráðherrar Sjálfstæðisflokks-
ins gert. Birgir tsleifur Gunnarsson (S/Rvk) sagði þýðingarlaust
fyrir framsóknarmenn að reyna að hvítþvo sig af stefiiu ríkis-
stjórnar Steingríms Hermannssonar í lánamálunum. Svavar Gests-
son sagði í umræðunum, að úthlutunarreglum Lánasjóðs íslenskra
námsmanna muni verða breytt, með það fyrir augum að bæta
hag tekjulágra námsmanna.
Nefiid meti framfærslu
námsmanna
í framsöguræðu sinni sagði
Finnur Ingólfsson, að frumvarpið
fæli í sér þá breytingu, að komi
fram óskir um breyttan fram-
færslugrunn námsmanna skuli
um þær fjallað af þriggja manna
nefnd, þar sem námsmenn ættu
einn fulltrúa, einn væri tilnefndur
af menntamálaráðherra og sá
þriðji væri hagstofustjóri, eða full-
trúi hans. Finnur sagði, að í frum-
varpinu væri gert ráð fyrir því,
að nefndin hæfi störf um leið og
lögin gengju í gildi og skyldi þá
meta framfærslu námsmanna í
samanburði við framfærsluna
1982, þegar lögin um námslán
og námsstyrki tóku gildi.
Finnur sagði að tilgangur þess-
arar breytingar væri að koma í
veg fyrir að menntamálaráðherra
gæti fyrirvaralaust og án samráðs
við námsmenn, skert framfærslu
þeirra, sem eru í lánshæfu námi.
Það hefðu tveir menntamálaráð-
herrar Sjálfstæðisflokksins gert
með breytingum á reglugerðum,
sem hefðu haft í för með sér fryst-
ingu námslána og 20% kjara-
skerðingu fyrir námsmenn.
Birgir sagði það því tvískinnung
hjá framsóknarmönnum að reyna
að klína skerðingu námslána á
Sverri. Þar hefði verið um sameig-
inlega ákvörðun stjórnarflokk-
anna að ræða.
Birgir Isleifur Gunnarsson
spurði hver stefna ríkisstjómar-
innar væri í málefnum lánasjóðs-
ins. Ekki væri minnst á þau í
málefnasamningi stjómarflokk-
anna, en þó hefðu ýmsar vísbend-
ingar um stefnuna komið fram.
Hann minnti síðan á þingsálykt-
unartillögu sem Steingrímur J.
Sigfússon, núverandi samgöngu-
ráðherra og Svavar Gestsson nú-
verandi menntamálaráðherra
lögðu fram í fyrra. Þar var þess
krafist, að reglugerðin um fryst-
ingu námslána yrði afnumin. Enn-
fremur minnti Birgir ísleifur á þau
ummæli Svavars á fundi með
stúdentum fyrir síðustu kosning-
ar, að afnám þessarar frystingar
væri skilyrði fyrir stjómarþátt-
töku Alþýðubandalagsins.
Úthlutunarreglum
verður breytt
Svavar Gestsson menntamála-
ráðherra tók til máls í þessum
umræðum. í máli hans kom fram,
að þótt ekki væri mikil raunaukn-
ing á framlögum til lánasjóðsins
á fjárlögum væri stefnt að því að
leiðrétta kjör hins almenna lág-
tekjunámsmanns. Siálfstæðis-
flokkurinn hefði breytt úthlutun-
arreglum sjóðsins á þá leið, að
auka möguleika tekjuhárra ein-
staklinga til að fá námslán. Nú
væri hins vegar ætlunin að breyta
viðmiðunarreglum um hámarks-
tekjur lántakenda til að bæta hag
hinna tekjulægri.
Svavar sagðist styðja frum-
varpið. Það kæmi í veg fyrir að
komið yrði í bakið á námsmönnum
og kjör þeirra skert fyrirvaralaust.
Menntamálaráðherra
lofaði miklu
Finnur Ingólfsson tók aftur til
máls og sagði þá meðal annars,
að þær aðstæður gætu skapast
að skerða þyrfti námslánin, alveg
eins og kaup launafólks. Hann
hefði hins vegar gagnrýnt vinnu-
brögð menntamálaráðherra Sjálf-
stæðisflokksins við skerðinguna.
Birgir ísleifur Gunnarsson
ítrekaði að Framsóknarflokkurinn
gæti ekki hlaupist undan ábyrgð
á skerðingu fjárframlaga til lána-
sjóðsins. Hann minnti á að núver-
andi menntamálaráðherra hefði
lofað miklu í lánamálunum en
væri nú komin á harðahlaup frá
þessum loforðum. Það dygði ekki
að breyta úthlutunarreglunum til
að leiðrétta námslánin. Hann
gagniýndi hugmyndir mennta-
málaráðherra um breytta viðmið-
un og spurði að lokum, hvort refsa
ætti námsmönnum fyrir að vinna
og fá háar tekjur.
Hver er steftia
ríkisstjórnarinnar
Birgir íslefur Gunnarsson fyrr-
verandi menntamálaráðherra tók
næstur til máls. Hann sagði að
forveri sinn, Sverrir Hermanns-
son, hefði breytt reglugerð um
námslán í tengslum við aðgerðir
ríkisstjórnar Steingríms Her-
mannssonar varðandi aðhald í
ríkisrekstri. Framlög til lánasjóðs
íslenskra námsmanna hefðu verið
skömmtuð af stjóminni og ijár-
veitinganefnd og reglugerð um
sjóðinn breytt f samræmi við það.
MMÍIGI
Engar reglur gilda
um eitureftiið PCB
Hollustuvernd vinnur að reglugerð
í svarí Guðmundar Bjarna-
sonar heilbrigðisráðherra við
fyrirspurn Hjörleifs Guttorms-
sonar (Abl/AI) kemur meðal
annars fram, að engar sérstak-
ar reglur gilda hér á landi um
eiturefiiið PCB, en unnið er að
reglugerð um það hjá Hollustu-
vernd ríkisins.
í svari ráðherra kemur einnig
fram, að ekki er ljóst hversu víða
PCB-mengunar gætir hér á landi.
Hollustuvemd ríkisins hefur hins
vegar tekið lífríkissýni f Norðfirði
og Fáskrúðsfirði og PCB-magnið
hefur reynst yfir hættumörkum.
Heilbrigðisráðherra sagði að
engar sérstakar reglur giltu um
PCB hérlendis, en almennar regl-
ur um hollustuvemd og heilbrigð-
ishætti giltu að sjálfsögðu um
efnið. Hollustuvemd ríkisins ynni
hins vegar að samningu reglu-
gerðar um meðferð og forgun
PCB, auk þess sem stofnunin
safnaði nú efninu hérlendis og
léti eyða því í Englandi. Hann
vakti að lokum athygli á því, að
Hollustuvemd væri í fjársvelti og
gera þyrfti bragarbót þar á.
Opinn sjóður
í Borgamesi
Borgarnesi.
STJORN Sparisjóðs Mýrasýslu
hefur látið það boð út ganga að
sjóðurinn verði öllum opinn
fostudaginn 4. nóvember, í tilefiii
af 75 ára afmæli Sparisjóðsins.
Boðið verður upp á kaffiveitingar
í afgreiðslusal og einnig eitthvað
gert fyrir bömin. Friðjón Svein-
bjömsson sparisjóðsstjóri kvaðst
vonast til að sem flestir líti við í
sparisjóðnum þennan dag. Þegar
Sparisjóðurinn hafði opinn sjóð
síðast, í tilefni 70 ára afmælisins,
sóttu margir hann heim, jafnt ung-
ir sem aldnir.
TKÞ.
íkonar verða til umQöllunar á
fiindi hjá Grikklandsvinafélag-
inu Hellas í Geirsbúð í kvöld.
Grikklaiidsvinafélagið:
Fundur hald-
inn í Geirsbúð
Grikklandsvinafélagið Hellas
heldur fimd i Geirsbúð við Vest-
urgötu fimmtudagskvöldið 3.
nóvember kl. 20.30.
Dr. Einar Sigurbjömsson talar
um grísk-orþódoxu kirlguna, en eitt
af því sem setur svip á gríska kristni
eru helgimyndir þær sem nefnast
íkonar og em oft gerðir af mikilli
list. Á fundinum verða sýndar og
útskýrðar litskyggnur af nokkrum
slíkum.
Þá verður einnig rætt um Grikk-
landsferðir á vegum félagsins.
Síðasta sýning á Dagbókinni
hans Dadda verður í Hlégarði á
laugardagskvöld.
Síðustu sýn-
ingar á Dagbók-
inni hans Dadda
LEIKRITIÐ „Dagbókin hans
Dadda“ hefiir nú á undanförnum
vikum verið sýnt í Hlégarði i
Mosfellsbæ.
Leikritið var staðfært og reynt
að aðlaga sem mest íslenskum að-
stæðum, segir í fréttatilkynningu
frá Leikfélagi Mosfellssveitar.
Síðasta sýning á leikritinu verður
föstudaginn 4. nóvember kl. 21.30. ^
Miðapantanir verða í Hlégarði frá
kl. 19 á sýningardag.