Morgunblaðið - 03.11.1988, Blaðsíða 47

Heimili þeirra var til fyrirmyndar
og ætíð fylgdi því tilhlökkun að
sækja þau heim enda bæði gestrisin
eins og best getur verið á íslenska
vísu.
I mörg ár spiluðum við hjónin
saman og er margs að minnast með
hlýhug frá þeim árum.
Þórhallur var einstaklega geð-
góður að eðlisfari og honum fylgdi
hressilegur andblær. Það fylgdi
honum glaðværð og það var eins
og hann leysti úr læðingi hjá fólki
gleði, bjartsýni og tiltrú á tilveruna.
Hann var trúaður maður en flíkaði
ekki skoðunum sínum í þeim mál-
um. Hann var bjartsýnismaður og
reyndi alltaf að sjá björtu hliðarnar
á hveiju máli.
Þórhallur var mikill eljumáður,
kappsamur og féll aldrei verk úr
hendi. Stundum fannst manni hann
ofgera sjálfum sér með miklu
vinnuálagi. Hollur er heimafenginn
baggi. Þetta máltæki á vel við um
Þórhall og hans kynslóð sem fékk
að vegarnesti trúna á sjálfan sig
og þá fullvissu að vinnan skapaði
manninn.
Hann byijaði ungur að vinna
fyrir sér hjá Silla & Valda eftir að
ijölskylda hans flutti suður.
Það var tekið eftir þessum glað-
væra og iðjusama dreng og alla tíð
fylgdi honum þessi elja og þægilega
létta skap, sem áreiðanlega gerði
gæfumuninn á lífsleiðinni.
A stríðsárunum eignaðist Þór-
hallur vörubíl, sem hann rak í nokk-
ur ár. Á þeim árum var unnið nær
nótt sem dag og var óskiljanlegt
allt það þrek sem þessi ungi maður
hafði.
Hann gat ekið bíl sínum daglangt
hér í Reykjavík við ýmsa flutninga
og síðan ekið yfir nóttina norður í
land til Skagastrandar með farm
en þá var verið að byggja Síldar-
verksmiðjuna þar.
Á þeim árum var mikið mál að
eignast vörubfl og erfitt að fá lán.
Þórhallur var einn þessara dugnað-
arforka, sem höfðu sýnt það með
mikilli vinnu, sparnaði og ekki síst
bjartsýni að hægt var að rífa sig
upp úr meðalmennskunni.
Með dugnaði komst Þórhallur í
álnir og gat síðar búið fjölskyldu
sinni myndarlegt heimili. Þórhallur
réðst síðan til Olíufélagsins og vann
þar í mörg ár hjá þeim stórbrotna
manni, Sigurði Jónassyni heitnum,
sem þá stjórnaði Olíufélaginu.
Með Sigurði Jónassyni og Þór-
halli tókst vinátta sem entist ævi-
langt. Þórhallur bar mikið traust
til Sigurðar og átti hann þar góðan
og traustan velgjörðarmann. ,
Sjálfsagt hefur Sigurður kunnað
að meta dugnað og góða skap-
gerðareiginleika Þórhalls enda var
Sigurður eins og margir vita mikill
og sérstakur persónuleiki.
Þeir ferðuðust mikið saman um
landið er Sigurður fór í viðskipta-
ferðir sínar til hinna ýmsu staða.
Þegar Sigurður Jónasson tók við
forstjórastarfi hjá Tóbaks- og
áfengisversluninni bauð hann Þór-
halli verkstjórastöðu þar, sem hann
gegndi af sérstakri alúð allt þar til
hann fór á eftirlaun. Þórhallur
minntist oft á Sigurð með virðingu
og taldi sig hafa lært margt af
honum.
Þórhallur var bókhneigður og las
mikið sér til ánægju og gagns.
Hann hafði mikla ánægju af lestri
góðra ljóðabóka og hafði mjög gott
minni. Hann hafði sérstakt dálæti
á verkum Kiljans og gat vitnað í
verk hans. Hann var vel máli farinn
og gat slegið fram vísum við hin
ýmsu tækifæri.
Hann hafði sérstakt lag á því að
koma fólki í gott skap og hjálpaði
þar til hressileg framkoma, góð
framsögn og tilsvör. Hann hafði
ákveðnar skoðanir á málum og var
ófeiminn að segja meiningu sína.
Hann hafði gaman af góðri mynd-
list og átti margar fallegar myndir,
þar á meðal gullfallega mynd af
Dyrfjöllum, sem Kjarval gaf honum.
Þau hjónin fór oft í leikhús og voru
um tíma fastir áskrifendagestir.
Snyrtimennskan var Þórhalli í
blóð borin og mátti sjá það hvar-
vetna þar sem hann fékk ráðið.
Hann var mikill unnandi garðrækt-
ar og garðurinn í Akurgerðinu bar
þess glöggt vitni að þar gekk
blómamaður um. Allt var svo snyrti'-

MORGUNBLAÐIÐ, FIMMTUDAGUR 3. NÓVEMBER 1988
47
legt og mikil gróska var þar sem
hendur hans fóru um gróðurinn.
Þórhallur var mikill gæfumaður
í einkalífi sínu. Hann eignaðist góða
konu er hann gekk að eiga Unni
Helgadóttur. Það ríkti mikið traust
milli hans og Unnu. Þau hjónin
voru einstaklega samhent í að fegra
heimilið og gera notalegt í kringum
sig. Það fór ekki framhjá neinum
er til þekkti, að þau voru miklir
vinir og samhent í öllum sínum
málum. Þau ferðuðust mikið um
landið og var Þórhallur ólatur við
að sýna fjölskyldu sinni okkar fagra
land. í mörg ár áttu þau sumarbú-
stað og þar var sami myndarbrag-
urinn, fallegur tijágróður sem þau
komu upp. Á seinni árum ferðuðust
þau nær árlega til sólarlanda sér
til hressingar og heilsubótar.
Á seinni árum átti Þórhallur heit-
inn við erfiðan sjúkdóm að etja sem
dró hann að lokum til dauða. Hann
var búinn að fá erfið áföll af völdum
hjartasjúkdóms en náði sér ótrúlega
vel enda var hann svo duglegur og
jákvæður.
I síðustu sólarlandaferð sinni til
Mallorca veiktist Þórhallur og fór
beint á spítala er heim var komið.
Um tíma leit út fyrir að hann væri
að ná sér aftur, eins og oft áður,
en því miður var kallið komið og
hann átti ekki afturkvæmt. Þór-
hallur lést í Landspítalanum 4.
október eftir stutta legu.
Þóhallur og Unna eignuðust 3
mannvænleg börn, þau Gyðu, Svölu
og Árna, og var ávallt mikil sam-
heldni með fjölskyldunni. Barna-
börnin eru 6 sem sjá nú á eftir afa
sínum með söknuði.
Með þessum örfáu orðum viljum
við þakka Þórhalli fyrir samfylgd-
ina. Eftirlifandi eiginkonu hans,
Unni Helgadóttur, ásamt börnum
og fjölskyldum þeirra sendum við
okkar innilegustu samúðarkveðjur.
Páll Andreasson
Birting aOnælis- og
minningargreina
Morgunblaðið tekur afmælis- og minningargreinar til birting-
ar endurgjaldslaust. Tekið er við greinum á ritsijórn blaðsins á
2. hæð í Aðalstræti 6, Reykjavík og á skrifstofu blaðsins í Hafn-
arstræti 85, Akureyri.
Athygli skal á því vakin, að greinar verða að berast með góðum
fyrirvara. Þannig verður grein, sem birtast á í miðvikudagsblaði að
berast síðdegis á mánudegi og hliðstætt er með greinar aðra daga.
I minningargreinum skal hinn látni ekki ávarpaður. Ekki eru tek-
in tii birtingar frumort ljóð um hinn látna. Leyfilegt er að birta ljóð
eftir þekkt skáld, 1—3 erindi og skal þá höfundar getið. Sama gildir
ef sálmur er birtur. Meginregla er sú, að minningargreinar birtist
undir fullu nafni höfundar.
Við birtingu afmælisgreina gildir sú regla, að aðeins eru birtar
greinar um fólk sem er 70 ára eða eldra. Hins vegar eru birtar af-
mælisfréttir með mynd í dagbók um fólk sem er 50 ára eða eldra.
Mikil áhersla er á það lögð að handrit séu vel frá gengin, vélrituð
og með góðu línubili.

nc j ÓV V*
var gjalddagi húsnæðislána
/
ÞÚ HAGNAST
Á EIGIN SKILVISI
Það er þér í hag að greiða af lánum á réttum tíma og forðast óþarfa aukakostnað
af dráttarvöxtum, svo ekki sé minnst á innheimtukostnað.
Þú getur notað peningana þína til
mun gagnlegri Kluta, til dæmis í að:
Auka vió skíóabúnaó
fjölskyldunnar
endurbæta lýsinguna
á heimilinu
eóa fá þér áskriftarkort
í leikhúsið.
Eindagi lána með lánskjaravísitöiu.
Eindagi lánameð byggingarvísitölu.
Gjalddagar húsnæðislána eru 1. ágúst, 1. nóvember, 1. febrúar og 1. maí (sum
lán hafa fjóra gjalddaga á ári, önnur aðeins einn). Merktu gjalddaga þíns láns
inn á dagatalið þitt, þá gleymir þú síður að gera tímanlega ráð fyrir næstu greiðslu.
SPARAÐU ÞÉR ÓÞARFA ÚTGJÖLD AF DRÁTTARVÖXTUM
Greiðsluseðlar fyrir 1. nóvember hafa verið sendir gjaldendum og greiðslur má inna
af hendi í öllum bönkum og sparisjóðum landsins.
át HÚSNÆÐISSTOFNUN RÍKISINS
LJ LAUGAVEGl 77 101 REYKJAVÍK S: 69 69 00