Morgunblaðið - 03.11.1988, Blaðsíða 56
> 56
MORGUNBLAÐH) IÞROTTIR FLMMTUDAGUR 3. NÓVEMBER 1988
BORÐTENNIS
Kjartan Brlem úr KR sigraði nokkuð örugglega í styrkleikamóti BTÍ um
helgina.
Símar 35408 og 83033
AUSTURBÆR ■ KOPAVOGUR
Laugarásvegur 39-75 Sunnubraut
Langholtsvegur45-108
Kjartan Bríem sigraði
- ífyrsta styrkleikamóti vetrarins
Kjartan Briem úr KR, sem er
núverandi íslandsmeistari í
borðtennis, sigraði á styrkleikamóti
DUNLOP sem Borðtennissamband
Islands stóð fyrir um síðustu helgi.
Alls voru 25 keppendur sem tóku
þátt í mótinu.
Kjartan Briem sigraði Albrecht
Ehmann úr Stjömunni í úrslitaleik
21:19 og 22:20. Kristján Jónasson,
Víkingi, varð í 3. sæti eftir sigur á
Gunnar Valssyni úr Stjörnunni,
21:17 og 21:16.
Markmiðið með þessu móti sem
fram fór í KR-heimilinu er að búa
til styrkleikalista sem sýnir röð
manna og notaður til að auðvelda
val á landsliðshópi.
Urslit í mótinu urðu sem hér
segir:
Kjartan Briem, KR
Albrecht Ehmann, Stjömunni
Kristján Jónasson, Vfkingi
Gunnar Valsson, Stjömunni
Bjami Bjamason, Stjömunni
Jóhannes Hauksson, KR
Kristinn Már Emilsson, Víkingi
Jón Karlsson, Eminum
Haraldur Kristinsson, Víkingi
Sigurbjöm Sigfússon, Víkingi
Ragnar Ragnarsson, Eminum
Tómas Sölvason, KR
Kristján Viðar Haraldsson, Víkingi
Pétur Blöndal, KR
Vignir Kristmundsson, Eminum
Tryggvi Valsson, Stjömunni
Pétur Stephensen, Víkingi
Davíð Pálsson, Eminum
Sigurður Herlufsen, Víkingi
Snorri Briem, KR
Elías Elíasson, Stjömunni
Sveinn Óli Pálmarsson, Stjömunni
Stefán Siguijónsson, KR
Sigurður Bollason, KR
Gunnar Birkisson, Eminum
ISLENSKAR GETRAUNIR
Morgunblaðiö/Bjarni
Fyrsti seðillinn
Halldór Asgrímsson sjávarútvegsráðherra setti fyrsta seðilinn í lottóvélina við opnum nýja kerfísins. Anna Guð-
mundsdóttir, starfsmaður Islenskra getrauna, tekur við miðanum.
Getraunir allan ársins hring
Miklar breytingar á fyrirkomulagi íslenskra getrauna
SALA getraunaseðla úr ensku
knattspyrnunni er nú hafin.
Gamli getraunaseðillinn heyrir
nú sögunni til og í hans stað
eru komnir miðar fyrir Lottó-
vélarnar og framvegis munu
getraunir verða með sama
sniði og Lottó. Miklar breyting-
ar hafa verið gerðar á sterf-
semi getrauna og nú stendur
til að hægt verði að „tippa"
allan ársins hring. Enska knatt-
spyrnan á veturna og sú
fslenska á sumrin.
að munar að sjálfsögðu gífur-
lega miklu fyrir getraunir að
geta komist í lottókassana. Fólk á
landsbyggðinni þarf nú ekki að skila
seðlum í miðri viku heldur getur
„tippað" allt fram að síðustu
stundu. Auk þess sparast mikið í
prentunarkostnaði og margskonar
hagræðing fylgir nýja fyrirkomu-
laginu," sagði Hákon Gunnarson,
framkvæmdastjóri Islenskra get-
rauna.
Margir hafa af því áhyggjur að
með því að færa getraunaseðla í
lottókassa hverfi félagslegi þáttur-
inn úr getraunastarfínu. Hákon
segist ekki hafa áhyggjur af því:
„Það mun ekki breytast svo mikið.
Fólk heldur áfram að hittast, dreifa
getraunaseðlum og félögin munu
eftir sem áður hagnast á getraun-
um,“ segir Hákon. „Þetta hefur
hinsvegar gífurlega hagræðingu í
för með sér og verður mun
skemmtilegra.“
íslensklr leikir
Eitt stærsta vandamál íslenskra
getrauna hefur verið langt sum-
arfrí. Þegar deildakeppninni í Eng-
landi lýkur fara getraunir í frí og
hefjast ekki aftur fyrr en á haustin.
„Það er að sjálfsögðu hræðilegt að
þurfa að hætta á vorin. Síðastu vik-
una í vor var þriðji stærsti pottur
í sögunni og grátlegt að þurfa að
fara í frí,“ segir Hákon. „Við erum
ákveðnir í að halda áfram allan
ársins hrihg og þegar keppni lýkur
í Englandi munum við byija á
íslenskri knattspyynu. Við eigum í
viðræðum við KSÍ og ef samþykki
næst þá held ég að báðir aðilar
gætu hagnast á því,“ segir Hákon.
Spamaðar- og útgangs-
raöakerfi
Ein af nýjungunum sem í boði
verða á nýja getraunaseðlinum eru
svokölluð spamaðar- og útgangsr-
aðakerfi Það eru kerfi sem flestir
getraunaspámenn þekkja. Hægt er
að taka stór kerfi með tiltölulega
litlum kostnuði, en að vísu eru kerf-
in heldur gloppóttari fyrir vikið.
Þrátt fyrir að nýju seðlarnir séu
flóknir við fyrstu sýn ætti hver sem
er að geta fyllt þá út. í hverri viku
munu íslenskar getraunir gefa út
leiðbeiningar, þar sem fram kemur
hvaða leikir eru á dagskrá og hvern-
ig eigi að útfylla seðilinn. Svo er
líka hægt að láta tölvuna velja fyr-
ir sig, líkt og í Lottóinu.
MánudagsbiAin á enda
Eitt af því sem hefur fylgt get-
raunum er spennan og óvissan um
hve margir eru með 12 rétta. Áður
þurfti að bíða fram til mánudags
til að komast að því hvort það voru
2 eða 200 með 12 rétta. Að vísu
hefur það breyst síðustu ár, en nú
á að fara yfir strax á laugardegi
þannig að hægt sé að tilkynna hve
margir séu með 12 rétta fyrir kl.
18 á laugardögum.
Mikil tæknivinna
Bandarískir kerfisfræðingar hafa
nú breytt tölvu- kerfi lottókassanna
svo hægt sé að koma getraunaseðl-
um fyrir. Töluverðar breytingar
þurfti að gera á þeim 160 lottóköss-
um sem fyrir eru víðsvegar um
landið. Nú er þessum breytingum
lokið og getraunir hefjast að nýju,
með nýju fyrirkomulagi, allan árs-
ins hring.
FELAGSLIF
Herrakvöld
Hauka
Herrakvöld Hauka verður haldið
í Kiwanishúsinu Dalshrauni 1
í Hafnarfirði á morgun, föstudag
og hefst kl. 19.30.