Morgunblaðið - 13.12.1989, Blaðsíða 52

52
MORGUNBLAÐIÐ MIÐVIKUDAGUR 13. DBSEMBER 1989
nmmm
Ást er ...
... tákn um titring.
TM Reg. U.S. Pat Off.—all rights reserved
® 1989 Los Angeles Times Syndicate
um stigann ...
HÖGNI HREKKVÍSI
Þessir hringdu .. .
Of mikill hávaði
S.M. hringdi:
„Ég vil taka undir með
„Dansunnanda" sem talar um að
of mikill hávaði sé á skemmtistöð-
um. Það er fyrir neðan allar hell-
ur hve hávaðinn er mikill og nær
útilokað að skemmta sér við þess-
ar aðstæður. Ég vil nota tækifæ-
rið til að lýsa ánægju minni með
Aðalstöðina og músíkina sem þar
er spiluð.“
Góð útvarpssaga
Kona hringdi:
„Ég vil vekja athygli á því að
nú er verið að lesa-ágæta sögu á
Bylgjunni og hefst lestur hennar
kl. 7.45 á morgnana. Þetta er
yíkingafeðin til Surtseyjar eftir
Ármann Kr. Einarsson."
Kettir
Fimm mánaða gamall hvítur
köttur með brún eyru og skott fór
að heiman frá sér að Nýbýlaveg
í Kópavogi fyrir skömmu. Vin-
samlegast hafið samband við
Magnúsínu í síma 42259 eða síma
82615 ef hann hefur einhvers
staðar komið fram.
Ómerktur, grár, hálfvaxinn
fressköttur, frekar íoðinn, fór að
heiman frá sér að Framnesvegi
hinn 7. desember og er hans sárt
saknað. Síminn er 626211.
Svartur fressköttur leitaði ásjá
í trésmiðjunni Iðju, Smiðjuvegi 2,
Kópavogi fyrir tveimur aða þrem-
ur vikum. Kisi er alsvartur með
sérkennilega móleita slikju á feld-
inum og örfá hvít hár á bringu.
Upplýsingar í síma 84100.
Réttarstaða
lögreglumanna
Einar Vilhjálmsson hringdi:
„Mikið hefur verið um ofbeldi
í Miðbænum og má sjálfsagt rekja
það til ölvunar sem hefur aukist
vegan bjórsins. Væri ekki hyggi-
legt að lögreglan fengi sér s.s.
fimm lögregluhunda til að halda
þessu fólki í skefjum. Þá þyrfti
að endurskoða réttarstöðu lög-
reglumanna í starfi. Það háir lög-
reglumönnum mjög í starfi að
réttarstaða þeirra er veikari en
mannsins sem þeir eru að hand-
taka.“
Þarfaverk
Gömul kona hafði samband og
óskaði eftir að koma þökkum til
þeirra sem áttu þátt í því að sett
hafa verið handföng við tröppur
Reykjavíkur Apóteks. Sagði hún
það þarfaverk sem margir myndu
njóta.
Taska - myndavél
Ljósbrún myndavélartaska tap-
aðist á planinu bak við Fóst-
bræðraheimilið á laugardag. í
henni var Canon T50 myndavél
og einnig linsa og flass. Finnandi
vinsamlegast hringi i síma 73639.
Fundarlaunum heitið.
Árekstur
Mánudaginn 27. nóvember kl.
17.20 varð árekstur rétt fyrirofan
nýju bensínstöðina í Öskjuhlíð.
Þar lentu saman grár Audi coupé
og vínrauður Subaru. Þeir sem
urðu vitni að árekstri þessum vin-
samlegast hringi í síma 54898.
Mjög mikilvægt er að ökumaður
í ljósri eða hvítri bifreið er ók
framhjá í þann mund er árekstur-
inn átti sér stað hafi samband.
Leiðrétting
í greininni „Eru skólayfirvöld
traustsins verð?“ sem birtist í
Velvakanda 8. desember urðu þau
mistök að þar þar sem átti að
standa sjöunda bekk var haft sjö
ára bekk. Er beðist afsökunar á
þessum mistökum.
Góðir þættir
Hlustandi hringdi:
„Ég vil þakka fyrir þættina
„Með öði-um orðum“ sem Svaka-
málaleikhúsið er með á Bylgj-
unni. Þá vil ég einnig þakka fyrir
þættina „89 á Stöðinni" í Sjón-
varpinu."
Kettlingur
Óska eftir kettling. Vinsamleg-
ast hringið í síma 72961 eftir kl.
16.
Yíkverji skrifar
eir sem vinna við það hvem ein-
asta dag að festa orð á blað
þurfa oft að staldra við og leiða hug-
ann að því, hvaða orð eru heppileg-
ust til að koma hugsuninni til lesand-
ans. Vissulega er hætta á því, að
orðaforðinn verði staðlaður og menn
kjósi helst að flalla um viðfangsefni
sem þeir hafa á valdi sínu, þannig
að þeir þekki bæði efnið og þurfí
ekki að leita langt eftir orðum til
þess að rita um það. Þeir sem skrifa
reglulega um efnahags- eða atvinnu-
mál og notaða staðlað málfar um þau
efni þurfa að róa á ný mið í huga
sínum, þegar þeir fjalla um bók-
menntir, svo að dæmi sé tekið.
íþróttamál á þingfréttum þætti að
sjálfsögðu ekki við hæfi.
Komi málræktarmenn til fundar
við blaðamenn hafa þeir oft á orði,
að æskilegt væri að menn sýndu
meiri hugkvæmni við notkun tung-
unnar. A hinn bóginn fer alls ekki
vel á því, þegar menn eru að segja
fréttir af atburðum eða lýsa einföld-
um staðreyndum að beita stílbrögð-
um. Mestu skiptir að sjálfsögðu að
blaðamaðurinn hafí þau tök á efninu
að hann geti miðlað því hnökralaust
til fjöldans á skömmum tíma. Blaða-
menn verða að bijóta efni sitt til
mergjar, átta sig á höfuðatriðum og
nota þann stíl sem hæfír því hverju
sinni án þess að trufla lesandann
með einhveijum brögðum.
XXX
etta hvarflaði að Víkveija á dög-
unum, þegaf hann hlustaði á
háskólamenn ræða um nýskipan í
fiskveiðum og hvemig bregðast ætti
við, þegar kvótakerfíð hefði skilað
þeirri hagkvæmni í útgerð, að fyrir-
tækin gætu greitt gjald fyrir að taka
fískinn úr sjónum.
Hingað til hafa menn helst notað
orðið auðlindaskattur um þetta gjald.
Það hefur hins vegar fallið í áliti,
einkum eftir að spurt var skýrt og
skorinort, hvort besta leiðin til að
efla sjávarútveginn væri að auka
umsvif ríkisins með skattheimtu. Nú
eru komin til sögunnar orð eins og
kvótagjald, veiðigjald, hráefnisjöfn-
unargjald, veiðileyfisgjald og að-
göngugjald að fiskimiðunum eða
söluskattur á kvóta en þau eiga öll
að ná til þess, hvað eigi að gera við
svonefnda fiskveiðirentu, sem er arð-
ur vegna þeirrar hagkvæmni sem
kvótakerfið á að hafa í för með sér.
XXX
Víkveiji ætlar ekki að blanda sér
í umræðumar um kvótamálin
hér á þessum vettvangi en honum
þykir einsýnt, að spumingin um
orðavalið í deilunum um þau snúist
að sjálfsögðu um það með hvaða
hætti menn telja best að „selja“ hug-
myndir sínar á hugmyndamarkaðin-
um. Er ekki auðveldara að fá skatt-
pfnda þjóð til fylgis við veiðigjald en
auðlindaskatP.
Þannig er þetta í raun og veru
um allt sem biaðamenn eru að bjástra
við á hveijum einasta degi. Þeir geta
kallað fram ólíkar tilfinningar eftir
því, hvaða orð þeir nota eða hvemig
þeir nota þau. Ifyrirsögnin „Daufír
dagar“ á frásögn af sérstöku kynn-
ingarátaki vegna íslensks iðnaðar
kallar að sjálfsögðu á skjót viðbrögð
frá þeim, sem hlut eiga að máli, eins
og sést hefur hér á síðum blaðsins.