Morgunblaðið - 11.05.1990, Blaðsíða 15

MORGUNBLAÐIÐ FÖSTUDAGUR 11. MAÍ 1990
15
kjördæmi var hann 1963-71 en þá
gerðist hann framkvæmdastjóri
Fiskveiðasjóðs Islands og gegndi
þeim störfum 'til 1982.
Sverrir Júlíusson var ekki lang-
skólagenginn eins og sagt er. Hann
gekk í skóla lífsins fyrst og fremst
og nýtti vel það sem honum hafði
verið gefið og hvernig hann var af
Guði gerður.
Það var sama hvort um var að
ræða þjónustuhlutverk, fram-
kvæmdastjórn eða stjórnmálafor-
ystu, allsstaðar var í fyrirrúmi hjá
Sverri velvilji, heiðarleiki og sam-
viskusemi.
Þegar að ævikvöldinu kom og
starfskraftarnir voru ekki þeir sömu,
naut hann frábærrar umönnunar eig-
inkonu sinnar Ingibjargar Þoi-valds-
dóttur frá Þóroddsstöðum í Ilrúta-
firði. Hún hafði jafnan verið hans
styrka stoð oft á tíðum á erfiðum
tímum. Börnin hans níu sem lifa
gátu endurgoldið honum föðurlegu
umhyggju og reyndar fjölskylda hans
öll _sem honum var mjög _kær.
Eg kynntist Sverri Julíussyni á
námsárum mínum en síðar urðum
við nánir samstarfsmenn og vinir.
Það var ánægjulegt og lærdómsríkt
að vinna með honum og mikill var
áhugi hans fyrir hag og velgengni
íbúa Reykjaneskjördæmis.
Þegar nú leiðir skilja kveðja Sjálf-
stæðismenn einn af sínum mætustu
forystumönnum með þakklæti. Reyk-
nesingar þakka honum mikil og
heilladrjúg störf.
Við sendum eiginkonu hans og
ljölskyldu samúðarkveðjur og biðjum
honum Guðs blessunar.
Matthías Á. Mathiesen
Kveðja til afa
Elsku afi okkar, Sverrir Júlíus-
son, er dáinn. Það er erfitt að sætta
sig við það, en svona er gangur
lífsins. Hann lést mánduaginn 30.
apríl á Landspítalanum eftir stutta
legu. Öll munum við sakna afa okk-
ar, en við vitum að honum líður vel
núna, hann var feginn að fá
hvíldina. Afi var búinn að vera mik-
ill athafnamaður allt sitt líf. En
þrátt fyrir athafnasamt líf hafði
hann alltaf tíma fyrir okkur barna-
börnin, og sýndi því mikinn áhuga,
sem við vorum að starfa og fást
við á hveijum tíma. Og þegar eitt-
hvað bjátaði á var hann ávallt tilbú-
inn til þess að hlusta á okkur, og
aðstoða eftir mætti. Afi hringdi oft
og athugaði hvort það væru ekki
allir frískir og allt í lagi með alla.
Okkur þótti hann mjög góður og
skilningsríkur afi og við elskuðum
hann öll. Hann lagði mikla áherslu
á að halda sambandi við barnabörn-
in og barnabarnabörnin og er okkur
minnisstæð 'helgin í Krumshólum
haustið 1986, þar sem flestir af-
komendur hans voru saman komnir
við gleði og leik. Það styrkti fjöl-
skylduböndin, og þær samveru-
stundir munu seint líða okkur úr
minni. Það er okkur mikill styrkur
að hafa átt svona góðan afa.
Guð blessi alla aðstandendur
hans og færi þeim styrk á skilnaðar-
stundu.
Einar Sverrir, Hrönn Ósk,
Jórunn Edda og Jóhann
Helgi.
Kveðja
frá Lionsklúbbnum Þór
Sverrir Júlíusson, fyrrv. um-
dæmisstjóri, alþingismaður og út-
gerðarmaður, andaðist 30. apríl sl.
Hann fæddist í Keflavík 12. októ-
ber 1912. Sonur hjónanna Júlíusar
Björnssonar sjómanns og Sigríðar
Sverrínu Sveinsdóttur. Ætt hans
verður ekki rakin hér, en móðurætt
hans er frá Miðbýli á Skeiðum.
Þegar Sverrir fermdist var sunginn
sálmurinn;
Legg þú á djúpið, þú, sem enn ert ungur,
og æðrast ei, þótt straumur lífs sé þungur
en set þér snemma háleitt mark og mið.
Haf Guðs orð fyrir leiðarstein í stafni
og stýrðu síðan beint í Jesú nafni
á himins hlið. (M. Joch.)
Sverrir lagði snemma á lífsins
djúp. Þegar hann var 15 ára var
laus staða símstöðvarstjóra í
Keflavík. Hann sótti um starfíð og
var valinn úr mörgum umsækjend-
um. En hann varð að hafa ábyrgð-
armann, þar til hann varð fjárráða.
Sýnir það hvað hann hafði strax
mikið álit og traust. Var honum
veitt staðan 1. október 1928 Og
gegndi hann. því starfí til 30. nóv-
emb.er 1940.
Þegar Sverrir tók við starfinu,
gerði hann bæn sína og bað að sér
yrði veitt handleiðsla og styrkur.
Strengdi hann það heit að vera
reglusamur og trúr í starfi, þjóna
með hlýhug og jákvæðu hugarfari,
í þessu starfi svo og öðrum störfum
sem honum kynnu að verða falin á
lífsleiðinni en þau urðu mörg
ábyrgðarstörfin sem Sverrir tók að
sér. Hélt hann ávallt sitt æskuheit.
Hann var bænheyrður. Öll störf
leysti hann vel af hendi og naut í
hvívetna trausts og virðingar. Hann
setti sterkan svip á störf sín og
samtíð.
Sverrir hreifst ungur af ung-
mennafélagshugsjóninni. Hann var
einn af stofnendum Ungmennafé-
lags Keflavíkur, en þar var stofnað
29. september 1929. Formaður fé-
lagsins 1936 til til 1942 og heiðurs-
félagi þess.
Sverrir hóf útgerð 22 ára og var
útgerðarmaður til æviloka. Hann
var stofnandi og framkvæmdastjóri
Hraðfrystihúss Keflavíkur 1942-
1947. Sverrir stofnaði með öðrum
sameignarfélagið Hilmir sf. á Fá-
skrúðsfirði 1962. Hann var forstjóri
Verðlagsráðs sjávarútvegsins 1961
til 1963. Forstjóri Fiskveiðisjóðs
íslands frá 1970 til 1983. í stjórn
Fiskimálasjóðs frá 1947 til 1983
og formaður frá 1951. Hann var
formaður Landssambands íslenskra
útvegsmanna 1944 í 26 ár og heið-
ursfélagi þess frá 1970. Sverrir sat
í bankaráði Landsbankans 1965 til
1968 og átti sæti í bankaráði Seðla-
bankans frá 1969 til 1982. Þar af
formaður í tvö ár. Auk þess sem
hér er getið gegndi hann fjölmörg-
um öðrum trúnaðarstörfum í at-
vinnu og félagsmálum. Átti sæti í
stjórn Sjálfstæðisfélags Keflavíkur
um árabil og formaður þess 1937
til 1941.
Sverrir var í kjöri fyrir Sjálfstæð-
isflokkinn í Reykjaneskjördæmi
1963 og 1967, og hlaut í bæði skipt-
in sæti landskjörins alþingismanns
og sat á Alþingi til 1971.
Sverrir var búsettur í Keflavík
til ársins 1945 en flutti þá til
Reykjavíkur. Sverrir gekk í Lions-
klúbbinn Þór 1967, það var mikil
gæfa að fá hann í Þór og til starfa
fyrir Lionshreyfinguna. Hann varð
strax áhrifamaður í Þór og Lions-
hreyfingunni, leiðandi, leiðbeinandi
og hvetjandi félagi, frá inngöngu í
Þór til hinstu stundar. Hann varð
ritari Þórs 1971 til 1972 og formað-
ur 1975 til 1976. Undir hans leið-
sögn og handleiðslu var gott að
starfa. Sverrir var umdæmisstjóri í
umdæmi 109A 1977 til 1978. Sat
alþjóðaþing Lionsmanna í New
Orleans árið 1977. Árið 1987 var
hann gerður að Meivin Jones-
félaga. Sverrir var sannur lions-
maður. Að leiðarlokum þökkum við
félagar í Þór og Lionshreyfingunni
öll þau góðu störf sem hann vann
fyrir Þór og Lionshreyfinguna.
Samfylgdin með honum var góð,
lærdómsrík og þroskandi. Við heið-
rum best minningu hans með því
að efla starfsemi Þórs og lions-
hreyfinguna. Undirritaður færir
honum persónulegar þakkir fyrir
vináttu og tryggð. Hinn 30. apríl
vissi hann að stundin var komin.
Hann bað fyrir kveðju til Þórsfé-
laga, og kvaddi án kvíða og í ör-
uggri trú á framhaldslíf og endur-
fundi við ástvini.
Við vottum eiginkonu hans, Ingi-
björgu Þorvaldsdóttur, börnum og
öðrum aðstandendum okkar inni-
legustu samúð.
Blessuð sé minning hans.
F.h. Lionsklúbbsins Þórs,
Helgi Olafsson.
SÝNING
á jaðartækjum frá Decision Data
fýrir notendur IBM S/3X og AS/400
Föstudaginn 11. maí verður opið hús hjá Örtölvutækni
í Skeifunni 17, milli kl. 10.00 og 17.00.
' íii ii 111 m n
JlilÉtLLÍ''-' '
Mllií

• 14" skjáir.
• Prentaratengi.
• 80/132 stafir í línu.
• Fjarvinnslustýritæki.
• 8-32 tengingar.
• X.25 eða beinlínutenging.
• Minni í S/36 og AS/400.
• 1-16 MB.
• Eykur hraða og getu.
• Prentari. 400 línur á mín.
• 3 leturgerðir.
• Grafískir möguleikar.
• Prentari. Alit að 1400 línur á mín.
• 7 leturgerðir.
• Grafískir möguleikar.
• Segulband fyrir AS/400.
• 8mm, 2,3 GB á spólu.
• Hraðvirkt og einfalt.
Decision Data (DDCC) er bandarískt stórfyrirtæki sem í 20 ár hefur framleitt
viðurkennd jaðartæki fyrir IBM tölvur á mjög hagstæðu verði. Örtölvutækni hefur selt og
þjónustað DDCC búnað í rúmt ár og á þeim tíma selt yfir 300 skjástöðvar! Þessi góða
reynsla hefur hvatt okkur til þess að auka úrvalið af jaðartækjum frá DDCC. Líttu inn til
okkar og kynntu þér verð og kosti þessara tækja.
ÖRTÖLVUTÆKNI
Tölvukaup hf., Skeifunni 17, 108 Reykiavík.
Sími 687220, Fax 687260.