Morgunblaðið - 11.05.1990, Blaðsíða 48

' í
Útlendingaeftirlitið:
Ungverskum raíVirkj-
*um vísað úr landi
Útlendingaeftirlitið vísaði í gær fimm ungverskum rafvirkjum úr landi
eftir að upp komst að þeir höfðu unnið rafiðnaðarstörf við uppsetn-
ingu verksmiðju Stálbræðslunnar í Haftiarfirði án þess að hafa atvinnu-
leyfi hér á landi. Mennirnir fara af landi brott á morgun, laugardag.
Það var Félag íslenskra rafvirkja
sem vakti athygli Útlendingaeftirlit-
isins á þessum brotum. Guðmundur
Gunnarsson, formaður félagsins
sagði í samtali við Morgunblaðið
hafa haft fregnir af því fyrr í vetur
að rafiðnaðarmenn væru að störfum
í Stálbræðslunni en við eftirgrenslan
hefði því verið neitað af stjórnar-
formanni fyrii-tækisins. Hann hefði
síðan fyrir þremur til fjórum vikum
Jmaft samband við félagið tii að kanna
hverjar undirtektir það myndi fá hjá
félaginu ef sótt yrði um atvinnuleyfi
fyrir rafiðnaðarmenn og verið tjáð
að vegna fremur slæms atvinnu-
ástands hjá rafiðnaðarmönnum yrði
slíkri beiðni að líkindum hafnað.
Guðmundur sagði að í síðustu viku
hefði hann síðan haft fregnir af því
að Ungverjarnir væru við rafiðnað-
arstörf. Hann hefði farið á vinnu-
staðinn og þá komið í ljós að sú var
raunin. Þá hefði verið kannað hjá
félagsmálaráðuneytinu hvort sótt
hefði verið um atvinnuleyfi, en svo
hefði ekki verið og þá hefði verið
haft samband við Utlendingaeftirlit-
ið.
Félagsmálaráðuneytið gefur út
atvinnuleyfi eftir að hafa leitað
umsagnar viðkomandi verkalýðsfé-
lags. Guðmundur sagði að það hefði
aldrei tíðkast að erlendir rafiðnaðar-
menn hefðu unnið við uppsetningu
verksmiðja hér. Þannig hefðu
íslenskir rafvirkjar séð um uppsetn-
ingu búnaðar í álverinu, í Grundar-
tanga og í öðrum tilvikum undir leið-
sögn erlendra eftirlitsmanna, enda
þyrfti þekking til áð viðhalda búnað-
inum að vera til í landinu.
*
Far- og fískimannasamband Islands:
"íleynt til þrautar að ná
samningum á næstunni
STJÓRN og samninganefhdir fiskmannafélaga Far- og fiskimannasam-
bands íslands samþykktu í gær að reyna til þrautar að ná kjarasamn-
ingum íram til 21. maí. Gangi það ekki eða gerðir samningar verða
felldir hefur stjórnin heimild til boðunar verkfalls.
Þá hefur verið ákveðinn for-
mannafundur Sjómannasambands
íslands 21. maí og er gert ráð fyrir
að menn komi þangað með umboð
til aðgerða, en til þess þarf að kalla
stjórnir og trúnaðarmannaráð félag-
anna saman til funda. Eftir almenna
félagsfundi hafa þær heimildir til
verkfallsboðunar í höndunum.
í samþykkt fundar FFSÍ segir að
reynt skuli til þrautar að ná kjara-
samningum við Landsamband
íslenskra útvegsmanna til 21. maí
með mögulegum viðbótum við samn-
ing ASI og VSÍ.
Eyrarbakki og Stokkseyri:
50 þús. rúmmetrar
af grjóti í vamargarða
Selfossi.
TILBOÐ í nýja sjóvarnargarða á Eyrarbakka og Stokkseyri verða
opnuð 15. maí. Gerðir verða 680 metra grjótgarðar í hvoru þorpi
framan við byggðina. 50 þúsund rúmmetrar af grjóti fara í garðana
sem verða svipaðir og nýi garðurinn vestest á Eyrarbakka.
Ekki fékkst nægt Ijármagn til
að reisa samfelldan garð framan
*\rið þorpin heldur verða teknir
verstu kaflarnir. A næsta ári er
gert ráð fyrir að bæta við garðana.
Garðarnir verða úr stórgrýti sem
tekið verður í landi Hrauns í Olf-
usi. Garðamir verða þannig gerðir
að aldan á að ganga inn í þá og
deyja eins og sagt er. Garðveggur-
Sigurjón Bjarnason við sand-
bakka við gamla varnargarðinn.
inn sem snýr að byggðinni verður
með grasþekju og einnig verður
gras ofan á garðinum.
Framan við gamla varnargarðinn
eru grasi grónir sandbakkar sem
áður náðu langt fram í fjöru en eru
nú mun minni. Eldri menn á Eyrar-
bakka telja að vörn hafí verið í
þessum bökkum áður fyrr. Sandur
hafi hins vegar hætt að berast aust-
ur með fjörunni þegar hann komst
ekki lengur í gegnum höfnina á
Eyrarbakka. „Það er best að
sprengja höfnina í burtu svo sand-
urinn eigi greiða leið austur með,“
sagði Sigurjón Bjarnason Eyrbekk-
ingur. „Það er hættulegt að hefta
náttúruna í því sem hún vinnur
vel. Vikurinn byggði hér áður upp
það mikla bakka milli flóða að þau
gerðu ekki eins mikinn usla og í
vetur. Þetta er ekki spurning, höfn-
in er hvort eð er ónýt,“ sagði Sigur-
jón Bjarnason.
Hjá Vita- og hafnamálastofnun
er talið að ef garðurinn fyllist af
sandi bijóti hann öldu ekki eins vel.
— Sig. Jóns.
Þorgerður Einarsdóttir með nýfædda dóttur sína, sem er fyrsta
stúlkubarnið, sem bætist í hóp Grímseyinga í rúm sjö ár.
Grímsey:
Fyrsta stúlkubam-
ið í rúmlega sjö ár
EFTIR rúmlega sjö ára bið og 15 stráka í röð bættist Ioks
stúlkubarn í hóp Grímseyinga í gærmorgun. Foreldrar stúlk-
unnar, sem vóg 3.520 grömm og var 51 sentímetri að lengd,
eru Þorgerður Einarsdóttir og Ottar Jóhannsson en fyrir eiga
þau fimm ára dreng.
Stúlkubarnið kom í heiminn á
Fjórðungssjúkrahúsinu á Akur-
eyri klukkan 8.38 í gærmorgun.
Þorgerður sagðist hafa lúmskt
gaman af því að hafa eignast
stúlkubarnið, sem eyjarskeggjar
hefðu beðið svo lengi eftir. „Ég
hugsaði hins vegar lítið um það
- mest um hvort allt yrði í lagi,“
sagði hún í samtali við Morgun-
blaðið.
Alþjóðleg finmerkjasýning:
Þrír Islend-
ingar voru
verðlaunaðir
Laugarhóll.
ÞRIR íslendingar fengu í gær-
kvöld verðlaun á alþjóðlegri
frímerkjasýningu í London.
Hálfdán Helgason, formaður
Landssambands íslenskra frímerkja-
safnara fékk gullverðlaun fyrir safn
sitt á ísjenskum póstbréfsefnum.
Páll H. Ásgeirsson, flugumferðar-
stjóri hlaut gyllt silfur fyrir safn um
upphaf íslenskrar flugsögu. Þá sýnir
Sigurður H. Þorsteinsson bókina ís-
lensk frímerki, en ekki var ljóst í
gær hvaða verðlaun hann hlaut.
SHÞ.
Islandsbanki:
Vextir af sér-
kjarareikn-
ingum hækka
VEXTIR af sérkjarareikningum
íslandsbanka hækka í dag um
0,5-1%. Þannig hækka vextir af
óverðtryggðum innstæðum á
Sparileið 2 úr 9% i 10% og vextir
af verðtryggðum innstæðum
hækka úr 2,5% i 3,5%. Sé upphæð-
in hærri en 500 þús. greiðist 0,5%
álag á alla fjárhæðina. Á Sparileið
1 hækka vextir úr 9% í 9,5% af
óverðtryggðum innstæðum en úr
2,5% í 3,25% af verðtryggðum.
Vaxtahækkanir á Sparileiðunum
tengjast endurskoðun á formi þeirra.
Innstæður á eldri skiptikjarareikn-
ingum bankanna ijögurra sem stóðu
að íslandsbanka verða færðar yfir á
Sparileiðir 1. júlí. Breytingar á út-
lánsvöxtum verða ekki í dag hjá
bönkum og sparisjóðum eftir því sem
næst verður komist, en aðstæður
hafa skapast til raunvaxtahækkunar
eftir hækkun vaxta af spariskírtein-
um á Verðbréfaþingi. Að mati banka-
manna gætir nú ósamræmis milli
kjörvaxta af verðtryggðum útlánum
sem eru 6,5%,eg vaxta spariskírteina
á Verðbréfaþinginu en þeir hækkuðu
úr 6,6% í 6,8% í síðustu viku.
Játningar í Stóragerðismálinu:
Vinkona annars grun-
uðu vissi af ránsförinni
Tók einnig þátt í að eyða ránsfengnum af bensínstöðinni
SAMBÝLISKONA 28 ára manns, sem er í haldi grunaður um morð-
ið við Stóragerði þann 25. apríl, hefur játað að hafa vitað að hann
og 34 ára félagi hans ætluðu að brjótast inn eða ræna á bensínstöð
þegar þeir fóru að heiman morðdaginn. Þá hefur hún einnig sagst
hafa tekið þátt í að eyða ránsfengnum, þrátt fyrir að hún hafi vitað
hvaðan peningarnir væru. Sambýlismaður hennar neitar hins vegar
allri aðild að málinu, en hinn maðurinn hefúr játað að hafa verið á
morðstaðnum.
Að morgni miðvikudagsins 25.
apríl fannst starfsmaður Olíufélags-
ins hf. látinn á vinnustað sínum,
bensínstöðinni við Stóragerði og var
hann með stungusár og mikla
höfuðáverka. Odæðismennirnir
komust undan á bíl hins látna, með
um 300 þúsund krónur í reiðufé,
auk ávísana. Ávísanirnar fundust í
bílnum, sem hafði verið skilinn eft-
ir á bílastæði við Vesturgötu. Þann
30. apríl handtók lögreglan þijá
karlmenn og eina konu, grunuð um
aðild að málinu. Einum mannanna
hefur verið sleppt.
34 ára maður, Snorri Snorrason,
hefur játað að hafa verið á morð-
staðnum. Snorri er síðast skráður
til heimilis að Hverfisgötu í
Reykjavík, en hann bjó á Smiðju-
stíg ásamt hinu fólkinu. Hann hefur
starfað á bensínstöðvum Olíufélags-
ins hf., meðal annars í Stóragerði,
og þekkti hinn látna.
Tvítug sambýliskona 28 ára
mannsins hefur við yfirheyrslur
borið að hafa vitað, þegar Snorri
og sambýlismaður hennar fóru að
heiman að morgni 25. apríl, að þeir
ætluðu að fremja innbrot eða rán
á bensínstöð. Hún hefur gengist við
að hafa tekið þátt í að eyða ráns-
fengnum, sem var um 300 þúsund
krónur. 24 ára vinkona Snorra
Snorrasonar er grunuð um svipaða
hlutdeild í málinu. Hún hefur verið
úrskurðuð í gæsluvarðhald til 18.
maí. Sökum sjúkleika er hún í gæslu
á heimili foreldra sinna.