Morgunblaðið - 15.11.1990, Blaðsíða 29

MORGUNBLAÐIÐ FIMMTUDAGUR 15. NÓVEMBER 1990
29

Sovéska þingið:
Neyðarfundur um
L efnahagskreppuna
Moskvu. Daily Telegraph.
w REIÐI yfir vaxandi sundrungu innan Sovétrikjanna og óánægja með
9 minnkandi völd sovéska þingsins, Æðsta ráðsins, settu svip sinn á störf
þess í gær. Margir þingmcnn heimtuðu svör við því hvort það þjónaði
einhverjum tilgangi að þingið héldi áfram störfum sínum þegar lýðveld-
in virtu lög þess að vettugi.

*
Þetta var fyrsti fundur þingsins
eftir hlé vegna byltingarafmælisins,
7. nóvember og svo virtist sem þing-
mennirnir hefðu í fríinu fengið að
kenna á vaxandi óánægju kjósenda
sinna með efnahagskreppu'na í
landinu. Þeir kröfðust þess að efnt
yrði til neyðarfundar um framtíð
landsins. líann verður haldinn á
morgun og féllst Míkhaíl Gorbatsjov,
forseti Sovétríkjanna, á að flytja þar
ávarp.
Er þetta hafði verið ákveðið hóf-
ust lokaðir fundir á þinginu. Slíkt
er yfirleitt ekki gert nema til ac^
ræða viðkvæmustu málefni Sov-
étríkjanna, svo sem deiluna um hér-
aðið Nagorno-Karabakh í Azerbajd-
zhan.
Borís Níkolskí, þingmaður frá
Leníngrad, sagði að þingið stæði
frammi fyrir „stórslysi". „Almenn-
ingur ber ekkert traust til stjórnar-
innar og við því verðum við að bregð-
ast á einhvern hátt,“ sagði hann.
Þingmennirnir voru einnig óá-
nægðir með að Borís Jeltsín, forseti
Rússlands, skyldi skýra rússneska
þinginu frá viðræðum sínum við
Gorbatsjov á meðan sovéska þingið
fengi ekkert að vita um þær. Jeitsín
skýrði frá því í fyrradag að Gorb-
atsjov hefði fallist á að mynda nokk-
urs konar þjóðstjórn, meðal annars
með þátttöku fulltrúa Rússlands.
Talsmenn Sovétstjórnarinnar vildu
ekki tjá sig um hvort þetta væri rétt.
Gorbatsjov lofaði að skýra frá
fundinum með Jeltsín í ræðu sinni á
morgun. Hann hyggst einnig ræða
skoðanir sínar um nýjan samning
varðandi verkaskiptingu milli Sovét-
stjórnarinnar og stjórnvalda í lýð-
veldunum fimmtán. Þar til sá samn-
ingur hefur verið undirritaður telja
margir þingmenn ógjörning að
stjórna Sovétríkjunum.
Mótframboð gegn Thatcher;
Heseltine hefur í
fjögur ár stefnt
á leiðtogastöðuna
Lundúnum. Reuter.
MICHAEL Heseltine, fyrrum
varnarmálaráðherra Bretlands,
sem tilkynnti í gær framboð sitt
gegn Margaret Thatcher forsæt-
isráðherra í leiðtogakosningum
Ihaldsflokksins, hefur beðið
árum saman eftir tækifæri til að
bjóða sig fram í stöðuna.
Heseltine fæddist 21. mars 1933
og er kominn af millistéttarfólki í
Suður-Wales. Hann nam við Ox-
ford-háskóla, þar sem hann var
forseti málfundafélags, og var kjör-
in á þing 1966.
Heseltine gerðist útgefandi eftir
að hafa erft afa sinn og efnaðist
mjög eftir það. Hann hafði til að
mynda einkabílstjóra, sem ók
Jagúar-bifreið hans, er hann var
kallaður í herinn 25 ára að aldri.
Hann varð umhverfismálaráð-
herra í fyrstu stjórn Thatcher 1979
og varð brátt þekktur fyrir hörku
og aðhaldssemi. Fjórum árum síðar
var hann gerður að varnarmálaráð-
herra og átti þá í útistöðum við
andstæðinga kjarnorkuvopna, sem
börðust gegn því að meðaldrægum
kjarnorkueldflaugum Bandaríkja-
manna yrði komið fyrir á Bret-
landi. Hann sagði af sér embættinu
1986 vegna ágreinings við Margar-
et Thatcher um breska þyrlufyrir-
tækið Westland. Hún var hlynnt
því að Bandaríkjamenn keyptu fyr-
irtækið en ,hann vildi hins vegar
samvinnu við evrópsk fyrirtæki.
Haft var eftir Thatcher fyrir ára-
tug að hún bæri takmarkað traust
til Heseltines. Hann var hins vegar
sagður hafa talað um hana sem
„konuhelvítið“ og litið á stefnu
hennar í efnahagsmálum sem
„bijálæði".
Heseltine er sagður hafa sett sér
það takmark áður en hann útskrif-
aðist frá Oxford að verða forsætis-
ráðherra áður en hann næði 55 ára
aldri. Hann er nú 57 ára og Thatch-
Michael Heseltine Reuter
er, 65 ára, hefur aldrei staðið jafn
illa að vígi.
Heseltine hefur verið talinn
líklegt leiðtogaefni íhaldsflokksins
frá því hann sagði skilið við stjórn
Thatcher fyrir fjórum árum. Hann
hefur ekki farið dult með að hann
sæktist eftir leiðtogastöðunni en tók
ávallt fram að hann vildi ekki bjóða
sig fram gegn Thatcher. Hann
myndi ekki gefa kost á sér fyrr en
hún drægi sig í hlé.
Nú segist hann liins vegár hafa
neyðst til að skipta um skoðun.
Hefði hann ekki gert það ætti hann
á hættu að verða sakaður um hug-
leysi ellegar falla í skuggann.
Samkvæmt nýrri skoðanakönnun
nýtur Heseltine meiri vinsælda en
Thatcher en þó er hann sagður eiga
eftir að ávinna sér fullt traust
flokksbræðra sinna. Sumir telja
hann óútreiknanlegan og of glanna-
legan.
GRANIT’
MAXIS
FLEXIS
AXIS
AXIS HUSGÖGN HF.
SMIÐJUVEGI 9, KÓPAVOGI
SÍMI: 43500
ISLENSKT HUSGAGNAFYRIRTÆKI

SEM STENDUR UPP ÚR
... ...............
Úlpumar frá luhta eru komnar
Opið
laugardag
til kl. 16.00
SPORTBUÐIN
ÁRMÚLA 40. SÍMI83555