Morgunblaðið - 13.04.1991, Síða 11

rccr ,Ttfl<TÁ .81 JlIOAflHAÍIUA,I 2Kí AJflMiIOHOM
MORGÚNBLAÐIÉ) LAUGARDAGUR 13. APRIL 1991
íi
Lj óðatónleikar
________Tónlist_____________
Jón Ásgeirsson
Ásdís Kristmundsdóttir sópran-
söngkona og Kristinn Örn Kristins-
son píanóleikari héldu tónleika í
Hafnarborg sl. fímmtudag^ Þetta
voru fyrstu einkatónleikar Ásdísar
en hún hefur nýlega lokið frám-
haldsnámi í Bandaríkjunum. Á efn-
isskránni voru söngverk eftir Moz-
art, Schubert, Musgrave, Faure og
Strauss.
Ásdís er vel kunnandi söngkona
og hefur fallega rödd sem hún beit-
ir af smekkvísi. Öll viðfangsefnin
voru flutt af öryggi og var túlkun
hennar mjög yfirveguð en ávallt
inniieg. Það eina sem á vantaði var
meiri breidd í mótun tónsins og
skarpari framburð, sérstaklega er
varðar skil á endahljóðum orða.
Bestu Schubert-lögin voru Die
Forelle og Du bist die Ruh en það
síðarnefnda var flutt af miklum
innileik. Barna-söngvasvítan eftir
Theu Musgrave er skemmtileg,
unnin sem leikræn barnafantasía
og var flutt af þokka, einkum Willie
Webster og hin örstutta næturbæn
barnsins.
Clair de lune og Mandoline, eftir
Faure voru mjög fallega flutt og
þar naut sín ljóðræn og viðkvæm
rödd Ásdísar sérlega vel. Leikrænu
lögin eftir Strauss, sem að nokkru
minna á sönglög Wolfs, þarf að
leika mun sterkar en Ásdís gerði
og með sérlega vel útfærðum texta
og þó margt væri mjög fallega
gert, skortir hana leikreynslu til
þess að gera þessum vandasömu
lögum full skil. Af Strauss-lögun-
um var Standchen (Mach’ auf)
mjög vel flutt og sömuleiðis Cac-
ilie. Ásdís er þegar vel kunnandi
söngkona og fór sannarlega vel af
stað á sínum fyrstu tónleikum,
bæði hvað snertir vönduð vinnu-
brögð og fallegan flutning.
Sérstaka athygli vakti undirleikur
Kristins Arnar Kristinssonar, en
þetta er í fyrsta sinn sem undirrit-
aður heyrir til hans á tónleikum.
Hér er á ferðinni einstaklega góður
undirleikari, þar sem saman fer
falleg túlkun og góð leiktækni, sem
kom t.d. sérlega vel fram í Stand'-
chen eftir Strauss og reyndar öllum
viðfangsefnum tónleikanna.
Tollfrjáls farangur farmanna:
Kílótala mat-
væla endurskoðuð
FARMONNUM og öðrum sjómönnum er nú heimilt að taka með sér 9
kíló af matvælum úr hverri utanferð án þess að greiða toll. Fjármála-
ráðherra hcfur nýlega undirritað reglugerð um þetta efni.
Þessi tala var hækkuð frá ákvæð-
um reglugerðar sem sett var fyrr á
árinu um toilamál ferðamanna og
farmanna. Samtök farmanna og ann-
arra sjómanna hefa bent á að litið
sé á þessar reglur sem hluta af al-
mennum kjörum sjómanna, og mót-
mælt snöggum breytingum á þeim
sem röskun á kjörum sínum. Fjár-
málaráðherra hefur fallist á að taka
þurfi tillit tii þessara raka.
Kílótalan er þó ekki eins há nú
og áður var, enda er ljóst að þróun
í tollamálum og alþjóðaviðskiptum
gengur í gagnstæða átt við þá skipan
sem hér hefur viðgengist. Verði af
samningum um Evrópskt efnahags-
svæði er þannig að vænta verulegra
breytinga á íslenskum reglum um
þetta efni.
Um matvæli gilda hér með þær
reglur að ferðamanni er heimilt að
taka með sér 3 kíló af matvælum
án tollgreiðslna en farmaður má taka
með sér 9 kíló úr hverri ferð, enda
hafi ferðin staðið alls í 15 daga eða
lengur.
Bókasafn Kópavogs:
Jón Júlí-
us sýnir
dúkprent
JÓN Júlíus Ferdinandsson sýnir
dúkprent í Bókasafni Kópavogs
að Fannborg 3-5. Sýningin er
opin frá kl. 10-21 mánudaga til
föstudaga og 11-14 á laugardög-
um. Henni lýkur 1. maí.
Jón Júlíus hefur verið búsettur í
Kópavogi í 35 ár. Hann nam við
Myndlista- og handíðaskólann og
tók þráðinn þar upp að nýju árið
1975 og lauk námi í teiknikennslu,
listmálun og dúkprenti. Hann hefur
áður haldið einkasýningar árin
1962, 1985 og 1988.
Danskir vordagar
í Norræna húsinu:
Fyrirlestur
um myndlist
0YSTEIN Hjort heldur sunnu-
daginn 14. apríl kl. 17.00 fyrir-
lestur með litskyggnum um
myndlist í Danmörku á 9. ára-
tugnum. Oystein Hjort er list-
fræðingur og listgagnrýnandi
Politiken. Hann er lektor í lista-
sögu við Kaupmannahafnarhá-
skóla.
0ystein Hjort hefur skipulagt
sýningar og annast kynningar á
danskri myndlist erlendis. Fyrirlest-
urinn á sunnudaginn er sá fyrsti í
röð fyrirlestra um myndlist á Norð-
urlöndum og verða fyrirlestrar um
myndlist í Noregi, Svíþjóð og Finn-
landi fluttir 21. apríl og 5. maí.
Opið Þjóð-
leikhús
ÞJÓÐLEIKHÚSIÐ verður opið
almenningi frá kl. 14.00-17.00
laugardaginn 13. april. Þar gefst
mönnum kostur á að skoða þær
breytingar sem gerðar hafa ver-
ið á húsinu.
Starfsmenn leikhússins munu
taka á móti gestum og skýra breyt-
ingar og lagfæringar. Einnig gefur
að líta sýningu á teikningum Húsa-
meistara ríkisins vegna seinni
áfanga framkvæmda við Þjóðleik-
húsið.
(Fréttatilkynning)
Ritstjórnarsíminn er 69 11 OO
Gjörbreyttur og glæsilegur
Verð frá kr. 869.000,- stgr.