Morgunblaðið - 13.04.1991, Side 17

MORGUNBLAÐIÐ LAUGARDAGUR 13. APRIL 1991
17

Tafla 1:
Hækkun tekna
ríkissjóðs,
í milljónum króna
á árabilinu 1988-91
(1991 skv. fjárlögum)
m.v. hlutfall tekna af
VLF árið 1987
5.924
4.476
millj.kr.
2.711
Yfirdráttur og dræm sala
spariskírteina
Hallarekstur ríkissjóðs það sem.
af er þessu ári er mun meiri en á
sama tíma í fyrra. Þetta er stað-
fest með 8,6 milljarða yfirdrætti
ríkissjóðs í Seðlabanka í marslok.
Yfirdrátturinn var enn hærri fyrr
í mánuðinum en mun væntanlega
lækka við skil á virðisaukaskatti í
þessum mánuði. Þessi mikli yfir-
dráttur skýrist að hluta af innlausn
á ríkisvíxlum og spariskírteinum,
sem nemur 2.200 milljónum króna
umfram sölu. Einnig ber að geta
þess að 1.200 milljónir króna eru
vegna þess að ríkissjóður þurfti
að útvega Byggingarsjóði ríkisins
lán til að greiða skuld hans vegna
útlána á sl. ári.
Þessi staða skýrir betur en flest
annað þann tvískinnung ráðherr-
ans að vilja hvorki viðurkenna
nauðsyn þess að hækka vexti til
að örva sölu skuldabréfa né heldur
að viðurkenna þá staðreynd að rík-
issjóður verði að yfirdraga í Seðla-
banka langt umfram eðlileg mörk.
Haldi þessu áfram er loku fyrir
það skotið að fjárþörf ríkissjóðs
verði mætt á innlendum lánsfjár-
markaði eins og ráðherra hafði
stór orð um í þinglok.
Að lokum
Að framansögðu sést, að staða
ríkisfjármálanna er mjög slæm.
Þrátt fyrir skattahækkanir er mik-
ill hallarekstur á ríkissjóði. Tekin
eru erlend lán, þótt annað sé látið
í veðri vaka. Vaxandi innlend láns-
ijárþörf veldur áframhaldandi
raunvaxtahækkunum. Þetta eru
því miður þær staðreyndir, sem við
blasa, þótt ráðherra kjósi að kalla
það rangfærslur Sjálfstæðisflokks-
ins. Aróðursrit kostað af fjármála-
ráðuneytinu og auglýsingar Al-
þýðubandalagsins breyta þar engu
um.
Höfundur er varaformaður
Sjálfstæðisflokksins.
Hver er stefna
slj ómmálaflokkanna
í áfengismálum?
„Nú skora ég á Alþingi
að marka sér nýja
áfengisstefnu, þannig
að árið 2025 þyki það
skömm að láta sjá á sér
vín, þannig að þá hætti
sjálfkrafa hinn mikli
vínaustur af almannafé,
sem við skattborgar-
arnir höfum verið látn-
ir greiða í veislur ráð-
herra og sveitarstjórn-
armanna.“
eftir Leif Sveinsson
1. Um hálfrar aldar skeið hefur
það verið stefna stjórnvalda að
byggja fjárhagslega afkomu sína á
veikleika þegnanna. Sala áfengis
og tóbaks hefur verið ein helsta
tekjulind ríkissjóðs. Nú hafa áhuga-
menn um áfengisvarnir sannað, að
allur þessi ágóði rennur beint út í
heilbrigðiskerfið til hjálpar þeim,
sem hafa orðið Bakkusi að bráð.
2. í blöðum og tímaritum eru
margar síður uppfullar af myndum
úr samkvæmum, þar sem allir halda
á vínglasi, sem skattborgarinn
greiðir úr sínum vasa úr launaum-
slaginu. Svo undrast menn, að ungl-
ingarnir reyni að líkjast þessum
samkyæmishetjum, þeir hugsa með
sér: Ég verð aldrei að manni, fyrr
en kemur mynd af mér í dagblaði
með vínglas í hendi. Þeir taka því
stefnuna beint á Bakkus.
3. Menn virðast ekki hafa lært
neitt af þeim harmleik, þegar for-
seti Hæstaréttar var dæmdur frá
embætti fyrir að misnota rétt sinn
til áfengiskaupa.
4. Það þarf að breyta almenn-
ingsálitinu, ekki með neinum lát-
um, heldur láta það síast inn í
undirmeðvitund þjóðarinnar, að
neysla áfengis er sóðaskapur,
sem ávallt leiðir til ófarnaðar.
5. Á fyrra helmingi þessarar ald-
ar unnum við sigur á berklaveikinni
og vöktum á okkur heimsathygli
fyrir endurhæfingu berklasjúklinga
og byggingu Reykjalundar.
6. Við höfum nú einnig vakið á
okkur athygli fyrir baráttuna fyrir
reyklausu landi og er stefnan sett
á reyklaust land árið 2000.
7. Sameinuðu þjóðirnar hafa
skorað á aðildarríki sín, að minnka
áfengisneyslu um 25% fyrir næstu
aldamót, árið 2000.
8. Nú skora ég á Alþingi að
sér nýjá áfengisstefríu,
þannig að árið 2025 þyki það
skömm að láta sjá á sér vín, þann-
ig að þá hætti sjálfkrafa hinn mikli
vínaustur af almannafé, sem við
skattborgararnir höfum verið látnir
greiða í veislur ráðherra og sveitar-
stjórnarmanna.
Svar óskast fyrir 18. apríl nk.
frá formönnum stjórnmálaflokk-
anna.
Höfundur er iögfræðingvr í
Reykjavík.
LÁN OG STYRKIR
TIL TÆKNINÝJUNCA OC ANNARRA
UMBÓTA í BYCCINGARIÐNAÐI
í 11. gr. laga nr. 86/1988, meösíðari breytingum,
segir m.a. aö húsnæðismálastjórn hafi heimild til
þess að veita lán eða styrki til tækninýjunga og
annarra umbóta í byggingariðnaði.
í 14. gr. segir m.a. að heimilt sé að veita lán til
þess að gera tilraunir með tækninýjungar og til
annarra umbóta, sem leitt geta til lækkunar á
byggingarkostnaði, enda fylgi staðfesting á því að
umsóknin sé ekki lánshæf hjá sérsjóðum
iðnaðarins. Þar segir jafnframt, að heimilt sé að
hafa fyrirgreiðslu þessa í formi styrkja.
í 15. gr. sömu laga segir, að fjárhæð láns og
lánstíma skuli ákveða hverju sinni af húsnæðis-
málastjórn, með hliðsjón af kostnaði við að koma
nýjunginni í notkun, svo og mikilvægi hennarfyrir
byggingariðnaðinn.
Með vísan til þessa er hér með auglýst eftir
umsóknum um ofangreind lán og styrki. Þær
geta verið frá einstaklingum, fyrirtækjum og
stofnunum.
í umsókn skal m.a. gera grein fyrir meginefni
nýjungar þeirrar eða umbóta sem um er að ræða,
á hverju stigi málið er, hverju fé hefur þegar verið
varið til þess, hver er áætlaður heildarkostnaður
við það, hvenær ætla má að það verði komið á
'lokastig, hvert gildi það er talið hafa fyrir þróun
húsnæðis- og byggingarmála; og annað það, sem
talið er máli skipta.
Umsóknarfrestur er tll 11. maí nk.
Umsóknareyðublöð fást á skrifstofum
stofnunarinnar að Suðurlandsbraut 24 í
Reykjavík.
ReyKjavík, 11. apríl 1991.

SK] HIISNÆÐISSTOFNUN RÍKISINS
LJ SUÐURLANDSBRAUT 24 ■ 108 REYKJAVlK • SlMI 696900
SERHONNUÐ S TIGAHUSA TEPPI
5 ára bletta-ábyrgð.
Mælum, rífum gömlu teppin af,
gerum tilboð, leggjum nýju teppin
fljótt og vel.
TEPPABUÐIN