Morgunblaðið - 13.04.1991, Page 27

MORGUMBLAUIÐ MUGAKDAGUK Vi.,miÍL 19ftl,
Fjölbrautaskóli Suðurnesja fær fjármagn til viðbyggingar:
Morgunblaðið/Júlíus
Slett úrklaufunum á dimmissjón
Nú er tími dimmissjóna í framhaldsskólum og útskriftaraðallinn slettir úr klaufunum áður en sezt er
niður við síðustu próflestrartörnina.. Hér eru hressir dimmittendí úr Menntaskólanum við Sund í gervi
ostapopps og hetjunnar Zorro, sem að mánuði liðnum taka vonandi allir við prófskírteininu, háalvarlegir,
stífír og stroknir.
„Höfum orðið að nota alla hana-
bjálka og hveija kjallaraholu“
- sagði Hjálmar Árnason skólameistari fjölbrautaskólans
Keflavík.
„UNDANFARIN ár höfum við orðið að nýta alla hanabjálka og
hverja kjallaraholu fyrir starfsemi skólans en með þessum samn-
ingi verður bylting í húsnæðismálum okkar,“ sagði Hjálmar Árna-
son skólameistari Fjölbrautaskóla Suðurnesja í gær þegar fjármála-
ráðherra, Ólafur Ragnar Grímsson, menntamálaráðherra, Svavar
Gestsson, og fulltrúar sveitarfélaganna 7 á Suðurnesjum undirrit-
uðu samning um fjármögnun á rúmlega 3.000 fermetra viðbygg-
ingu við skólann sem verður á 3 hæðum. Undirritun samkomulags-
ins fór fram á „sal“ að viðstöddum fjölda gesta, alþingismönnum,
sveitarstjórnarmönnum, kennurum og nemendum.
Framlag ríkisins er 179 milljón-
ir sem á að greiðast á 5 árum og
eru um 60% af áætluðum bygging-
arkostnaði. Hjálmar Árnason sagði
að nú þegar loforð um fjármagn
lægi fyrir yrði þegar hafist handa
með bygginguna og sagðist bjóða
Öllum viðstöddum í te 1. september
1992. Hjálmar sagði að frá stofnun
skólans árið 1976 hefði húsakostur
hans ávallt verið þröngur og segja
mætti að góð samlíking væri að
15 ára unglingur hefði gengið í
sömu buxunum frá því að hann
var 2ja ára. Nú horfðu málin öðru
vísi við því nú ætti að skraddara-
sauma föt á þennan sama ungling.
Nýja viðbyggingin verður við
skólann vestanverðan og sagði
Hjálmar að með tilkomu hennar
væri húsnæðisþörfinni væntanlega
fullnægt næstu 20-25 ár. í við-
byggingunni verða 10-12 skóla-
stofur, mötuneyti, samkomusalur
og aðstaða fyrir allar verknáms-
deildirnar sem nú væru í 3 húsum
við Iðavelli. I vetur hafa um 600
nemendur stundað nám við Fjöl-
brautaskóla Suðurnesja í dagskóla.
BB
Skemmtun Alþýðubandalagsins:
KK-band auglýst
fyrir misskilning
KRISTJÁN Krisljánsson tónlistarmaður vill taka fram vegna
auglýsingar frá Alþýðubandalaginu, þar sem auglýst er að hljóm-
sveit hans, KK-band, leiki á flokksskemmtun í Þrúðvangi í Mos-
fellssveit í kvöld, að hljómsveitarmeðlimir styðji engan pólitískan
flokk opinberlega og muni ekki leika á skemmtuninni.
Kristján sagði í samtali við
Morgunblaðið að hljómsveitin
hefði verið beðin um að leika í
Mosfellssveit, en sér hefði ekki
verið greint frá því að þar væri á
ferðinni samkoma á vegum Al-
þýðubandalagsins, Auk þess væri
hljómsveitin að leika á Púlsinum
í kvöld og gæti ekki verið á tveim-
ur stöðum í einu, en sér hefði
upphaflega skilizt að hann ætti
að spila fyrr um daginn.
Þorlákur Kristinsson, eða Tolli,
sem sá um skipulagningu skemmt-
unarinnar, sagði í samtali við
Morgunblaðið að sér hefði láðst
að greina Kristjáni Kristjánssyni
frá því, er hann bað hann um að
koma og spila, að skemmtunin
væri á vegum Alþýðubandalags-
ins. Um sín mistök væri að ræða
og sér þætti ákaflega fyrir þeim.
Hann sagðist skilja vel að menn
vildu ekki taka afstöðu með
pólitískum flokkum í kosningabar-
áttunni.
Morgunblaðið/Björn Blöndal
Samningar um fjármögnun viðbyggingar við Fjölbrautaskóla Suður-
nesja undirritaðir í gær af ráðherrum og fulltrúum sveitarfélaganna
7 á Suðurnesjum.
Bensínmengunin:
Rekstraraðili
bótaskyldur
PÁLL Líndal lögfræðingur hjá
umhverfisráðuneytinu segir að
samkvæmt almennri skaðabóta-
reglu sé það þeim sem beri ábyrgð
á atvinnurekstri sem beri að bæta
tjón er af rekstrinum stafar. Eins
og greint var frá í Morgunblaðinu
í gær fundu íbúar í nágrcnni
bensínstöðvar Skeljungs við Kaup-
ang á Akureyri til höfuðverkja og
ógleði og þurftu að yfirgefa heim-
ili sín vegna bensínmengunar.
Páll sagði að erfitt gæti verið að
sanna hvert tjónið væri. Slíkt mat
yrði að fara fram fyrir dómstólum
nema semdist um bætur. Hann sagði
að það væri eitt að sanna tjónábyrð-
ina, hún væri nokkuð skýr í sumum
málum, en verra væri að sanna hvert
tjónið er í peningum metið.
Páll sagði að slíkur málarekstur
gæti tekið lángan tíma, einkum ef
málið kæmi einnig fyrir Hæstarétt.
Þetta tiltekna mál þyrfti þó ekki að
taka langan tíma þar sem ekki virt-
ist nauðsyn á mikilli gagnasöfnun
og vitnaleiðslum.
RENAULTCUO
... staðfestir yfirburðir
60 sérfræðingar bílatímarita frá
17 löndum gáfu Renault Clio
hæstu einkunn eftir reynsluakstur.
Clio var kjörinn „Bíll ársins 1991“
með einkunninni 312 stig - heilum
54 stigum meira en sá japanski
bíll hlaut sem komst næst Clio.
BÍLL ÁRSINS 1991