Morgunblaðið - 28.05.1991, Síða 43

MORGUNBLAÐIÐ ÞRIÐJUDAGUR 28. MAÍ 1991
43
Hátíðarblær yfir M-
hátíð á Hvolsvelli
Hvolsvelli.
ÞAÐ VAR mikið um dýrðir á hátíðardagskrá M-hátíðar í Rangárvalla-
sýslu sem haldin var i félagsheimilinu Hvoli á Hvolsvelli fyrir nokkru.
Lúðrasveit verkalýðsins tók á móti gestum, menntamálaráðherra flutti
ávarp og fjöldi Rangæinga skemmti gestum með tónlistarflutningi, ljóð-
alestri ofl.
Jón Þorgilsson, framkvæmdastjóri
héraðsnefndar Rangárvallasýslu,
setti hátíðina. Jon talaði m.a. um
menningarstarfsemi á Suðurlandi og
taldi hann að Safnið á Skógum risi
þar hæst. Hann minntist gamalla
skálda Sunnlendinga og fram kom í
máli hans mikilvægi þess að tengja
menningarstarfsemi og ferðamanna-
þjónustu.
Ólafur G. Einarsson menntamála-
ráðherra sagði að þetta væri sitt
annað embættisverk og það væri
mikil ánægja fyrir sig þar sem hann
væri ættaður úr sýslunni. Ólafur
rakti sögu M-hátíða og lagði út af
orðunum mál, menning og menntun
sem M-ið stendur fyrir. Mikið og
gott samstarf hefði verið milli sveit-
arfélaga og ráðuneytisins í tengslum
við þessar hátíðir.
Þá lék Agnes Löve einleik á píanó,
nokkrir Rangæingar lásu frumort
ljóð, Benedikt Ámason las kvæðið
Gunnarshólma. Margrét Björgvins-
dóttir flutti erindi og Barnakór Tón-
listarskóla Rangæinga og kvenna-
kórinn Slaufurnar sungu.
Kynnir á hátíðinni var Drífa Hjart-
ardóttir frá Keldum. Að dagskrá lok-
inni hófst samsýning Myndlistarfé-
lags Rangæinga í Hlíðarenda og Jón
Kristinsson eða Jóndi, bóndi í Lam-
bey, opnaði sýningu á 84 myndverk-
um í Kirkjuhvoli, dvalarheimili aldr-
aðra á Hvolsvelli. Um kvöldið var
síðan boðið upp á dunandi sveiflu og
kráarstemmningu í Hvolnum. Flytj-
endur voru Johanna Linnet, Jónas
Þ. Jónasson, Stefán S. Stefánsson,
Gunnar Hrafnsson, Maarten V.L.
Valk, Helgi Hermannsson og Sigurð-
ur Karlsson. Þá fengu þau aðstoð frá
gömlu kempunum þeim Birni R. Ein-
arssyni, Jónasi Þori Dagbjartssyni,
Þoi-valdi Steinarssyni og Herbert
H.R. sem mynduðu blásarakvartett.
Var mikil stemmning í Hvolnum.
- S.Ó.K.
M-hátíðarnefnd ásamt menntamálaráðherra og Erlendi.
MorgunblaðiS/Steinunn Óak Kolbeinsdóttir
Kristín Jóhannsdóttir les Ijóð.
Fundur um
afsýringu
skjala og
bóka
FUNDUR um afsýringu pappírs
í skjölum og bókum verður
haldinn þriðjudaginn 28. maí
nk. kl. 16.00 í Þjóðskjalasafni
íslands, Laugavegi 162.
Þórarinn Stefánsson eðlisfræð-
ingur segir frá skýrslu sem hann
tók þátt í að vinna fyrir háskólann
í Þrándheimi á síðasta ári um þessi
mál. Þórarinn, sem starfar við
háskólann í Þrándheimi hefur
ferðast mjög víða og kannað fjöl-
margar viðgerða- og rannsókna-
stofur þar sem unnið er að þróun
aðferða til að afsýra pappír og
bækur í stórum stíl. Slíkt er mjög
brýnt eins og fram kom í mynd-
inni „í duftið“ sem sýnd var í sjón-
varpinu á dögunum.
Auk þess verður farið í heim-
sókn á viðgerðarstofu Þjóðskjala-
safns og skoðað hvernig unnið er
að afsýringu og varðveislu á skjöl-
um safnsins. Aðgangur er ókeypis
og öllum heimill.
(Fréttatilkynning)
FÆRKHK SLYSUIH!
JÖTUNN hf. hefur nú á boðstólum
öryggishlífar fyrir allar gerðir
drifskafta á landbúnaðarvélum
fyrir aðeins 1900 - 3900 krónur!
Árlega verða fjölmörg alvarleg
vinnuslys í landbúnaði. Á síðasta
ári fékk Vinnueftirlit ríkisins
tilkynningar um 34 slík slys.
Slys af völdum óvarinna
drifskafta voru þá önnur algengustu
slysin í landbúnaði, samkvæmt
slysaflokkun Vinnueftirlitsins.
Aflúttak dráttarvélar skal alltaf hafa hlífar
í lagi, hvar sem það er á vélinni. Hið sama
gildir um reimdrif.

Þessi slys kosta bændur og
þjóðfélagið allt ómælda fjármuni,
auk þeirra miklu mannlegu þjáninga,
sem ekki verða metnartil fjár.
JÖTUNN hf. hefur nú hafið herferð
gegn vinnuslysum í landbúnaði í
samráði við Slysavarnafélag
íslands, Vinnueftirlit ríkisins,
Bændasamtökin, Vátryggingafélag
íslands og hollenska fyrirtækið
Agritrans, sem framleiðir hlífar
fyrir allar gerðir drifskafta.
í sumar verða hlífarnar seldar sérlega ódýrt,
eða frá 1900 krónum til 3900 króna.
Hluti söluverðsins rennur til
Slysavarnafélags Islands.
DRAGÐU ÚR LÍKUM Á ÞVÍ AÐ ÞÚ
EÐA ÞÍNIR NÁNUSTU VERÐI FYRIR
ALVARLEGU SLYSI.

H0FÐ/1BAKKA 9 112 REYKJAVIK SIMI 91-67 00 00
SIMI VARAHLUTA OG ÞJÓNUSTU : 68 65 00
í samráði við: Slysavarnafélag íslands, Vinnueftirlit ríkisins, Bændasamtökin , Vátryggingafélag íslands og Agritrans.
largítmWítiþiili
Metsölublað á hverjum degi!