Morgunblaðið - 28.05.1991, Side 45

leei íam .82 auoAaui(3ifl<i aiaAjavíuoflOM Tt-
MORGUNBLAÐIÐ ÞRIÐJUDAGUR 28. MAÍ 1991 45
Minning:
Guðni Stefán Jóns
son frá Heiði
Fæddur 15. maí 1920
Dáinn 19. maí 1991
Stefán föðurbróðir minn var son-
ur hjónanna Bjargar Sveinsdóttur
og Jóns Guðnasonar sem bjuggu
allan sinn búskap að Heiði í Sléttu-
hlíð, Skagafirði. Þau eignuðust sjö
böm. Heiðdal og Guðjón sem voru
eldri en Stefán eru látnir en eftirlif-
andi systkini eru Guðrún, búsett á
Siglufirði, Jóhann, búsettur í
Reykjavík, Guðbjörg, vistmaður á
Kópavogshæli, og Marteinn búsett-
ur í Garði á Suðurnesjum.
Þau systkinin þurftu snemma að
taka til hendinni sem þótti reyndar
sjálfsagt í þá daga og fékk heimilis-
fólkið orð fyrir mikla vinnugleði og
glaðværð. Oft var kveðist á og lesn-
ar upp sögur heilu kvöldin eða tek-
ið í spil og teflt. Þar naut Stefán
sín vel því hann var stálminnugur
og átti auðvelt með að tileinka sér
það sem hann hafði áhuga á. Hann
var alla tíð vel heima í þjóðlegum
fróðleik og svo mikinn áhuga hafði
hann á taflmennsku að eitt sinn
er hann var ungur maður á Heiði
tefldi hann við félaga sinn í gegnum
símann.
Stefán var á Heiði þar til hann
var fulltíða maður. Síðan við nám
í Bændaskólanum að Hólum og
sóttist námið svo vel að hann lauk
tveggja vetra námi á einum vetri
með 1. einkunn. Hafði hann áhuga
á frekara námi en af því varð þó
ekki.
Árið 1955 hóf hann búskap að
Heiði með sambýliskonu sinni
Rögnu Jóhannsdóttur frá Hrauni í
Sléttuhlíð. Þau bjuggu fyrstu fjög-
ur árin í félagi við foreldra hans
en við lát þeirra tóku þau við allri
jörðinni. Þau bjuggu þar ágætisbúi
enda bæði harðdugleg og fyrir-
hyggjusöm.
Það gleymast seint móttökurnar
sem lítil frænka fékk þegar hún
kom í heimsókn til þeirra þar, því
frændi fór fyrst með okkur krakk-
ana út í leiki sem hann virtist hafa
jafn mikla ánægju af og við en síð-
an beið okkar veisla inni í bæ hjá
Rögnu. Á Heiði fæddist þeim einka-
barnið Stefanía Björg.
Árið 1969 brugðu þau búi og
fluttu til Reykjavíkur og hafa búið
síðan á Kleppsvegi 58. Þar hefur
alltaf verið gott að koma og þiggja
hlýjar og rausnarlegar móttökur
enda hafa húsráðendur verið ákaf-
lega gestrisnir og barngóðir. Því
hafa börnin mín svo sannarlega
fengið að kynnast. Fljótlega eftir
komuna til Reykjavíkur hóf Stefán
störf hjá Kassagerð Reykjavíkur
og vann þar í tæp 20 ár eða þar
til heilsan fór að gefa sig. Hann
undi hag sínum hér í Reykjavík þó
hann væri mikið náttúrubarn en
hann var félagslyndur og hafði þar
af leiðandi ánægju af að fara á
mannamót hér.
Eitt aðaláhugamál Stefáns var
sjómennska sem hann stundaði
bæði með búskapnum og eins eftir
að hann fluttist hingað suður.
Stefanía dóttir þeirra er hjúkr-
unarfræðingur hér í Reykjavík og
á hún einn son, Guðna Stefán, sem
hefur átt því láni að fagna að geta
verið mikið með afa sínum og
ömmu. Stefanía hefur alla tíð
reynst foreldrum sínum ákaflega
vel en þó sérstaklega þegar heilsu
þeirra fór að hraka nú síðari árin.
Stefán frændi bar sig vel í veik-
indum sínum enda ekki alinn upp
við sjálfsvorkunn. Ragna sá um að
hann fengi rétt mataræði sam-
kvæmt læknisráði og fór hann sam-
viskusamlega eftir því. Einnig
stundaði hann sundlaugarnar eftir
því sem aðstæður leyfðu. Þess
vegna leit hann mjög vel út og
erfitt að ímynda sér að dauðinn
væri nú á næsta leiti þó svo að
alltaf mætti búast við því eins og
heilsu hans var komið.
Ég flyt hér með kveðju og þakk-
læti frá fjölskyldu minni og ætla
að láta lokaorðin verða þau sem
sonur minn sagði er hann frétti lát
frænda síns því þessi orð lýsa Stef-
áni mjög vel: „Hann var góður
maður.“
Blessuð sé minning Guðna Stef-
áns Jónssonar.
Ólöf
í gær var lagður til hinstu hvílu
minn kæri vinur Stefán Jónsson.
Stebbi, eins og hann var alltaf kall-
aður, var fæddur og uppalinn á
Heiði í Skagafirði. Foreldrar hans
voru Björg Sveinsdóttir og Jón
Guðnason. Stebbi var lengst af
bóndi og sjómaðúr en flutti hingað
til Reykjavíkur árið 1969 með konu
sinni Rögnu Jóhannsdóttur og
einkadóttur þeirra Stefaníu Björgu.
Þegar á mölina var komið hóf
Stebbi störf hjá Kassagerð Reykja-
víkur og vann þar til ársins 1987
en lét þá af störfum sökum heilsu-
leysis. Stefán var þó aldrei iðjulaus
og dundaði við beitingu og afskurð
af hnetum svo eitthvað sé nefnt
því sjómennskan var honum ætíð
ofarlega i huga. Jafn vinnuglaðan
og samviskusaman lífsins þjón er
vart hægt að hugsa sér því Stebba
féll aldrei verk úr hendi og sinnti
skyldum sínum af natni og alúð.
Eins var það með nálgun Stebba
við mig, sem var full af nærgætni
og skilningi á skynjun og tilfinning-
um lítils barns þegar við Stebbi
komum inn í líf hvors a’nnars. Ég
var þó tæpra tveggja ára og ekki
hugrökk að feta fyrstu sporin inn
á framandi heimili úr öruggum
móðurfaðmi. En Stebbi og Ragna
eyddu þeim kvíða með ástríki sínu
sem barnunginn þarfnaðist. Einnig
hún Stefanía sem sýndi mér góð-
vild og þolinmæði og gaf mér á
sinn hátt hlutdeild í foreldrum sín-
um.
Já, við Stebbi urðum strax mikl-
ir mátar og hann á heiðurinn af
því að vera minn fyrsti alvöru
leikfélagi. Stebbi var einstakur,
alltaf boðinn og búinn að ljá mér
langa og dýrmæta stund af tíma
sínum að loknum vinnudegi. Beið
ég hans oft með óþreyju þegar líða
tók á daginn og er hann birtist í
gættinni fagnaði ég honum af
barnslegri kæti. Við Stebbi vorum
alltaf svo glöð saman, gátum bros-
að og skellt upp úr af minnsta til-
efni. Mér eru minnisstæðar þær
stundir þegar Stebbi sat með mig
í fanginu og las mér sögur. Við
áttum okkur eina uppáhaldssögu,
„Pönnukökukónginn“, sem við lás-
um aftur og aftur og höfðum mik-
ið dálæti á. Stebbi var bókhneigður
maður og las fyrir mig íslendinga-
sögur á forníslensku. Stebbi var
góður sögumaður og tókst svo eft-
irminnilega með látbragði sínu að
töfra fram ævintýrablæ sagnanna.
í huga Stebba var menntun máttur
og fýlgdist hann af áhuga með
framförum mínum þegar kom að
skólagöngu minni. Stebbi spurði
gjarnan um reikninginn því hann
var töluglöggur mjög og lét mig
oft spreyta mig á dæmum sem
hann útbjó sjálfur. En leikurinn var
aldrei langt undan alvörunni og þá
sungum við Stebbi og hann spilaði
á kassagítarinn. Og svo voru það
gönguferðirnar, þessar yndislegu
ferðir þegar við leiddumst hönd í
hönd og Stebbi sagði mér sögur
úr sveitinni. Það sést best á því
hversu kær hann Stebbi var mér
að þegar hann var í vinnunni sakn-
aði ég nærveru hans og félagsskap-
ar. Mér fannst það því sérstakur
greiði þegar hún Ragna bjó mér
það erindi að hlaupa út í Kassa-
gerð til Stebba með nesti í tösku.
Nú þegar leiðir skilja og minn-
ingarnar streyma um hugann,
minningar sem verma og gleðja,
ber að þakka. Þakka Stebba hans
elsku, tryggð og umhyggju fyrir
mér og mínu fólki. Blessuð sé minn-
ing um góðan mann.
Pálína Jónsdóttir
Það er skrítið að afi skuli vera
farinn. En ég þarf ekki að gráta
af því að ég veit að honum líður
vel. Ég átti þess kost að eiga með
honum samleið fyrstu átta ár ævi
minnar. Afi kenndi mér að tefla,
fór með mér í fótbolta og sagði
mér sögur.
Ósköp fannst mér gaman þegar
ég kom heim til afa eftir síðasta
skákmót og ég þurfti að segja hon-
um aftur og aftur frá hvernig mér
tókst að máta í fyrstu þremur
umferðunum.
Ég veit að við afi eigum eftir
að hittast aftur. Kannski verður
það í Nangijala í Kirsjubeijadal.
Þa veit ég að afi verður niður við
spegilsléttan sjóinn að undirbúa
haug af netum. Og báturinn, svo
skínandi fallegur, bíður á strönd-
inni. Á meðan hendurnar vinna
hratt og örugglega rifjar hann upp
í hugskoti sínu ljóð, vísu eða rímu
eða býr til eitthvað nýtt. Ég sé
fyrir mér gleðina sem skín úr and-
liti hans. Nú þarf hann ekki að
hafa áhyggjur af því að reyna of
mikið á líkamlega krafta og verða
of þreyttur.
Kæra afa þakka ég allar góðu
stundirnar sem við áttum saman.
Guðni Stefán Pétursson

NORDMENDE
MS-3002 er vönduð hljómtækja-
samstæða með hálfsjálfvirkum
reimdrifnum plötuspilara; staf-
rænu útvarpi með FM/MW/LW-
bylgjum, stöðvaminni, sjálfvirkri
stöðvaleit og sjálfvirkri finstillingu;
2 x 70 W magnara með 3 rása
tónjafnara, og innbyggðum
Surround Sound-hljomgæðum;
tvöföldu segulbandi með hrab-
upptöku, sispilun, endastövun
og teljara; 3 Ijósráka geisla-
spilara með 0,6 sek. sóknartíma
20 lögum o.m.fl.auk tveggja
vandaðra tívátta hátalara í
viðarumgjörð og þráblausri
fjarstýringu fyrir allar abai-
aðgerðir samstæðunnar.
Aukabúnaður: 2 stk. Surround System-hátalarar: Verb áður4.990,- Útsöluverb 4.500,- eða 3.900,- stgr.
Skápur meb glerhurb og á hjólum: Verb ábur 13.900,- Útsöluverb 10.900,- eba 9.900,- stgr.
MS-3002 kosta&i áí)ur 54.900,- en útsöluverb er
44.900,- eöa aöeins 39.900,- stgr.
E EUROCARO ■■■■■ — m
V/SA Sajrikort
MHI MUNÍ ÁN
greiöslukjör vib allra hæfi til allt ab 30 mán.
SKIPHOLTI 19
SÍMI 29800

íbúðar- og sumarhús byggð af traustum aóilum.
Leitaöu upplýsinga og fáöu sendan bækling.
S.G. Einingahús hf.
Selfossi, sími 98-22277