Morgunblaðið - 24.12.1991, Side 28

28
MORGUNBLAÐIÐ ÞRIÐJUDAGUR 24. DESEMBER 1991
Húsaleiga
lækkar í
fyrstasinn
í atta ar
HÚSALEIGA, sem samkvæmt
samningum fylgir vísitölu hús-
næðiskostnaðar eða breytingum
meðallauna, á að lækka um ára-
mót um 1,1%, að því er Hag-
stofa Islands upplýsir. Gildir
þessi Iækkun fyrir leigu íbúðar-
og atvinnuhúsnæðis og reiknast
lækkunin á þá leigufjárhæð, sem
gilti fyrir desember. Jón Kjart-
ansson, formaður Leigjenda-
samtakanna, segir þessa lækkun
fagnaðarefni fyrir félagsmenn.
Lækkun á leigu húsnæðis hefur
ekki orðið síðustu 8 ár, eða frá því
er lög nr. 62 frá 1984 voru sett.
Raunar má segja að slík lækkun
hafi aldrei orðið áður. Sú leiga, sem
tekur gildi 1. janúar 1992, skal
síðan vera óbreytt næstu 3 mánuði
eða fram til 1. apríl 1992.
Samkvæmt heimildum Hagstof-
unnar eru það áhrif launavísi-
tölunnar sem valda þessari lækk-
un. í júnímánuði var eingreiðsla,
sem metin var inn í húsaleiguviðm-
iðunina og olli hækkun á húsaleigu
síðust þriggja mánaða. Þessi áhrif
eru nú horfin og valda lækkun.
Þá er inni í þessari lækkun spá
um þróun einn mánuð fram í tím-
ann.
Jón Kjartansson segir að þótt
ekki liggi fyrir hversu hátt hlut-
fall húsaleigusamninga sé bundið
þessari vísitölu megi samt áætla
að það sé vel yfir helmingur allra
samninga. Þessi lækkun vísi-
tölunnar komi sér því vel fyrir
meirihluta af leigjendum. „Megnið
af húsaleigusamningum sem gerðir
hafa verið á síðustu árum eru
bundnir einhvers konar vísitölum
og ég held að flestir þeirra fylgi
vísitölu húsnæðiskostnaðar,“ segir
Jón.
Sérfræðingar Landhelgisgæslunnar nálgast duflið með gát, því ekki var fullvíst að það væri skaðlaust. Morgunbiaðið/Júlíus
Látraströnd á Seltjarnarnesi:
Mikill viðbúnaður en engin
hætta er dufl rak að landi
TILKYNNT var um að sést hefði til torkennilegs hlutar á reki
undan Látraströnd á Seltjarnarnesi rétt fyrir hádegi í gær, Þor-
láksmessu. Grunur lék á að um stórt tundurdufl gæti verið að
ræða, og því kynni að vera af því mikil sprengihætta. Fólk í
nærliggjandi húsum var beðið um að halda sig innan dyra, og í
þeim hluta hússins sem sneri frá sjó. Klukkustund síðar var stað-
fest að ekki hefði verið um sprengidufl að ræða, heldur aðeins
bauju eða legufæri, sem engin hætta stafaði af.
Tilkynning um duflið barst Land-
helgisgæslunni frá íbúa næriiggj-
andi húss klukkan 11.54, og var
þegar sendur sprengjusérfræð-
ingur á staðinn auk þess sem
lögreglunni var gert viðvart. Öll
umferð var stöðvuð á um fimm
hundruð metra kafla sitt hvorum
megin við duflið á Norðurströnd
og Eiðsgranda meðan sérfræð-
ingar freistuðu þess að bera
kennsl á hlutinn. Duflið stöðvað-
ist um 40 metra undan strönd-
inni og rak ekki lengra, þrátt
fyrir álandsvind.
Sprengjusérfræðingur Land-
helgisgæslunnar sagði í samtali
við Morgunblaðið að þeir hefðu
fyrst í stað talið að um tundur-
dufl væri að ræða, og því var
allt sett í viðbragðsstöðu. Fljót-
lega kom þó í ljós að svo var
ekki, og farið var að duflinu í
báti til að fá endanlega úr því
skorið. Staðfesting þess efnis
barst svo Landhelgisgæslunni
klukkan 13.06.
„Lögreglan er þokkalega í
stakk búin til að ganga í hús og
loka fyrir umferð þegar svona
kemur uppá,“ að sögn Árna Vig-
fússonar, aðalvarðstjóra hjá lög-
reglunni í Reykjavík, en hann
sagði jafnframt að ef þetta hefði
verið sprengidufl sem náð hefði
landi og sprungið, hefði málið
horft öðru vísi við. Margir lög-
reglumenn voru settir í við-
bragðsstöðu, en mikið lið var úti
við umferðastjórn. „Við munum
fara ofan í saumana á þessu at-
viki, því þetta er kjörið tækifæri
til að læra af.“
Jóhann Álfþórsson, íbúi í húsi
við Látragranda, sagðist hafa séð
hlutinn út um gluggann rétt fyr-
ir klukkan tólf. „Augljóslega
hafði einhver þegar hringt á lög-
regluna, því hún kom innan
skamms. Það var gengið í hús
og fólk annað hvort beðið að
halda sig í þeim hluta húsanna
sem vissi frá ströndinni eða
hreinlega yfirgefa húsin, hvað
við og gerðum. Við vorum með
veikt barn, og Iögreglan flutti
okkur í húsnæði bæjarskrifstof-
unnar. Við vorum bara rétt að
koma heim aftur,“ sagði Jóhann
í samtali við Morgunblaðið laust
fyrir klukkan tvö.
Að sögn Landhelgisgæslunnar
hefði sprengikrafturinn í dufli af
þessari stærðargráðu nægt til að
bijóta rúður í flestöllum húsum
á norðanverðu Seltjarnarnesinu,
og fór því betur en horfði. Vel
hefði gengið að ná baujunni upp,
og hyrfi hún nú á vit örlaga sinna.
Morgunblaðið/Aðalheiður Högnadóttir
Bein útsending var í Útvarpi Helluskóla frá helgileik barnanna á
litlu jólunum í Hellubíói.
Bein útsending frá
litlu jóliimim á Hellu
Hellu.
IBÚUM Helluþorps gefst ekki á hverjum degi tækifæri til að hlusta á
sína eigin útvarpsstöð. Það var þó hægt núna í desember þegar krakk-
arnir í Hclluskóla luku hefðbundnu skólastarfi fyrir jólaíeyfi með því
að reka útvarpsstöð.
Síðustu fjóra dagana fyrir jóla-
leyfi í Helluskóla ráku krakkarnir í
efstu bekkjunum sína eigin útvarps-
stöð í Hellubíói og sendu út fjöl-
breytta dagskrá frá kl. 9 á morgnana
til miðnættis. Tæki voru fengin að
láni, geislaspilari héðan, plötuspilari
þaðan og heilmikið plötusafn sem
krakkarnir og fjölskyldur þeirra
lögðu til. I'jölbreytt dagskrá var í
útvarpinu, spurningaleikir, ljóða-
þættir, leikrit, viðtöl og fjölbreyt tónl-
ist - allt frá Elvis og Led Zeppelin
til vinsældarlista dagsins í dag. Inn
á milli atriða mátti heyra auglýsing-
ar og tilkynningar frá fyrirtækjum á
staðnum eins og vera ber á alvöru
útvarpsstöð.
Þetta framtak er kærkomin til-
breyting og orðið hefð í undirbúningi
jólanna hjá Hellubúum. Krakkamir
fá tækifæri til að sýna hvað í þeim
býr, reka saman og stjóma sínu eig-
in fyrirtæki. Er mál manna að vel
hafi til tekist og aðstandendum til
sóma. Dagskránni lauk með beinni
útsendingu frá litlu jólunum sem
haldin voru hátíðleg í Hellubíói 19.
desember.
A.H.
Inn í fj ár hagsáætlunina
vantar mikilvæga þætti
- sagði Sigurjón Pétursson við umræður í borgarstjórn
SIGURJÓN Pétursson, Alþýðubandalagi, sagði við umræður um
fjárhagsáætlun Reykjavíkurborgar í borgarstjórn s.l. fimmtudag,
að hann gæti aðeins litið á hana sein beinagrind þar sem inn í
hana vantaði mjög mikilvæga þætti. í heild sagði hann að nærri
900 milljónir vantaði í fjárhagsáætlunina ef þau merki sem gefin
hefðu verið af opinberum stofnunum ættu eftir að ganga eftir.
Siguijón gagnrýndi að ekki væri
gert ráð fyrir bandormnum eða
þátttöku í löggæslukostnaði í fjár-
hagsáætluninni. Þar að auki væri
gert ráð fyrir óbreyttu atvinnustigi
út allt næsta ár þó að spá Þjóð-
hagsstofnunar gerði ráð fyrir 6%
samdrætti og reikna mætti með
að atvinnutekjur drægust saman
um 5% á næsta ári.
Ólína Þorvarðardóttir, Nýjum
vettvangi, sagði frumvarpið ekki
bera með sér að menn hefðu í
h.vggju að halda að sér höndum
þó efnahagsþrengingar settu mark
sitt á fjárhag sveitarfélaganna,
ekki síst ef hugmyndir núverandi
ríkisstjómar um efnahagsráðstaf-
anir næðu fram að ganga. Hún
sagðist hafa áhyggjur af skulda-
stöðu borgarinnar og því hvað gert
væri ráð fyrir litlum launahækkun-
um og launakostnaði í frumvarp-
inu, þar sem hún teldi að illt yrði
að manna þjónstuna við þessi skil-
yrði.
Ólína sagði að það yrði þó að
segjast að það fjármagn sem að
þessu sinni færi í byggingarfram-
kvæmdir færi til þarfari verkefna
en á síðasta ári, þegar ráðhús og
Perla hefu tekið til sín bróðurpart
af öllu framkvæmdafé.
Sigrún Magnúsdóttir, borgar-
fulltrúi Framsóknarflokks, óskaði
bókað á fundinum að hún óttaðist
um ýmsar nauðsynlegar fram-
kvæmdir, sem núna væru inni á
áætluninni, þegar niðurskurðar-
hnífurinn væri settur á eigna-
breytingaliðina.
„Skipting á eignabreytingafénu
er jákvæðari eins og hún er í áætl-
uninni en mörg undanfarin ár.
Þrátt fyrir að rúmar 400 milljónir
króna fari í Ráðhúsið og búnað,
munar um lækkun kostnaðar við
Ráðhúsið frá í ár. Við framsóknar-
menn kunnum vel að meta hækkun
á framlögum til skólabygginga og
uppbyggingar dagvistaheimila, svo
og stóraukin framlög til stofn-
kostnaðar til æskulýðs- og íþrótta-
mála,“ segir í bókuninni.
í bókun sem Elín G. Ólafsdóttir,
Kvennalista, lagði fram á fundin-
um segir að frumvarpið beri þess
glöggt vitni að vera samið við að-
stæður sem einkennist af hraksp-
ám og svartagallsrausi varðandi
efnahag þjóðarinnar og nánustu
framtíð.
Hún sagði áherslur í vissum
málaflokkum vera skv. þessu
frumvarpi heldur nær þeim sem
Kvennalistinn hefði barist fyrir í
borgarstjórn. „Því ber að fagna.
Þannig eru framlög til dagvista,
framlög til smíði og kaupa á félags-
legum íbúðum og til menningar-
mála hækkuð, en gatnagerð skorin
niður svo dæmi sé tekið,“ segir í
bókuninni.
Þar segir jafnframt: „Hins vegar
er ekki frekar en fyrr gert ráð
fyrir að mæta í neinu viðvarandi
skorti á starfsfólki í lægst launuðu
störfunum hjá borginni né dregið
úr framkvæmdahraða Ráðhúss, en
Ráðhúsið eitt tekur til sín um 500
milljonir króna, sem svo sannar-
lega hefðu komið sér vel t.d. til
að mæta neyðarástandi í öldrunar-
málum í borginni.“