Morgunblaðið - 25.02.1992, Blaðsíða 23

MORGUNBLAÐIÐ ÞRIÐJUDAGUR 25. FEBRUAR 1992
23
Morgunblaðið/Rax
Guðbjörgin kemur inn til hafnar á Isafirði. I brúnni sjást, annar frá vinstri, er Guðbjartur Asgeirsson skipsljóri en í öðrum gluggum fylgjast skipbrotsmenn af Kross-
nesinu með þegar Guðbjörgin leggst að.
Aldrei komið með jafn
dýrmætan farm að landi
- segir Guðbjartur Ásgeirsson, skipstjóri á Guðbjörgu ÍS-46
Isafirði.
„Oft hefur nú Guðbjörgin komið með verðmætan farm að landi,
en aldrei sem nú,“ sagði Guðbjartur Asgeirsson skipstjóri við frétta-
ritara þegar hann kom til hafnar í fyrrakvöld með 8 skipverja af
Krossnesinu, eftir að hafa bjargað þeim úr tveim gúmmíbjörgunar-
bátum á slysstað.
„Fyrsti stýrimaður, Runólfur
Pétursson, var í brúnni og var að
enda við að kasta, þegar hjálpar-
beiðnin barst. Hann byrjaði strax
að spóla inn trollinu og kallaði á
mig upp. Það var um það leyti sem
ég kom í brúna andartaki seinna,
að Krossnesið fór að dofna á radar-
skerminum og datt svo út. Strax
og við höfum náð inn trollinu skut-
um við upp hvítum leitarljósum og
fengum strax svar frá blysum í
bátunum. Við vorum ekki nema
um 800 faðma í burtu svo það var
ekki löng stund þar til við komum
að bátunum tveim. Við lögðum að
fyrri bátnum og og náðum þaðan
um borð einum manni, fórum svo
rakleitt að hinum og tókum um
borð hina sjö. Það gekk mjög vel,
enda var ágætis veður og við gátum
tekið þá inn um dyr á stjórnborðs-
síðunni. Einn þeirra hafði hlotið
höfuðhögg og blæddi úr honum.
Stýrimaðurinn saumaði sárið og
hreinsaði og þótti læknum engin
ástæða til að bæta þar um betur
eftir að í land var komið. Á meðan
náði Sléttanesið níunda manninum
úr sjónum.
Ég hafði samband við Landhelg-
isgæsluna um farsíma klukkan
8.04 og var síðan í stöðugu sam-
bandi við hana. Það varð svo úr
að ég tók að mér að stjórna leit
þeirra 26 togara sem voru þarna
í nágrenninu og komu allir strax
til hjálpar. í samráði við Landhelg-
isgæsluna, sem lagði til upplýs-
ingar um strauma og hugsanlegt
rek, var svæðið kembt allan dag-
inn. Töluvert var af braki úr skip-
inu, fiskikassar, trollpoki og ýmis-
legt smádót.“
Lík eins mannanna sjást
Leitin að þremenningunum bar
ekki árangur í fyrradag og í gær
voru ekki skilyrði til leitar. Um
klukkan tíu á sunnudagsmorgunn,
tveimur tímum eftir að Krossnes
sökk, sáu togararnir lík eins
mannsins á floti í sjónum. Haffari
frá Súðavík bar beðinn um að ná
honum um borð en maðurinn sökk
þegar þeir voru að reyna að ná til
hans.
Það gekk á með dimmum éljum,
en var nokkuð stillt og bjart á
milli, svo aðstæður til leitar virtust
nokkuð góðar.
Stjórnstöð slysavarnadeildanna
á ísafirði var mönnuð allan daginn
og sendi hún björgunarbátinn
Daníel Sigmundsson til móts við
Sléttanesið, með lækni, en ekki var
talið ráðlegt vegna veðurs að lækn-
irinn færi um borð og fylgdi björg-
unarbáturinn Sléttanesinu til hafn-
ar í Boiungarvík.
Miklar bollaleggingar hafa verið
um með hvaða hætti skipið sökk.
Guðbjartur sagði það illskiljanlegt,
Guðbjartur Ásgeirssou
stjóri á Guðbjörgu IS.
en hann taidi ólíklegt að sjór hefði
komist á millidekk með þessum
afleiðingum eins og talað hefur
verið um.
Millidekkið í Krossanesinu er
aðeins lítið aðgerðarpláss aftast,
en síðan tekur lestin við og nær
upp að dekki, sem er frekar óvenju-
legt í íslenskum skuttogurum.
SJOMANNANNA AF KROSSNESI SH-308 LEITAÐ
Morgunblaðið/Árni Sæberg
Þyrla Landhelgisgæslunnar flýgur yfir staðinn þar sem Krossnes SH-308 sökk snemma á sunnudagsmorgun. Fiskikassar úr skipinu fljóta
um staðinn þar sem það lagðist skyndilega á hliðina og sökk. Neðst á myndinni má greina hvar olía úr tönkum Krossness flýtur á sjónum.