Morgunblaðið - 07.04.1992, Side 56

56
MORGUNBLAÐIÐ ÞRIÐJUDAGUR 7. APRÍL 1992

ái
sl 14-
a
npú geturóogb mcsb&bnúna-. Eq iok ^
rafhLöbumar úr heyrna-tedcínu. hans. ‘
-TARNOWSK'
Ég spyr cinskis og læt lítið
yfir mér þó svo ég reikni
með smáaurum af og til...
HÖGNI HREKKVÍSI
N
BRÉF HL BLAÐSINS
Aðalstræti 6 101 Reykjavík - Sími 691100 - Símbréf 691222
FJÖR ULEIKUR
Ovirðuleg’ list
Ofstjórn
Frá Guðmundi G. Jónssyni:
ÉG HEYRÐI í fréttum frá Alþingi
á dögunum að nú ætti að setja upp
nýtt ofstjórnarapparat vegna skot-
veiða.
Mér varð nú fyrst að orði að
lengi getur nú vont versnað, hvað
ætlar þetta ofstjórnarbijálæði á
Islandi að ganga langt.
Maður má ekki leggja hrogn-
kelsanet fyrir framan landið hjá
sér nema fá til þess leyfi frá
Reykjavík og borga fyrir það. Ekki
má leggja síldarnetsstubb nema fá
til þess leyfi og borga fyrir það.
Ekki má draga sér fisk í soðið
nema fá til þess leyfi og borga
fyrir það. Ætli einhver að slátra
lambi úr sinni eigin hjörð í soðið
verður að fara með það eins og
mannsmorð. Og nú á að bæta enn
einu leyfisveitingaapparatinu við.
Hvar í ósköpunum endar þessi
andskotans vitleysa?
Samkvæmt þessu frumvarpi má
maður víst ekki skjóta á eigin land-
areign nema fá til þess leyfi og
skila svo um það skýrslu suður.
Það má bóka að ef þetta kerfi
kemst á, verða þessar skotveiði-
skýrslur örugglega mesta safn af
lygasögum sem safnað hefur verið
saman á íslandi.
Þeir hjá umhverfisráðuneytinu
verða að bæta við sig miklum
mannskap ef þeir ætla að lesa alit
það safn.
Ég hélt nú satt að segja að það
væri brýnna verkefni fyrir stjórn-
völd að rekja ofan af ofstjórnarvit-
leysunni en að bæta við hana.
Með öllum þessum boðum og
bönnum sem komin eru á alla hluti
er mönnum sem ennþá nenna að
bjarga sér hreiniega bannað allt
slíkt. Ég ætla að leyfa mér að
vona að það verði nógu margir
þingmenn á Alþingi til að stoppa
þessa vitleysu.
Það er annars mikið umhugsun-
arefni að þegar svona ofstjórnar-
kerfi eru að hrynja úti í heimi þá
virðast þau festast í sessi hér.
GUÐMUNDUR G. JÓNSSON
Munaðarnesi Ströndum
Frá Ragnheiði Brynjólfsdóttur:
MIKIÐ er ég þakklát guðmundi
Guðmundarsyni fyrir grein er hann
skrifar í Morgunblaðið 15. janúar
sl. — nýársþankar um ný-list — list-
fræðinga og fleira.
Það voru sannarlega orð í tíma
töluð, ef það gæti orðið til þess að
hræra upp í þessum aumingja
ruglukommum sem kalla sig alls
konar nöfnum sem eiga að tákna
listafólk með fulla dómgreind og
smekk og virðingu fyrir því sem
fallegt er og sýningarhæft.
Samanber þegar Yoko Ono var
með „óviðjafnanlega" list-sýningu
á Kjarvalsstöðum síðastliðið vor.
Þar voru sýndar alls konar lufsur
og tuskur, gamall barnasvampur,
epli sem búið var að bíta í, rústuð
hnífapör, tútta og snuð og fleira.
í einu horni salarins voru mál-
verk hvert niður af öðru. Þetta voru
3 rassar frá miðbaki niður á mið
læri. Einnig voru kven- og karlveij-
ur uppstilltar ásamt vetjum sem
steyptar voru í málm.
Allir þessir „listmunir" voru sett-
ir á plastsúlur, einn á.hvetja, svo
þetta tæki sig sem best út.
Ég á eftir að nefna eitt sýningar-
tákn sem maður horfði undrandi
á, en það var stór trékross sem
stóð nærri miðju gólfi og náði hátt
til lofts, með útbreidda arma, alþak-
inn hóffjöðrum svo ekki var hægt
að drepa niður fingri ásamt hamri,
sem sýningargestir notuðu til að
negla hófljaðrir í krossinn. Fleiri
tugir kílóa hafa farið í aumingja
krossinn af venjulegum hóffjöðrum.
Þessi „veglega sýning" var opnuð
með viðhöfn, aðallinn boðinn vel-
kominn með kampavísstaupi — og
brosti síðan í allar áttir til að þókn-
ast „listakonunni".
Að undanförnu hefur á þessum
sýningum mest verið sýnt: járna-
rusl, spýtnahaugar, málningardoll-
ur, tómar bensíntunnur, gangstétt-
arhellur, heysáta og fleira og fleira,
sem endalaust væri hægt upp að
telja.
Ef það er ekki vanvirða fyrir
sjálfa KjaiTalsstaði að leyfa sýning-
ar á svona rusli þá veit ég ekki
hvað er hvað.
En gleymið því ekki að Kjarvals-
staðir eru nefndir eftir okkar mikla
listamanni, Jóhannesi Kjai’val, og á
hann það ekki skilið að fyrir honum
sé borin meiri virðing en svo, að
hinir veglegu salir Kjarvalsstaða
séu gerðir að ruslakistum af mis-
vitru og dómgreindarlausu fólki?
RAGNHEIÐUR
BRYNJÓLFSDÓTTIR
Blönduhlíð 3 Reykjavík
Víkverji skrifar
ingflokkur Alþýðubandalags-
ins hefur óskað eftir því, að
Alþingi sendi fimm fulltrúa á hina
eftirsóttu umhverfisráðstefnu í Rio
í sumar. Samkvæmt þeim upplýs-
ingum, sem fram komu hér í blað-
inu í fyrradag má búast við, að allt
að ellefu aðrir fulltrúar íslenzka rík-
isins fari á þessa ráðstefnu. I hópi
þessara ellefu munu vera þrír ráð-
herrar. Undanfarnar vikur hefur
einhver hópur íslenzkra embættis-
manna verið í New York til undir-
búnings ráðstefnunni í Rio.
Ætli það sé í raun og veru svo,
að íslenzka stjórnkerfið geri sér
enga grein fyrir því umhverfi, sem
við lifum í? Lífskjör almennings
hafa verið skert gífurlega á nokkr-
um undanförnum árum. Nú er svo
komið, að það er ekki hægt að sýna
fram á það með nokkrum hætti,
að lægstlaunaða fólkið komist
þokkalega af. Staðhæfingai' um, að
lægstu laun samkvæmt kauptöxt-
um séu ekki greidd eru rangar.
Hópur félagsmanna í Verzlunar-
mannafélagi Reykjavíkui' getur
m.a. staðfest það.
Jafnframt standa ríkisstjórn og
Alþingi í stórátökum til þess að
stöðva útgjaldaaukningu hins opin-
bera. Það er ekki verið að skera
niður, heldur stöðva aukninguna.
Allt stjórnkerfið, sem hefur náttúr-
lega mikla reynslu af ráðstefnum
og fundum á erlendri grund, veit
að það er engin þörf á því að hafa
svo fjölmenna sendinefnd í Rio. Við
erum þjoðarkríli, sem hlýtur að tak-
marka þátttöku í fundum af þessu
tagi við það, sem við höfum efni
á. Við höfum engin efní á að senda
sextán manna sendinefnd til Rio.
Það er líka ástæðulaust að senda
sextán manna sendinefnd til Rio.
Færri sendimenn héðan geta miðlað
upplýsingum um það, sem þar ger-
ist til annarra fulltrúa íslenzka
stjórnkerfisins.
XXX
ess vegna er það rétt ákvörðun
hjá forsætisnefnd Alþingis að
senda einungis tvo fulltrúa frá Al-
þingi, einn frá stjórnarflokkum og
annan frá stjórnarandstöðu. Ef
stjórnmálaflokkarnir telja nauðsyn-
legt að hafa fleiri fulltrúa þar, verða
þeir að borga sjálfir. Jafnframt
væri ekki úr vegi, að ríkisstjórnin
hugleiði, hvort það sé ekki nóg, að
einn ráðherra fari til Rio. Það skipt-
ir engu máli í þessu sambandi, þótt
aðrar þjóðir sendi helztu forystu-
menn sína til þessarar ráðstefnu.
Sumar þjóðir hafa efni á því. Aðrar
gera það án þess að hafa efni á
því. Vilja íslenzku ráðherrarnir vera
í þeim hópi?!
XXX
Asíðasta áratug flæddu pening-
ar um Vesturlönd. Því pen-
ingaflóði er lokið. Menn þurfa ekki
að búast við því á þessum áratug.
Tíðarandinn er bréyttur. Sú krafa
er gerð til stjórnmálamanna og
stjórnkerfisins, að þessir aðilar
gangi á undan með góðu fordæmi
og sníði sér stakk eftir vexti. Þjóð-
in unir því illa, að fá fyrirmæli um
að herða að sér, ef þess sjást engin
merki, að ráðamenn geri slíkt hið
sama.